သူယုံကြည်ရာ
Dr, Naw Angelene(သမိုင်းပါမောက္ခ)
ကျမယုံကြည်တာကတော့ သာယာတဲ့ပတ်ဝန်းကျင်ကို ဖန်တီးတည်ဆောက်ဘို့ပေါ့နော်
ဘာကြောင့်လဲဆိုရင် ငယ်ငယ်လေးကတည်းက ပြည်တွင်းစစ်ဖြစ်နေတော့ မွေးကတည်းကဗမာပြည်ထဲမှာပြေးလွှားလိုက်ရတာ
စစ်ဒါဏ်ခံရတယ်လေ။
နောက်တခုက ခု သမိုင်းဆရာမ,လုပ်ပြီးနောက်ပိုင်းမှာ လက်ရှိလုပ်နေတဲ့သုတေသန
အလုပ်ကလဲ စစ်ပြေး ဒုက္ခသည်တွေအကြောင်းရေးနေတော့ စစ်ကြောင့်
စစ်ဘေးဒါဏ်ကြောင့် ဒုက္ခရောက်တာတွေများတော့လေ
အဲဒါကြောင့်စစ်မဖြစ်အောင်ပေါ့နော် စဉ်းစားတာတော့
တကမ္ဘာလုံးအတွက်တော့လဲ မလုပ်နိုင်ဘူးလေ
စစ်မဖြစ်အောင်လဲ ဖန်တီးလို့မရနိုင်ဘူးလေ ဒါပေမယ့်လဲ ကိုယ့်ပတ်ဝန်းကျင်မှာပဲ
သာယာပြီးဧချမ်းတဲ့ကမ္ဘာ တည်ဆောက်ဘို့စဉ်းစားတာပါ။
စစ်ဒုက္ခဖြစ်တယ်ဆိုတဲ့ဟာ ဆန်းစစ်ကြည့်တဲ့အခါ ဘာကြောင့်ဖြစ်သလဲဆိုတော့လေ လူတွေဟာကိုယ်အရမ်းကြိုက်
တဲ့ အရမ်းမြတ်နိုးတဲ့ ဥပမာ ဥစ္စာပစ္စည်းပဲဖြစ်ဖြစ် ပိုင်ဆိုင်မှုပဲဖြစ်ဖြစ် တိုင်းပြည်ပဲဖြစ်ဖြစ်
အတွေးအခေါ်ပဲဖြစ်ဖြစ် အရမ်းပဲ အဲဒါကိုအစွန်းထွက်အောင်မြတ်နိုးပြီး အဲဒီနောက်ကို
လိုက်တဲ့လူဆိုရင် အဲဒါပြဿနာတက်တော့တာပဲ
အဲဒါကြောင့် အဲဒီပြဿနာမျိုးမရှိအောင် ပတ်ဝန်းကျင်မှာဘယ်လိုစ,ပြီးတော့ ဧချမ်း
သာယာလာအောင် ပတ်ဝန်းကျင်ကို ဘယ်လိုဖန်တီးယူမလဲဆိုတာ စဉ်းစားကြည့်တာပါ။
ကိုယ့်တယောက်ထဲ အနေနဲ့ပေါ့နော် ဒါပေမယ့် တခြားလူတွေအနေနဲ့
ဘယ်လိုယူဆ,မလဲဆိုတာတော့ မသိဘူးပေါ့
ကိုယ့်အနေနဲ့ကတော့ ကမ္ဘာကြီးတခုလုံးကို ငြိမ်းချမ်းအောင်
မတတ်နိုင်ပေမယ့် ကိုယ့်ပတ်ဝန်းကျင်ထဲမှာ အကောင်းဆုံး
ဘယ်လိုလုပ်မလဲဆိုတာ စဉ်းစားတဲ့အခါမှာ အရင်ဆုံးချစ်တတ်ဘို့လိုတယ်၊
ဘာလို့လဲဆို လူဟာ ကိုယ့်ကိုယ်ကို မချစ်တတ်ခဲ့လို့ရှိရင် ကိုယ့်ထဲမှာကို
ရန်တွေပွါးနေပြီးတော့ ကိုယ့်ကိုယ်ကိုမကြေနပ် ကိုယ့်ကိုယ်ကိုမချစ်တာနဲ့ကို
ပြဿနာဖြစ်ပြီးတော့ လူများနဲ့တည့်အောင်မဖြစ်နိုင်ဘူးလေ
ဒီတော့ အရင်ဆုံးမေတ္တာထားတဲ့အနေနဲ့ ကိုယ့်ကိုယ်ကိုချစ်တတ်ဘို့လိုတာပေါ့....နော်
ကိုယ့်ကိုယ်ကိုချစ်ဘို့ဆိုတာက,တဲ့ ခန္ဓာကိုယ်ကျန်းမာပြီးတော့ စိတ်ဓါတ်ရေးရာမှာလဲပဲ
ကံ့ခိုင်မှသာလျှင် ကိုယ့်ကိုယ်ကို ချစ်တတ်မှာပါ ပြီးရင်ကိုယ့်မိသားစုသာယာအောင် ကိုယ့်မိသားစုမှာမေတ္တာပြည့်ဝ,အောင် အရင်ဆုံးအိမ်တွင်းမှာသာယာအောင်
အရင်လုပ်ဘို့ မိသားစုသာယာလို့ရှိရင် ကိုယ်နေတဲ့အသိုင်းအဝိုင်းလေးမှာ သာသာယာယာနဲ့ပျော်ပျော်ရွှင်ရွှင်ဖြစ်တဲ့ ပတ်ဝန်းကျင်
ဖြစ်အောင်လုပ်သလိုဖြစ်ပြီ အဲဒါ မိသားစုတိုင်း တဦးချင်းတိုင်း ပတ်ဝန်းကျင်တိုင်းမှာ
အဲဒီလိုလုပ်သွားနိုင်လို့ရှိရင် ကမ္ဘာကြီးဟာလည်း ပိုသာယာလာမယ်လို့
ယူဆ,တယ်လေ
ခုနပြောသလိုခန္ဓာကိုယ်ကျန်းမာဘို့စိတ်ဓါတ်ရေးရာကြံ့ခိုင်ဘို့ ဆိုတာသင်ဘို့ဆိုရင် အရင်ဆုံးကိုယ့်မိသားစုမှာတော့ ကိုယ့်သားသမီးတွေ ခန္ဓာကိုယ်ကျန်းမာဘို့
သင်ပေးရ,တယ် ကျန်းမာအောင် မှန်မှန်အိပ် မှန်မှန်စား အဲဒါမှ ကျန်းမာပြီးတော့
စိတ်ဓါတ်ခိုင်လာမယ်။
စိတ်ထဲမှာလဲ စိတ်ညစ်တယ် စိတ်ဓါတ်ကျတယ်ဆိုတာမရှိဘူးလေ။
ဒီတော့စိတ်က,ပျော်ရွှင်နေမယ်။ ပြီးရင်ကိုယ့်သားသမီးကိုမေတ္တာတုန့်ပြန်ပေးရ,မယ်၊
ပြီးရင်သူတို့ကို တာဝန်သိအောင်သင်ပေးရ,မယ်
သူတို့အဲဒီလိုတာဝန်သိခြင်းအားဖြင့် သားသမီးတာဝန်၊ မိဘတာဝန်၊ သူငယ်ချင်းတာဝန်
တယောက်နဲ့တယောက် သူငယ်ချင်းဖြစ်ပြီဆိုရင် တယောက်ကိုတယောက်ဘယ်လို
ကူညီဘို့ဆိုတာရှိတဲ့အခါမှာ ဒီတော့မိသားစုသာယာပြီး ပတ်ဝန်းကျင်မှာသာယာအောင်
လုပ်ပေးနိုင်တယ်လေ
အဲဒီလိုမျိုးအတွးအခေါ်နဲ့ ထားပြီးတော့ ပတ်ဝန်းကျင်မှာလဲ ကိုယ်တတ်နိုင်တာကူညီပြီး
မေတ္တာထားတယ်ပေါ့နော်
ဥပမာအားဖြင့် အကူအညီလိုတဲ့လူတွေဆိုရင် တတ်နိုင်သလောက်ကူညီပေးတယ် တယောက်နဲ့တယောက်မေတ္တာနဲ့အပြန်အလှန်ကူညီပြီး အကောင်းဆုံးလုပ်ပေးလို့ရှိရင် အဲဒီတုန့်ပြန်ချက်တွေပြန်ရ,တာ မေတ္တာတယောက်နဲ့တယောက်ပွါးလာပါတယ်။
လူတိုင်းမှာမေတ္တာထားတတ်ဘို့...နော်၊ကိုယ့်ကိုယ်ကိုချစ်တတ်ဘို့၊ ကိုယ့်ကိုယ်ကို
ချစ်တတ်သလို သူများကိုချစ်တတ်ဘို့၊ မာန,မရှိဘို့ ....နော်၊ တာဝန်သိဘို့၊ အထူးသဖြင့်
ကိုယ့်တာဝန်ကို ကိုယ်သိမှသာလျှင် ကိုယ့်ပတ်ဝန်းကျင်ကိုလဲ ကိုယ်ကဘာကူညီတတ်တယ်
ဆိုတာ သိမယ်လေ
အဲဒါကြောင့်မို့လို့ စိတ်ဓါတ်ခိုင်မာဘို့ရယ် ကျန်းမာဘို့ရယ် ပြီးတော့မေတ္တာထားတတ်ဘို့ရယ် ပတ်ဝန်းကျင်နဲ့သင့်မြတ်အောင်နေတတ်ဘို့ ဒီလိုစိတ်ဓါတ်ရေးရော ခန္ဓာကိုယ်ရော နှစ်ခုစလုံး မှန်မှန်ကန်ကန်တွေးတတ်ပြီးတော့ အစွန်းမထွက်တဲ့လူမျိုးကို ဆက်ပြီးတော့ ပတ်ဝန်းကျင်
မှာ ဖန်တီးနိုင်အောင်လုပ်ဘို့လိုတယ် အဲဒါမှသာယာတဲ့ပတ်ဝန်းကျင်တည်ဆောက်နိုင်မယ်လို့
ယူဆ,တယ်။
Dr, Naw Angelene(သမိုင်းပါမောက္ခ)
Judson University
Illinois.
