တော်လှန်ရေးလား? တန်ပြန်လား?

တော်လှန်ရေးလား?တန်ပြန်လား?

စာရေးသူ၏အမှာစာ

ဤစာစုသည် ဖဆပလ၊ ပထဆ၊ မဆလ၊ ခေတ်တွေမှာ တော်လှန်တဲ့သူရဲကောင်းစစ်သည်တော်တွေအတွင်း
သေနတ်သံတချက်၊ စစ်မြေပြင်တရက်မှ မရောက်ဘူးပဲပူးကပ်အခွင့်ထူးခံကိုယ်ကျိုးရှာပြီး ဆယ်စုနှစ်များများ ပါဝင်သူတွေရှိတယ်။
ရန်သူ့မျိုးဖြုတ်သုတ်သင်ရေးထိုးစစ်ကြီးတွေ ဆင်လာတဲ့အခါမယ်အလျှိုလျှိုငွေထုတ်ပိုက်ပြီး ရန်သူ့ခြေဖဝါးအောက် ဒူးထောက်ရောက်ခဲ့သူတွေရှိတယ်။
မျက်မှောက်နဝတခေတ်မှာ ဒီလိုသစ္စာဖေါက်လောက်ကောင်တွေ ဆက်လက်မပေါ်ပေါက်လာနိုင်ခြင်းငှါ သတိရှိရှိစစ်သားမျက်စေ့ဖြင့်
အစဉ်စောင့်ကြည့်နေဘို့ စေတနာကောင်းဖြင့်ရေးသားလိုက်ရပါတယ်။
အကယ်၍များ ဤစာစုသည် တစုံတဦး သူတစုံတယောက်ကို မရည်ရွယ်ပါပဲ လေးစားရပါသော စာရှုသူများနှင့်ဆင်တူရိုးမှားအဖြစ်မျိုးရှိခဲ့ပါမူ များစွာဝမ်းနည်းရပါကြောင်း အနန္တမေတ္တာမွန်ဖြင့်
ခွင့်ပန်အပ်ပါတယ်ခင်ဗျား။

မန်း R.ဘဇန်

တော်လှန်ရေးလား? တန်ပြန်လား?

အပိုင်း(၉)
မန်းR,ဘဇန်

သူငယ်ချင်း
တို့အမျိုးသားတွေဟာ
ဆယ်စုနှစ် လေးခုအတွင်း
ဘယ်လောက်စွန့်လွှတ်ပေးဆပ်ခဲ့ရ,တယ်ဆိုတာ
မင်းသိပါတယ်။

တို့ဘိုးဘွားတွေ
အမွေပေးခဲ့တဲ့ ကျွန်းသစ်နဲ့
ဓါတ်သတ္တုတွေ
ဘယ်လိုဖြစ်ကုန်ပြီလဲ?

တော်လှန်သူတို့အတွက်
ဆေးဝါးဖြစ်မလာပဲ
ရိက္ခာဖြစ်မလာပဲ
လက်နက်တွေဖြစ်မလာပဲ
တိုက်တာအိုးအိမ်တွေ
ရွှေငွေတွေ
စာရင်းမပြုစုရဲတော့တဲ့ငွေမဲတွေ
ဖြစ်ကုန်တယ်မဟုတ်လား?
တို့အမျိုးသားတွေဟာ
တောင်ယာခုတ်လို့ရတဲ့
သူတို့ဝမ်းစာထဲက
တို့ကို
ထမင်းကျွေးတယ်
ကြက်တွေကျွေးတယ်
ဝက်တွေကျွေးတယ်။

တို့နဲ့အတူ
ရှေ့တန်းသွားတယ်
တို့ရဲဘော်တွေလို
ကျည်သင့်ပြီးကျဆုံးတယ်။

သူတို့ခမျာ
တဲစုတ်ဘဝနဲ့
ငါးပိပြုတ်ဘဝနဲ့
အစုတ်ပလုတ်ဘဝနဲ့
လူ့သက်တန်းကို
ကုန်ဆုံးခဲ့ကြရ,တယ်ဆိုတာ
မင်းသိပါတယ်ကွာ။

သူငယ်ချင်း
ငါလည်းခွင့်ရ,လို့
အိမ်ပြန်ရောက်တော့
ငါ့အိမ်ဟာ
ကြွက်သိုက်လောက်တောင်
မလုံခြုံဘူး။

အမိုးပေါက်ပြဲ
အကာတွေကွဲလို့။

တော်လှန်ရေးပါရမီဖြည့်ဘက်
ချစ်သက်ဇနီးဟာ
တဝက်အပြုံးနဲ့
ငါ့ကိုကြိုနေတယ်။

ချစ်ရတဲ့သမီးလေး
ဘယ်မှာလဲလို့မေးတော့
အိပ်ယာထဲမှာ…..တဲ့။

အိုး…….ကိုယ်တွေပူလို့ပါလား?
ငှက်ဖျားတက်နေတယ်
ဆေးမရှိ
အဟာရနတ္ထိ။

မောမောနဲ့ပြန်လာတဲ့
ချစ်လင်အတွက်
ငြုပ်သီးမပါ
ဗလာငါးပိနဲ့
ခူးခပ်လို့
အမရာဒေဝီ
မဒ္ဒီသမ္ဘူလလို
ကျွေးမွေးပြုစုရှာတယ်။

ရှေ့တန်းနဲ့ ငါ့အိမ်
အကြိမ်ကြိမ်ခွဲခြားပေမယ့်
မထူးတဲ့အဖြေ
အခြေအနေပါလား?

မန်းR,ဘဇန်
တော်လှန်ရေးလား? တန်ပြန်လား?

ဆက်လက်ဖေါ်ပြပါဦးမည်