နာမည်တပ်ပြီး မပြောပါဘူး

နာမည်တပ်ပြီး မပြောပါဘူး

ကျုပ်ကိုယ်ကျုပ် တော်လှန်ရေးသမားလား၊ နိုင်ငံရေးသမားလား၊ ဘာသာရေးသမားလား၊ စာ သမားလား၊ ကဗျာသမားလား၊ ဝေဘန်ရေးသမားလား၊ ပညာရေးသမားလား၊ ဓါတ်ပုံသမား လား၊ သတင်းသမားလား ဆိုတာ တွေးကြည့်နေမိတယ်။
တော်လှန်ရေးလုပ်သလားမေးရင် လုပ်တယ်။ နိုင်ငံရေးလုပ်လားမေးရင် လုပ်တယ်။ ဘာသာ ရေးလုပ်လားမေးရင် လုပ်တယ်။ စာရေးလားမေးရင် ရေးတယ်။ ကဗျာရေးလားမေးရင် ရေး တယ်။ ဝေဘန်ရေးလုပ်လားမေးရင် လုပ်တယ်။ ပညာရေးလုပ်လားမေးရင် လုပ်တယ်။ ဓါတ်ပုံ ရိုက်လားမေးရင် ရိုက်တယ်။ သတင်းရေးတာ သတင်းယူတာလုပ်လားမေးရင် လုပ်တယ်။
သမား လားဆိုတော့ မဟုတ်ဘူး။
သမားဆိုတဲ့ ဂုဏ်က၊ အဓိပ္ပါယ်က အရမ်းလေးနက်တယ်။ တာဝန်လည်းကြီးတယ်။ သမားဆိုတဲ့ ကြီးမားလေးလံတဲ့ ဂုဏ်ပုဒ်ကို ယူထားတဲ့ပုဂ္ဂိုလ်တွေ(လေးစားအားကိုးထိုက်သူ) အားလုံးကို ကျုပ်အကြီးအကျယ်ကိုလေးစားတယ်။
သမားဆိုတာ အရာရာတိုင်း၌အထူးနားလည်တတ်ကြွမ်း၍ ထူးချွန်ပြောင်မြောက်မှုဖြင့် မှန်ကန် ကောင်းမွန်စွာအကျိုး ဆောင်သူလို့ ကျုပ်နားလည်ထားတယ်။ (ကျုပ်နားလည်မှု လွဲနေရင်ပြင် ပေးပါ) ဒါကလည်း ကျုပ်ဦးဏှောက် ကောင်းကောင်းမဖွံ့ဖြိုးသေးခင်တုန်းက ကြားနာသင်ယူခဲ့ရတဲ့ သွန်သင်မှုတွေကို ဦးဏှောက်ကအခုထက်ထိ လက်ခံထားနေလို့လည်း ဖြစ်နိုင်ပါတယ်။
ကျုပ်တို့ငယ်ငယ်တုန်းက ဆရာကို ဆြာ (ဆလိမ်ယယစ်ရေးချ) လို့ရေးတယ်ဗျ။ ကျုပ်အလယ်တန်းကိုရောက်တော့ ဆြာ လို့မရေးတော့ပဲ ဆရာ (ဆလိမ်ရေဆ ရကောက်ရေး ချ ရာ) ဆိုပြီးဖြစ်လာတယ်။ ကျုပ်က ကျုပ်အတန်းပိုင်ဆရာကို မေးလိုက်တယ်။
အဲဒီတုန်းက ကျုပ် ရွှေနတ်တောင် အထက်တန်းကျောင်းမှာ အလယ်တန်း၊ ကျုပ်အတန်းပိုင် ဆရာက မွန်အမျိုးသား၊ သူရှင်းပြတာက တွေးဆတဲ့နေရာမှာ၊ ရာတဲ့နေရာတွေမှာ ကိုယ့်ထက် ပိုတော်တဲ့လူ၊ ပိုမှန်တဲ့လူကို ဆရာလို့ခေါ်တယ်၊ဒါကြောင့်ဆြာအစား ဆရာလို့ပြောင်းရေးတာ။
ကျုပ်က ထပ်မေးလိုက်သေးတယ် ဒါဆိုရင် သူငယ်တန်းသင်ပုန်းကြီးဖတ်စာထဲက ခဏခဏ၊ လာသာလာပါ၊ ဆရာသမား၊ ပထမထား၊ ဆိုတဲ့ အထဲက ဆရာသမားဆိုတာကကော ဘယ်လို အဓိပ္ပါယ်လဲ လို့မေးတော့၊ ကျုပ်ဆရာက ဆရာသမားဆိုတာ ဆရာ့ရဲ့ ဆရာ၊ ဆရာထက်တော် တဲ့ ပုဂ္ဂိုလ်ကို ခေါ်တာဖြစ်တယ်။ (အရင်တုန်းက ဆရာတွေက နာသုံးနာနဲ့ဆရာလုပ်နေတာ)
ထားလိုက်ပါလေ။ ဒါကတော့ ကြာလည်းအတော်လေးကို ကြာခဲ့ပြီး၊ ခပ်ဝေးဝေးမှာ ကျန်ရစ်ခဲ့ ပါပြီ။ ကျုပ်စဉ်းစားနေတာက သမားဆိုတဲ့ အသုံးအနှုံးလေးပါ။
တော်လှန်ရေးသမားဆိုရင် တော်လှန်ရေးနဲ့ပတ်သက်တဲ့ အရာတိုင်းကိုအထူးနားလည်တတ် ကြွမ်းပြီး ထူးချွန်ပြောင်မြောက်စွာနဲ့ မှန်မှန်ကန်ကန်အကျိုးပြုတဲ့လူမျိုးဖြစ်ရပါတယ်။
