မေဓါဝီ၏ ရေးမိရေးရာများ

(ဓါတ်ပုံ မင်းစိုးစံ)

လမ်းအပြိုင်လျှောက်ရင်း
ပန်းတိုင်ပျောက်တတ်တယ် - သတိ။
မိမိတို့ဘက် မှန်တယ်ဟု
သူ့ဘက် အပြစ်ရှု - ဂရု။
သူ့အုပ်စုကို ငါမမှု
ငါ့အုပ်စုကို သူမမှု
အကျိတ်အခဲတွေ စု။
အုပ်စုတွေကွဲ တုတ်တွေဆွဲ
ရန်သူ တဟဲဟဲ။
ကောင်းကြသေးရဲ့လား - ကဲ။
(တင်မိုး)
၂၁၊ ၁၂၊ ၂၀၀၅

(ဓါတ်ပုံ မင်းစိုးစံ)
problem solving
ပြဿနာတခု ပြေလည်မယ်ကြံကာရှိသေး နောက်တခုက အနားရောက်လာပြန်တယ်။
ဒီလိုပါပဲ ဘ၀ဆိုတာ စိန်ခေါ်မှုတွေ ရုန်းကန်မှုတွေ ပြိုင်ဆိုင်မှုတွေနဲ့ ပြည့်နှက်နေတာပဲလေ။
ဒါတွေမှ မရှိရင်လည်း နေရတာ ပျင်းစရာကောင်းလိုက်မယ့်ဖြစ်ခြင်း။
ပြဿနာတခုစဖြစ်ပြီဆိုရင် စိတ်ညစ်မိပေမဲ့ အဲဒီပြဿနာကို ပြေလည်အောင်
ဖြေရှင်းလိုက်နိုင်ရင် ကိုယ့်ကိုယ်ကို ကျေနပ်မိတယ်။
နောက်ပြဿနာတခု ဖြေရှင်းဖို့အတွက်လည်း အင်အားအသစ်တွေ
ထပ်ရလိုက်တယ်ဆိုပါတော့။

ပြဿနာတခု ဖြေရှင်းတဲ့နေရာမှာ
မြွေမသေ တုတ်မကျိုးတို့ ရှဥ့်လဲလျှောက်သာ ပျားလဲစွဲသာဆိုတဲ့ နည်းလမ်းတွေကိုတော့
အမုန်းဆုံးပဲ။
အဲဒါတွေက စကားပုံတွေထဲမှာပဲရှိတယ်။ လက်တွေ့ဘ၀နဲ့ နီးစပ်မှု မရှိဘူး။
မြွေလဲ မသေစေချင် တုတ်လဲမကျိုးစေချင်ရင် အပေါက်ခံလိုက်ရမှာလား။
ဒါမှမဟုတ် ထိုင်ကြည့်နေမှာလား။
ပြဿနာကို မှန်မှန်ကန်ကန်ဖြေရှင်းနိုင်ဖို့အတွက်
ကိုယ်တိုင်က မှန်ကန်တဲ့အမြင်ကို မြင်နိုင်ဖို့ ကိုယ့်ရဲ့မှန်ကန်တဲ့ အတွေးအခေါ်အယူအဆကို
ထုတ်ဖော်ပြသနိုင်ဖို့ အရေးကြီးပါတယ်။
ဒီလို အမြင်မှန်နဲ့ အယူအဆမှန်တွေကို ထုတ်ဖော်ပြပြီးတဲ့နောက်
မှန်ကန်တဲ့ဆုံးဖြတ်ချက်ကို ခိုင်ခိုင်မာမာချနိုင်ဖို့ဆိုရင်တော့ ဒွိဟ ဖြစ်မနေသင့်ဘူး။
တခုခုကိုတော့ စတေးရမှာပဲ။
မြွေလား? တုတ်လား?
အန္တရာယ်ပေးမဲ့သူဆိုရင် သွား ။
(မေဓါဝီ)

(ဓါတ်ပုံ မင်းစိုးစံ)
life
တိုတောင်းတဲ့ ဘ၀လေးအတွင်းမှာ
ဘယ်သူ့အတွက် အလုပ်လုပ်ရင်း အချိန်တွေ ကုန်ဆုံးခံမလဲ ...
မိဘ ဆွေမျိုး ဘာသာ သာသနာ တိုင်းပြည်
ငါ ...
ဘာလုပ်ရမလဲ။
ဆုံးဖြတ်ချက်တခု သေသေချာချာ ချရတော့မယ်။
လောလောဆယ်တော့ သက်ပြင်းတွေသာ ချမိပါရဲ့။
(မေဓါဝီ)
ဒီစာလုံးလေးတွေဟာ မေဓါဝီ ဘလော့ဂ်ထဲက ကူးထားတာပါ။
ကျုပ်ကြိုက်သလို အချို့မိတ်ဆွေတွေ ကြိုက်လိမ့်မယ်လို့ မျှော်လင့်ပါတယ်။
မင်းစိုးစံ
(အဝေးရောက် ကရင်ဒုက္ခသည်တဦး)