USA
VOA ကနေ Dr, Naw Angelene(သမိုင်းပါမောက္ခ)ပြောသွားတာတွေကို ပြန်ရေးပြထားတာပါ။
မင်းစိုးစံ
အဝေးရောက် ကရင်ဒုက္ခသည်တဦး
ခိုလှုံစရာမရှိသော မြန်မာဒုက္ခသည်များဓါတ်ပုံပြပွဲ ကျင်းပ
(ဘစောတင်)
မလေးရှားနိုင်ငံ ကွာလာလမ်ပူ မြို့တော် စင်ထရယ် မားကတ်တွင် “ခိုလှုံစရာမရှိသော မလေးရှားရောက် မြန်မာ ဒုက္ခသည်များ” အမည်ရှိ ဓာတ်ပုံပြပွဲတခုကို မလေးရှားလူ့ အခွင့်အရေး အဖွဲ့ (Suaram) က ကြီးမှူးကာ အောက်တိုဘာ ၁၅ ရက်မှ ၂၅ ရက်နေ့ထိ ကျင်းပခဲ့ကြောင်း ကြားသိရသည်၊
မလေးရှားနိုင်ငံတွင် ဗမာ၊ ရှမ်း၊ ကရင်၊ မွန်၊ ရခိုင်၊ ချင်း၊ ကချင်၊ ကရင်နီနှင့် ထားဝယ် စသည်ဖြင့် မြန်မာ နိုင်ငံသား ဒုက္ခသည်အဖွဲ့ မျိုးစုံရှိကြပြီး ဒုက္ခသည်အဖြစ်လျှောက်ထားသူ မြန်မာနိုင်ငံသား ၇၅၀၀၀ ခန့် ရှိကြောင်း သိရသည်။
ယခု ပြပွဲကို ပြုလုပ်ရခြင်း၏ ရည်ရွယ်ချက်မှာ မလေးရှားတွင်ရှိနေသော မြန်မာ ဒုက္ခသည်များ၏ ပကတိ အခြေအနေကို မလေးရှားအစိုးရ၊ မလေးရှားပြည်သူများ အပါအဝင် နိုင်ငံတကာအဖွဲ့အစည်းများ သိရှိစေရန် ဖြစ်သည်ဟု ပြပွဲကို ဦးဆောင် ကျင်းပသည့် Suram အဖွဲ့ မှ Ms. Tamme က ဆိုသည်။
အဆိုပါပြပွဲသို့ သွားရောက်ခဲ့သော မလေးရှားအခြေစိုက် ပြည်ထောင်စုသတင်းစာ ထုတ်ဝေသူ ကိုအောင်ထွန်းဦး ကလည်း “မြန်မာဒုက္ခသည်တွေဟာ မလေးရှား ရဲတွေရဲ့ အန္တရာယ်ကို ကြောက်ရသလို ထိန်းသိမ်းရေးစခန်း (Camp) တွေကို အပို့ခံရရင် အင်မတန် ဆိုးရွားတဲ့ ငရဲကိုခံစားရတယ်ဆိုတာ ဒီပြပွဲက ဓာတ်ပုံတွေက သက်သေပြနေပါတယ်” ဟု ဧရာဝတီ သို့ပြောသည်၊
အဆိုပါပြပွဲတွင် တိုင်းရင်းသား ဒုက္ခသည်အဖွဲ့ အစည်းများမှ ဓာတ်ပုံများနှင့် ထိန်းသိမ်းရေး စခန်းများမှ ဓာတ်ပုံများကို ပြသထားသည်။ Camp ထဲသို့ ၀င်လျှင်ဝင်ခြင်း ပြစ်ဒဏ်ပေးသည့် အနေဖြင့် တင်ပါးကို ကြိမ်ဒဏ်ပေးလေ့ရှိရာ အမျိုးသားတဦး၏ တင်ပါးမှ ဒဏ်ရာ ဓာတ်ပုံကို ပရိသတ်များက အထူး စိတ်ဝင်စားကြသည်ဟု ကိုအောင်ထွန်းဦးက ပြောပြသည်။
ထို့အပြင် မြန်မာဒုက္ခသည်များသည် မလေး ရှားနိုင်ငံ ဒေသအသီးသီးတွင် ပုံစံမျိုးစုံဖြင့် လုပ်ကိုင်စားသောက် ကြရပုံများ၊ ထိန်းသိမ်းရေးစခန်းများအတွင်းမှ ပုံများ၊ မြန်မာသံရုံးရှေ့တွင် မြန်မာအတိုက်အခံ နိုင်ငံရေး ဒုက္ခသည်များတို့ ဆန္ဒပြနေသည့်ပုံများ၊ ကြိမ်ဒဏ်အပေးခံရသောပုံများ၊ ကျန်းမာရေး၊ ပညာရေးနှင့် ဘ၀ လုံခြုံရေးဆိုင်ရာ ဓာတ်ပုံများကို အခန်း၂ ခန်းခွဲကာ ပြသာထားသည်၊
ယခုအခါ မလေးရှားနိုင်ငံရှိ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) က မြန်မာ ဒုက္ခသည် အများအပြားကို လက်ခံမည်ဟု ကြေညာထားသော်လည်း မြန်မာတိုင်းရင်းသားများ ကြားတွင်ပင် ခွဲခြား ဆက်ဆံခြင်း ခံနေရသည်ဟုလည်း ရခိုင်ဒုက္ခသည်တဦးဖြစ်သူ ကိုထွန်းလှိုင်က ဆိုသည်။
“ဒုက္ခသည်အချင်းချင်း လူမျိုးခွဲခြားမှုလုပ်တာမျိုးတော့ တရားနည်းလမ်း မကျဘူးထင်တယ်။ ဒုက္ခသည် အားလုံးကို လူမျိုးရေး၊ ဘာသာရေး. မခွဲခြားဘဲ အားလုံးကို တန်းတူအခွင့်အရေးပေးရင် အားလုံး ဒုက္ခသည် ဘ၀က အမြန် ဆုံး လွတ်မြောက်နိုင်မယ်လို့ယုံကြည်ပါတယ်” ဟု ရှင်းပြသည်။ ကိုထွန်းလှိုင်သည် ၂၀၀၈ ခုနှစ်က ရခိုင်ဒုက္ခသည် ကယ်ဆယ်ရေး အဖွဲ့ (ARRC) ၏ ဥက္ကဋ္ဌ တာဝန်ကို ယူခဲ့ဖူးသူဖြစ်သည်။
ယခုပြသထားသည့် ဓာတ်ပုံများသည် ၂၀၀၇ ခုနှစ်က ပြင်သစ် သတင်းထောက် တဦး၊ စင်္ကာပူ သတင်းထောက်တဦးနှင့် အင်္ဂလိပ် သတင်းထောက်တဦး ရိုက်ကူးထားသည့် ဓာတ်ပုံများဖြစ်သည်ဟု ချင်းဒုက္ခသည် (ARC) ဥက္ကဌ ကိုဂျွန်က ဆိုသည်။
မလေးရှားရှိ ထိန်းသိမ်းရေးစခန်းများ၊ ထောင်များတွင် မြန်မာပြည်သား ဒုက္ခသည် ၁၅၀၀ ခန့် ရှိနေသည်ဟု သိရသည်။ ထိုနေရာများသို့ အပို့ခံရသူအများစုသည် ကြိမ်ဒဏ် အပေးခံကြရ သော်လည်း ဒုက္ခသည် လက်မှတ် ကိုင်ဆောင် ထားသူများကိုမူ ခြွင်းချက် အနေဖြင့် ကြိမ်ဒဏ်မပေးဟု ကိုဂျွန်က ဆက်လက် ပြောဆိုသည်။
