ကိုယ့်ကိုယ်ကို တော်လှန်ရဲတဲ့သတ္တိ ရှိကြစမ်းပါ

ကိုယ့်ကိုယ်ကို တော်လှန်ရဲတဲ့သတ္တိ ရှိကြစမ်းပါ
(မင်းစိုးစံ)

အမှားတခုလုပ်မိပြီဆိုလျင် အချိန်မီသိလို့ကတော့ အကြောင်းမဟုတ်ဘူး။ ပြင်လို့ရ,နိုင်တယ်။ နောက်ကျသွားပြီ ဆိုလျင်တော့ အဲဒီအမှားရဲ့ အကျိုးဆက်ဟာ သားစဉ်မြေးဆက် ဝန်ထုပ်ဝန်ပိုးဖြစ်ကျန်ခဲ့မှာအသေအခြာပဲ။

အမှားတခုကို ပြင်လိုက်နိုင်တယ်ဆိုစေဦးတော့ အမှားလုပ်တဲ့လူကို ဘယ်သူမျှယုံယုံကြည်ကြည်ဆက်ဆံတော့ မှာ မဟုတ်ဘူးဆိုတာ အထင်အရှားပါပဲ။ အဲဒါကို သံသယ လို့ပြောမလား။ အလုပ်တခုကို လုပ်တဲ့အခါ ဘယ်အ လုပ်မျိုးမဆို သံသယကင်းကင်း ယုံယုံကြည်ကြည်လုပ်နိုင်ဘို့လိုတယ်။

သံသယစိတ်ရှိနေလို့ကတော့လား မအောင်မြင်ရေးချ မအောင်မြင်ဘူးပဲ။ နှစ်ပေါင်းဘယ်လောက်ကြာကြာ ဘယ် လောက်ပဲကြိုးစားကြိုးစား ဘယ်တော့မျှမအောင်မြင်နိုင်ဘူး။ အဲဒါသံသယရဲ့ အကျိုးသက်ရောက်မှုပဲ။
စာဖတ်သူအနေနဲ့ ကိုယ်ပိုင်လုပ်ငန်းတခု အကောင်အထည်ဖေါ်မယ်ဆိုပါစို့။ တခြားမပြောနဲ့ ဘလော့တခုမှာ ရှိတဲ့ စီဘောက်လေးတခုမှာ စာကြောင်းလေးတကြောင်းရေးသားချင်တယ်ထားပါတော့။ မိတ်ဆွေရေးမယ့် စာ သား အကြောင်းအရာက သေခြာတယ်၊ ဒါဟာအပြုသဘောဆောင်တယ်လို့ ယုံကြည်လျင် မိတ်ဆွေရဲ့လိပ်စာ ကိုဖေါ်ပြရဲမှာပဲ။ ဘာကြောင့်လဲ အဲဒီဘလော့ပိုင်ရှင်အပေါ်မှာ မိတ်ဆွေရဲ့စေတနာက မှန်ကန်နေလို့ဖြစ်ပါတယ်။ သူ့ကိုလမ်းမှန်ပို့ ချင်တဲ့စေတနာကြောင့်ပါ။

အကယ်၍များ အဲဒီဘလော့ပိုင်ရှင်ကို မလိုမုန်းထားတဲ့စိတ်၊ ဒါမှမဟုတ် မ်ိမိ်ရေးလိုက်တဲ့ အကြောင်းအရာပေါ်မှာ ယုံကြည်စိတ်ချမှုကင်းမဲ့နေလျင် မိတ်ဆွေရဲ့လိပ်စာအမှန်ကို ဖေါ်ပြရဲတဲ့သတ္တိ ကင်းမဲ့နေမှာဖြစ်ပါတယ်။

