အမျိုးသားဒီမိုကရေစီတော်လှန်ရေး အောင်ရမယ်

အမျိုးသားဒီမိုကရေစီတော်လှန်ရေး အောင်ရမယ်
ဖူးဝါးခို(ညောင်တုန်း)

လမ်းစဉ်ကို လက်တွေ့အကောင်အထည်ဖေါ်တဲ့လူတွေဟာ အထက်ခေါင်းဆောင်တွေက,အစ, လုပ်သားရဲဘော်တွေအထိ တော်လှန်တဲ့မျိုးချစ်စိတ်ဓါတ်အတွေးအခေါ်ကို လေးလေးနက်နက် သဘောပေါက်ခံယူပြီး ဒီအရေးဟာ တော်လှန်ရေးအောင်မြင်မှု၊ ဆုံးရှုံးမှုနဲ့အဓိကသက်ဆိုင်တဲ့

အရေးလို့ခံယူပြီး ဦးတည်ချက်ရှိရှိအစီအစဉ်ရှိရှိနဲ့ ကြိုးကြိုးကုတ်ကုတ်ဇောက်ချပြီးလုပ်ဖို့လို
ပါတယ်။
ဒါမှသာ မိမိတို့ချမှတ်ထားတဲ့ လမ်းစဉ်လုပ်ငန်းစဉ်ကို လက်တွေ့အကောင်အထည်ဖေါ်နိုင်ကြမှာ
ဖြစ်ပါတယ်။
ဒီလိုမဟုတ်ပဲ အထက်အမြင့်ဆုံးခေါင်းဆောင်တွေကအစ,အောက်ခြေရဲဘော်တွေအထိ လမ်းစဉ်
က ချမှတ်ထားတဲ့လုပ်ငန်းစဉ်တွေကိုအလေးမထားပဲ၊ လက်တွေ့အကောင်အထည်မဖေါ်ကြပဲ
မိမိကိုယ်ကျိုးစီးပွါးကိုသာ အလေးထားပြီး လုပ်ကိုင်နေကြမယ်ဆိုရင် လမ်းစဉ်ကချမှတ်ထားတဲ့
လုပ်ငန်းတွေဟာ ဘာတခုမှအကောင်အထည်ပေါ်လာမှာမဟုတ်ပါဘူး။
ဒီအတိုင်းသာဆိုရင် တော်လှန်ရေးခေါင်းဆောင်တွေ တော်လှန်ရေးရဲဘော်တွေ အခွင့်ထူးခံတွေ ကိုယ်ကျိုးရှာသမားတွေလို့သာ လူထုတရပ်လုံးက ခံစားတွေ့မြင်နေကြရင် လူထုဟာတော်လှန်
ရေးအပေါ် ယုံကြည်မှုနည်းပါးလာတာနဲ့အမျှ တော်လှန်ရေးတာဝန်ကို မလွှဲသာမရှောင်သာလို့
လုပ်နေရပေမယ့် ဝတ္တရားကျေသာလုပ်ကြမှာဖြစ်လေတော့ တစ,တစ,တော်လှန်ရေးနဲ့ကင်းကွာ သွားမှာဖြစ်ပါတယ်။

