ပန်းတွေအပေါ်မှာ ကျွန်တော် မသာယာတတ်ဘူး။ မသာယာမိဘူး။ တချို့ပန်းများဆို မုန်းတောင်မုန်းသေးတယ်။ ပိတောက်ပန်းလိုဟာမျိုး၊ တစ်နှစ်မှာတစ်ရက်လောက်ပဲ ပွင့်တယ်။ လူတွေက တစ်နှစ်လုံး ရွက်စိမ်းတဝေေ၀နဲ့နေတဲ့ ပိတောက်အပင်ကြီးတွေကို အသိအမှတ်မပြုကြဘူး။ တစ်ရက်လောက်ပွင့်တဲ့ ပန်းတွေကိုပဲ အသိအမှတ်ပြုတတ်ကြတယ်။ အပင်တွေ၊ အရွက်တွေက ဘယ်လောက် ရင်နာလိုက်ကြမလဲ။ အသိအမှတ်ပြုခြင်း မခံရတာလည်း ရင်နာစရာပဲ မဟုတ်ဘူးလား။ ဒီကြားထဲ ပိတောက်ပန်းအနံ့က ညှီစို့စို့ စိမ်းရွှေရွှေရယ်။ ရင်ခွဲတိုက်ထဲမှာ နံတဲ့အနံ့မျိုး နံတယ်လို့ ကျွန်တော်ထင်တယ်။ ဒါကြောင့် သူကပြောလေ့ရှိတယ်။ နင့်မှာ ပန်းမုန်းတီးတဲ့ရောဂါ ရှိလိမ့်မယ်ထင်တယ်တဲ့။ မုန်းတီးတာဟာ ရောဂါဆိုရင် ငါ့ကိုယ်ထဲမှာ ရောဂါတော်တော်များနေပြီလို့ ကျွန်တော်က ပြန်ပြောခဲ့ဖူးတယ်။ သူက ချစ်တယ်ဆိုတာကိုကော နင်က မုန်းတီးစရာတစ်ခုလို့ မြင်သလားလို့ မေးတုန်းက ချစ်တာဟာ မုန်းစရာဟုတ်မဟုတ်တော့ ငါမပြောတတ်ဘူး။ အချစ်ခံရမှာတော့ ငါမမုန်းမိဘူး။ ဒါပေမဲ့ `ချစ်တယ်´ဆိုတဲ့ စကားလုံးကို ငါမကြိုက်ဘူး။ ချစ်ခြင်းဆိုတာ စကားလုံးထဲမှာ တည်နေတာမဟုတ်ဘူးလို့ ကျွန်တော်က ဖြေခဲ့တယ်။ သူက ရယ်ရင်း နင့်အတွက် တရားသေလောကကြီးတစ်ခု နင့်ဘာသာ တည်ဆောက်ထားတယ် မဟုတ်လားလို့ သူက မေးသလိုပြောတယ်။ ပညာရှိတွေပြောတဲ့ Rhetorical Question ဆိုတာမျိုး။ အဖြေသိချင်လို့ မေးတဲ့အမေးမဟုတ်ဘူး။
ဆရာ မြင့်သန်းရဲ့ ဝတ္ထုတိုတွေထဲက တပုဒ်ပါ။
Wednesday, September 15, 2010
ပန်း
Subscribe to:
Post Comments (Atom)
0 comments:
Post a Comment