ပြပွဲမှဓာတ်ပုံတချို့ကို ရန်ပုံငွေရရှိစေရန်အတွက် ရောင်းချခဲ့ပြီး ရရှိသောရန်ပုံငွေများဖြင့် ဒုက္ခသည်များအား ကူညီပေးမည်ဟုသိရသည်။ ထို့အပြင် ဒုက္ခသည်များ အကြောင်း ရိုက်ကူးထားသော ရုပ်ရှင် ဗီဒီယို များကိုလည်း ပြသခဲ့သည်။
ပြပွဲသို့ လာရောက်ခဲ့သူများထဲမှ ပရိသတ် ၈၀၀ ခန့်သည်လည်း မလေးရှားအစိုးရထံသို့ ဒုက္ခသည်အရေးကို လျစ်လျူ မရှုဘဲ ကူညီဆောင်ရွက်ပေးရန် တောင်းဆိုသည့် လက်မှတ်ရေးထိုးခဲ့ကြသည်ဟု သိရသည်။ ယင်းလက်မှတ်များကို မလေးရှား အစိုးရထံသို့ ပေးပို့သွားမည်ဖြစ်သည်။ မလေးရှားနိုင်ငံသည် ဒုက္ခသည်များနှင့် ဆိုင်သော စာချုပ် (ဂျီနီဗာ ကွန်ဗင်းရှင်း) ကို လက်မှတ်ထိုးထားခြင်းမရှိပေ။
ဧရာဝတီ မှ တိုက်ရိုက်ကူးယူဖေါ်ပြပါသည်။
လမ်းစဉ်ကို လက်တွေ့အကောင်အထည်ဖေါ်တဲ့လူတွေဟာ အထက်ခေါင်းဆောင်တွေက,အစ, လုပ်သားရဲဘော်တွေအထိ တော်လှန်တဲ့မျိုးချစ်စိတ်ဓါတ်အတွေးအခေါ်ကို လေးလေးနက်နက် သဘောပေါက်ခံယူပြီး ဒီအရေးဟာ တော်လှန်ရေးအောင်မြင်မှု၊ ဆုံးရှုံးမှုနဲ့အဓိကသက်ဆိုင်တဲ့
အရေးလို့ခံယူပြီး ဦးတည်ချက်ရှိရှိအစီအစဉ်ရှိရှိနဲ့ ကြိုးကြိုးကုတ်ကုတ်ဇောက်ချပြီးလုပ်ဖို့လိုဆေးနည်းလေးတခု ရေးပြချင်ပါတယ်။
BBC Burmese Section. ကဦးလေးဦးနေဝင်းပြောသွားတဲ့ ဆေးနည်းလေးပါ။
သံပုရာသီးလတ်လတ်ဆတ်ဆတ် တလုံးကို အလည်တည့်တည့်ကနေထက်ခြမ်းခွဲလိုက်ပါ။ ပန်းကန်လုံးတလုံးထဲမှာထည့်ထားပါ။ ပွက်ပွက်ဆူနေတဲ့ရေနွေးကိုလောင်းထည့်လိုက်ပါ။
အငွေ့မပျံနိုင်အောင် ပန်းကန်လုံးပေါ်မှာတခြားဖုံးစရာတခုခုနဲ့ ဖုံးထားလိုက်ပါ။
ခံနိုင်လောက်တဲ့ အပူချိန်ကိုရောက်ပြီဆိုရင် သံပုရာသီးကိုညှစ်ချပြီးမွှေသောက်လိုက်ပါ။
သွေးတိုးရောဂါမရှိသေးရင် သွေးတိုးရောဂါ ဖြစ်မလာနိုင်ပါဘူး။
သွေးတိုးရောဂါရှိနေရင် ပျောက်ပါတယ်။
ဦးလေးဦးနေဝင်းကတော့ သံပုရာခွံကိုပါ ဝါးစားပစ်တယ်လို့ပြောပါတယ်။
ကျုပ်ကတော့ အရည်ပဲသောက်တယ်။ ခါးလွန်းလို့။
သတိထားစရာတခုက တချို့လူတွေနဲ့မတည့်ပါဘူး။(အနည်းစု) ကျုပ်အဘိုးအဘွားတွေပြောတာက ဆေးမြီးတိုကိုဖေါ်စပ်သုံးစွဲတဲ့အခါ တွေ့ကရာ ပုဂံ၊ခွက်၊ယောက် ကိုမသုံးပါနဲ့တဲ့။
အထူးသဖြင့်သတ္တုခွက်တွေ၊ ကော်ခွက်တွေ၊သတ္တုဇွန်း၊ကော်ဇွန်းတွေမသုံးပါနဲ့တဲ့။
မြေခွက်၊ကြွေခွက်၊ဖန်လ်ခွက်တွေနဲ့၊သစ်သား၊ဝါးတွေနဲ့လုပ်ထားတဲ့ ခွက်၊ယောက် မျိုးကိုသာသုံးပါတဲ့။
ဆေးရဲ့အာနိသင်တွေ ပျက်ပြယ်သွားန်ိုင်တယ်လို့ပြောပါတယ်။
သိပြီးသားဆိုရင်တော့ သည်းခံပါဗျာ။
ကျုပ်လူတတ်ကြီးလုပ်ပြီးရေးပြနေတာမဟုတ်ပါဘူး။
ကျန်းမာချမ်းသာကြပါစေ။
မင်းစိုးစံ
အဝေးရောက် ကရင်ဒုက္ခသည်တဦး
ဒီပုံကိုမြင်လိုက်ရုံနဲ့ သူဟာဘယ်လိုလူလဲဆိုတာလူတိုင်းသိကြမှာပါ။
ရုပ်ရှင်ကားတွေထဲမှာတော့ သူ့ကို Bruce Lee လို့သိကြပါတယ်။
သူ့ရဲ့ကိုယ်ရေးရာဇဝင်ထဲမှာတော့ Lee Xiao Loong နောက်တမျိုးကတော့ Lee Jun Fan လို့ခေါ်ပါတယ်။
အမေရိကားကိုပြောင်းလွဲပစ်လိုက်သည့် ပုဂ္ဂိုလ်(၁၀၀)စာအုပ်ထဲမှာတော့သူ့ကို Lee Hsiao Lung ဆိုတဲ့ စာလုံးပေါင်းနဲ့ရေးထားတာကိုဖတ်ရပါတယ်။
သူဟာ အမေရိကန်ပြည်ထောင်စု ကာလ်ဖိုးနီးယားပြည်နယ် ဆန်ဖရန်စစ်စကိုမြို့မှာ မွေးခဲ့ပေမယ့် ဟောင်ကောင်မှာကြီးတာပါ။
သူငယ်ငယ်တုန်းက အပေါင်းသင်းသူငယ်ချင်းမရှိသလောက်ဖြစ်ပြီး အမြဲတမ်းလိုလို ထိုးကြိတ်သတ်ပုတ် တတ်တဲ့အတွက် သူစိတ်ကိုပြန်ထိန်းဘို့ ကိုယ်ခံပညာကိုသင်ကြားတာလို့ဆိုပါတယ်။
နောက်ဆုံးတော့ သူဟာ ကမ္ဘာကျော်ခဲ့ပါတယ်။
အနောက်နိုင်ငံကို ထိုးဖေါက်ဝင်ရောက်လာတဲ့ နာမည်ကျော်ဇာတ်ကားနာမည်က Enter the Dragon
ဆိုတဲ့ရုပ်ရှင်ဇာတ်ကားပဲဖြစ်ပါတယ်။
၁၉၄၀ပြည့်နှစ်နိုဝင်္ဘာလ ၂၇ရက်နေ့မှာ မွေးတဲ့(အများသိတဲ့)Bruce Lee ဟာ ၁၉၇၃ခုနှစ်ဇူလိုင်လ ၂၀ရက်နေ့မှာ ကွယ်လွန်ခဲ့ပါတယ်။
ဒါကတော့ ကမ္ဘာက,သိတဲ့ ကိုယ်ခံပညာအားကစားသမားတယောက်အကြောင်းပါ။
