တော်လှန်ရေးလား? တန်ပြန်လား?

တော်လှန်ရေးလား?တန်ပြန်လား?

စာရေးသူ၏အမှာစာ

ဤစာစုသည် ဖဆပလ၊ ပထဆ၊ မဆလ၊ ခေတ်တွေမှာ တော်လှန်တဲ့သူရဲကောင်းစစ်သည်တော်တွေအတွင်း
သေနတ်သံတချက်၊ စစ်မြေပြင်တရက်မှ မရောက်ဘူးပဲပူးကပ်အခွင့်ထူးခံကိုယ်ကျိုးရှာပြီး ဆယ်စုနှစ်များများ ပါဝင်သူတွေရှိတယ်။
ရန်သူ့မျိုးဖြုတ်သုတ်သင်ရေးထိုးစစ်ကြီးတွေ ဆင်လာတဲ့အခါမယ်အလျှိုလျှိုငွေထုတ်ပိုက်ပြီး ရန်သူ့ခြေဖဝါးအောက် ဒူးထောက်ရောက်ခဲ့သူတွေရှိတယ်။
မျက်မှောက်နဝတခေတ်မှာ ဒီလိုသစ္စာဖေါက်လောက်ကောင်တွေ ဆက်လက်မပေါ်ပေါက်လာနိုင်ခြင်းငှါ သတိရှိရှိစစ်သားမျက်စေ့ဖြင့်
အစဉ်စောင့်ကြည့်နေဘို့ စေတနာကောင်းဖြင့်ရေးသားလိုက်ရပါတယ်။
အကယ်၍များ ဤစာစုသည် တစုံတဦး သူတစုံတယောက်ကို မရည်ရွယ်ပါပဲ လေးစားရပါသော စာရှုသူများနှင့်ဆင်တူရိုးမှားအဖြစ်မျိုးရှိခဲ့ပါမူ များစွာဝမ်းနည်းရပါကြောင်း အနန္တမေတ္တာမွန်ဖြင့်
ခွင့်ပန်အပ်ပါတယ်ခင်ဗျား။

မန်း R.ဘဇန်

တော်လှန်ရေးလား? တန်ပြန်လား?
အပိုင်း(၆)
မန်းR,ဘဇန်

ဝဿန္တမိုးလ,ရာသီမို့
လေပြင်းက,တိုက်
ခိုက်ခိုက်တုန်အောင်ချမ်းနေတဲ့
သူရဲကောင်းလေး။

အမ်(မ်)၁၆ ကို
ကျစ်ကျစ်ပါအောင်ဆုပ်ကိုင်လို့
တုတ်တုတ်မျှမလှုပ်ပဲ
တပ်မှူးရဲ့အမိန့်ကိုရင်မှာပိုက်
ရန်သူကိုစိတ်ကြိုက်စောင့်ကြိုနေတာ
အိပ်ပျက်ညများ(၁၀)ခါရှိခဲ့ပြီ။

ကျိန်းစပ်တဲ့မျက်စေ့ကိုပွတ်
အပြွတ်လုပ်အုပ်စုလိုက်
ချီတက်တိုက်ခိုက်လာတဲ့
သဘာဝရန်သူ မှက်
သဘာဝရန်သူ ခြင်
သဘာဝရန်သူ ဖြုတ် တွေကို
ရိုက်ပုတ်ရင်း
ပြည့်လျှံလာတဲ့
ကတုတ်(ခံတုတ်)ကျင်းက,ရေနဲ့
မိမိရဲ့ပုံရိပ်ကိုကြည့်မိတယ်။

ဟောက်ပက်နေတဲ့
မျက်လုံးအိမ်ကြား
မြေသားဆန်တဲ့
လူသားအသွင်ရောက်နေရှာတာ
မင်းမြင်စေချင်တယ်။

ပျိုမြစ်နုနယ်တဲ့
မင်းရဲ့ သားလှရတနာ
ရင်မှာပူလောင်
ရုပ်ပြောင်လိုချင်ကြောင်း
တီတီတာတာပြောလာတော့
အနန္တမေတ္တာနဲ့
မင်းရဲ့အိပ်ဆောင်ထဲက,အသပြာငါးရာ
ရုတ်ချည်းခုန်ဆင်းသွားလေရဲ့။

ဒီသားလှလေး
ပြေးဆော့ကစားရင်း
ဒူးပဲ့သွားလို့
ပြာပြာသလဲနဲ့
မင်း.....
(မက်ကောမစ်)ဆေးရုံပို့ချိန်။

သူရဲကောင်းစစ်သည်တဦးခမျာမှာတော့
ရန်သူနဲ့တိုက်ရင်းကျည်သင့်လို့
သူ့နှလုံးသွေးတွေ
တဖြိုင်ဖြိုင်ပြိုဆင်းလို့
တကိုယ်လုံးစွေးစွေးနီနေတယ်။

ခရီးက,ပြင်း
တောင်တက်တောင်ဆင်းက,များ
လိုရာဆေးရုံကို အချိန်မှီမရောက်
ဒဏ်ရာရသူက,သွေးတဖြိုင်ဖြိုင်
လူနာထမ်းသူက,ချွေးတလှိုင်လှိုင်
သွားရတဲ့ခရီးက,မနီးလှ။

ကျနော့အတွက်
အပင်ပမ်းခံမနေပါနဲ့တော့။

မရတော့ဘူးဆိုတာ
သိတယ်။

သေနတ်သာ
ထားခဲ့ပါ။

တပ်မှူးကို
ပြောလိုက်ပါ။

ကျနော်
တော်လှန်ရေးတာဝန်
ကျေပါတယ်.....လို့။

ယဲ့ယဲ့ကလေးပြုံးရင်း
အသက်ထွက်သွားရ,ရှာတယ်။

ဒီအဖြစ်ကိုကြည့်ရင်း
တို့နှလုံးသားထဲက
လျှံကျလာတဲ့မျက်ရည်တွေနဲ့
သူ့ကို
နောက်ဆုံးဦးညွှတ်ခဲ့လိုက်တယ်။

မင်းကတော့
တော်လှန်ရေးသဘာဝလွန်လူသား။
သူကျတော့
မြေသားဆန်တဲ့လူသား။

ကွာခြားလှတဲ့ဒီကမ္ဘာမှာ
အမ်(မ်)၁၆တလက်
ကျည်တွဲတတွဲ
ပလပ်စတစ်အိပ်နဲ့ထုပ်ထားတဲ့
တို့ချစ်မြတ်နိုးတဲ့
စောဘဦးကြီးရဲ့ပုံနဲ့
ကျမ်းစာအုပ်တအုပ်
ပုဆိုးစုတ်တထည်သာ
မင်းမူနေပါတယ်။

သုံးပေခြောက်ပေသော
နောက်ဆုံးလူသားတွေပိုင်ဆိုင်မှုနဲ့
တော်လှန်ရေးအပေါ်
သစ္စာရှိခြင်း
အမျိုးသားဒီမိုကရေစီအပေါ်
သစ္စာရှိခြင်း
သူ့ရဲ့ပျိုမြစ်နုနယ်တဲ့ဘဝတခုလုံး
နိဂုံးချုပ်ရတာ
တဏှာရမ္မက်ကမ္ဘာရောက်နေတဲ့
မင်း.......
တွေ့မှာမဟုတ်ဘူး သူငယ်ချင်း။

မန်းဘဇန်
တော်လှန်ရေးလား တန်ပြန်လား
အပိုင်း(၆)
ပြီး၏

အပိုင်း(၇)သို့ဆက်လက်ဖတ်ရှုပါရန်။