ချင်ခြင်းတ,ခြင်း

ဓါတ်ပုံကို သောသီခို ဘလော့ဂ် ကနေ ကူးယူဖေါ်ပြထားတာဖြစ်ပါတယ်။

ချင်ခြင်းတ,ခြင်း

(မင်းစိုးစံ)

“သင်းခွေချပ်သား စားချင်တယ်”
ပထမ ကိုယ်ဝန်ဆောင်တုန်းက ကျုပ်ဇနီး ချင်ခြင်းတ,ပုံ။
“မျောက်မျက်ကွင်းဖြူသား စားချင်တယ်”
ဒုတိယကိုယ်ဝန်နဲ့တုန်းက။
“အုဋ်နီခဲ စားချင်တယ်”
တတိယမြောက် ကိုယ်ဝန်မှာ တ,တဲ့ချင်ခြင်း။

တောထဲမှာဆိုတော့ သင်းခွေချပ်တို့ မျောက်မျက်ကွင်းဖြူတို့က ပြဿနာမရှိဘူး၊ အုဋ်နီခဲ ကျတော့ မလွယ်ဘူးဗျ တောကြီးမျက်မဲလေဗျာ သိတဲ့အတိုင်း အများအားဖြင့် သစ် ဒါမှမဟုတ်လျင် ဝါး အဲဒါတွေနဲ့ အဆောက်အဦးတို့ ဘာတို့ ဆောက်ကြတာ။ အုဋ်နီခဲ ဆိုတော့။
“အုဋ်နီခဲတော့ မရှိဘူး၊ မီးသွေးခဲပဲရ,မယ်”

အဲဒီလိုလည်းပြောမိရော ဇနီးချောက လုံးဝ,ကိုစိတ်ကောက်သွားတော့တာပဲဗျို့။ မိခင်တွေ ချင်ခြင်းတ,ပုံများနော် အဲဒါလေ ကျုပ်လူပျိုလူလွတ်ဘဝတုန်းက ယုံတမ်းစကားလို့ထင်ခဲ့တာ။ ကျုပ်ကို ကျုပ်အမေ ကိုယ်ဝန်ဆောင်ခဲ့ တုန်းက ကျုပ်အမေက ဆင်နှာမောင်း စားချင်တယ်ဆိုတာ ပြောပြတယ်ဗျ။

အဲဒါ ကျုပ်အဖေ ဆင်တကောင်ဝယ်ပြီး နှာမောင်းချက်ကျွေးလိုက်တယ် လို့ မထင်နဲ့နော်။ ဆင်ဆိုတာက ငါးပြား ဆယ်ပြားမှ မဟုတ်တာ။ ဒီတော့ ကြက်ဆင် ချက်ကျွေးလိုက်ရတယ်တဲ့။
ကျုပ်ညီကို ကိုယ်ဝန်ဆောင်တော့ အမေက ကုလားခြေသလုံးသား စားချင်တယ်ဆိုပဲ။ ကျုပ်တို့ခေတ်တုန်းက ကုလားတွေ က ဆင်ခေါင်းပဲလှော်နဲ့ သတ္တုအိုးတွေ ကော်ရုပ်တွေ ကြေးနဲ့လုပ်ထားတဲ့ပစ္စည်းတွေကို လိုက်လဲတဲ့ ခေတ်လေဗျာ။ ပဲလှော်စားချင်တဲ့ ကလေးအများစုဟာ သတ္တုအိုးတွေကို ကုလားကိုပေး ပဲလှော်နဲ့လဲစား။ အမေတွေ အိမ်ပြန်ရောက်တော့ ချက်စရာအိုးက မရှိ။ အဲဒီကစ,လို့ ဆင်ခေါင်းပဲကနေကုလားပဲဆိုတဲ့ အမည်ဖြစ် သွားတယ်လို့ ဆိုပါတယ်။

ကုလားတွေကလည်း ကလေးဆိုတော့ ပဲလှော်လေး နည်းနည်းပါးပါးပေး ဒန်အိုးဒန်ခွက်တွေကိုယူပြီး စီးပွါးရေး အရ အတော်တွက်ခြေကိုက်နေလိုက်တာ ဟော အခုဆိုလျင် ကရင်တွေ ကုလားသူဌေးဆီက အတိုးမတန်တဆ နဲ့ ငွေချေးနေရပြီပေါ့။
ဒါကြောင့်လည်း စကားပုံလိုလို ဘာလိုလို ပြောစမှတ်ပြုတဲ့စကားလေး တခုရှိခဲ့သေးသဗျ။
တရုတ်လိုရှာ။ ကုလားလိုစု။ ကရင်လိုမစားနဲ့။ ဗမာလိုမကြွားနဲ့။ ဆိုတာ။

