ႏိုင္ငံတကာေရာက္ ကရင္အမ်ိဳးသားမ်ား ဆႏၵျပၾကျခင္း

Photo by ehkhaungthount( Australia )

ဖႜဳံဆိုဒ္ဂမႜိဳင္ၟထံင္ဟွးခါန္ၟမု္ညာၟလု္ဖး ေစ၀္စင္ခြိက္ဆု္

မူၟဏီ ဖႜဳံဏိင္းသာထၚ ၂၇၄၉၊ လာသိုင့္(လာထင္းကႜံင္)လင္ ၁၀သင့္၊ မူၟအု္ညာၟ
(စ၀္ခုဲး)

ဖႜဳံခါန္ၟဆိုဒ္ဂမႜိဳင္ၟဖင့္ေခါဟ္ ဆု္မာသီ့မာယွာၟ ဆု္ဆင္းထါင္ၟမာနိဳင္ဆု္လု္ဖး ထုင္ၟတင္လု္ေသွ္လု္႓းလိုင္ အု္ေခါဟ္စံင္ ထံင္ဟွး အွ္စ္ေၾတးလ်းခါန္ၟ (Australia) ဖႜဳံဂမႜိဳင္ၟလ္ုစံင္း(2010-March-09) လ္ုဏီဏွ္ ေစ၀္စင္ခြိက္ဆု္ လု္ ဍဳံ ေကန္ဘာရာ(Canberra City) ဏွ္အို၀္ ပၱံင္လင္ေဏ၀္ၟ ေကမူၟဆါ့ ၁၁နာၟဍီ ထံင္ဟွလု္ ေကဟွးလင္ ၃နာၟဍီလု္ခ၀့္အို၀္ေဆ၀္ၟလွ္ ဏွ္ ေဏ၀္ၟ႓းဆု္ၿပိဳင့္ေဆ၀္ၟလွ္ဆၚ။

ေစ၀္စင္ခြိက္ဆ္ု အု္ဆ္ုေယါ၀္ၟလာၟေဍ အု္ဆု္ပု္ေယါတ္ဏွ္ က၀္ခါန္ၟဆိုင္ကံင္းၿခိဳင့္ လု္ဖါ ေ႓့သို၀္ နအဖ တႜာသုဂ္စံင္မံင္ အု္ဆု္ဖၚဆ္ုမါအိုင္ခၚလ္ုစံင္း မု္ပု္ထုက္အု္ဟွင္ၟ နဳက္လင္အင္းဃွဴ႕ဆၞိဳ၀္ လု္ ပု္ယင္ခါန္ၟအု္ အံင္ဖိုင္ မု္ေသွ္သို၀္ Australia ဟု္ေဍါဟ္ပိုင္ခါန္ၟခ၀့္လ္ုစါင္ မူ႔လာၟ ထ႟ါေဖွ္ဟွာင္ၟေ၀့ေဆ၀္ၟလွ္။

Canberra City ေမံယါ့ တ၀္လ၀္ခႜါင္ေ၀့ ယွဴးယွဴး႓ါ႓ါဟွံင္ နအဖ သုဂ္တႜာပိုင္ခါန္ၟသီးလု္ဖး မာခါၟယါင္ ေ႓ႜ၀္ပႜါင္ခြိက္ေ၀့ ဟု္မႝီၟေဏ၀္ၟ႓းပိုင္ ဆု္ပႜယ္တ၀္၊ မာသီ့ခါန္ၟစိုင္ေဖါဟ္၊ ဟွိင္းဃွင့္ ဘာၟတုဂ္သီးလု္ဖးဃွဴၟ ေဍေမွ္၊ ဖႜဳံဆိုဒ္မူးသီးလု္ဖး ဖံင္းဆံင္း မာဆံင္း အင္းဆံင္းဟွံင္မာသီ့ဆု္သယ္ဏွ္၊ က၀္ခါန္ၟဆိုင္ကံင္းၿခိဳင့္ လု္ဆင့္ အင္းတါင္ပံငၱ္ထင္းေဏ၀္ၟဆု္အင္းဃွဴ႕ဆၞိဳ၀္ကုံလဲြါဟွံင္ အင္းဃွဴ႕ဆၞိဳ၀္ေဖွ္လာၟဆၚဏွ္အင္းယါ့႓း ေဆ၀္ၟလွ္ Australia ဟု္ေဍါဟ္ပိုင္ခါန္ၟ၊ အုရဟ္ပ ေဍ ေဏ၀္ၟ႓းဆု္ယွဴး႓ါလ်ာၟသၚကု္ဆါၟသီး ဖံင္းကိုင္ က်ာဍိင္သာဟွံင္ ဆု္အင္းဃွဴ႕ဆၞိဳ၀္ကုံလဲြါ ေ႓့သို၀္ဖၚဆု္မာဆု္မု္ေသွ္သို၀္ ၀ီၟကုင္ထ႟ါေဖွ္ဆိုင္ဟွာင္ၟအု္ ဟွင္ၟ ေက၀္လင္မိင္အု္ဏါင္းဟွံင္ ေဖွ္လင့္ေ၀့လု္ Australia တု္လ၀္ေခါဟ္ႀကိဳင္ Kevin Rudd အွ္အို၀္ ေဆ၀္ၟလွ္။