ကျုပ်တို့ကရင်လူမျိုးထဲမှာကော ကမ္ဘာမကျော်ပေမယ့် နာမည်ကြီးကိုယ်ခံပညာအားကစားသမားတွေ
မရှိခဲ့ဘူးလား?။
သူတို့တွေက ဘယ်သူတွေလဲ?။
ကျုပ်လည်းကောင်းကောင်းမသိပါဘူး။
ကျုပ်သိသလောက်ဆို ထိုင်းဗမာနယ်စပ်ကို ရောက်လာတဲ့ပုဂ္ဂိုလ်နှစ်ယောက်ပဲရှိတယ်။
ဆရာအောင်သိန်းလေးနဲ့သမန်းကျား။
သူတို့တတွေဟာ ကျုပ်တို့ကရင့်လက်ဝှေ့လောက,မှာ လျှမ်းလျှမ်းတောက်အကျော်အမော်တွေ
ဖြစ်ခဲ့ရဲ့သားနဲ့ ဘယ်သူတဦးတယောက်ကမှ မှတ်တမ်းတင်ထားတာမရှိပါဘူး။
ဆရာအောင်သိန်းလေးက ကိုယ်လုံးကိုယ်ထည်ငယ်ပေမယ့် အင်မတန်လျှင်တဲ့မြန်တဲ့လက်သီးပြင်းတဲ့
လက်ဝှေ့ သမားကောင်းတယောက်ဖြစ်ပါတယ်။
သမန်းကျားကတော့ တတောင်အင်မတန်ပြင်းပါတယ်။
သူ့တတောင်ကို ပြိုင်ဘက်တွေရှောင်လို့မရ,သလို အဲဒီတတောင်ကိုမိတာနဲ့အားလုံးပွဲသိမ်း
သွားရတာချည်းပဲလို့ ပြိုင်ဘက်တွေက ဆိုစမှတ်ပြုကြပါတယ်။
သူ့တတောင်ကောင်းလွန်းတဲ့အတွက် ကရင်တေးသံရှင် စ,လင်းလင်း(စလေါင်းလေါင်း)က
သမန်းကျားကို ဂုဏ်ပြု သီဆိုခဲ့တဲ့တေးသီချင်းခွေ(Tape)ထွက်ခဲ့ပါသေးတယ်။
(ခုနှစ်အတိအကျမမှတ်မိတော့ပါ)
သမန်းကျားရဲ့ နာမည်အရင်းကိုလည်းကျုပ်မသိပါဘူး။
သူဟာ၁၉၈၈ အရေးအခင်းကာလမှာ ဗမာကျောင်းသားတွေကို ကရင့်တော်လှန်ရေးနယ်မြေထဲ
ရောက်အောင် သက်စွန့်စံဖျား ကူညီခဲ့တဲ့သူဖြစ်ပါတယ်။(ငွေအား၊ လူအား၊ အရှိန်အဝါ)
သူနဲ့တွေ့တော့ သူပြောပြတာတချို့ပြန်ရေးပြချင်ပါတယ်။
"ငါအဖြိုရ,အခက်ဆုံးက သထုံဘနှစ်ကွ၊ သူက ငါ့ထက်ကိုယ်လုံးကြီးတယ်၊ အရပ်လည်းမြင့်တယ်၊ တော်ရုံနဲ့မလဲဘူး။
နောက်တယောက်က တရုတ်လူမျိုး အဲဒီလူကဘယ်လောက်သန်သလဲဆိုရင်ငါနဲ့ယှဉ်ဘို့ကြိုးဝိုင်းပေါ် တက်လာတော့ အောက်က,သူ့လူတွေက နို့ဆီနှစ်ဗူးပစ်တင်ပေးလိုက်တယ်။ သူကအဲဒီနို့ဆီဗူး
တဗူးစီကို လက်တဖက်စီနဲ့ပြိုင်တူညှစ်ချလိုက်တာ နို့ဆီတွေပမ်းထွက်ကုန်တယ်။
င့ါမျက်လုံးတွေပြူးကုန်တယ်။ သူ့ပြိုင်ဘက်တွေဆိုရင် ဘိုက်တွေပေါက်ထွက်မတတ်ခံရတယ်ဆိုတာ ငါကြားထားတာကိုး။
ငါ့ဆရာဝန်ကို ဘယ်လိုလဲဆိုတဲ့ပုံစံမျိုးနဲ့မျက်စ,ပစ်လိုက်တော့ ငါ့ဆရာဝန်က ဘာပြောလဲသိလား?
ကျားလေး မင်းဘာမှတွေးပူမနေနဲ့ သာမာန်လူတွေထက်ထူးခြားတာက မင်းရဲ့ဘိုက်မှာ အထပ်သုံးထပ်
ရှိတယ်။ မင်းမှာအားသာချက်တွေရှိတယ် ဆိုတော့ ငါလည်းသေသေရှင်ရှင်ကွာဆိုပြီး တီးတော့တာပဲ။
ပထမအချီမှာ သူ့လက်ဝါးစောင်းစာမိပြီးငါ သတိလစ်သွားတယ်။ ခြောက် ဆိုတဲ့အသံကြားမှငါပြန်ထ,
နိုင်တယ်။
နောက်တချီမှာတော့ သူကငါ့ကို နောက်ဘက်ကနေ ဖမ်းချုပ်ဘို့အရှိန်နဲ့ပြေးအလာ ငါလည်းတတောင်နဲ့ ရှိတဲ့အားတွေအကုန်သုံးပြီးကျွေးလိုက်တာ ဒီကောင်ညာဘက်မျက်လုံးကွဲထွက်သွားတယ်။
သွေးတွေဆိုတာကွာ ကြည့်မကောင်းရှုမကောင်းပဲ။
သူ့ခွင်(ဂွင်)ဆိုတော့ ဒီလူတော်တော်အခံရ,ခက်သွားပုံပဲ။ ဆရာဝန်က သူ့မျက်လုံးကိုစစ်ဆေးတော့ လုံးဝ,ထိုးခွင့်မပေးတော့ပဲ ရပ်လိုက်တယ်။
သူကမကြေနပ်ဘူး ထပ်ယှဉ်မယ်ဆိုပြီးပွဲကြမ်းလိုက်သေးတယ်။
အဲဒီအချိန်မှာ လော်စစ်ဟန်(ခွန်ဆာ)က,ဝင်ပြီးပြောတော့မှ အဲဒီလူငြိမ်သွားတယ်။
နောက်တချီဆိုရင် ငါတော့ ဘဝပျက်ပြီထင်တာပဲ။
လက်ဝှေ့ထိုးတယ်ဆိုတာ ထိုးတဲ့နေရာမှာကြွမ်းကြင်ရမယ်၊ အရှောင်အတိမ်းမှာမြန်ရမယ်၊ အဲဒီလိုပဲ သူများထိုးတာကိုလည်း ခံနိုင်ရတယ် အဲဒီသုံးမျိုးစလုံးပိုင်နိုင်မှ၊ မဟုတ်ရင်နာမည်မကျော်ပဲမသာ
ပေါ်သွားမယ်"
"လက်ဝှေ့ထိုးတာ ပိုက်ဆံတော့ရသားပဲ၊ ဒါပေမယ့်ကွာ ဆရာဝန်ကိုပေးရတာနဲ့ ဟိုလူတွေကိုပေးရ
တာနဲ့ လေ့ကျင့်စာရိတ်တွေ ဟိုနှုတ်ဒီနှုတ်နဲ့ ကိုယ့်အတွက်မကျန်ပါဘူး"
အဲဒါကတော့ သမန်းကျားကိုယ်တိုင်ပြောခဲ့ဘူးတဲ့စကားတွေပါ။
သူထိုးခဲ့တဲ့ နိုင်ငံကိုတော့ကျုပ်ကိုပြောပြပေမယ့် ကျုပ်မမှတ်မိတော့လို့ပါ။
Hong Kong ဒါမှမဟုတ် Taiwan တခုခုလို့ထင်ပါတယ်။
