ထိုင်းနိုင်ငံသို့ တစ်နေ့လျှင် ဓာတ်ငွေ့ကုဗပေသန်းပေါင်း ၂၄၅သန်း ရောင်းမည်

Sunday, 04 December 2011

နိုဝင်ဘာလ ၂၃ ရက်က ပြုလုပ်ခဲ့သည့် ဇောတိကသ ဘာဝဓာတ်ငွေ့ စီမံကိန်းအတွက် 

လုပ်ငန်းအပ်နှံမှု စာချုပ်ရေးထိုးပွဲ

ဇောတိက သဘာဝဓာတ်ငွေ့စီမံကိန်းမှ ထိုင်းနိုင်ငံသို့ 

 တစ်နေ့လျှင် ဓာတ်ငွေ့ကုဗပေသန်းပေါင်း 

 ၂၄၅သန်းခန့် ရောင်းချမည် 

ဇောတိက သဘာဝဓာတ်ငွေ့ စီမံကိန်းမှ ထွက်ရှိသည့် ဓာတ်ငွေ့များ ကိုပိုက်လိုင်းဖြင့် တနင်္သာရီတိုင်းဒေသကြီး၊ ထားဝယ်ခရိုင်၊ ရေဖြူမြို့နယ်၊ မော်ကြီးကျေးရွာမှ ထိုင်းနိုင်ငံ ကန်ချနာဘူရီခရိုင်၊ ဘန်အီတောင် ဒေသအထိ သွယ်တန်းသွားမည် ဖြစ်ကြောင်းနှင့် စီမံကိန်းမှထွက်ရှိသည့် ဓာတ်ငွေ့များကို ထိုင်းနိုင်ငံသို့ ကနဦးတစ်နေ့လျှင် ကုဗ ပေသန်းပေါင်း ၂၄၅ သန်းခန့်ကို တင်ပို့ ရောင်းချသွားမည် ဖြစ်ပြီး ဓာတ်ငွေ့ ကုဗပေသန်း ၆၀ ခန့်ကို မြန်မာပြည်တွင်းသုံးအတွက် ပို့လွှတ်ပေးသွားမည် ဖြစ်ကြောင်း PTTEPI ရေနံကုမ္ပဏီမှ သတင်းရရှိသည်။

PTTEPI ရေနံကုမ္ပဏီသည် မြန်မာ့ရေနံနှင့် သဘာဝဓာတ်ငွေ့ လုပ်ငန်းနှင့် (PSC-Production Sharing Contract) စာချုပ်ချုပ်ဆို၍ အကျိုးတူ ပူးပေါင်းဆောင်ရွက်ခဲ့ခြင်း ဖြစ်ပြီး ၂၀၀၉ ခုနှစ်တွင် မြန်မာ့ကမ်းလွန်လုပ်ကွက်ြ၉ ၌ ဇောတိကသဘာဝ ဓာတ်ငွေ့မြေအား ရှာဖွေတွေ့ရှိခဲ့ခြင်း ဖြစ်ကြောင်းသိရသည်။

ဇောတိကစီမံကိန်းအတွက် Wellhead Platform 1-2-3 တည်ဆောက်ရေး လုပ်ငန်းများအတွက် PTTEPI ရေနံကုမ္ပဏီသည် ကန်ထရိုက်တန်ဖိုး အမေရိကန်ဒေါ်လာသန်း ၂၀၀ ဖြင့် Larsen & Toubro Limited နှင့်လည်းကောင်း၊ ဇောတိကကုန်းတွင်း Export Pipeline and Facilities တည်ဆောက်ရေး လုပ်ငန်းအတွက် ကန်ထရိုက်တန်ဖိုး အမေရိကန်ဒေါ်လာ သန်း ၁၈၀ ဖြင့် China Petroleum Pipeline Bureau နှင့်လည်းကောင်း လုပ်ငန်းအပ်နှံမှု စာချုပ်ချုပ်ဆိုခဲ့ကြောင်း သိရသည်။

ဇောတိကသဘာဝဓာတ်ငွေ့ စီမံကိန်းသည် မြန်မာ့ရေနံနှင့် သဘာဝဓာတ်ငွေ့ လုပ်ငန်းနှင့် PTTEPI တို့ ဖက်စပ်ဆောင်ရွက်သော လုပ်ငန်းဖြစ်ပြီး ထပ်မံရှာဖွေတွေ့ရှိမှုအပေါ် မူတည်၍ အဆင့် ၃ ဆင့်ကို အဆင့် ဆင့် အကောင်အထည်ဖော် ဆောင်ရွက်သွားမည်ဖြစ်ကြောင်း သိရသည်။

ပင်လယ်တွင်းမှသဘာဝဓာတ် ငွေ့ကို ၂၈ လက်မအချင်းရှိသော ပိုက်လိုင်းဖြင့် ထားဝယ်ခရိုင်အတွင်းရှိ ကမ်းခြေသို့ သွယ်တန်းရယူမည်ဖြစ်ပြီး ကနဦးတစ်နေ့လျှင်ဓာတ်ငွေ့ကုဗပေ သန်းပေါင်း ၂၄၅ သန်းနှုန်းခန့်ကို ထိုင်းနိုင်ငံသို့ တင်ပို့ရောင်းချ သွား မည်ဖြစ်ကာ ဓာတ်ငွေ့ကုဗပေသန်း ပေါင်း ၆၀ ခန့်ကို မြန်မာပြည်တွင်း သုံးအတွက် ပို့လွှတ်သွားမည်ဖြစ် ကြောင်းသိရသည်။ ယင်းစီမံကိန်းမှ ထုတ်လုပ်မှု တိုးမြင့်လာသည်နှင့် အမျှ ပြည်တွင်းသုံး
အတွက် တိုးမြှင့်ရယူ ပေးသွားမည် ဖြစ်ကြောင်းလည်း သိရသည်။

မြန်မာနိုင်ငံ၏ စွမ်းအင်ကဏ္ဍ မှ ၂၀၀၉-၂၀၁၀ ဘဏ္ဍာရေးနှစ်အတွင်း ရေနံစိမ်းစည်သန်း ၆ ဒသမ ၉၆ သန်းနှင့် သဘာဝဓာတ်ငွေ့ ကုဗပေသန်း ၄၃၉၆၁၄ ဒသမ ၈၅ သန်း ထုတ်လုပ်ခဲ့ပြီး ဇောတိက၊ ရွှေ၊ ရွှေဖြူ၊ မြသဘာဝဓာတ်ငွေ့မြေများမှ ဓာတ်ငွေ့များကို တရုတ်နှင့် ထိုင်း နိုင်ငံသို့ ၂၀၁၃ ခုနှစ်တွင် စတင် တင်ပို့ရောင်းချရန် ပြင်ဆင်နေကြောင်း သိရသည်။

ထိုင်းနိုင်ငံသို့ ရတနာသဘာဝ ဓာတ်ငွေ့မြေနှင့် ရဲတံခွန်သဘာဝ ဓာတ်ငွေ့မြေများမှ ဓာတ်ငွေ့များကို ၁၉၉၈ ခုနှစ်နှင့် ၂၀၀၀ ပြည့်နှစ်များတွင် စတင်တင်ပို့ရောင်းချခဲ့ကြောင်း၊ ရတနာသဘာဝဓာတ်ငွေ့စီမံကိန်းမှ ထိုင်းနိုင်ငံသို့ ၃၆ လက်မပိုက်လိုင်းဖြင့် သဘာဝဓာတ်ငွေ့ ကုဗပေသန်း ၇၀၀ ခန့်နေ့စဉ်ပေးပို့ရောင်းချနေပြီး ရဲတံခွန်သဘာဝ ဓာတ်ငွေ့စီမံကိန်းမှ ၂၄ လက်မပိုက်လိုင်းဖြင့် သဘာဝဓာတ်ငွေ့ ကုဗပေ သန်း ၄၆၀ ခန့် နေ့စဉ်ပေးပို့ ရောင်းချလျက်ရှိကြောင်း သိရပါသည်။

တရုတ်နိုင်ငံသို့ တင်ပို့ရောင်းချ မည့် ရွှေ၊ ရွှေဖြူ၊ မြ စသည့်သဘာဝ ဓာတ်ငွေ့မြေအသီးသီးတို့တွင် သဘာဝဓာတ်ငွေ့ ပမာဏ ၄ ဒသမ ၅၃၂ တီစီအက်ဖ်ခန့်ရှိကြောင်း ခန့်မှန်း ထားပြီး တရုတ်နိုင်ငံသို့တင်ပို့နိုင်ရန် ပိုက်လိုင်း သွယ်တန်းလျက် ရှိကြောင်း၊ ထို့အတူ ရတနာ သဘာဝဓာတ်ငွေ့သိုက် အနီးတွင် စိန်နှင့်ပတ္တမြား သဘာဝ ဓာတ်ငွေ့သိုက်များကို ထပ်မံတွေ့ရှိထားပြီး ရတနာ သဘာဝဓာတ်ငွေ့ ထုတ်လုပ်ရေးစင်ဖြင့် ပေါင်းစည်း ထုတ်ယူနိုင်ရန် စီစဉ်ထားပြီးဖြစ်ကြောင်း သိရပါသည်။