ထံင္ဏွ္သို၀္ဟွံင္ နၟအၟဖၟ တု္လ၀္လင္ဌာန္႔ ေမံယါ့ဏွ္အို၀္ လ၀္အိုင္စၚဆါ့ ေစ၀္စင္ခြိက္ဆု္ ေဆ၀္ၟလွ္၊ ႃခီၟလု္ႀထိဳင့္ခြိက္ခါ့ဍးအို၀္ ဟွာင္ၟဆံင္း႓်ာဆံင္းဆါၟသယ္ မာနိဳင္အင္းဟွာင္ၟဆါၟ႓်ာဆါၟ အွ္လါၟဏင့္သီး ထံင္မူၟလု္ဏီ အု္က်းမာသါေ႓့ေသွ္သို၀္လဲဏွ္ ပု္ေအေယါ၀္ၟထါင္ေမာင္ၟစိင္ဍဴ ေဟ၀္တု္လာ၊ဆါဍိဳင္ဟူစိင္ သီးလု္ဖး အု္ေဟွ၀္ထုက္ အု္ေထါဟ္အု္ဍံင္ေဆ၀္ၟလွ္။ ခီၟ႓ို၀္ဏါင္းယို၀္ ဏု္သီးေအမါသါေ႓့ယို၀္သို၀္ဍၚစၚ ႓ို၀္ ဏု္သီးယုက္မု္အုဂ္ေ၀့ လု္အု္ဃွဳက္ခ၀့္ေဆ၀္ၟလွ္။႗

Photo by sutoung (Korea )

ထံင္ဏွ္သို၀္လ္ုဆင့္ဟွံင္ အု္သီးေလ၀္လု္သါင့္တု္လ၀္ လင္ဌာန္႔ဏွ္ဟွံင္ ေစ၀္စင္ခြိက္ဆ္ု ဏွ္
ႃပု္ယင္ခါန္ၟဆိုင္ကံင္းယို၀္ ပု္ယင္သုဂ္တႜာပိုင္ခါန္ၟအု္ေခါဟ္စံင္ ဟွာဟွံင္ဟွာက်း လင္ဃွံင္ၟလင္ယွင့္ လင္ ဖိုဟ္ လင္ဆင့္ယွင္းယးနံ႔ဳဏါသီးလု္ကါဍၚ ေ႓့သို၀္ဖႜဳံဆိုဒ္႓ံင္မ္ုလင္မါၟမု္လင္ထုက္သို၀္ မာသီ့မာယွာၟ မာ နိဳင္စုဂ္ဆါ့ေ၀့ ကို၀္ၟမိင္ကို၀္ၟစိင္ဏွ္ ဖႜဳံဂမႜိဳင္ၟသယ္ ႓းကႜီး႓းဟွာထံင္သါင့္ခါန္ၟဖိုင္ေဆ၀္ၟဏွ္တာၟ သါင့္ဟု္ ေဍါဟ္သီးလု္ဖး ဍံင္သုင္းဍံင္သာလါၟဆၚ၊ ဆု္ဍဳဂ္ဆ္ုယါအု္ထိုင့္အု္ကႜါ ေ႓့မု္ဖံင္ေဖႜ၀္အု္ဟွင္ၟ ဟွယ့္ထင္း ကႜီးဟွာ မႝီၟ႓းတၵဳက္တႝာ့ဆါၟလု္ဖး ထါင္သုင့္ဆံင္း ထါင္သုင့္ဏံင္လာၟလုိင္ေဃွ၀္႗ ဏွ္ အင္းယါ့ ပိငၱ္႔ေ၀့ သါင့္ တု္လ၀္ဆါၟလု္ဆင့္ ယုဂ္ယာန္းေ၀့သါင့္စဃႊာ လ၀္ေဖွ္ယူၟဆု္ခႜါင္ေဆ၀္ၟလွ္။
ဆု္လ၀္လင္ခႜါင္လင္ဆါၟဏွ္မြဲါေ၀့ အွ္လု္ New South Wale, KCA (Karen Community of Australia) အု္ေခါဟ္ႀကိဳင္ မာန္း အို၀္ေလန္းဍိဳ၀္ (Mhan Orlando) ဏွ္ေဆ၀္ၟလွ္။