အဲဒီလိုပဲ ဘာသာရေးသမား၊ နိုင်ငံရေးသမား၊ သတင်းသမား၊ ကဗျာသမား၊ ဓါတ်ပုံသမား၊ ဝေ ဘန်ရေးသမား စသည်ဖြင့် ကိုယ့်ကိုယ်ကို သမားလို့ခံယူထားသူတွေ၊ ကိုယ်ခံယူထားတဲ့ ဂုဏ် ပုဒ်ကို ခိုင်ခိုင်မာမာနဲ့ဂရုတစိုက်ထိန်းသိမ်းစောင့်ရှောက်ထားဘို့ အထူးလိုအပ်ပါတယ်။
သတင်းသမားတယောက်အနေနဲ့ သတင်းတခုသွားယူမယ် ဆိုပါတော့။
အဲဒီသတင်းက လတ်တလော တဘက်ရန်သူကိုတန်ပြန်ထိုးနှက်နိုင်တဲ့ သတင်းတပုဒ်ဖြစ် အောင် ဒါမှမဟုတ် ကိုယ့်ကို မမှန်မကန်ပြောဆိုထားတာတွေကိုချေပဘို့ ဘယ်လိုလုပ်တင်ပြရ မလဲဆိုတာ သတင်းသမားမှန်ရင် သဘောပေါက်ရပါတယ်။ ဆောင်ရန်ရှောင်ရန်တွေပေါ့။
တော်လှန်ရေးသမားတယောက်အနေနဲ့ သတင်းဌာနတခုခုကို သတင်းပေးမယ်ဆိုပါစို့။
အဲဒီသတင်းက လတ်တလော တဘက်ရန်သူကိုတန်ပြန်ထိုးနှက်နိုင်တဲ့ သတင်းတပုဒ်ဖြစ် အောင် ဒါမှမဟုတ် ကိုယ့်ကို မမှန်မကန်ပြောဆိုထားတာတွေကိုချေပဘို့ ဘယ်လိုသတင်းပေးရ မလဲဆိုတာ တော်လှန်ရေးသမားမှန်ရင် သဘောပေါက်ရပါတယ်။ ဆောင်ရန်ရှောင်ရန်တွေပေါ့။
ကရင်တယောက်စီက ဗမာသတင်းသမားက သတင်းယူမယ်ဆိုရင်ဖြစ်ဖြစ်၊ ဗမာတယောက်စီ က ကရင်သတင်းသမားက သတင်းယူမယ်ဆိုရင်ဖြစ်ဖြစ်၊ ကြားမှာစကားပြန်လေးထားကြပါ။
ဘာသာစကားမကြွမ်းကျင်မှုကြောင့် ပြင်ရမလွယ်တဲ့ကြီးမားတဲ့ အမှားအယွင်းတွေကြုံရတတ်ပါ တယ်။
ဗမာက ကရင်စကားမတတ်လို့ပဲဖြစ်ဖြစ်၊ ကရင်က ဗမာစကားမတတ်လို့ပဲဖြစ်ဖြစ်၊ စကားပြန်နဲ့ ဘာသာပြန်တယ်ဆိုစေဦး၊ အသေအခြာ တည်းဖြတ်ရပါသေးတယ်။ (ရုပ်သံ)
ဗမာလို မတတ်တခေါက်ပြောတတ်တဲ့ ကရင်တယောက်စီက ရလာတဲ့သတင်းကို ဘာမှတည်း ဖြတ်မနေပဲတင်တဲ့သတင်းဆိုရင် ဒီသတင်းတင်တဲ့သူဟာ သတင်းသမားဆိုရင် သူ့သတင်းဟာ ဗမာစစ်အစိုးရကို တနည်းမဟုတ်တနည်း ကျောထောက်နောက်ခံပြုနေသလို ဒီမိုကရေစီနဲ့လူ့ အခွင့်အရေးအတွက် တိုက်ပွဲဝင်နေသူတွေအတွက် နောက်ကျောက မမြင်ရတဲ့ဓါးဖြစ်ပါတယ်။
အဲဒီတော့ကာ ကရင်တွေ သတင်းဌာနကို(အင်္ဂလိပ်၊ ဗမာ၊ ထိုင်း၊ ဂျပန်၊ ဂျာမဏီ၊ ပြင်သစ်) သတင်း ပေးချင်သပ ဆိုရင် သက်ဆိုင်ရာဘာသာစကားကြွမ်းကျင်တဲ့ စကားပြန်ကိုသုံးကြပါ။
တရုတ်သမ္မတတောင်မှ စကားပြန်နဲ့ပြောနေသေးတာပဲ၊ ရှက်စရာမလိုပါဘူး၊ မမှားဘို့အရေးကြီးတယ်။

အေး ဘယ်သူတွေမှားတယ်ဆိုတာကိုတော့ နာမည်တပ်ပြီး ပြောမနေတော့ဘူး ငါမမှားပဲနဲ့ ငါ့ကိုပြောနေတာများလား မသိဘူးဆိုပြီး မှန်တဲ့သူတွေက မလုံမလဲ မဖြစ်ကြနဲ့။
မှားတဲ့အထဲမှာ ငါပါနေတယ်ဆိုရင်တော့ ငါ့ကိုပြောတယ်လို့မှတ်။

အနီရောင်စာလုံးတွေကို http;//kyawtheinkha.blogspot.com ကနေ ကူးယူဖေါ်ပြထားတာပါ။

မင်းစိုးစံ
(အဝေးရောက် ကရင်ဒုက္ခသည်တဦး)