လက်ရှိ ထိုင်းနိုင်ငံသို့ တင်ပို့ ရောင်းချနေသော ရတနာနှင့်ရဲတံခွန် သဘာဝဓာတ်ငွေ့မြေများသည် မုတ္တမ ကွေ့အနီးတွင် တည်ရှိပြီး ထိုင်းနိုင်ငံသို့ပင် တင်ပို့ရောင်းချရန် သဘောတူညီချက် ရထားသော ဇောတိက သဘာဝဓာတ်ငွေ့စီမံကိန်းမှာလည်း မုတ္တမကမ်းလွန်ဒေသတွင် တည်ရှိကြောင်း၊ တရုတ်နိုင်ငံသို့ တင်ပို့ရောင်းချရန် သဘောတူညီချက်ရထားသော ရွှေ၊ ရွှေဖြူ၊ မြ သဘာဝဓာတ် ငွေ့မြေများမှာ ရခိုင်ကမ်းလွန်တွင် တည်ရှိကြောင်း၊ ၂၀၁၃ ခုနှစ်တွင် စတင် တင်ပို့ရောင်းချမည့် အဆိုပါ ဓာတ်ငွေ့မြေများမှ ပိုက်လိုင်းများ သွယ်တန်းရာတွင် တရုတ်နိုင်ငံသို့ ၄၀ လက်မပိုက်လိုင်းဖြင့် သွယ်တန်းမည်ဖြစ်ပြီး ထိုင်းနိုင်ငံသို့ ၂၈ လက်မ ပိုက်လိုင်းဖြင့် သွယ်တန်းပို့ လွှတ် ရောင်းချမည်ဖြစ်ကြောင်း သိရသည်။

ထိုင်းနိုင်ငံသို့ ၂၀၁၃ ခုနှစ်တွင် စတင်ပို့လွှတ်ရောင်းချမည့် မုတ္တမကမ်းလွန်ရှိ ဇောတိကရေနံနှင့် သဘာဝဓာတ်ငွေ့ စီမံကိန်းကို ထိုင်းနိုင်ငံအခြေ စိုက် PTTEPI ကုမ္ပဏီမှ ရင်းနှီးမြှုပ်နှံထားပြီး ထွက်ရှိလာသည့် သဘာဝဓာတ်ငွေ့များကို အချင်း ၂၈ လက်မ နှင့်အရှည် ၇၀ ကီလိုမီတာခန့်ရှိသော ဇောတိကကုန်းတွင်း သဘာဝဓာတ်ငွေ့ပိုက်လိုင်းအား ထိုင်းနိုင်ငံသို့ သွယ်တန်းသွားမည်ဖြစ်ကာ ဇောတိက ဓာတ်ငွေ့ထိန်းချုပ်ရေး စခန်းတစ်ခု၊ ဇောတိက မီတာတိုင်းတာရေး စခန်းတစ်ခုနှင့် ဇောတိက ဘလော့ဘား နှစ်ခုတို့ ပါဝင်မည်ဖြစ်ကြောင်း သိရသည်။

“အခုရောင်းမယ့် ပမာဏက များလွန်းတယ်။ 

အနားမှာလည်း ထားဝယ် အထူးစီးပွားရေးဇုန်လို စီမံကိန်းမျိုးရှိနေတဲ့အတွက် တစ်ဝက်လောက်တော့ ချန်ထားသင့်တယ်။ 

ကိုယ့်ဆီမှာ စွမ်းအင်အတွက် သဘာဝပတ်ဝန်းကျင် ထိခိုက်နိုင်တဲ့ ကျောက်မီးသွေးစက်ရုံမျိုးကျတော့ 

တည်ဆောက်ပြီး သဘာဝဓာတ်ငွေ့ကျ တော့ အပြင်ကို ဖောဖောသီသီ ရောင်းချတာမျိုးကျတော့ 

လုံးဝမျှတခြင်း မရှိပါဘူး။ 

ယူမယ့်နိုင်ငံကလည်း အိမ်နီးချင်းကောင်း ပီသတယ် ဆိုရင် ပြန်လည်သုံးသပ်စေချင်တယ်”

ဟု Eleven Media Group ၏ CEO ဒေါက်တာသန်းထွဋ်အောင်က ပြောကြားခဲ့ပါသည်။


Credit http://www.news-eleven.com

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

ချစ်ကြည်မှု၊ စစ်ရေးပူးပေါင်းမှု ပိုမို ခိုင်မြဲရေး တရုတ် ပြော

မြန်မာနဲ့ ချစ်ကြည်မှု၊ စစ်ရေးပူးပေါင်းမှု ပိုမို ခိုင်မြဲရေး 

တရုတ် ပြောဆို

2011-11-28

အမေရိကန် နိုင်ငံခြားရေး ၀န်ကြီး ဟီလာရီ ကလင်တန်ရဲ့ မြန်မာနိုင်ငံ ခရီး မစတင်ခင်မှာပဲ တရုတ် ဒု-သမ္မတ ရှီကျင့်ဖင်က တရုတ်နဲ့ မြန်မာ နှစ်နိုင်ငံကြား ပိုမိုခိုင်မာတဲ့ နည်းဗျူဟာမြောက် မဟာမိတ် ဆက်ဆံရေးကို ဆက်လက် တည်ဆောက်သွားမယ်လို့ ပြောလိုက်ပါတယ်။

တရုတ်နိုင်ငံ ဘေဂျင်းမြို့တော်ကို ရောက်နေတဲ့ မြန်မာ အစိုးရ ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်ကို ပြောလိုက်တာပါ။

ဒါ့အပြင် စစ်ရေးအရ ပူးပေါင်း ဆောင်ရွက်မှုတွေ တိုးမြှင့် လုပ်ဆောင်သွားဖို့လည်း ဒု-သမ္မတက အဆိုပြု တိုက်တွန်းခဲ့ကြောင်း တရုတ် အစိုးရပိုင် သတင်းဌာနက ဖေါ်ပြခဲ့ပါတယ်။

မြန်မာနိုင်ငံကို အမေရိကန် နိုင်ငံခြားရေး ၀န်ကြီး ဟီလာရီ ကလင်တန် မလာခင် ရက်ပိုင်း အလိုမှာ ဗိုလ်ချုပ်ကြီး မင်းအောင်လှိုင် တရုတ်နိုင်ငံကို ခရီးထွက်ခဲ့တာပါ။

ဒါဟာ မြန်မာနဲ့ အမေရိကန် ဆက်ဆံရေး အရှိန်အဟုန်နဲ့ တိုးတက်လာပေမယ့် တစ်ဘက်မှာလည်း တရုတ် အပေါ်ထားတဲ့ သဘောထား မပြောင်းလဲဘူးဆိုတာ ဦးသိန်းစိန် အစိုးရက ရည်ရွယ်ပြသလိုက်တာ ဖြစ်တယ်လို့ တရုတ်ရေးရာ လေ့လာ ကျွမ်းကျင်သူ အမျိုးသား ဒီမိုကရေစီ အဖွဲ့ချုပ် (လွတ်မြောက်နယ်မြေ) နိုင်ငံခြားရေးရာ တာဝန်ခံ ဦးညိုအုန်းမြင့်က ပြောပါတယ်။

တစ်ဘက်မှာလည်း တရုတ် အနေနဲ့ မြန်မာ နိုင်ငံကို စီးပွားရေး အရ လွှမ်းမိုး ခြေကုပ်ယူထားတာကြောင့် အမေရိကန်က အခုလို မြန်မာနဲ့ နိုင်ငံရေး အရ ဆက်ဆံရေး တိုးမြင့်လာတာကို သိပ်တုန်လှုပ်ပုံ မရဘူးလို့ တရုတ်ပြည် အခြေစိုက် ဗမာပြည် ကွန်မြူနစ် ပါတီ ပြောခွင့်ရ ပုဂ္ဂိုလ် ဦးဖိုးသံချောင်းက ဆိုပါတယ်။