ချင်ခြင်းတ,တဲ့အကြောင်းရေးဘို့မေ့သွားတယ်။ ဘယ်ရောက်သွားပါလိမ့်နော်။ ဟုတ်ပြီ ကျုပ်အမေ ကုလား ခြေသလုံး စားချင်တယ်ဆိုတာ။
“ဒန်အိုးဒန်ခွက်တွေ ပဲလှော်နဲ့လဲတယ်၊ ကော်ရုပ်ကော်ခွက်တွေ ပဲလှော်နဲ့လဲတယ်” ဆိုတဲ့အသံလည်းကြားရော ကျုပ်အမေဟာ ကျုပ်အဖေကို ဓါးမကြီးတလက်ပေးပြီး သွားခုတ်ပါဆိုပြီး ခိုင်းပါလေရော။
ကျုပ်အဖေလည်း ဓါးမကိုယူ အိမ်ပေါ်ကနေ အပြေးကလေးဆင်းပြီး ကုလားကိုလိုက်ခုတ်တော့တာပဲလို့ မထင် လိုက်ပါနဲ့ တနေကုန်ပျောက်သွားလိုက်တာ ညနေစောင်းမှ အိမ်ပြန်ရောက်တယ်။ အမေက ဘယ်မှာလဲကုလား ခြေသလုံး ဆိုတော့ ဒီမှာ ဆိုပြီးကျုပ်အဖေက သူငယ်ချင်းအိမ်က ပဲဆီပုလင်းပေးလိုက်တယ်။
ခြေသလုံးမှမဟုတ်တာ စကားများတော့တာပေါ့ အဖေက အေး အထဲမှာ ကုလားခြေသလုံးကို အဆီထုတ်ပြီး ထည့်ထားတယ်။ အဲဒါထမင်းနဲ့ကြော်စားကြည့်။

အဲသလိုအဲသလိုကို ချင်ခြင်းတ,ကြတာ။

တချို့ကျတော့ ဆေးလိပ်ပြာ။ ဆန်။ ကွမ်းသီး။ သဲ။ မြေကြီး။ မြေနီခဲ။ အိုးတိုက်ဖွဲပြာ အဲသလိုကို စားချင်ကြတာ။ အန္တရာယ်ဖြစ် မဖြစ်ဆိုတာတော့ ကျုပ်လည်းမသိဘူး။
ပြောသံကြားတာကတော့ အဲသလို ချင်ခြင်းတ,နေလျင် မတားပါနဲ့။ ရအောင် ရှာပေးပါ။ အဲဒီလို မှမဟုတ်လျင် အမေစိတ်မချမ်းသာတဲ့အတွက် မိခင်ဝမ်းထဲက ကလေးလည်း စိတ်ညစ်နေလိမ့်မယ် လို့ဆိုကြပါတယ်။
ဒါကြောင့် ဆရာဝန်တယောက်နဲ့ တွေ့ဆုံမေးမြန်းခန်းလေး နားဆင်ကြည့်ပါ။

ဗွီအိုအေ မြန်မာပိုင်းအစီအစဉ်ကပါ။

ကဲ နားဆင်ပြီးကြတဲ့ ပုဂ္ဂိုလ်များ ခင်ဗျား။

ဗမာစစ်အစိုးရရဲ့ ညစ်ပတ်စုတ်ပဲ့မှုအလီလီ၊ ရက်စက်မှုအမျိုးမျိုးကြားကနေ ကိုယ်ဝန်ဆောင်နေကြရတဲ့ ကျုပ်တို့ ကရင့်မ်ိခင်လောင်းတွေကနေ ထိတ်လန့်မှု စိုးရိမ်မှု ပင်ပမ်းဆင်းရဲမှု အစာရေဆာ ငတ်ပြတ်မှုအမျိုးမျိးနဲ့ မွေးလာ မယ့် လူဖြစ်လာမယ့် ကရင့်မျိုးဆက်သစ်လေးတွေရဲ့ အခြေအနေ၊ နောင်မှာ လူကြီးဖြစ်လာမယ့် ကရင်လေးတွေ ရဲ့အနာဂတ် ကရင်အမျိုးသားတွေရဲ့အနာဂတ်။
နအဖလို့နာမည်ဆိုးနဲ့ အထင်ကရဖြစ်နေတဲ့ မြန်မာအာဏာရူးစစ်အုပ်စုကို အားပေးထောက်ခံတဲ့လူပုဂ္ဂိုလ် ဒါမှမ ဟုတ် အဖွဲ့အစည်းတွေအားလုံးကို ကျုပ်ပြောချင်တာကတော့ လူမျိုးတမျိုးပြုဉ်းတီးရေးအတွက် အစီအစဉ်ရှိရှိ စ နစ်တကျ လုပ်ဆောင်ခဲ့တဲ့ လုပ်ဆောင်နေတဲ့ လုပ်ဆောင်နေဦးမယ့် ဒီမကောင်းဆိုးဝါးစစ်အစိုးရအာဏာတည် တံ့ဘို့ ခင်ဗျားတို့ဟာ တကယ့်ရေသောက်မြစ်တွေဖြစ်တယ် ဖြစ်နေပြီဆိုတာပါပဲ။

ကျုပ်ကိုယ်ဝန်မဆောင်ပေမယ့် ချင်ခြင်းတ,နေမိတယ်၊ အဲဒါကတော့ ခင်ဗျားတို့အားလုံး အမြင်မှန်ရစေချင်တဲ့ ချင်ခြင်းပဲဖြစ်ပါတယ်။
ဒီကေဘီအေ ၉၉၉ အထူးတပ်ရင်းမှ အချစ်ဆုံးသူငယ်ချင်း ဗိုလ်သူရိန်နှင့် ဗိုလ်ကြည်လင် တို့အတွက် ရည်ရွယ် ခြင်းဖြစ်ပါသည်။

မင်းစိုးစံ
အဝေးရောက် ကရင်ဒုက္ခသည်တဦး