ပန်းကန်ပြားပျံများသည် ဗြိတိန်နှင့် အမေရိကန်ရှိ အဏုမြူ ဒုံးကျည်များ ထားရှိရာ နေရာများပေါ်တွင် ပျံဝဲခဲ့ဖူးပြီး နျူလက်နက်များ အသုံးပြု၍ မရအောင် လုပ်ဆောင်ခဲ့ဖူးကြောင်း အမေရိကန် လေတပ် အရာရှိဟောင်းများက ဖွင့်ချ ဖော်ထုတ်ခဲ့သည်။
အစိုးရများက ယင်းကိစ္စကို မပေါက်ကြားစေရန်လျို့ဝှက်ထားခဲ့ခြင်း ဖြစ်ကြောင်း ပန်ကန်းပြားပျံ သုတေသန ပညာရှင်တစ်ဦးနှင့် အမေရိကန် လေတပ်အရာရှိဟောင်း ခြောက်ဦးတို့က စက်တင်ဘာလ ၂၇ ရက်နေ့တွင် ၀ါရှင်တန်၌ ပြုလုပ်သော သ တင်းစာရှင်းလင်းပွဲတွင် ဖွင့်ချခဲ့ကြသည်။ အမေရိကန် အစိုးရသည် ပန်းကန်ပြားပျံများ လာရောက်မှုနှင့် ပတ်သက်ပြီး တရားဝင် ထုတ်ဖော်သင့်ပြီ ဖြစ်ကြောင်း ပန်းကန်ပြားပျံများ အဏုမြူလက်နက် ထားရှိရာ နေရာများကို လာရောက်ခဲ့ကြောင်း တွေ့မြင် သိရှိခဲ့သူ စစ်ဘက်အရာရှိဟောင်း ၁၂၀ မျှ ရှိကြောင်း သုတေသနပညာရှင် ရောဘတ်ဟတ်စတင်းက ပြောကြားခဲ့သည်။
၁၉၆၇ ခုနှစ် မတ်လ ၁၆ ရက်နေ့က မွန်တာနာရှိ မမ်စထရွန် လေတပ်စခန်းပေါ်သို့ ပန်းကန်ပြားပျံများ ပျံသန်းမှုကြောင့် နျူဒုံးကျည်များ ယာယီ အသုံးပြု၍မရ ဖြစ်သွားခဲ့ခြင်းကို ကြုံတွေ့ခဲ့ရသည့် လေတပ်အရာရှိဟောင်း သုံးဦးက ယင်းဖြစ်စဉ်ကို ရှင်း လင်းခဲ့သည်။ မွန်တာနာ မတော်တဆဖြစ်စဉ်နှင့် ပတ်သက်ပြီး စာအုပ်တစ်အုပ် ရေးသားခဲ့သည့် ဗိုလ်ကြီး(အငြိမ်းစား) ရောဘတ်ဆဲလက်စ်က ၁၉၆၇ ပန်းကန်ပြားပျံ ပျံသန်းမှုတွင် သူသည် မြေအောက်အဆောက်အအုံတွင်း ရောက်နေသောကြောင့် မမြင်တွေ့ခဲ့ရသော်လည်း အစောင့်တပ်သားတစ်ဦးက အချင်း ပေ ၃၀ ခန့်ရှိသော အနီရောင် ပြောင်ပြောင်လက်လက် အရာဝတ္ထုတစ်ခု ပျံသန်းလာသည်ကို မြင်တွေ့ရသည်ဟု သတင်းပို့ခဲ့သည်။
''သတင်းဆက်ပို့တုန်းမှာပဲ ကျွန်တော်တို့ ဒုံးကျည်တွေဟာ အသုံးပြုနိုင်ခြင်း၊ လွှတ်တင်နိုင်ခြင်း မရှိတဲ့ အခြေအနေကို ရောက်သွားပါတယ်။ အဲဒီအရာဝတ္ထု ကျွန်တော်တို့ စခန်းပေါ် ၀ဲနေတယ်လို့ ယူဆရတဲ့ အချိန် အတွင်းမှာပါ''ဟု ဆဲလက်စ် က ပြောကြားခဲ့သည်။
၁၉၈၀ ပြည့်နှစ် ဒီဇင်ဘာလအတွင်းက အင်္ဂလန် အရှေ့ပိုင်း တော်ဝင်လေတပ်စခန်းများ ဖြစ်သည့် ဘန့်ဝါးတားနှင့် ၀ုဒ်ဘရစ်ခ်ျတို့ အနီး သစ်တောအတွင်း ပန်ကန်းပြားပျံဟု ယူဆရသည့် အရာများ ပျံသန်းသွားသည်ကို မြင်တွေ့ခဲ့ရသည့် အငြိမ်းစား ဗိုလ်မှူးဟောင်း ချားလ်စ်ဟော့တ်ကလည်း ''တောထဲမှာ တွေ့လိုက်ရတာက တောက်ပနေတဲ့ အရာတစ်ခုပါ။အကောင်းဆုံး သရုပ်ဖော် ပြောရရင် အလယ်ဗဟိုမှာ မည်းနက်နေတဲ့ နီနီရဲရဲ မျက်လုံးကြီးလိုပါပဲ။...။သစ်ပင်တွေ ကြားမှာ ဘာနဲ့မှ မထိဘဲ လှည့်နေရင်းကနေ ကျွန်တော်တို့နားအထိ ရောက်လာတယ်။ အဲဒီနောက် ငါးခုကွဲသွားပြီး ပေါက်ကွဲသွားတယ်။ ကျွန်တော်တို့ အဲဒီနေရာကိုသွားကြည့်တော့ ဘာမှ မရှိတော့ပါဘူး''ဟု ဆိုသည်။
ယင်းနောက်တွင် ကောင်းကင်ယံအတွင်း ပျံသန်းနေသည့် ထူးဆန်သော အရာများကို မြင်တွေ့ခဲ့ရပြီး ပေ ၃၀၀၀ အမြင့်မှ နေပြီး ရောင်ခြည်တန်းထိုးသည့် ဖြစ်စဉ် ဖြစ်ပေါ်ခဲ့သည်ဟု ဆိုသည်။
မင်းစိုးစံ
အဝေးရောက် ကရင်ဒုက္ခသည်တဦး
0 comments:
Post a Comment