တရုတ်ရဲ့ စစ်ရေးအရ မဟာဗျူဟာကျပြီး ကုန်းတွင်းပိတ်နယ်မြေတွေရဲ့ ပင်လယ်ထွက်တံခါးပေါက် ဖြစ်တဲ့ မြန်မာနိုင်ငံကို လာရောက်မယ့် အမေရိကန် နိုင်ငံခြားရေး ၀န်ကြီး ဟီလာရီ ကလင်တန်ရဲ့ခရီးစဉ်ဟာ နှစ်ပေါင်း ၅၀ အတွင်း အမေရိကန်နဲ့ မြန်မာ ဆက်ဆံရေးမှာ အဆင့် အမြင့်ဆုံး ဖြစ်တာကြောင့် တရုတ် အစိုးရ အပေါ် ရိုက်ခတ်မှုတွေ ရှိနိုင်တယ်လို့လည်း နိုင်ငံတကာ ရေးရာ ကျွမ်းကျင်သူတွေက သုံးသပ်ကြပါတယ်။
အသေးစိတ်ကို မအင်ကြင်းနိုင်က ဆက်သွယ်မေးမြန်း တင်ပြထားပါတယ်။

Copyright © 1998-2011 Radio Free Asia. All rights reserved

ဘီဘီစီမြန်မာပိုင်း ဌာနက ဗမာပြည်ကွန်မြူနစ်ပါတီက ဖိုးသံချောင်းနဲ့ ဆက်သွယ်မေးမြန်းခန်းပါ 

Source Audio from http://www.bbcburmese.com

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

အချိန်ရမှ နားဆင်ပါ

အချိန်ရမှ နားဆင်ပါ 

အပြင်းပြေ သီချင်းလေးတွေ နားဆင်ရင်း သတင်းလေးတွေကို သုံးသပ်ချင်တယ်ဆိုလျင်တော့ အောက်က
အသံဖိုင်ကို ကလစ်လိုက်ပါ။

တေးသံရှင် ခင်ဝမ်းရဲ့ နှုတ်ဆက်ခဲ့ပါတယ်၊
တေးသံရှင် ဆုမ်သင်းပါရဲ့ လာခဲ့တော့မယ်၊
တေးသံရှင် စိုင်းထီးဆိုင်ရဲ့ စဉ်းစားပါဦး စတဲ့ တေးသီချင်းလေးတွေပါ။

ဟောင်းနေပေမယ့် ကောင်းနေဆဲပါ။

ပြီးတော့ မြန်မာ့နိုင်ငံရေး သမား တွေရဲ့ သုံးသပ်ချက်အချို့ကိုလည်း နားဆင်နိုင်ပါတယ်။ ဒေါ်အောင်ဆန်းစုကြည်ကတော့ ပြောပါတယ်။

အများသဘောနဲ့ မဆုံးဖြတ်ခင်မှာ ကိုယ်သဘောမတူလျင် မတူသလို တင်ပြဆွေးနွေးပါ၊ အများကသဘောတူလို့ ဆုံးဖြတ်ချက်ချပြီးပြီ ဆိုလျင်တော့ အင်နဲ့အားနဲ့လိုက်လုပ်ရမယ် အဲဒါ democracy ပဲတဲ့။

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

ငမိုးရိပ်ရာဇ၀င် ပေါ်လာပြီ(ခေါင်းစည်းအမှန်မဟုတ်ပါ)

ငမိုးရိပ်ချောင်းအတွင်း သွားလာနေသော မိကျောင်းကို လာရောက်ကြည့်ရှု့နေသူများအား တွေ့ရစဉ်

 ငမိုးရိပ်ချောင်းအတွင်း အောက်တိုဘာလ ၂၈ ရက်နေ့ ညပိုင်းက မိကျောင်းတစ်ကောင်အား ဖမ်းဆီးရမိပြီးနောက် တစ်လနီးပါးအကြာ နိုဝင်ဘာလ ၂၄ ရက်နေ့က မိကျောင်းတစ်ကောင်အား အဆိုပါ ချောင်းအတွင်း၌ ထပ်မံတွေ့ရှိနေရကြောင်း သတင်းရရှိသည်။

ပထမအကြိမ် ဖမ်းဆီးမိခဲ့သည့် မိကျောင်းမှာ ၁၀ ပေခန့် အရွယ်ရှိပြီး ယခုထပ်မံတွေ့ရှိရသည့် မိကျောင်းမှာလည်း ပထမအကြိမ်ထက် အရွယ်အစားပိုကြီးကြောင်း တွေ့ရှိရသည်။

ယခုဒုတိယအကြိမ် တွေ့ရှိနေရသည့် မိကျောင်းမှာ ငမိုးရိပ်တံတား ဒဂုံမြို့သစ် (တောင်ပိုင်း) အတွင်းရှိ ငမိုးရိပ်ချောင်းအနီး ပတ်ဝန်းကျင်တွင် သွားလာနေသည်ကို တွေ့ရှိရသည်။ ငမိုးရိပ်တံတား(တောင်ဒဂုံ) ဘက်ခြမ်းတွင် တာဝန်ကျ ရဲဝန်ထမ်းတစ်ဦးကလည်း

"ကျွန်တော် အဲဒီ မိကျောင်းကို တွေ့နေရတာ ၄ ရက် ရှိပါပြီ။ ချောင်းထဲမှာ မိကျောင်းနှစ်ကောင်ရှိတယ်လို့ ထင်ပါတယ်။ တစ်ကောင်က တော်တော်ကြီးတယ်။ တစ်ကောင်ကတော့ လေးပေလောက်ဘဲရှိတဲ့ မိကျောင်းကိုတွေ့ရပါတယ်"
ဟု ၄င်း၏မြင်တွေ့မှုအပေါ်ကို ပြန်လည်ပြောကြားခဲ့သည်။

အဆိုပါချောင်းအနီးတွင် နေထိုင်သူအမျိုးသမီးတစ်ဦးကလည်း

"ကျွန်မက နိုဝင်ဘာလ ၂၃ ရက်နေ့ ညနေပိုင်းက ကန်စွန်းစိုက်ခင်းကနေ ပြန်အလာမှာ ငမိုးရိပ်ချောင်း ကမ်းနားမှာ အဲဒီမိကျောင်းကြီး တစ်ကောင်ကို တွေ့ခဲ့ပါတယ်" ဟု ပြောကြားခဲ့သည်။

ယခုအကြိမ် ငမိုးရိပ်ချောင်းအတွင်း သွားလာနေသော အဆိုပါ မိကျောင်းအား ဖမ်းဆီးရမိရန်အတွက် ၄င်းချောင်းအနီးတွင် နေထိုင်သူအချို့မှ နိုဝင်ဘာလ ၂၄ ရက်နေ့ မွန်းလွှဲပိုင်း၁နာရီအချိန်မှ ညပိုင်းအချိန်အထိ ဖမ်းဆီးမိရန်ကြိုးစားခဲ့သော်လည်း မအောင်မြင်ခဲ့ကြောင်း သိရှိရသည်။

ပထမအကြိမ် ငမိုးရိပ်ချောင်းအတွင်း သွားလာနေသော ၁၀ ပေ အရွယ်ရှိ မိကျောင်းကိုလည်း အောက်တိုဘာလ ၃ ရက်နေ့က စတင်တွေ့ရှိခဲ့ပြီး အောက်တိုဘာလ ၂၈ ရက်နေ့ညပိုင်းက ရေယာဉ်လုပ်သား သုံးဦးက ဖမ်းဆီးမိခဲ့ကြောင်း သိရှိရသည်။

ယခုအကြိမ်တွင်လည်း မိကျောင်းကို ဖမ်းဆီးရမိရန်အတွက် ချောင်းအနီးအနားတွင် နေထိုင်သည့် ပြည်သူအချို့က ဖမ်းမိရန် ကြိုးစားဆောင်ရွက်နေကြောင်း သိရှိရသည်။ ငမိုးရိပ်ချောင်းအတွင်း ထပ်မံတွေ့ရှိနေရသည့် မိကျောင်းကို လာရောက်ကြည့်ရှုနေသူ များပြားလျက်ရှိကြောင်း သိရှိရသည်။

Credit http://www.news-eleven.com

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

အကောင်းမြင်လေး မြင်ချင်လို့ပါ

နိုင်ငံတော်သမ္မတ၊ ဒုတိယသမ္မတများ၊ ပြည်ထောင်စုဝန်ကြီးများနှင့် ပြည်ထောင်စု ရှေ့နေချုပ်တို့

ပါဝင်သော ပြည်ထောင်စု အစိုးရအဖွဲ့ကို တွေ့ရစဉ် Photo :MNA

အကောင်းမြင်လေး မြင်ချင်လို့ပါ

Source Audio from http://www.bbcburmese.com

ဦးသိန်းစိန်က အဲဒီလိုပြောသွားတာ။
လေသံက ပျော့ပျော့လေးနဲ့ နံတဲ့ကြောင်ချေး(ချီး)။
ပျော့ပျာ့လေးဆိုလိုက်လို့ အပျော့အမာကိုဆိုလိုတာမဟုတ်ဘူးဗျ။
ကြောင်ချေးအနံ့က ခပ်ပျော့ပျော့လေးရယ်၊ ၀က်ချေးလို ကြက်ချေး၊ ဘဲချေးလို အနံ့မပြင်းဘူး။
အနံ့ကတော့ ဆိုးသလားမမေးနဲ့၊ တော်ရုံနဲ့ကို မပျောက်ဘူး။
ဒါကြောင့်လည်း မြန်မာတိုင်းက အခုလို ပံ့ပိုးထောက်ကူ သတင်းရေးထားတာဖြစ်မယ်။