လူထုကြီးတရပ်လုံးက တော်လှန်ရေးကိုစွန့်ခွါသွားတဲ့နေ့ဟာ တော်လှန်ရေးနိဂုဏ်းချုပ်သွားတဲ့
နေ့ဖြစ်ပါတယ်။
ဒီတော့ကာ ကရင့်တော်လှန်ရေးအရှုံးနဲ့ရင်မဆိုင်ရအောင် ကရင့်တော်လှန်ရေးခေါင်းဆောင်
များကအစ,လေးလေးနက်နက်ခံယူကြပြီး အောက်ခြေလုပ်သားရဲဘော်တွေကို ကေအင်န်ယူ
(KNU)က ချမှတ်ထားတဲ့အမျိုးသားဒီမိုကရေစီတော်လှန်ရေးလမ်းစဉ်၊ လုပ်ငန်းစဉ်တွေကို လက်တွေ့ အကောင်အထည်ပေါ်အောင်လုပ်ကြရပါမယ်။
ကေအင်န်ယူ(KNU)ကချမှတ်ထားတဲ့ အမျိုးသားဒီမိုကရေစီလုပ်ငန်းစဉ်ကို လက်တွေ့အကောင်
အထည် ဖေါ်ကြမယ်ဆိုရင် ခေါင်းဆောင်စောဘဦးကြီးရဲ့ တော်လှန်တဲ့မျိုးချစ်အတွေးအခေါ်ကို ခံယူလေ့လာဆည်းပူးအတုယူပြီး လက်တွေ့ကျကျကျင့်သုံးကြရမှာဖြစ်ပါတယ်။
ဒီနေရာမှာ ကျနော်အထူးပြုပြီးပြောလိုတာကတော့ စာစောင်ရဲ့အတွင်းပိုင်းမှာ အမေရိကန်
တော်လှန်ရေးအောင်ပွဲရအောင် ဂျော့ဝါရှင်တန်နဲ့အင်ဗရာဟင်လင်ကွန်း၊ တရုတ်ပြည်နောက်ဆုံး မန်ချူးမင်းဆက်ကို အပြတ်တိုက်ခဲ့တဲ့ ဒေါက်တာဆွန်ယက်ဆင်တို့ဟာ ပစ္စည်းမဲ့အလုပ်သမား
လူတန်းစားကို ကိုယ်စားပြုသူတွေမဟုတ်ကြပါဘူး။
သူတို့ဆန့်ကျင်တော်လှန်တိုက်ခိုက်ခဲ့ရတဲ့ ရန်သူတွေဟာ နယ်ချဲ့နဲ့ နယ်ချဲ့လက်ဝေခံ
ပဒေသရာဇ်တွေဖြစ်ပါတယ်၊ သူတို့ချီတက်ခဲ့တဲ့လမ်း ကြောင်းကတော့ အမျိုးသားလွတ်မြောက်ရေး
နဲ့ ဓနရှင်ဒီမိုကရေစီလမ်းကြောင်းဖြစ်ပါတယ်။
တော်လှန်ရေးအစ,ပိုင်းမှာ အမေရိကန်ဂျော့ဝါရှင်တန်နဲ့ တရုတ်ဒေါက်တာဆွန်ယက်ဆင်တို့ဟာ လက်ဝေခံပဒေသရာဇ်တော်လှန်ရေးမှာ အခက် အခဲတွေနဲ့အတော်ကိုရင်ဆိုင်ခဲ့ကြရပါတယ်။
နောက်ဆုံးလူနည်းစုကလေးလောက်သာ ကျန်တော့တဲ့အခြေအနေမျိုးမှာမှတော်လှန်တဲ့မျိုးချစ်
အတွေးအခေါ်ကို ခိုင်ခိုင်မြဲမြဲဆုပ်ကိုင်ပြီး တော်လှန်ရေးကိုလုပ်ရာမှာ တော်လှန်ရေးနဲ့တူအောင် လုပ်နိုင်ကြတဲ့အတွက် သူတို့အောင်ပွဲခံခဲ့ကြပြီးဖြစ်ပါတယ်။
ဒီခေါင်းဆောင်ကြီးတွေဟာ တော်လှန်တဲ့မျိုးချစ်အတွေးအခေါ်ကို ကိုင်စွဲခဲ့ကြတာဖြစ်သလို တော်လှန်ရေးကိုလက်တွေ့လုပ်ကြတဲ့အခါမှာ အကျဉ်းချုပ်ကတော့ အညံ့ခံအရှုံးမပေးတဲ့စိတ်ဓါတ်
တိုက်ရဲ၊သေရဲ အောင်ပွဲခံရဲတဲ့ စိတ်ဓါတ်ကိုစွဲကိုင်ပြီး လက်တွေ့လုပ်ခဲ့ကြသူတွေဖြစ်ပါတယ်။
ကျနော်တို့ခေါင်းဆောင်စောဘဦးကြီးရဲ့ တော်လှန်တဲ့မျိုးချစ်အတွေးအခေါ်တွေကတော့
၁။ အမျိုးသား ပြည်သူတရပ်လုံးရဲ့ ရန်သူကိုခါးခါးသီးသီး မုန်းတီးကြရမယ်။
၂။ အညံ့မခံအရှုံးမပေးတဲ့ စိတ်ဓါတ်ကို စွဲကိုင်ထားရမယ်။
၃။ တော်လှန်ရေး စည်းလုံးညီညွတ်ရေးအတွက် ဒီမိုကရေစီဗဟိုချုပ်ကိုင်မှုကို ခံယူကျင့်သုံးကြရမယ်။
၎။ အဖိနှိပ်ခံ လူမျိုးစုံသွေးစည်းရေးအတွေးအခေါ်ကို ခိုင်ခိုင်မြဲမြဲ ခံယူထားရမယ်။
၅။ တော်လှန်ရေးအကျိုးအတွက် ကြိုးကြိုးကုတ်ကုတ်လုပ်ကြရမယ်။
၆။ တော်လှန်တဲ့စည်းမျဉ်းစည်းကမ်းတွေကို လိုက်နာခံယူကျင့်သုံးကြရမယ်။
၇။ အဆင်းရဲခံနိုင်ရမယ်၊အပင်ပမ်းခံနိုင်ရမယ်၊ကိုယ်ကျိုးစွန့်နိုင်ကြရမယ်။
ခေါင်းဆောင်စောဘဦးကြီးရဲ့ တော်လှန်တဲ့မျိုးချစ်အတွေးအခေါ်တွေကို လေ့လာ၊အတုယူ၊
လက်တွေ့ကျင့်သုံးပြီး အမျိုးသားဒီမိုကရေစီ လမ်းစဉ်ကို လက်တွေ့အကောင်အထည်ဖေါ်နိုင်ရင် လူထုကြီးရဲ့ထောက်ခံကူညီမှုအပြည့်အဝ,ရလာတာနဲ့အတူ အမျိုးသားဒီမိုကရေစီ တော်လှန်ရေး မုချအောင်ပွဲခံမှာသေချာတယ်။

ဖူးဝါးခို
(ညောင်တုန်း)
ဒေါနအောင်ပွဲ စာစောင်
အတွဲ(၁)၊ အမှတ်(၁)
၁၉၉၈ ခုနှစ်၊မေလ။
ပြီး၏