စကားစပ်မိလို့ တဆက်တည်းပြောပြချင်တာက ဗမာ့လက်ဝှေ့ဆိုတာမရှိပါဘူးတဲ့၊ ကရင့်လက်ဝှေ့ ဆိုတာပဲရှိပါတယ် ဆိုပြီးရှေးမှီနောက်မှီ ဗမာအမျိုးသားတယောက်ကျုပ်ကို ပြောဘူးပါတယ်။
ဘာကြောင့်လည်းဆိုတော့တဲ့ ဗမာတွေက လက်ဝှေ့ကို နန်းတွင်းမှာပဲကျင်းပ,လေ့ရှိတော့ ပဒေသရဇ်စနစ်နဲ့အတူ ဗမာ့လက်ဝှေ့ဆိုတာလည်း တိမ်ကောသွားရတာပါတဲ့။
ကရင်တွေကျတော့ မြေဝိုင်း(မြေကြီးပေါ်)မှာထိုးနေကြတော့ဒီနေ့အထိဆက်လက်ရှင်သန်နေနိုင်တာ ဖြစ်ပါတယ်တဲ့။ ဟုတ်၏မဟုတ်၏ဆိုတာကိုတော့ စာဖတ်သူတို့သာ စဉ်းစားဆုံးဖြတ်ကြပါ။
လက်ရှိကရင့်လက်ဝှေ့အကျော်အမော်များကို မှတ်တမ်းတင်ထားနိုင်ကြစေရန် ရည်ရွယ်ချက်ဖြင့်
တို့ရဲဘော်တွေအတွက်အားတက်သရော ၀ိုင်းဝန်းဆွေးနွေးကြတဲ့ နိုင်ငံတကာရောက်ကရင်ညီအကိုမောင်နှမများကို အထူးဘဲကျေးဇူးတင်ပါတယ်။
အထူးသဖြင့် ဒိုင်ခံဆွေးနွေးပေးကြတဲ့ ဝေါ်လီ၊ Hey၊ Lazy Boy၊ AZ၊ သောသီခို၊ ကညီသွံ၃်၊ ဝptimist ၊
Khu Khu၊ KK နှင့်ကျန်ညီအကိုများအားလုံးကိုလေးစားမိပါတယ်။
ထူးခြားမှုတစ်ခုကတော့ ကရင်အမျိုးသမီးများပါဝင်လာတဲ့အတွက် အရမ်းဝမ်းသာအားတက်မိပါတယ်။
Hey ရဲ့ Blog ကိုသွားလည်တော့သီချင်းနားထောင်ရင်း နှစ်ရှည်လများ ကရင်ဒေသနှင့်ဝေးနေရတဲ့ဘ၀
အတွက် အရမ်းဘဲခံစားရပါတယ်။
ဒီနေရာမှာ KNU KNLA နဲ့ပတ်သက်ပြီး ကျွန်တော့်ရင်တွင်းဖြစ် ခံစားချက်နှင့် သဘောထား အမြင်ကို
တင်ပြခွင့်ပြုဖို့ပန်ကြားအပ်ပါတယ်။
နအဖဟာ နိုင်ငံရေး (ပြည်တွင်း)မှာ NLD ကိုအကြီးဆုံးရန်သူ ဟု သတ်မှတ်ပြီး နိုင်ငံရေး စစ်ရေးမှာဆိုရင်
KNU ကို အကြီးဆုံးရန်သူလို့ သတ်မှတ်ပါတယ်။
နအဖစစ်တက္ကသိုလ်မှာ KNU နှင့်ပတ်သက်ပြီး ဆန်းစစ်ဖေါ်ပြချက်တစ်ခုမှာ တချိန်ကမြို့တော်ရန်ကုန်နှင့်
ဧရာဝတီတိုင်းအထိ စစ်ဆင်ရေးကစားနိုင်ပြီး သက်တမ်းအရှည်ဆုံးလက်နက်ကိုင်တော်လှန်ရေးအဖွဲ့
ဖြစ်သလို စစ်ရေးအတွေ့ကြုံရှိတဲ့အဖွဲ့တစ်ခုဖြစ်ပါတယ်။
ဗိုလ်ချုပ်ကြီးခင်ညွန့်လက်ထက် တိုင်းရင်းသားလက်နက်ကိုင်အဖွဲ့များနှင့် အပစ်ရပ်ဆွေးနွေးတာတွေ လေ့လာမယ်ဆိုရင် KNU ကိုနောက်ဆုံးထားပြီးမှ ဆွေးနွေးတာတွေ့ရပါတယ်။
နိုင်ငံတကာအမြင်မှာ မကောင်းတတ်လို့ အဖြစ်သဘောဆွေးနွေးခြင်းဖြစ်ပါတယ်။
တိုင်းရင်းသားစည်းလုံရေးကို ချစ်မြတ်နိုးလို့ဆွေးနွေးတာမဟုတ်ပါဘူး။
အဲဒီလိုမဆွေးနွေးခင် နှစ်အနည်းငယ်အတွင်းမှာဘဲ နိုင်ငံခြားစစ်သံမှုးတွေရှေ့မှာ KNU ကို (၃) နှစ်
အတွင်း အမြစ်ပြတ်တိုက်မယ်လို့ ကြေညာခဲ့ပါသေးတယ်။
အချို့နအဖ စစ်ဗိုလ်ချုပ်တွေတောင် “ နောင်ဆိုရင် ကရင်လူမျိုးကို ပြတိုက်ထဲမှာဘဲတွေ့ရတော့မယ်” လို့ပြည်သူတွေရှေ့မှာဂုဏ်ယူပြီး ပြောပါသေးတယ်။ ပြီးခဲ့တဲ့လအနည်းငယ်က KNU ရဲ့တပ်မဟာ (၇)
ကိုမတိုက်ခင် ထိုင်းနိုင်ငံခြားရေးဝန်ကြီးကို “ KNU နှင့်ငြိမ်းချမ်းရေးဆွေးနွေးလိုကြောင်း၊ထိုင်းနိုင်ငံ
အနေဖြင့်၎င်းကိစ္စကိုဝင်ရောက်ကူညီရန် နအဖ ဥာဏ်ဝင်းမှတဆင့် မေတ္တာရပ်ခံခဲ့ပါတယ်” ထိုင်းနိုင်ငံ
အစိုးရကလည်း KNU ခေါင်းဆောင်တွေကိုခေါ်တွေ့ပြီး ငြိမ်းချမ်းရေးတွက်တိုက်တွန်းတယ်။
KNU ဖက်ကလည်း ဆွေးနွေးဖို့အသင့်ရှိကြောင်းပြောဆိုခဲ့ပါတယ်။ အဲဒါလည်း ပြီးရော တပ်မဟာ
(၇) ကို စစ်ထိုးတော့တာဘဲ။ ထိုင်းအစိုးရလည်း မျက်နှာပျက်ရတဲ့ ပြင် ကရင်ဒုက္ခသည် ၆၀၀၀ ကျော် ရဲ့ပြသာနာကို ဖြေရှင်းရတော့တာဘဲ။ ဒါဟာ နအဖ က KNUကို နည်းမျိုးစုံသုံးပြီးတိုက်တဲ့ သာဓက တစ်ခုဖြစ်ပါတယ်။ ဘာဖြစ်လို့လဲဆိုတာ မိတ်ဆွေတို့စဉ်းစားကြည့်ပါ။
ဒါဟာ KNU ရဲ့အရည်အချင်းသည် အတိုင်းအတာတစ်ခုထိ ရှိနေ တဲ့သာဓကဘဲ။ နောက်သာဓက
တစ်ခုကိုကြည့်ရင် တိုင်းရင်းသားလက်နက်ကိုင်တော်လှန်ရေးအဖွဲ့တွေစုစည်းပြီး ခေါင်းဆောင်
အနေနဲ့ဦးဆောင်နိုင်ခြင်းဟာ နအဖကိုအင်မတန်ခြောက်ခြားစေပါတယ်။