ကိုယ့်နိုင်ငံမှာ လာလုပ်တာဖြစ်တဲ့အတွက် ကိုယ့်နိုင်ငံသားတွေမနစ်နာရအောင် လုပ်ပေးရမှာပါ ဟု အထောက် အကူပြုလုပ်ငန်းအဖွဲ့(ယာယီ)၏ အဖွဲ့ဥက္ကဋ္ဌ ဦးရဲနိုင်အောင်က မြန်မာတိုင်း(မ်)ကို ပြောသည်။
မောင်းမကန်ရွာမှ ရေနက်ဆိပ်ကမ်းလုပ်ရန် လျာထားသည့်ကမ်းခြေအထိ မိုင်၂၀ ခန့်ကို လမ်းအူကြောင်းဖောက် လုပ်ပြီးဖြစ်သည်။
"အခုဆို လမ်းအူကြောင်းဖောက်လိုက်လို့ နေရာပါသွားတဲ့သူတွေကို ကုမ္ပဏီက လျော်ကြေးပေးတယ်။ အကုန်လုံးပါတာမဟုတ်ပေမယ့် သီဟိုဠ်ပင်တစ်ပင်ကို ငါးသောင်းလောက်အထိ ပေးတာမျိုးရှိတယ်။

ဟိုဘုန်းတော်ကြီးတပါးပြောတဲ့ ဘုန်းကြီးကျောင်းတို့ စာသင်တိုက်တို့ကျတော့ ပြန်ဆောက်ပေးမှာပေါ့။
နားသောတ ဆင်တော်မူကြည့်ကြပါ။

Source Audio from http://www.bbcburmese.com

တောင်ကိုးရီးယားကုမ္မဏီက လျော်ကြေးပေးသလိုမျိုးလေးဆို ဘယ်လိုနေမလဲ။

Source Audio from http://www.bbcburmese.com

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

မြန်မာ-မြောက်ကိုရီးယား ဆက်သွယ်မှု

Source Photo from http://www.google.com/images

မြန်မာ-မြောက်ကိုရီးယား ဆက်သွယ်မှု

By ဦးအောင်ခင် & မညိုညိုလွင်
စနေ, 15 ဇန်နဝါရီ 2011

ဗမာစစ်အစိုးရက အဏုမြူလက်နက် ထုတ်လုပ်ဖို့ ကြိုးစားတယ်ဆိုတဲ့ သတင်းနဲ့ ပတ်သက်ပြီး အငြင်းပွားစရာတွေ ဖြစ်နေတဲ့အတွက် (International Atomic Energy Agency (IAEA)) အပြည်ပြည်ဆိုင်ရာ အဏုမြူစွမ်းအား အေဂျင်စီက မြန်မာပြည်ကို သွားရောက်စစ်ဆေးလိုကြောင်း စာရေးအကြောင်းကြားထားတယ်လို့ ဒီဇင်ဘာလ (၁၈) ရက်နေ့က Wall Street Journal သတင်းဆောင်းပါးမှာ ဖော်ပြထားပါတယ်။ ဗမာအစိုးရရဲ့  အဏုမြူလက်နက် စီမံကိန်းဟာ မဖြစ်စလောက်သာ ဖြစ်ပေမယ့် လျှို့ ဝှက်အကောင်အထည်ဖော်ပြီး မြောက်ကိုရီးယားနဲ့ ဆက်သွယ်တာကြောင့် မယုံသင်္ကာ ဖြစ်လာကြတာပါ။

အခုတလော အမေရိကန်နိုင်ငံခြားရေးဌာနရဲ့  လျှို့ ဝှက်ပေးစာတွေ ပေါက်ကြားသွားတာကြောင့်လည်း တိုးတိုးတိတ်တိတ်လုပ်တတ်တဲ့ မြန်မာနဲ့ မြောက်ကိုရီးယားရဲ့  ဆက်သွယ်မှုကို စိတ်ဝင်စားလာကြတာပါ။ အဏုမြူလက်နက် စမ်းသပ်ဖောက်ခွဲမှုကြောင့် ကုလသမဂ္ဂ လုံခြုံရေးကောင်စီက ဒဏ်ခတ်အရေးယူထားတဲ့ မြောက်ကိုရီးယားဟာ ဗမာစစ်အစိုးရကို အဏုမြူလက်နက်နဲ့ ဒုံးလက်နက် အတတ်ပညာ သင်ပေးနေတယ်ဆိုတဲ့ သတင်းထွက်နေတာ နှစ်အတော်ကြာနေပါပြီ။ ဗိုလ်ချုပ်ကြီးသူရရွှေမန်း ခေါင်းဆောင်တဲ့ လျှို့ ဝှက်စစ်မစ်ရှင် ၂၀၀၈ နိုဝင်ဘာလမှာ မြောက်ကိုရီးယားကိုသွားတဲ့ သတင်းပေါက်ကြားတော့ မြန်မာ-မြောက်ကိုရီးယား ဆက်သွယ်မှုကို ပိုပြီးမယုံသင်္ကာ ဖြစ်လာကြပါတယ်။

အဏုမြူလက်နက် စီမံကိန်းမှာ ကိုယ်တိုင်ပါဝင်ခဲ့သူ ဗိုလ်မှုးစိုင်းသိန်းဝင်း လွန်ခဲ့တဲ့နှစ် ဇွန်လအစောပိုင်းက အထောက်အထားနဲ့ ဖော်ပြတော့မှာ အဏုမြူလက်နက်ရနိုင်အောင် ကြိုးပမ်းနေပုံကို သိရပါတယ်။ အဏုမြူလက်နက်နဲ့ ဒုံးလက်နက်ဆိုင်ရာပစ္စည်းကို မြောက်ကိုရီးယားနဲ့ အရောင်းအဝယ်မလုပ်ဖို့ ကုလသမဂ္ဂ လုံခြုံရေးကောင်စီက ပိတ်ပင်ထားပါတယ်။ ဒီလို ပိတ်ပင်ထားတာ ဘယ်လောက်ထိရောက်တယ်ဆိုတာကို စစ်ဆေးဖို့အတွက် ကျွမ်းကျင်သူ (၇) ဦး ပါဝင်တဲ့အဖွဲ့ကို ၂၀၀၉ ဇွန်လမှာ ဖွဲ့စည်းပါတယ်။ ကုလသမဂ္ဂ ကျွမ်းကျင်သူများအဖွဲ့က လွန်ခဲ့တဲ့နှစ် နိုဝင်ဘာလ (၅) ရက်နေ့မှာ စာမျက်နှာ (၇၀) အစီရင်ခံစာကို ထုတ်ပြန်လိုက်ပါတယ်။ ကုလသမဂ္ဂလုံခြုံရေးကောင်စီက ပိတ်ပင်ထားတဲ့ ပစ္စည်းတွေကို မြောက်ကိုရီးယားအစိုးရက မြန်မာ၊ အီရန် နဲ့ ဆီးရီးယား တို့ကို နည်းမျိုးစုံသုံးပြီး တင်ပို့ရောင်းချနေတဲ့ အထောက်အထားတွေ တွေ့ရတယ်လို့ ဖော်ပြထားပါတယ်။

မှောင်ခိုလမ်းကြောင်းက တိတ်တဆိတ် ဆက်သွယ်ပြီး အပေးအယူအရောင်းအဝယ် လုပ်တာဟာ လုံခြုံရေးကောင်စီ ဆုံးဖြတ်ချက်ကို ဖောက်ဖျက်တာနဲ့ အတူတူပါ။ လုံခြုံရေးကောင်စီ ဆုံးဖြတ်ချက်မှာ အရေးယူဖို့ကိစ္စကို ဖော်ပြမထားပေမယ့် ကောင်စီဝင်အားလုံး တညီတညွတ်တည်း ဆုံးဖြတ်လိုက်တယ်ဆိုတာကပဲ ကုလသမဂ္ဂရဲ့  သဘောထားကို ပြသရာရောက်နေပါတယ်။ လုံခြုံရေးကောင်စီ ဆုံးဖြတ်ချက်ကို မြောက်ကိုရီးယားနဲ့ မြန်မာလိုက်နာရေးအတွက် တရုတ်နဲ့ ရုရှားမှာ တာဝန်ရှိလာပါတယ်။ ဒါပေမဲ့ မြောက်ကိုရီးယားနဲ့ ဗမာစစ်အစိုးရကို ဒေသဆိုင်ရာ အန္တရာယ်လို့ တရုတ်က မမြင်ပါဘူး။ ဒါကြောင့် ဗမာအစိုးရကို အရေးယူဖို့ အခက်အခဲရှိသလို မြောက်ကိုရီးယားကို အရေးယူရာမှာလည်း ခက်ခဲနေပါတယ်။