အကျိုးဆက်ကဘာလဲ မေးစရာရှိပါတယ်၊ ပြည်သူလူထုအကျိုးကို အမှန်တကယ်လိုလားတဲ့ ဘလော့ပိုင်ရှင်တ ယောက်ဆိုလျင် မိမိရေးလိုက်တဲ့ အကြောင်းအရာအပေါ် ဆင်ခြင်သုံးသပ်ပြီး သူ့ကိုယ်သူပြင်သွားမှာဖြစ်ပါတယ် ပြီးတော့တခါ မိမိကို ပြန်လည်ဆွေးနွေးတင်ပြလာမယ့်အကြောင်းအရာတွေကို ပြန်ရနိုင်တဲ့အတွက် နှစ်ဦးနှစ်ဝ စလုံး အကျိုးကျေးဇူးများလှပါတယ်။

လူအများမသိသင့်တဲ့ အကြောင်းအရာလေးတွေဖြစ်နေခဲ့မယ်ဆိုပါလျင်လည်း မ်ိမိရဲ့လိပ်စာကြောင့် အပြန်အ လှန်ပြောဆိုဆွေးနွေးကြတဲ့အခါ ဗဟုဿုတတွေ တိုးလာမှာအမှန်ပါ။ ဘာကြောင့်လည်းဆိုတော့ လူတိုင်းဟာ အရာအားလုံးကို မသိနိုင်ဘူး။ ဖြတ်သန်းလာခဲ့ရတဲ့ ဘဝ,လမ်းကြောင်းခြင်း မတူကြလို့ပါ။

ဆရာဝန်တယောက်ရဲ့ အတွေ့အကြုံဟာ ဆိုက္ကားသမားတယောက်ရဲ့ အတွေ့အကြုံနဲ့မတူသလို၊ အတွေးအခေါ် ခြင်းလည်း အလုံးစုံတူနိုင်မှာမဟုတ်တဲ့အတွက် ကိုယ်စီမှာ ဗဟုဿုတ တမျိုးစီရှိကြတာချည်းပါပဲ။

ဒီတော့ အမြင်ခြင်းဖလှယ်မယ်၊ အတွေးအခေါ်ခြင်းဖလှယ်မယ်၊ ရ,လာတဲ့ နှစ်ဦးနှစ်ဘက်ရဲ့အတွေ့အကြုံကိုယူ
ပြီး ပူးပေါင်းလုပ်ဆောင်နိုင်ကြမယ်ဆိုလျင် အပေါင်းလက္ခဏာဖြစ်ပါတယ်။

အဲဒီလိုမှမဟုတ်ပဲ ငါကြိုက်တဲ့အဖွဲ့ ကို ထိကပါးရိကပါးလုပ်တာ မကောင်းပြောတာ ငါ့ရန်သူ၊ ငါ့နဲ့အမြင်ခြင်းမတူတဲ့လူ ငါ့ရန်သူ၊ ငါပြောတာကို ကန့် ကွက်ပြီး ချေပ,တဲ့လူမှန်သမျှ ငါ့ရန်သူ၊ ငါပြောတဲ့အတိုင်းလိုက်မလုပ်တဲ့လူ ဗိုလ်မထားဘူးကွ ငါတို့က မလုပ် တတ်ပေမယ့် ခိုင်းတတ်တယ် အများနဲ့ဆိုင်တဲ့ပစ္စည်း ငါ့ပစ္စည်းဖြစ်အောင်လုပ်မယ် ဒီလူကို ဒုက္ခရောက်အောင် ဒီလိုလုပ်လိုက်မယ် လူတွေသူ့ကို အကြည်ညိုပျက်အောင် ဒီလိုပြောလိုက်မယ် ငါ့ကိုလူတွေ အထင်ကြီးလာဘို့ ဒီလူကို ဘေးရောက်အောင်လုပ်မယ် အဲဒီလိုသာမဟုတ်တာမမှန်တာကိုလုပ်နေမယ်ဆိုလျင်တော့ အမှားတကာ့ အမှားရဲ့ အမှားယွင်းဆုံး မဟာအမှားသမားကြီးတယောက် ဖြစ်မှန်းမသိဖြစ်လာပြီး အနှုတ်လက္ခဏာတွေရ,ပြီး ရင်း ရ,ရုံမက နောက်ဆုံးတော့ ကျဆုံးခန်းနဲ့ဇာတ်သိမ်းရမှာဖြစ်ပါတယ်။