အဲဒီတုန်းက ဗိုလ်ချုပ်ခင်ညွန့်ဦးဆောင်တဲ့ထောက်လှမ်းရေးအဖွဲ့၊ စစ်မဟာဗျုဟာ လေ့လာရေးဌာန ၊ စိတ်ဓါတ်စစ်ဆင်ရေးနှင့်ပြည်သူ့ဆက်ဆံရေးဌာနများနှင့် နအဖ ဗိုလ်ချုပ်တွေ ခေါင်းခြင်းရိုက်ခဲ့ပါတယ်။ အဲဒီကထွက်လာတဲ့စကားတစ်ခွန်းကို ဗိုလ်ချုပ်ခင်ညွန့်က ကရင့်ခေါင်းဆောင် ဗိုလ်ချုပ်ကြီးစောဘိုမြနဲ့ တွေ့တဲ့အချိန်မှာပြောခဲ့တယ်။
“ဖထီး ကရင်ဟာ ကရင်အတွက်ဘဲလုပ်ပါ။ ကရင်အတွက်ဘဲပြောပါ။အခြားလူမျိုးတွေအတွက်
မပြောပါနဲ့”
ဗိုလ်ချုပ်ခင်ညွန့်စကားရဲ့ရည်ရွယ်ချက်ကို တကယ်ဘဲမသိတာလား၊
မသိယောင်ဆောင်တာလားတော့မသိဘူး၊ အဲဒီစကားကိုထောက်ခံပြီးတော့လိုက်ပြောနေတဲ့
ကရင်ညီအကိုတွေရှိတော့ အရမ်းဝမ်းနည်းရပါတယ်။
“ဟုတ်တာပေါ့၊ ကရင်တွေဟာ သူ့ကိစ္စမှသူမနိုင်တာ အခြားလူမျိုးတွေအတွက်ပြောစရာမလိုဘူးလေ”
တဖက်ကကြည့်ရင် တခြားတော်လှန်ရေးအဖွဲ့က KNU ကိုလေးစားတယ်၊ ဦးဆောင်ဦးရွက်ပြုတာကို
လက်ခံတယ်၊ ဒါဟာ KNU အရည်အချင်းရှိလို့ဘဲ။ ဒါပေမဲ့ဝမ်းနည်းစရာကောင်းတာက အခြားသော
ကရင်ညီအကိုတွေရဲ့မတူညီတဲ့အမြင် နဲ့ KNU ကို ပုတ်ခတ်နေခြင်းဘဲ။
တကယ်ဘဲမမြင်တတ်တာလား၊ ဒါမှမဟုတ် အခြားသောအကျိုးအတွက် မမြင်ဟန်ဆောင်တာလား၊ မိတ်ဆွေတို့ဘဲပြန်လည်သုံးသပ်လိုက်ပါ။ ညီအကိုတော်တစ်ဦးက “ အတိုက်ခံ” ဆိုတဲ့စကားလုံးနဲ့ ဆွေးနွေးထားတာတွေ့ရပါတယ်။ ဒါဟာ လွတ်လပ်တဲ့ဒီမိုကရေစီတိုင်းပြည်ထူထောင်တဲ့အခါ
မရှိမဖြစ်လိုအပ်တဲ့ တန်ဖိုးရှိဆောင်ရွက်မှုပါ။
ဒီမိုကရေစီ တိုင်းပြည်မှာ ကျင့်သုံးနေတဲ့ “ အတိုက်ခံ” ရိုးရာဓလေ့တစ်ခုကိုတင်ပြချင်ပါတယ်။
သြစထြေးလျရဲ့ပါလီမန်ကို ကြည့်ကြပါစို့။
ဘာလို့လဲဆိုတော့ ပါလီမန်အစည်းအဝေးအား အများပြည်သူကို လေ့လာခွင့်ပေးထားလို့ဘဲ။
အစည်းအဝေးထဲမှာ တစ်ဖွဲ့နှင့်တစ်ဖွဲ့ညင်းခုံတာ၊ စကားနာထိုးတာ ကြောက်ဖို့ကောင်းတယ်။
အချေအတင်ညင်းခုံကြပြီး အစည်းအဝေးဆုံးဖြတ်ချက်ကိုဖေါ်ဆောင်တဲ့အချိန်မှာ အားလုံးတက်ညီ
လက်ညီအညင်းအခုံမရှိတော့ဘဲဆောင်ရွက်လေ့ရှိတယ်။
တစ်ဖွဲ့နှင့်တစ်ဖွဲ့ မိတ်မပျက်ဘဲ ကောင်းကောင်း မွန်မွန်ဆက်ဆံလေ့ရှိတယ်။ ဒါဟာ ကျွန်တော်တို့
ကရင်တွေအတုယူသင့်တဲ့ ဓလေ့တစ်ခုဖြစ်ပါတယ်။
ကျွန်တော်မသိသေးတဲ့ ကိစ္စတစ်ခုကိုမေးချင်ပါတယ်။ စစ်ဆင်ရေးကာလ၊ တော်လှန်ရေးကာလမှာ အဖွဲ့တစ်ဖွဲ့တည်းကအတိုက်အခံထားပြီး တော်လှန်ရေးတိုက်ပွဲအောင်မြင်ခဲ့တဲ့ နိုင်ငံရှိရင် ကျွန်တော်တို့
ကို ပြောပြစေချင်ပါတယ်။တကယ်မသိသေးကြောင်းဝန်ခံပါရစေ။
နိုင်ငံတကာရောက် ကရင်များနေနှင့် တော်လှန်ရေးနဲ့ပတ်သက်ပြီး KNU ကို အကြံအညံများပေးလေ့
့ရှိပါတယ်။ ဒါဟာ ၀မ်းသာစရာကောင်းပါတယ်။
ဥပမာတစ်ခုပေးရမယ်ဆိုရင် လူအများနေမယ့်အိမ်တစ်လုံးကို ၀ိုင်းဝန်းတည်ဆောက်တာနဲ့
တူပါတယ်။ KNU က ကျွန်တော်တို့နေဖို့ ကြိုးစားဆောက်နေတာပါ။
ဘာလို့ ဒီလိုပြောရသလဲဆိုရင် KNU ဟာ သူတို့ကိုယ်ကျိုးတွက်မဟုတ်ဘဲ တိုက်ပွဲဝင်နေခြင်းဖြစ်ပါတယ်။
သူတို့ ကိုယ်ကျိုးတွက် တိုက်နေတာဆိုရင် ငြိမ်းချမ်းရေးယူ စီးပွါးတွေလုပ်ပြီးကောင်းစားနေမှာဖြစ်တယ်။
တစ်ခုထူးခြားတာက တော်လှန်ရေးဆိုတဲ့ လူအများနေမည့်အိမ်ဆောက်ရာမှာ လူအများဆီမှလုပ်အားခ မရတာဘဲ။
အိမ်ဆောက်ရင်းနဲ့ ထိခိုက်ဒဏ်ရာရ၊ ဖျားနာရင်လည်းအဲဒီလူထုတွေက ဆေးကုပေးဖို့မရှိဘူး။
ဒ့ါပြင်လူထုတစ်ချို့က ဒီလိုဆောက်ပါလား၊ ဟိုလိုဆောက်ပါလားဆိုပြီး တစ်ယောက်တစ်မျိုးပြောတော့ အိမ်ဆောက်တဲ့လူက အလုပ်ဆက်လုပ်ဖို့ အခက်အခဲဖြစ်နေတယ်။
သူတို့မသိသေးတဲ့အကြံအညံကောင်းလာပေးလို့ဆောင်ရွက်နိုင်သလို အကြံအညံကောင်းဖြစ်ပေမဲ့ ပြောတဲ့အတိုင်းလိုက်ဆောက်ဖို့ပစ္စည်းမရှိတာနဲ့ လိုက်မလုပ်နိုင်တာလဲရှိနေတယ်။
တချို့ကျတော့လည်း လက်သမားလောက်တောင် အတွေ့အကြုံမရှိ၊ ဘာမှလည်းမကူညီဘဲနဲ့
အိမ်ဆောက်နေတဲ့ အင်ဂျင်နီယာကို ပြောဆိုအကြံပေးတာလည်းရှိတယ်။ တချို့ကလည်းမိမိဆီမှာ
ရှိတဲ့ အုပ်တစ်ချပ်သစ်တစ်ပိုင်း လာလှုတာလည်းရှိတယ်။
တချို့ကလည်း အိမ်ဆောက်တာ ဒီလောက်ဘဲလက်ရာညံ့သလားဆိုပြီး အကြံပေးသလိုလိုနဲ့ဝေဖန်