တောင်ကိုရီးယား ရေငုတ်သင်္ဘောနဲ့ ယုံဖြွန်းကျွန်း တို့ကို မြောက်ကိုရီးယားက တိုက်ခိုက်တာကို ဒေသဆိုင်ရာ အန္တရာယ်လို့ ဂျပန်၊ တောင်ကိုရီးယား နဲ့ အမေရိက တို့ကို မြင်သလို တရုတ်က မမြင်ပါဘူး။ မြောက် နဲ့ တောင်ကိုရီးယား နှစ်နိုင်ငံရဲ့  ပဋိပက္ခသာ ဖြစ်တယ်လို့ တရုတ်ကမြင်ပါတယ်။ တောင်ကိုရီးယားမှာ အမေရိကန်စစ်အင်အား တိုးပွားလာတာကသာ ဒေသဆိုင်ရာအတွက် အန္တရာယ်ရှိတယ်လို့ တရုတ်က မြင်ပါတယ်။ ပြည်တွင်းမှာ တိုင်းရင်းသားလက်နက်ကိုင်တွေကို တိုက်ခိုက်နေတဲ့ ဗမာစစ်အစိုးရကိုလည်း အန္တရာယ်လို့ မမြင်ပါဘူး။ ကိုရီးယားကျွန်စွယ်နဲ့ မြန်မာနိုင်ငံမှာ အင်အားကြီးနိုင်ငံက စစ်တပ်တွေ လာရောက်စခန်းချထားတာကသာ တရုတ်ပြည်အတွက် အန္တရာယ်ရှိတယ်လို့ မြင်ပါတယ်။

မြန်မာစစ်အစိုးရမှာ အဏုမြူလက်နက်ထုတ်လုပ်ဖို့ ရည်ရွယ်ချက်မရှိဘူးဆိုရင် အဏုမြူစီမံကိန်းကို အစစ်ဆေးခံနိုင်ရလိမ့်မယ်။ အရပ်ဘက်သုံး အဏုမြူဓါတ်ပေါင်းဖိုကို စစ်တပ်ရဲ့  လျှို့ ဝှက်စီမံကိန်းအဖြစ် လုပ်ကိုင်နေတာဟာ မယုံသင်္ကာဖြစ်စရာပါ။ နိုင်ငံခြားစစ်တပ်တွေ ကျူးကျော်ဝင်ရောက်လာမှာကို အမြဲတမ်းတွေးကြောက်နေတဲ့ ဗမာစစ်အစိုးရ ခေါင်းဆောင်ပိုင်းရဲ့  လျှို့ ဝှက်စိမံကိန်း အကောင်အထည်ဖော်မှုနဲ့ မြောက်ကိုရီးယားနဲ့ ဆက်သွယ်မှုကြောင့် ဗမာစစ်အစိုးရကို ပိုပြီးသံသယဖြစ်နေကြတာပါ။

အဏုမြူစွမ်းအင်က လျှပ်စစ်ဓါတ်အားထုတ်ယူဖို့ ဗိယက်နမ်၊ အင်ဒိုနီးရှား နဲ့ ထိုင်းနိုင်ငံတွေမှာ စီမံကိန်းတွေ ရှိပါတယ်။ မလေးရှားနဲ့ ဖိလစ်ပိုင်ကလည်း အဏုမြူဓါတ်အားကို စိတ်ဝင်စားနေကြပါတယ်။ နောက် (၁၀) နှစ်လောက်ဆိုရင် အဏုမြူဓါတ်အားပေးစက်ရုံတွေ ရှိလာနိုင်ပါတယ်။ အဏုမြူစက်ရုံကနေ လက်နက်ပစ္စည်းပါ ထုတ်လုပ်နိုင်တာမို့ ကုလသမဂ္ဂ အဏုမြူစွမ်းအား အေဂျင်စီ နဲ့ အာဆီယံ အာဏာပိုင်တို့ ပူးတွဲဆောင်ရွက်ရမယ့် အချိန်ရောက်လာပါလိမ့်မယ်။ အာဆီယံနိုင်ငံတွေမှာ အဏုမြူလက်နက်မထားဖို့ ၁၉၉၇ မှာ စာချုပ်ချုပ်ဆိုပြီး ပိတ်ပင်ထားပါတယ်။ ဒါပေမဲ့ အဏုမြူဓါတ်အားကို ငြိမ်းချမ်းစွာအသုံးပြုနိုင်ကြောင်း စာချုပ်အပိုဒ် (၄) မှာ ဖော်ပြထားပါတယ်။

ဒါကြောင့် အဏုမြူစွမ်းအား အသုံးပြုဖို့ အတိအလင်းကြိုးပမ်းတာဟာ အပြစ်မဟုတ်ဘဲ၊ မြောက်ကိုရီးယားနဲ့ လျှို့ ဝှက်အပေးအယူ လုပ်တာကသာ အပြစ်ကျူးလွန်နေသလို ဖြစ်နေပါတယ်။

Find this article at:
http://www.voanews.com/burmese/news/news-analysis/news_analysis_01-15-2011-113624204.html

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

မြန်မာစစ်အစိုးရ နဲ့ နျူကလီးယား စီမံကိန်း

မြန်မာစစ်အစိုးရ နဲ့ နျူကလီးယား စီမံကိန်း

By ဦးကျော်ဇံသာ
ဗုဒ္ဓဟူး, 15 ဒီဇင်ဘာ 2010

ဒီတပတ် မျက်မှောက်ရေးရာ သုံးသပ်ချက်အစီအစဉ်မှာ ဦးကျော်ဇံသာ က မြန်မာနိုင်ငံဟာ နျူကလီးယားရှိဖို့ လုပ်ဆောင်နေသလားဆိုတဲ့ မေးခွန်းတွေ ၊ ဒါမှမဟုတ် သံသယတွေက အခုတလော WikiLeaks ထုတ်ဖော်ချက်တွေကြောင့် ကျယ်ကျယ်လောင်လောင် ဖြစ်လာပြန်ပါတယ်။ ဒီသံသယတွေဟာ ဘယ်လောက်အထိ အခြေအမြစ် ရှိသလဲ။ မြန်မာနိုင်ငံစစ်အစိုးရရဲ့  နျူကလီးယား စီမံကိန်းတွေကို နိုင်ငံတကာကသိအောင် စတင်ဖော်ထုတ်လိုက်တဲ့ ဗိုလ်မှူးဟောင်း စိုင်းသိန်းဝင်း ကို ဆက်သွယ်မေးမြန်း ဆွေးနွေးတင်ပြထားပါတယ်။

ဦးကျော်ဇံသာ ။ ။ အခုမြန်မာပြည်မှာ နျူးကလီးယားလုပ်ငန်းတွေကို လုပ်ကိုင်နေတယ်ဆိုတာ အထောက်အထားတွေ အများကြီးကို နိုင်ငံတကာကလည်း တွေ့လာရတယ်။ ကိုစိုင်းသိန်းဝင်း ကိုယ်တိုင် ထုတ်ပြတာလည်း တွေ့ရပါတယ်။ ဒီဟာက ငြိမ်းချမ်းစွာ အသုံးပြုရေးလား။ လက်နက်လုပ်ဖို့ကို သိသိသာသာ ဖော်ပြနေပါသလား။

ဗိုလ်မှူးဟောင်း စိုင်းသိန်းဝင်း ။ ။ ကျနော်တို့ လက်နက်အတွက် မဟုတ်ဘူးဆိုလို့ရှိရင် ဒီလောက်ကြီး လျှို့ဝှက် ပြီး လုပ်နေစရာ မလိုပါဘူး။ ပြီးတော့ လက်နက်အတွက်မဟုတ်ဘူး မြန်မာပြည်ကြီးတခုလုံးကို မီးအလင်းရောင် ပေးဖို့ ဆိုလို့ရှိရင် ဓါတ်ငွေ့နဲ့ပင် မီးအလင်းရောင် ပေးလို့ရပါတယ်။ ဒီ ဓါတ်ငွေ့ရောင်းလို့ရတဲ့ ပိုက်ဆံနဲ့ စစ်ဗိုလ်တွေကို ရုရှားလွှတ် ပညာတော်သင်၊ နျူကလီးယား ပညာသင်။ ပြီးရင် နျူကလီးယား ရီအက်တာ (nuclear reactor) ဆောက်ဆိုတာက ဘယ်ဘက်နားက ယားတာကို ညာဘက်လက်နဲ့ ကုတ်သလို ဖြစ်နေပါတယ်။

