ချမ်းသာခြင်း၏ အရင်းမူလ ပဓာန

ချမ်းသာခြင်း၏ အရင်းမူလ ပဓာန

Posted by Popular News on Nov 24th, 2010 and filed under Articles.

လောဘထွန်းကားလာသဖြင့် ဆန်ရေစပါး ရှားပါး၍ အစားအစာ ငတ်မွတ်ခြင်းအား ဒုမ္ဘိကန္တရကပ်၊ ဒေါသလွန်ကဲသဖြင့် အချင်းချင်း သတ်ဖြတ်ကြသည့် လက်နက် ဘေးသင့်ခြင်း သတ္တန္တရကပ်၊ မောဟ လွန်ကဲသဖြင့် ရောဂါအမျိုးမျိုးကပ်ရောက်ခြင်း ရောဂန္တရကပ်ဆိုသော ကပ်ကြီးသုံးပါး ကျရောက်ရ၏။ လောဘကြောင့် မီးဘေး၊ ဒေါသ ကြောင့် ရေဘေး၊ မောဟကြောင့် လေဘေးများ သင့်ရ၏။ သီလနှင့် ပြည့်စုံသောသူမှာ ပြဆိုအပ်ပြီးသော ဘေးဒုက္ခအမျိုးမျိုးမှ လွတ်မြောက် နိုင်ကြ၏။
နတ်ပြည်သို့ တက်ရာတွင် သီလတည်းဟူသော စောင်းတန်း လှေကားဖြင့် တက်ကြရ၏။ နိဗ္ဗာန်မြို့တော်ကြီးသို့ဝင်ရာ၌လည်း သီလ တည်းဟူသော တံခါးမှသာလျှင် ဝင်ရောက်နိုင်၏။ သီလနှင့် ပြည့်စုံ သောသူကား လူ့ပြည်ချမ်းသာ၊ နတ်ပြည်ချမ်းသာဟူသော ဝေဒယိတ သုခ လောကီချမ်းသာမျိုးကို မဆိုထားဘိ၊ လောကီချမ်းသာ ထက် မနှိုင်းယှဉ်နိုင်လောက်အောင် သာလွန်ထူးမြတ်သော သန္တိသုခ နိဗ္ဗာန်ချမ်းသာကြီးကိုပင် ရရှိနိုင်ပါပေ၏။ထို့ကြောင့် ပစ္စက္ခဘဝ၌ပင်လျှင် ကပ်ကြီးသုံးပါးတို့မှ လွန်မြောက် လျက် နောင်တမလွန်ဘဝ၌ နတ်ပြည်ချမ်းသာ စသော လောကီ ချမ်းသာနှင့် အဆုံးဘဝ၌လည်း သန္တိသုခနိဗ္ဗာန်ချမ်းသာကို ရရှိလိုကြ သော ပညာရှိ သူတော်ကောင်းတို့သည် ချမ်းသာခြင်း၏ အရင်းမူလ ပဓာနဖြစ်သော သီလတရားကို ကြိုးစားအားထုတ် နိုင်ကြပါစေကုန် သတည်း။ ။


အဘိဓဇမဟာရဋ္ဌဂုရုစံကင်းဆရာတော်ဘုရားကြီး
၁၉၇ဝ ခုနှစ်ထုတ် သြဝါဒဓမ္မကထာ