နေပါတယ်။ အများစုကတော့ဘာမှမပြောဘူး၊ ၀ိုင်းလည်းမလုပ်ဘူး ပြီးမှဘဲတက်နေကြတာပေါ့ ဆိုပြီးမသိသလိုနေကြတယ်။
ဒါပေမဲ့ အိမ်ဆောက်နေတဲ့သူတွေဟာ အနေဆင်းရဲ၊ အစားဆင်းရဲဖြစ်နေတာကို သိနေတဲ့သူ
ရှိသလို၊ မသိတဲ့လူတွေလည်းရှိနေပါတယ်။
သို့သော်လည်းလူအများသတိမထားမိတာက လူတစ်ထောင်နေရမည့်နေရာကို လူတစ်ယောက်
အားနဲ့တည်ဆောက်နေခြင်းဘဲ
(လက်ရှိကရင်လူဦးရေ ÷ KNU အင်အားအရေအတွက် )။
ဒီဟာတွေကို မိတ်ဆွေတို့စဉ်းစားမိပါသလား။
ကျွန်တော်ရဲ့အဆိုပြုချက်ကို ကရင်လူမျိုးတွေအနေနှင့်စဉ်းစားသင့်ပါသလား။
KNU မှာရှိတဲ့ကျွန်တော်တို့ရဲ့ညီအကိုတွေဟာ ရှိသင့်တဲ့ဝန်တွေထက်ပိုပြီး မနိုင်ဝန်ထမ်းနေရလို့ ရှိသင့်သလောက်ခရီးမပေါက်ဖြစ်နေတာမိတ်ဆွေတို့ သတိထားမိရဲ့လား။
တချို့တွေဆို ညှပ်ဖိနပ်စီးပြီးစစ်တိုက်နေရသလို၊ ပလပ်စတစ်တစ်ပိုင်းကို မိုးကာအနေဖြင့်သုံးပြီး
မိုးမလုံလေမလုံ တစ်ညလုံးမိုးရေထဲမှာငုတ်တုတ်ကင်းစောင့်နေရတဲ့ အနေဆင်းရဲအစားဆင်းရဲ
ဘ၀အတွက် သူတို့ကိုအပြစ်တင်ချင်ပါသလား။
နိုင်ငံတကာ ထောက်ပံ့ကြေးလည်းမရှိ၊ ပြည်သူတွေကလည်းမထောက်ပံ့ဘဲနှင့် KNU ဘယ် လို စခန်းသွားနေရတယ်ဆိုတာ ကျွန်တော့်ကရင်ညီအကိုများစဉ်းစားပြီး ကိုယ်ချင်းစာဘူးပါသလား။
အနှစ် (၆၀) ကျော် အလံမလဲ လှေမမြုပ်ဘဲခရီးကြမ်းနှင်ခဲ့တဲ့ KNU ကို နိုင်ငံတကာ အကြမ်းဖက် သမားစာရင်းထဲမထည့်ဘဲ နိုင်ငံတကာက လေးလေးစားစားဆက်ဆံပြီး အခြားတော်လှန် ရေးအဖွဲ့၊တခြားလူမျိုးတွေက လေးစားနေတဲ့ KNU အဖွဲ့ကို ကျွန်တော်တို့ ပြည်ပရောက်ကရင်ညီအကို
တွေကဘာလို့ ဝေဖန်ပုတ်ခတ်ချင်ကြတာလဲ ???
အပြုသဘောဆောင်ဆွေးနွေးချက် နဲ့ အဖျက်သဘောဆောင် ဆွေးနွေးချက်ကို ခွဲခြားတတ်ဖို့အရမ်း
အရေးကြီးသလို တော်လှန်ရေးကာလကို တည်ဆောက်ရေးကာလနဲ့ ခွဲခြားတတ်ဖို့လိုပါတယ်။
လစာမရ ဆင်းရဲနေတဲ့ ကျွန်တော်တို့ ရဲဘော် ဘ၀အတွက် KNU ခေါင်းဆောင်တွေ အသုံးမကျတာလား၊ ဒါမှမဟုတ် ကျွန်တော်တို့ကရင်ပြည်သူတွေတာဝန်မဲ့တာလားဆိုတာ အလေးအနက်ထားပြီး
စဉ်းစားစေချင်ပါတယ်။
နားလည်ခြင်းမှ ညီညွတ်ခြင်းသို့၎င်း
ညီညွတ်ခြင်းမှ ပန်းတိုင်ဆီသို့၎င်း
ချီတက်အောင်ပွဲယူကြပါစို့လား။
ချစ်သော
ဖူးဒို (ကရင်တိုင်းရင်းသား)
ဒီစာကြောင်းလေးတွေကို http://www.karenunited.com/ မှ တိုက်ရိုက်ကူးယူဖေါ်ပြပါတယ်။
မင်းစိုးစံ(အဝေးရောက် ကရင်ဒုက္ခသည်တဦး)
Thursday, October 8, 2009
ထိုင်းနိုင်ငံရှိ ကရင်စစ်ပြေးဒုက္ခသည်များ
ပြန်ပို့ခံရမည်ကိုစိုးရိမ်နေကြ
ကျော်ခ
အင်္ဂါနေ့၊ အောက်တိုဘာလ 06 ရက် 2009 ခုနှစ် 19 နာရီ 50 မိနစ်
မဇ္ဈိမ (ချင်းမိုင်)။ ။ ထိုင်း-မြန်မာနယ်စပ် တပ်ခရိုင် ထာ့ဆောင်ယန်းမြို့နယ်ရှိ ယာယီဒုက္ခသည် စခန်းများတွင် ထိုင်းအာဏာပိုင်များက နေ့စဉ် စစ်ဆေးနေသဖြင့် နေရပ်ရင်း ပြန်ပို့ခံရမည်ကို ဒုက္ခသည်များ စိုးရိမ်နေကြောင်း စခန်းတာဝန်ရှိသူများက ပြောသည်။
နိုဘိုးနှင့် အူသူးထ စခန်းများရှိ ကရင်စစ်ပြေး ဒုက္ခသည်များအား ဒေသခံ ထိုင်းနယ်ခြားစောင့်တပ်က ပြီးခဲ့သည့်လ ၂၅ ရက်နေ့မှ စတင်၍ ဒုက္ခသည် ဟုတ်မဟုတ် နေ့စဉ် စစ်ဆေးမေးမြန်းခြင်းနှင့် စစ်ဆေးစဉ် ပိုင်ရှင်မတွေ့သည့် တဲ-နံပါတ်များကို ဖြုတ်သိမ်းခြင်းများ ပြုလုပ်နေရာမှ စိုးရိမ်နေကြရခြင်း ဖြစ်သည်။
“အိမ်နံပါတ်တွေ ဖြုတ်သွားတာကတော့ ၂၀ လောက် ရှိနေပြီ။ တချို့လူတွေကတော့ လန့်ပြီးတော့ ထွက်ပြေး သွားတာတွေ ရှိတယ်။ သူတို့ (ထိုင်းနယ်ခြားစောင့်တပ်) ကလည်း သူတို့သဘောနဲ့သူတို့ ဝင်သွားတယ်။ စစ်သွားတယ်။ ပြန်ထွက်သွားတယ်။ နောက်တနေ့ လာတယ်။ ဖြုတ်သွားတယ်။ ကျနော်တို့ကိုလည်း ဘယ်နှအိမ်ဖြုတ်သွားတယ်။ ဘယ်နှအိမ်ထွက်တယ်။ ဘယ်အိမ်က ဒုက္ခသည် မဟုတ်ဘူးဆိုတာ သူတို့ မပြောဘူး” ဟု နိုဘိုး ဒုက္ခသည်စခန်း အတွင်းရေးမှူး စောဂျစ်ပစီက မဇ္ဈိမကို ပြောသည်။