ဦးကျော်ဇံသာ ။ ။ ဆိုတော့ တွေ့ရတဲ့ ပစ္စည်းကရိယာ အစိတ်အပိုင်းတွေက လက်နက်အတွက်ဖြစ်တယ်ဆိုတဲ့ အထောက်အထား တွေ့ပါသလား။ အခု ကိုစိုင်းဝင်းသိန်း ပြောတဲ့ဟာက circumstantial evidence ဒီအခြေအနေမှာ ဖြစ်နိုင်တယ်။ ဒီလောက် သူတို့ လျို့ ဝှက်ပြီး လုပ်နေတာကို ကြည့်မယ်ဆိုရင် ဓါတ်ငွေ့တွေရှိရဲ့သားနဲ့ လုပ်နေတာကို ကြည့်မယ်ဆိုရင် ဒါဟာ ငြိမ်းချမ်းစွာ အသုံးချရေး စွမ်းအင်အတွက် မဟုတ်ဘူးဘဲနဲ့ လက်နက်အတွက် ဖြစ်နိုင်တယ်ဆိုပြီး circumstantial evidence ခေါ်တဲ့ ဖြစ်နိုင်တဲ့ အခြေအနေနဲ့ ပြောတာ။ အဲဒီ တွေ့ရှိရတဲ့ ပစ္စည်းအထောက်အထားတွေထဲမှာ ဒါဟာဖြစ် လက်နက်အဖြစ်သာ သုံးနေတယ်ဆိုတာကို တွေ့ရပါသလား။

ဗိုလ်မှူးဟောင်း စိုင်းသိန်းဝင်း ။ ။ အဲဒီဥစ္စာက ကျနော်တို့ ပစ္စည်းအစိတ်အပိုင်းတွေဟာ ကျနော်တို့ရဲ့  လုပ်နေတဲ့အလုပ်က အစပိုင်းမှာပဲ ရှိနေပါသေးတယ်။ အဲဒီရဲ့  အချက်ပေါ်မှာ မူတည်ပါတယ်။ အဲဒါကြောင့်မို့ ထုတ်နေတဲ့ ပစ္စည်းတွေက လက်နက်အတွက်လည်း ဖြစ်နိုင်သလို တခြားသမာရိုးကျကိစ္စရပ်တွေအတွက်လည်း ဖြစ်နိုင်ပါတယ်။ ဒါ နျူကလီးယားလက်နက်လုပ်ဖို့ ထုတ်လုပ်ထားတဲ့ ပစ္စည်းတွေလို့ အပ်စမှတ်စ သွားပြောလို့ မရပါဘူး။ ဆိုလိုတာက ကျနော်တို့ မြိုင်မှာဝယ်ထားတဲ့ CMC machines တွေ ဆိုလို့ရှိရင် တွင်ခုံ တွေဖြစ်တယ်။ ဒီ တွင်ခုံတွေကနေ ကားပစ္စည်းတွေလည်း ထုတ်လို့ရတယ်။ သေနတ်ရဲ့  ပစ္စည်းတွေလည်း ထုတ်နိုင်တယ်။ ဆိုတော့ ဒီစက်တွေကို သွားပြီးတော့ လက်နက်ပစ္စည်းထုတ်တဲ့ စက်တွေလို့ ပြောလို့မရဘူး။ Machine parts တွေကို ထုတ်လုပ်တဲ့ machine ပဲ ဖြစ်ပါတယ်။ အဲဒီလိုပဲ အခုန ကျနော်ပြောတဲ့ အစိတ်အပိုင်းတွေကလည်း ကိုယ့်ရဲ့  ရည်မှန်းချက်အပေါ် မူတည်ပြီး ဘယ်လို အသုံးဝင်တဲ့ ပစ္စည်းတွေ ဖြစ်ပါတယ်။

ဦးကျော်ဇံသာ ။ ။ ဟုတ်ကဲ့ ကျနော်က အဲဒါကို သိချင်တာပါ။ ဘာကြောင့်လည်းဆိုတော့ မြန်မာစစ်အစိုးရက ကမ္ဘာမှာ နံမည်ပျက်တဲ့အစိုးရ - လူ့အခွင့်အရေး ချိုးဖောက်တယ်၊ ပြည်သူတွေကို နိုင်ထက်စီးနှင်းလုပ်တယ်၊ နောက်ပြီးတော့ တိုင်းရင်းသားတွေကို မတရားစစ်ဆင်ရေးတွေလုပ်တယ်၊ ဒီမိုကရေစီ မပေးဘူး ပိတ်ပင်တယ် စတာတွေနဲ့ နံမည်ပျက်နေတော့ ဒီအစိုးရတရပ်ရဲ့  လုပ်ရပ်ဟာ ဘာအတွက်ပဲလုပ်လုပ် များသောအားဖြင့်တော့ လူတွေဟာ လက်နက်အတွက် လုပ်တာဖြစ်တယ်လို့ ထင်မြင်စရာအကြောင်းတော့ ရှိတာပေါ့။ ကျနော်က အဲဒါကို စဉ်းစားတာ ဖြစ်ပါတယ်။ တကယ်လို့ ဒီလို လုပ်ငန်းမျိုးကို ဒီလို လူကြိုက်နည်းတဲ့ စစ်အစိုးရမဟုတ်ဘဲနဲ့ လူတွေ လိုလားနှစ်သက်တဲ့ ဒီမိုကရေစီအစိုးရတရပ်ရပ်က လုပ်လာတယ်ဆိုရင်ကော ဒါတွေဟာ ကန့်ကွက်စရာဖြစ်မယ်လို့ ကိုစိုင်းသိန်းဝင်း ထင်ပါသလား။

ဗိုလ်မှူးဟောင်း စိုင်းသိန်းဝင်း ။ ။ ကျနော်အနေနဲ့တော့ ကန့်ကွက်ပါတယ်။ ဘာဖြစ်လို့လည်းဆိုတော့ ဒီ စီမံကိန်းကြီးဟာ လက်နက်အတွက်ပဲ ဦးတည်နေတဲ့ စီမံကိန်းဖြစ်နေတာကြောင် ကျနော်က ကန့်ကွက်ရခြင်း ဖြစ်ပါတယ်။ မြန်မာပြည်မှာ ဒီလိုလက်နက်မျိုး ရှိစရာအကြောင်း မရှိပါဘူး။ တကယ်လို့ ဒီမိုကရေစီ အစိုးရဖြစ်နေမယ်ဆိုလို့ရှိရင်လည်း ဒီဥစ္စာက လုပ်ခွင့်ရှိလာလိမ့်မယ်လို့ ကျနော် မထင်ပါဘူး။ ဘာဖြစ်လို့လည်းဆိုတော့ ဒီမိုကရေစီအစိုးရမှာ transparency က ရှိရမယ်။ အဲဒီအခါကျတော့ ဒီလို လုပ်နေတဲ့ပုံစံနဲ့ ဆက်သွားလို့ မရပါဘူး။ ကျနော် ဒီကိစ္စကို လက်နက်စီမံကိန်းလို့ ကျနော်ပြောရတဲ့ အကြောင်းရင်းက ကျနော်က ဒီကိစ္စမှာ ကိုယ်တိုင်ကိုယ်ကြပါခဲ့တဲ့ မျက်မြင်သက်သေတယောက် ဖြစ်နေလို့ပါ။

ဦးကျော်ဇံသာ ။ ။ စောစောက ကိုစိုင်းသိန်းဝင်းပြောတော့ ပစ္စည်းအစိတ်အပိုင်းအရတော့ လက်နက်လား၊ ငြိမ်းချမ်းစွာ အသုံးချရေးဆိုတာကို မခွဲခြားနိုင်ဘူးဆိုလို့ ကျနော် မေးရတာပါ။ ပစ္စည်းအစိတ်အပိုင်းတွေကိုကြည့်ပြီး ဒါဟာ လက်နက်အတွက်လုပ်တာ သေချာတယ်လို့ ပြောလို့မရဘူးပေါ့။

ဗိုလ်မှူးဟောင်း စိုင်းသိန်းဝင်း ။ ။ ပစ္စည်းကိုကြည့်ပြီး သုံးသပ်မယ်ဆိုရင် သုံးသပ်တာ အဖြေနှစ်မျိုး ထွက်ပါတယ်။ ကိုယ်လိုရာကို ဆွဲလို့ရတဲ့သဘောမျိုး ဖြစ်နေတာရှိပါတယ်။ ဒါပေမဲ့ ကျနော်ကကြတော့ ဒီနေရာမှာ သူတို့လုပ်ပုံကိုင်ပုံ စီစဉ်နေပုံကို ကျနော်က သိခဲ့မြင်ခဲ့တဲ့ လူတယောက် ဖြစ်လို့ ဒါဟာ လက်နက်စီမံကိန်းအတွက်လို့ ပြောတာဖြစ်ပါတယ်။ ဘာဖြစ်လို့လဲဆိုတော့ ကျနော်တို့ တပ်မတော် သိပ္ပံနဲ့ နည်းပညာဆိုင်ရာ သုတေသန ဌာနချုပ်မှူး ဗိုလ်ချုပ်စိန်ဝင်း ကနေပြီး ဗိုလ်ချုပ်မှူးကြီးမောင်အေး ကို နျူကလီးယားလက်နက် အသုံးချရေး မဟာဗျူဟာတခု ချပြတာ၊ presentation လုပ်ပြတာကို ကျနော်တို့ တွေ့ရပါတယ်။ ဒါက ကျနော် ဥပမာတခုကို ပြောပြတာပါ။