အဲဒီလိုလူမျိုးအများစု စုပေါင်းဖွဲ့စည်းတည်ဆောက်ထားတဲ့ အဖွဲ့ဆိုလျင်တော့ လူတရာရှိတဲ့တပ်ဖွဲ့တခုမှာ ဗိုလ် ကိုးဆယ့်ကိုးယောက်ရှိပြီး ထမင်းချက်တယောက်ထဲရှိတဲ့ အဖွဲ့မျိုးရောက်သွားပါလိမ့်၊ နောက်ဆုံးတော့မီးခိုးတိတ် သွားမှာဖြစ်ပါတယ်။

မီးခိုးတိတ်သွားတာက သူတို့အဖွဲ့နဲ့တင် ပြီးပြတ်သွားလို့ကတော့ အကြောင်းမဟုတ်ဘူး။ အဲဒီလူတရာနဲ့ဆက်စပ် ပတ်သက်နေတဲ့ လူမှန်သမျှ အဲဒီအမည်းစက်ကြီးကို တသက်လုံးခံစားစံစားနေကြရပါလေရော။
အနီးစပ်ဆုံး ဥပမာ ကတော့ ဗမာစစ်ခေါင်းဆောင်များနဲ့အတူ ဆက်စပ်ပတ်သက်သူမှန်သမျှ ဒီမိုကရေစီနိုင်ငံ အချို့ရဲ့ ပိတ်ဆို့တားဆီးခြင်း ခံနေရတာက အထင်အရှားပဲလေ။

ကျုပ်ကတော့
အတတ်နိုင်ဆုံး လူတိုင်းကိုစေတနာထားပါ(ကောင်းသောစေတနာ)။

အတတ်နိုင်ဆုံး ကိုယ်လုပ်တဲ့လုပ်ရပ်တိုင်းအပေါ် မလုပ်မှီ သံသယကင်းအောင် ကြိုးစားပါ။ အထူးသဖြင့် အမျိုးသားရေး။

အတတ်နိုင်ဆုံး ကိုယ်လုပ်တဲ့အလုပ်အောင်မြင်ရ,မယ်ဆိုတာ လေးလေးနက်နက်ယုံကြည်ပါ။

အတတ်နိုင်ဆုံး ကိုယ့်ကိုယ်ကို ယုံကြည်ပါ။ အထင်မကြီးပါနဲ့။

အတတ်နိုင်ဆုံး သူတပါးကို နားလည်ပေးပါ။ အထင်မသေးမိပါစေနဲ့။

အတတ်နိုင်ဆုံး မိမိကြောင့်တပါးသူ စိတ်ဆင်းရဲမှု၊ စိတ်အနှောင့်ယှက်ဖြစ်မှု မရှိစေနဲ့။

အဲဒါတွေကို လက်ကိုင်ထားပါတယ်။ ဘာကြောင့်အတတ်နိုင်ဆုံးလို့ ထည့်ထားရသလဲ?
ကျုပ်ဟာ လူကောင်းတယောက်မဟုတ်ဘူး။ လူဆိုးတယောက်မဖြစ်အောင် ကြိုးစားကျင့်ကြံနေထိုင်နေတာဆို တော့ဗျာ၊ အချိန်တိုင်း နေရာတိုင်း အကြောင်းအရာတိုင်း မတတ်နိုင်ဘူး။

ဒါဆိုလျင် မင်းစိုးစံဆိုတဲ့လူ အောင်မြင် မှုတွေ တိုးတက်မှုတွေနဲ့ ပြည့်စုံနေမှာပဲလို့တော့ မထင်လိုက်ပါနဲ့။
အခုထက်ထိ ဘဲဥ(သုည)သုံညမှာပဲ ရှိနေသေးတယ်။ ဝ,လုံး မကွဲသေးဘူး။ ဒါကြောင့် အတတ်နိုင်ဆုံးဆိုတာကို ထည့်ထားတာ။

ကျန်းမာချမ်းသာကြပါစေ။

မင်းစိုးစံ
အဝေးရောက် ကရင်ဒုက္ခသည်တဦး