ေစ၀္စင္ခြိက္ဆု္အု္ဖင့္ေခါဟ္ ထံင္႓းဍး႓းဆု္ဆါၟ နာန္ၟလးေဟွ၀္မူး(Naw Lal Gay Moo)ခႜါင္ထင္းေ၀့ဍး ႃပု္အွ္လာၟဏင့္ ခါန္ၟမု္ညာၟယို၀္သီး ပု္လု္စုဂ္ထ၀္ၟပု္ထိုင့္ဖူ႔ထိုင့္၀ဲါ႓း၊ပု္ဆံင့္ဏးဆု္အွ္သါေဍဆု္ၿပိဳင့္ကႜဳ္ထူလွ္ ပု္ ေစ၀္စင္ခြိက္ဆု္ ေအအးထင္းစၚ႓ို၀္ အွ္လု္ပု္ယင္ခါန္ၟဆိုင္ကံင္းဖိုင္ ဂမႜိဳင္ၟလု္ဖး၊ သုဂ္မူၟသီး႓ံင္လု္ဖးေဍ ႓းတၵဳက္တႝာ့ဆါၟ ထိုင့္ဖူ႔၀ဲါသီးလ္ုဖး သုင္းသာမု္ဆံင္းထင္းေ၀့ေဆ၀္ၟလွ္၊ အု္လ္ုမိင္ဏွ္ဍ၀္ တႜါပိုင္ခါန္ၟသယ္ အု္သာဖိုင္ထို၀္၊ အု္ဏါၟဖိုင္ထို၀္ ဟွိဳင့္႓းေ၀့အု္႓ႜင္ေအအးထင္းဍဴ တႜာပိုင္ခါန္ၟသီးလု္ဖး မု္ဆင္းထါင္ၟအင္း သံင္းေ၀့ နအဖ သုဂ္တႜာစံင္မံင္ဏွ္ ယု္မူ႔လာၟ႓းေဆ၀္ၟလွ္။႗

ဏီ့ဟွာလု္ဟွာ Burma Camping ကုံလြဲါ Ms, Zetty လ၀္ထင္းေ၀့
ႃဖႜဳံဆိုဒ္ေဖါဟ္လု္ဖး ေဖွ္ယူၟဆ္ုခႜါင္ဖိုဟ္ အု္ေမါ၀္ၟခႜဳင္ၟထီ့ထီ့ကႜာကႜာအု္ေခါဟ္စံင္ Australia ဟု္ေဍါဟ္ပိုင္ ခါန္ၟသယ္ ေသွ္ယါ့အးထင္းေ၀့ယုဂ္၊ လု္ခါင့္စူးယါ့ အု္သီးေ၀့႓းမာဆု္ေ႓့ေသွ္သို၀္လဲဏွ္ အင္းဏင္ခိင့္ဖါ မု္ေသွ္ေ၀့လွ္၊ က၀္ခါန္ၟဆိုင္ကံင္းၿခိဳင့္ သီးခ၀့္ဍ၀္ နအဖ ဆု္မာပႜါင္အိုင္ခၚလု္စံင္း ေ႓့လု္ကဲထင္း လု္အွ္လိုင္ ႓းသို၀္ မု္ဖံင္းထင္းဖၚထင္းေ၀့ ထံင္ထံင္ဟွဟွေဆ၀္ၟလွ္။႗
ဆိင့္ဃွင္လု္ထီးဃွင္ၟဏွ္ ဖႜဳံဆိုဒ္ဂမႜိဳင္ၟအွ္လု္ England, America, Canada, Norway, South Korea, Japan, Malaysia, ေဍ Sweden ထီ့ခါန္ၟလု္စံင္း ေစ၀္စင္ခြိက္ဆု္ မ၀့္ဃွင္ၟေဆ၀္ၟလွ္။

ဖႜဳံဆိုဒ္ေဖါဟ္အွ္လု္ Australia ခါန္ၟသီး အွ္ေကွ္ထ၀္ၟ က္ုလုင့္ကါင္ကါ ေဖွ္လိုင္သာေဍ ေစ၀္စင္ခြိက္ဆု္ ဟွယ့္အွ္ကံင္းအွ္ကုံေ၀့ဏွ္တာၟ Canberra City ဟွိင္းဆါၟသီးလု္ဖး ဍဳဂ္အင္းပု္က်ာေ၀့ေဍ ခႝံင့္သြ႔ါဏွ္ ေဆ၀္ၟလွ္။
ေစ၀္စင္ခြက္ဆု္ အု္ဖိုင္ Mon National Democratic Front (LA), ေဍ Joint Action for a Democratic ကုံလဲြါက်ာဍိင္သာ ဖၚယွံင္မာယွံင္ေ၀့အု္ေခါဟ္စံင္ ဟု္မႝီဟ္ အွ္ေ၀့အ္ုဟွာဏီ့ယာ႓ႜဲဏွ္ ေဏ၀္ၟ႓းဆု္ၿပိဳင့္ေဆ၀္ၟလွ္ဆၚ။

အွ္႓ုဂ္အွ္ယါင္ဆိုဒ္ေဖါဟ္သီးကို၀္ၟအု္ဟွာ ဖံင္ေဖႜ၀္လာၟေ၀့ ဆု္ယွင္းဆု္ဏါ ဆု္တၵဳက္တႝာ့ ကို၀္မိင္ေဍဆၚ။
စ၀္ခုဲး
Australia

ေစာေက်ာ္ခြီး ဘေလာ့ဂ္ မွ ကူးယူေဖၚျပပါသည္။
မင္းစိုးစံ
အေဝးေရာက္ ကရင္ဒုကၡသည္တဦး