ပြောချင်လို့(ရဲအရာရှိတဦး)

Thursday, October 8, 2009

ပြောချင်လို့ ... (ပေးစာ)

(ဒေါက်တာလွဏ်းဆွေ)

မင်္ဂလာပါ ...

ကျနော်လည်း ရဲအရာရှိတယောက်ပါ။

ခုတလော ရဲအကြောင်းတွေ ပါပါလာတော့ ကျနော်လည်းပြောချင်လာတယ်။

၁။ မြ၀တီခရိုင်ရဲတပ်ဖွဲ့မှူး ဒုရဲမှူးကြီး ခင်မောင်လွင်သတင်း အင်တာနက်မှာပါလာပြီးတော့ စစ်ဆေးရေးအဖွဲ့ ရောက်လာတယ်။

စစ်တာက ကရင် ပယက အတွင်းရေးမှူး ဦးဇော်လင်းထွန်း (စစ်တပ်ကလာတာ ဗိုလ်မှူးအဆင့်နဲ့)၊

စသုံးလုံးက လက်ထောက်ညွှန်မှူး ဦးညိုဝင်း၊ နောက်တဦးက CID က ဒုရဲမှူးကြီးတဦး ပေါင်း (၃) ဦး

ဝန်ကြီးက ဖွဲ့ပေးလိုက်တယ်။ မပေါ်ပေါ်အောင် စစ်ခိုင်းတယ်ဆိုပဲ။

ဘာလို့လဲဆိုတော့ ဦးခင်မောင်လွင်က ရဲချုပ် ရဲ့လူ ဖြစ်နေလို့ပါ။

အပေါ်မှာလည်း ရန်စောင်နေကြတယ်။

ဝန်ကြီးတပည့်၊ ရဲချုပ်တပည့်နဲ့ ရှုပ်နေကြတယ်။

အဲဒီတော့ လာစစ်တဲ့အဖွဲ့ကလည်း ဆီလိုအပေါက်ရှာတော့တာပဲ။

ဒါပေမယ့် မပေါ်ဘူးဖြစ်နေတယ်။

ကံကောင်းချင်တော့ လိုင်စင်မဲ့ကားကမပေါ်ဘဲ ဒုရဲမှူးကြီးတင်မြင့် (စစ်တပ်က) လက်ထက်က ပိုင်ရှင်မဲ့သိမ်းထားတဲ့ ကားတစီးရှိတယ်။

သူပြောင်းတော့ ဒုရဲမှူးကြီးကြည်ညွန့် (ရဲစစ်စစ်) ကိုလွှဲတယ်။

နောက် ဒုရဲမှူးကြီး ကျော်မိုးကြည် (စစ်တပ်က) အဲဒီကနေမှ အခု ဦးခင်မောင်လွင်ကိုလွှဲတာ။

တရားဝင်လွဲတာ မဟုတ်ဘူးနော်။ အားလုံးက နားလည်မှုနဲ့လွှဲတာ။

အလွတ်လွှဲတာဆိုပါတော့။ သူ့လက်ထက်လည်းရောက်ရော ရောင်းစားပစ်လိုက်တယ်လေ။

အဲဒါနဲ့ ၀န်ကြီးက,ဘယ်သူ့ကို တင်ပြခဲ့သလဲဆိုပြီးကိုင်တာ (လူခင်ရင် မူပြင်တယ်၊ လူမုန်းရင် မူသုံးမယ်ပေါ့)။ အခုနေပြည်တော်ကို ခေါ်တွဲထားတယ်။ သူ့နေရာကို ပြည်နယ်က ရဲမှူးတယောက် ပို့ထားတယ် ယာယီပေါ့။

ရဲမှာက တွဲရင်တွယ်တာပဲလို့ ဆိုရိုးစကားရှိတယ်။

၂။ ရဲမှူးကြီး ၀င်းနိုင်သတင်းကိုလည်း နေပြည်တော်မှာနေတဲ့ ကြောင်တောင်တောင်ရဲမှူးကြီးတွေက မဟုတ် ဘူးလို့ ငြင်းနေပေမယ့် တိတ်တိတ်လေးစုံစမ်းခိုင်းနေတယ်။

ဦးဝင်းနိုင် ဘယ်မှာတွေ့မိသလဲဆိုပြီး ထိုင်းမှာလိုလို တရုတ်မှာလိုလို သတင်းတွေက,ဖြစ်နေတယ်လေ။ သူ့အမျိုးသမီးက လှိုင်းဘွဲ့သူလေ ဦးဝင်းနိုင်က အရင်ရှမ်းမြောက်ရဲမင်းကြီးပေါ့။

ဆင်းရွှေလီစပါးအစိုက်ကောင်းလို့ သူတို့ပဲနေရာပေးခဲ့တာ။

ရဲမှာ ဘယ်လိုဖြစ်နေသလဲဆိုတော့ ရဲလုပ်ငန်းက,လွဲပြီး အကုန်လုပ်နေရတယ်။

ရဲမှာလည်း နှစ်ပိုင်းကွဲနေတယ်။

စစ်တပ်ကလာတဲ့သူကို စစ်ပုလိပ်လို့ခေါ်ကြတယ်။

နောက်တမျိုးက ရဲစစ်စစ် ပေါ့။

တကယ်သနားစရာကောင်းတာက ရဲစစ်စစ်တွေပါ။

သူတို့က အလွန်ဆုံး ဒုရဲမှူး၊ ရဲမှူးလောက်ပဲဖြစ်ကြတာလေ။

စစ်တပ်ကသူတွေပဲ နေရာရ,ကြတာပါ။

တိုင်း/ပြည်နယ် ရဲတပ်ဖွဲ့မှူး စုစုပေါင်း (၁၇) ဦးရှိပေမယ့် ရဲစစ်စစ်က ကရင်၊ မွန်၊ မန္တလေး၊ ရန်ကုန်၊

ရှမ်းတောင် ဒီ (၅) ရောက်ပဲရှိတယ်လေ။

ကျန်တာ စစ်တပ်ကချည်းပဲ။

ဒီစစ် ပုလိပ်တွေက ပိုက်ဆံကို ငန်းငန်းတက်ရှာကြတယ်။

ဘယ်လိုနည်းနဲ့ ရ,ရ,ဆိုပါတော့။

ဒါကြောင့် ပြုတ်ရင် သူတို့တတွေပဲလေ။ ... နောက်ဆက်ပါဦးမယ်။

ရဲအရာရှိတဦး

Posted by ဒေါက်တာလွဏ်းဆွေ at 5:34 PM