ယင်းယာယီစခန်းများတွင် စစ်ပြေးဒုက္ခသည်မဟုတ်ဘဲ ထိုင်းနိုင်ငံတွင် နေထိုင်၍ မြန်မာနိုင်ငံဘက်ခြမ်းတွင် စိုက်ပျိုးမွေးမြူ လုပ်ကိုင်နေသူများ လည်း ဝင်ရောက်စာရင်းပေးသွင်းထားကြောင်း ထိုင်းနယ်ခြားစောင့်တပ်က သတင်းရသဖြင့် ယခုကဲ့သို့ စစ်ဆေးနေခြင်း ဖြစ်သည်။
“ထိုင်းနိုင်ငံမှာနေတဲ့ ကရင်တွေပဲ။ ဟိုးဘက် (မြန်မာနိုင်ငံ) က လာတာတော့ မဟုတ်ဘူး။ ဒါပေမဲ့ သူတို့က ဒီဘက် (ထိုင်း) မှာ နေပြီးတော့ ဟိုဘက်မှာ အလုပ်သွားလုပ်ကြတာပေါ့နော်။ တိုက်ပွဲတွေဖြစ်တဲ့ အခါကျတော့ ဒီဘက်မှာ ပြန်လာနေတယ်ပေါ့နော်။ ကျနော်တို့ကြားထဲကို သူတို့လာဝင်ပြီးတော့ ဒုက္ခသည်အနေနဲ့ သူတို့နေတယ်။ အဲဒါကို ထိုင်းဘက်က လူတွေက စုံစမ်းပြီးတော့ အပြင်ပြန်ထွက်ခိုင်းတယ်ပေါ့'' ဟု စောဂျစ်ပစီက ပြောသည်။
အူသူးထ ဒုက္ခသည်စခန်းတွင်လည်း အလားတူ စစ်ဆေးတားမြစ်မှုများကြောင့် ဒုက္ခသည်များ စိတ်သောက ရောက်နေကြရပြီး နေရပ်သို့ ပြန်ပါကလည်း အခက်အခဲများနှင့် ထပ်မံရင်ဆိုင်ရဦးမည်ကို ကြောက်လန့်နေကြကြောင်း အူးသူးထစခန်း စခန်းတာဝန်ရှိသူက ပြောသည်။
“ထိုင်းအာဏာပိုင်တွေ လာတိုင်းလည်း ရပ်ရွာကို ပြန်ရဖို့အရေးပဲ ဖိအားပေးနေတဲ့ အခါကျတော့ ဒုက္ခသည်တွေကတော့ ကြောက်နေကြတာပေါ့။ ပိုက်ဆံကလည်း ဘာမှမရှိဘူး။ ကျွဲ၊ နွားတွေကလည်း ဘာမှလည်း မရှိတော့ဘူး။ ဟိုမှာက စစ်တပ်က ပေါ်တာဆွဲတယ်လေ။ ရိက္ခာ၊ လက်နက်၊ ခဲယမ်းမီးကျောက်တွေ သွားထမ်းပို့နေရတာကလည်း နေ့စဉ်လိုပေါ့” ဟု အူသူးထစခန်း တာဝန်ခံဟောင်း စောဘာတီဖိုးက မဇ္ဈိမကို ပြောသည်။
နိုဘိုး ဒုက္ခသည်စခန်းတွင် သြဂုတ်လအထိ ဒုက္ခသည် ၂၀၀၂ ဦး ရှိရာမှ နီးစပ်ရာ အခြားနေရာများသို့ ထွက်ခွာသွားကြရပြီး ယခုအခါ ၁၁၉၀ ဦးသာ ကျန်ရှိတော့သည်။ အူသူးထစခန်းတွင်မူ လက်ရှိ အိမ်ထောင်စု ၃၀၄ စုမှ ၁၉၈၈ ဦး ရှိနေကြောင်း သိရသည်။
၎င်းဒုက္ခသည်များသည် KNU တပ်မဟာ ၇ နယ်မြေ ဘားအံခရိုင်အတွင်းရှိ ပိုင်ကျုံနှင့် လှိုင်းဘွဲ့မြို့နယ်များမှ မဲ့လာအားခီး၊ မဲ့လာအားထာ၊ ဝါ့မီကလား၊ ထီးကဟော အစရှိသည့် ကျေးရွားများမှ ဒေသခံ ကရင်တိုင်းရင်းသားများ ဖြစ်ကြပြီး ယခုနှစ် ဇွန်လအစပိုင်းက စစ်အစိုးရနှင့် DKBA ပူးပေါင်းတပ်များ၏ ထိုးစစ်ဆင်မှုကြောင့် လာရောက် ခိုလှုံနေကြခြင်း ဖြစ်သည်။
ယခင်လ ၁၈ ရက်နေ့ကလည်း အူသူးထစခန်းအတွင်းမှ ဒုက္ခသည် ၂ ဦး “မယ်ဥစု” ထိုင်းရွာသို့ ဈေးဝယ် သွားရာ လမ်းခရီးတွင် နယ်ခြားစောင့် တပ်မှ ဖမ်းဆီး၍ မြဝတီ လူဝင်မှုကြီးကြပ်ရေး - လဝကရုံး အချုပ်ခန်းမှတဆင့် တဖက်ကမ်း မြဝတီသို့ ပိုဆောင်ခံခဲ့ရသေးကြောင်း သိရသည်။
ကရင်ဒုက္ခသည်ကော်မတီ KRC အတွင်းရေးမှူး (၁) ဆရာဂျော့က ယာယီစခန်းများ၌ ယင်းသို့ ဖြစ်ပျက်နေသည်ကို သတင်း မရရှိသေးသော် လည်း ဒုက္ခသည်များကို နေရပ်ရင်းသို့ ပြန်နေခိုင်းရန်မှာ နယ်ခြားစောင့်တပ်များ၏ သဘောတခုတည်းနှင့် မဖြစ်နိုင်ဘဲ ထိုင်းနိုင်ငံ ပြည်ထဲရေး ဝန်ကြီးဌာန၏ သဘောတူညီချက် လိုအပ်သည်ဟု မဇ္ဈိမကို ပြောသည်။
KNU အတွင်းရေးမှူး - ၁ ဗိုလ်မှူးစောလှငွေကမူ ထိုင်းနယ်ခြားစောင့်၏ ယခုလုပ်ရပ်မှာ ဒုက္ခသည်များအား နေရပ်ရင်း ပြန်စေရန် ဖိအားပေးပုံ ပေါက်နေကြောင်း ပြောသည်။ ထို့အပြင် ပွင့်လင်းရာသီ ထိုးစစ်အသစ်များ မဖြစ်ပေါ်မီ လတ်တလော အနေအထားတွင် ယင်းဒေသများမှ ဒုက္ခသည်များ အလုံးအရင်းဖြင့် ထပ်မံရောက်လာရန် အခြေအနေ မရှိသေးကြောင်း သူက ဆက်ပြောသည်။
ယင်းစခန်းများရှိ ဒုက္ခသည်များသည် ယာယီစခန်းများတွင် ဖြစ်သလို နေထိုင်ကြရပြီး Thailand Burma Border Consortium-TBBC (ထိုင်း-မြန်မာ နယ်စပ်ဒုက္ခသည်များကို အကူအညီပေးနေသည့်အဖွဲ့) က စားသောက်ရေးအတွက် စီစဉ်ပေးသည်။
ကျန်းမာရေး ကုသစောင့်ရှောက်မှုကို အစိုးရမဟုတ်သော အဖွဲ့များ၊ ထိုင်းနှင့် မယ်တော်ဆေးခန်းမှ ကျန်းမာရေး ဝန်ထမ်းများက ကူညီပေးနေ ကြောင်း သိရသည်။
မဇ္ဈိမသတင်းဌာနမှ ကူးယူဖေါ်ပြခြင်းဖြစ်ပါသည်။