ဦးကျော်ဇံသာ ။ ။ ကိုစိုင်းဝင်းသိန်းအနေနဲ့ လက်နက်အတွက် လုပ်တယ်ဆိုတာ သေချာတယ်ပေါ့။

ဗိုလ်မှူးဟောင်း စိုင်းသိန်းဝင်း ။ ။ ဟုတ်ကဲ့ပါခင်များ။

ဦးကျော်ဇံသာ ။ ။ ဒီမိုကရေစီ အစိုးရတရပ်ဆိုရင်တော့ လက်နက်လုပ်စရာမလိုဘူး။ မြန်မာနိုင်ငံအစိုးရက အစောပိုင်းတုန်းက လွန်ခဲ့တဲ့ ဆယ်နှစ်လောက်ကလား၊ ကိုစိုင်းဝင်းသိန်း တို့ကို ပညာတော်သင် လွှတ်ခစမှာလား မသိဘူး - ဒီ နျူကလီးယားကိစ္စကို ငြိမ်းချမ်းစွာ အသုံးပြုဖို့ဆိုပြီး IAEA နဲ့ ဆက်သွယ်ခဲ့တာတွေ ရှိခဲ့တယ်မဟုတ်လား။

ဗိုလ်မှူးဟောင်း စိုင်းသိန်းဝင်း ။ ။ ဟုတ်ကဲ့ခင်များ။ အဲဒီ သတင်းကိုလည်း ကြားသိခဲ့ရပါတယ်။ နောက်ကျတော့ အဲဒီ IAEA နဲ့ ဆက်သွယ်ပြီး လုပ်ခဲ့မယ်ဆိုရင် အဲဒီ နျူကလီးယား ရီအက်တာကို အချိန်မှန် စစ်ဆေးခံနေရမယ့် အလားအလာ ရှိပါတယ်။ အဲဒါကြောင့်မို့ ကိုယ်ပိုင်ကိုယ်နည်း ကိုယ်ဟန်နဲ့ နျူကလီးယား ရီအက်တာ တခုကို ဆောက်မယ်လို့ လူကြီးတွေက ဆုံးဖြတ်လိုက်တယ်လို့ ကျနော် ပြန်ကြားရပါတယ်။

ဦးကျော်ဇံသာ ။ ။ ဆိုလိုတာက ကိုစိုင်းဝင်းသိန်း တို့ တွေ့ရတဲ့ အထောက်အထားတွေက IAEA နဲ့ ဆက်သွယ်ပြီး လုပ်နေတဲ့ စီမံကိန်း မဟုတ်ဘူးပေါ့။

ဗိုလ်မှူးဟောင်း စိုင်းသိန်းဝင်း ။ ။ မဟုတ်ပါဘူး။ IAEA နဲ့ ဆက်စပ်ပြီး လုပ်နေတဲ့ အဖွဲ့အစည်းရှိပါတယ်။ အရပ်ဖက် အဖွဲ့အစည်းရှိပါတယ်။ သိပ္ပံနဲ့ နည်းပညာဌာနက IAEA နဲ့ တိုက်ရိုက်ဆက်သွယ်ပြီးတော့ IAEA ရဲ့  အထောက်အပံ့တွေယူပြီး လုပ်နေတဲ့ အဖွဲ့အစည်းဖြစ်ပါတယ်။ IAEA ရဲ့  seminar တွေကိုလည်း သူတို့ပဲ သွားတက်ပါတယ်။ IAEA က ပညာရှင်တွေလည်း မြန်မာပြည်မှာ စာတမ်းလာဖတ်တဲ့အချိန်မှာ သူတို့ရဲ့ ပဲ အများစု တက်ရတာရှိပါတယ်။

ဦးကျော်ဇံသာ ။ ။ ကိုစိုင်းဝင်းသိန်း တို့ တွေ့ခဲ့ရတဲ့ အထောက်အထားဟာ အဲဒီ အရပ်ဖက် သိပ္ပံနဲ့ နည်းပညာဝန်ကြီးဌာန က IAEA နဲ့ ဆက်သွယ်ပြီး လုပ်တဲ့ စီမံကိန်းမဟုတ်ဘူးပေါ့။

ဗိုလ်မှူးဟောင်း စိုင်းသိန်းဝင်း ။ ။ ဒီကိစ္စလေးက တော်တော်လေး ရှုပ်ထွေးပါတယ်။ ကျနော်တို့ တပ်မတော် သိပ္ပံနဲ့ နည်းပညာဆိုင်ရာ သုတေသနဌာနချုပ်အောက်မှာ တပ် (၃) တပ် ရှိပါတယ်။ အမှတ် (၁) သိပ္ပံနဲ့ နည်းပညာ ပစ္စည်းထုတ်လုပ်ရေးရုံ၊ အမှတ် (၂) သိပ္ပံနဲ့ နည်းပညာ ပစ္စည်း ထုတ်လုပ်ရေး အလုပ်ရုံ။ အမှတ် (၁) သိပ္ပံနဲ့ နည်းပညာ တပ် ဆိုပြီး တပ် (၃) တပ်ရှိပါတယ်။ အမှတ် (၁) သိပ္ပံနဲ့ နည်းပညာ ပစ္စည်းထုတ်လုပ်ရေးရုံ က ပြင်ဦးလွင်ပြင်မှာ ရှိပါတယ်။ (၂) က မြိုင်မှာပါ။ သိပ္ပံနဲ့ နည်းပညာတပ်ကတော့ သပိတ်ကျင်းမှာ ရှိပါတယ်။ အဲဒီ အဆောက်အဦးတွေကို စပြီးတည်ခဲ့တာ သိပ္ပံနဲ့ နည်းပညာဝန်ကြီးဌာန က စပြီးတည်တာပါ။ အဲဒီ သပိတ်ကျင်း နည်းပညာတပ်မှာဆိုရင် ကျနော်တို့ မရောက်ခင်ကတည်းကိုက သိပ္ပံနဲ့ နည်းပညာဌာနက နျူကလီးယား ရူပဗေဒပညာရှင်တွေက ရောက်နေပါပြီ။ ရုရှားကို သွားတဲ့အခါမှာလည်း ကျနော်တို့ စစ်ဗိုလ်တွေက တဝက်၊ သိပ္ပံနဲ့ နည်းပညာဌာနက အရပ်ဖက်ပညာရှင်တွေက တဝက် ပါပါတယ်။ ဒါပေမဲ့ ကျနော်တို့ ရုရှားမှာ စာသင်နေတဲ့ အချိန်မှာပဲ အဲဒီ တပ် (၃) တပ်လုံးက အဆောက်အဦးတွေကို သိပ္ပံနဲ့ နည်းပညာဌာနက တာဝန်ယူပြီးတော့ ဆောက်ပြီးသွားတယ်။ ကျနော်တို့ ရုရှားက ပြန်လာတဲ့အခါကြမှ တပ်ဖွဲ့စည်းပုံအတိုင်း ဖွဲ့စည်းပြီးတော့ ဝန်ထမ်းတွေကို ထည့်လိုက်တာပါ။

ဦးကျော်ဇံသာ ။ ။ အခုပြောလာတာ ရုရှားပါလာပြီ။ ရုရှား နဲ့ IAEA နဲ့ လုပ်တာကတပိုင်း၊ မြောက်ကိုရီးယား နဲ့ ဆက်စပ်ပြီးလုပ်တဲ့အပိုင်း တပိုင်း အဲဒီလို (၂) ပိုင်းခွဲပြီး ပြောလို့ရသလား။

ဗိုလ်မှူးဟောင်း စိုင်းသိန်းဝင်း ။ ။ မြောက်ကိုရီးယားနဲ့ ဆက်စပ်နေတဲ့အပိုင်းကတော့ သမာရိုးကျ လက်နက်တွေပဲ ရှိပါတယ်။ နျူကလီးယားနဲ့ ပတ်သက်တဲ့အပိုင်းတွေမှာ မြောက်ကိုရီးယားတွေကို မတွေ့ခဲ့ရပါဘူး။

ဦးကျော်ဇံသာ ။ ။ အဲဒီလိုဆိုရင် မြန်မာနိုင်ငံက နျူကလီးယားထုတ်လုပ်မယ်ဆိုတဲ့ကိစ္စမှာ နောက်ကွယ်ကရှိနေတာ ရုရှားပဲပေါ့။

ဗိုလ်မှူးဟောင်း စိုင်းသိန်းဝင်း ။ ။ ရုရှားက ဒီကိစ္စမှာ ရုရှားပါတယ်လို့ ပြောလို့မရပါဘူး။ ကျနော်တိုိ့ကို စာသင်ပေးတဲ့ ရုရှားဖြစ်ပေမယ့် ဒီကိစ္စကြီးတခုလုံးကို ရုရှားက ကူညီပေးမှာ မဟုတ်ပါဘူး။

ဦးကျော်ဇံသာ ။ ။ ဆိုတော့ အဲဒီနောက်မှာ ဘယ်သူရှိပါသလဲ။

ဗိုလ်မှူးဟောင်း စိုင်းသိန်းဝင်း ။ ။ နောက်မှာ ဘယ်သူမှ မရှိပါဘူး။ နျူကလီးယားစီမံကိန်းက သူတို့ရဲ့  စိတ်ကူးစိတ်သန်းနဲ့ လုပ်တာပါ။ အဲဒီလို စိတ်ကူးစိတ်သန်းတွေကလည်း ဝန်ကြီးဦးသောင်းရဲ့  အစီအစဉ်တွေပါ။ သူက IAEA က seminar တွေကို သူရဲ့  ဒေါက်တာတွေကို သွားတက်ခိုင်းတယ်။ ပြီးတော့ မြန်မာပြည်ကို ပညာရှင်တွေ ဖိတ်ခေါ်ပြီးတော့ ပြည်ပပညာရှင်တွေ ဖိတ်ကြားပြီးတော့ အဲဒီကရတဲ့ အချက်အလက်တွေကို မူတည်ပြီးတော့ ကိုယ်နည်းကိုယ်ဟန်နဲ့ လုပ်တဲ့သဘောပါ။ ဒီစီမံကိန်းရဲ့  နောက်ကွယ်မှာ နိုင်ငံခြားပရောဂ မပါဘူးလို့ ကျနော်မြင်ပါတယ်။

ဦးကျော်ဇံသာ ။ ။ အခု အမေရိကန်တို့ ဘာတို့က မြောက်ကိုရီးယားနဲ့ ဆက်စပ်ပြီးတော့ မြန်မာနိုင်ငံဟာ နျူကလီးယားဗုံးလုပ်ဖို့ စီစဉ်နေတယ် ဘာညာပြောနေတာ တကယ်တော့ ချဲ့ကားပြောနေတဲ့ သဘောဖြစ်နေတာပေါ့။

ဗိုလ်မှူးဟောင်း စိုင်းသိန်းဝင်း ။ ။ ဟုတ်ကဲ့ ကျနော်အနေနဲ့ နိုင်ငံရေးအရ ကြည့်မယ်ဆိုရင် မြောက်ကိုရီးယားက မြန်မာပြည်ကို နျူကလီးယား အကူအညီပေးဖို့အတွက် မဖြစ်နိုင်ပါဘူး။ ဘာဖြစ်လို့လည်းဆိုတော့ မြန်မာနိုင်ငံ နျူကလီးယားလက်နက်ရှိမှာကို အမေရိကန်ထက်ဆရင် တရုတ်က ပိုပြီးကြောက်ပါလိမ့်မယ်။ အဲဒီအတွက် တရုတ်က မြောက်ကိုရီးယားကို ပိတ်ထားတာလေးတွေ ရှိပါတယ်။ အဲဒါကြောင့်မို့ မြောက်ကိုရီးယားဆီက နျူကလီးယားနဲ့ ပတ်သက်တဲ့ အကူအညီတွေ မရနိုင်တာ ဖြစ်နိုင်ပါတယ်။ ဘာဖြစ်လို့လည်းဆိုတော့ မြောက်ကိုရီးယားပညာရှင်တွေ တော်တော်များများကိုက တရုတ်ပြည်ဖက်ကနေ ပတ်လာတာမျိုးကို တွေ့ရပါတယ်။

ဦးကျော်ဇံသာ ။ ။ ဆိုတော့ သင်္ဘောတစီး မယုံသင်္ကာဖြစ်စရာ လက်နက်ပစ္စည်းတွေ တင်ဆောင်လို့ မြန်မာနိုင်ငံကိုလာတယ်။ အစစ်အဆေးမခံဘူး ပြန်လှည့်သွားတယ်ဆိုတဲ့ သင်္ဘောမှာ တချို့ က နျူကလီးယားလက်နက် ထုတ်လုပ်ရေးနဲ့ ပတ်သက်တဲ့ ပစ္စည်းတွေ ဘာတွေ ပါတယ်လို့ ပြောကြတယ်။ အဲဒါ မဖြစ်နိုင်ဘူးပေါ့။

ဗိုလ်မှူးဟောင်း စိုင်းသိန်းဝင်း ။ ။ အဲဒါက နျူကလီးယားနဲ့ မဆိုင်ဘူးလို့ ကျနော်မြင်ပါတယ်။ ဘာဖြစ်လို့လည်းဆိုတော့ အဲဒီ ပစ္စည်းတွေက ကပစနဲ့ ပိုပြီးတော့ သက်ဆိုင်မယ်။ သမာရိုးကျလက်နက်တွေနဲ့ ဆိုင်မယ်လို့ ကျနော်ထင်ပါတယ်။

ဦးကျော်ဇံသာ ။ ။ နောက်တခုမေးချင်တာက တကယ်လိုသာ မြန်မာနိုင်ငံမှာ လူကြိုက်များတဲ့ ဒီမိုကရေစီအစိုးရ၊ ပြည်သူလူထု ရွေးကောက်ထားတဲ့ ဒီမိုကရေစီတရပ် ဖြစ်လာမယ်။ ပြီးတော့ နျူကလီးယားကို လက်နက်အတွက် မဟုတ်ဘဲနဲ့ ငြိမ်းချမ်းစွာ အသုံးချဖို့ဆိုရင် ကိုစိုင်းဝင်းသိန်း က နျူကလီးယားနဲ့ ပတ်သက်ခဲ့တဲ့ ပညာရှင်တယောက်အနေနဲ့ ဘယ်လိုမြင်ပါသလဲ။ နျူကလီးယား စွမ်းအင်ကို အသုံးပြုပြီးတော့ လောင်စာအဖြစ်သုံးခြင်းဟာ မြစ်တွေကို ပိတ်ပြီးတော့ ရေကာတာတွေ တည်ဆောက်တာထက်၊ သဘာဝပတ်ဝန်းကျင် ပျက်စီးမှုလည်း သက်သာတယ်လို့ တချို့ က ပြောကြပါတယ်။ ကိုစိုင်းဝင်းသိန်း အမြင်ကို သိချင်ပါတယ်။

ဗိုလ်မှူးဟောင်း စိုင်းသိန်းဝင်း ။ ။ ကျနော်က နျူကလီးယားပညာရှင် မဟုတ်ပါဘူး။ အပေါင်းအသင်းတွေကတော့ နျူကလီးယား ရီအက်တာနဲ့ ပတ်သက်ပြီးတော့၊ energy နဲ့ ပတ်သက်ပြီးတော့ သင်လာခဲ့တဲ့လူတွေ ရှိပါတယ်။ သူတို့ပြောပုံဆိုပုံတွေကို ကြားနေရပါတယ်။ နျူကလီးယား energy ကတော့ ကမ္ဘာပေါ်မှာ အသန့်စင်ဆုံး energy လို့ ပြောကြပါတယ်။ pollution အနည်းဆုံးလို့ ပြောကြပါတယ်။ တခုရှိပါတယ် နျူကလီးယား ရီအက်တာ ဆိုတာက ဆောက်ပြီး ဒီအတိုင်းထားလို့ မရပါဘူး။ ဘယ်အဆောက်အဦးက ဒီအတိုင်း ပစ်ထားလို့ မရပါဘူး။ maintenance ကလည်း ရှိရမယ်။ သူကို operate လုပ်ဖို့အတွက် technician တွေ အင်ဂျီနီယားတွေ အများကြီး လိုပါသေးတယ်။ ကျနော်တို့ လူအရင်းအမြစ် အများကြီး စံနစ်တကျ ဖွဲ့စည်းထားဖို့ လိုပါသေးတယ်။ သူက အန္တရာယ်ရှိတဲ့ ကိစ္စတခု ဖြစ်ပါတယ်။ အခန့်မသင့်လို့ Chernobyl လို ဖြစ်သွားမယ်ဆိုရင် ကျနော်တို့ တိုင်းပြည်အတွက်က ဒုက္ခရောက်စရာ ရှိပါတယ်။ အကျိုးထက် အပြစ်က ပိုများတယ်လို့ ကျနော်မြင်ပါတယ်။ နောက်ပြီးတော့ စွန့်ပစ်ပစ္စည်းကိစ္စတွေကလည်း ရှိပါတယ်။

Find this article at:
http://www.voanews.com/burmese/news/news-analysis/news_analysis_12-15-2010-111967189.html

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...