မြန်မာ-ထိုင်းနယ်စပ် မြ၀တီ မြို့သို့ နယ်စပ်စီးပွားရေး ကုန်သွယ်လမ်းကြောင်းပေါ်တွင် ယာဉ်တန်းပြန်လည် ပြေးဆွဲပြီး ကုန်စည် စီးဆင်းမှု ပုံမှန် လည်ပတ်နေပြီ ဖြစ်၍ နေရပ်ပြန် စီးပွားရေး လုပ်ငန်းရှင်များ ပြန်လည် ရောက်ရှိလာကာ မြ၀တီမြို့ရှိ စီးပွားရေးရပ်ဝန်း တစ်ခုလုံး ပြန်လည် လှုပ်ရှားလာပြီ ဖြစ်ကြောင်း သိရသည်။
''ကျွန်တော်တို့တွေ နေရပ် ပြန်ကြတယ် ဆိုပေမယ့် စီးပွားရေး လုပ်ကွက်က နယ်စပ်မြ၀တီမှာပဲဆိုတော့ အခြေအနေအေးချမ်းပြီး ကုန်သွယ်မှုလမ်းကြောင်း ပြန်ကောင်း လာတာနဲ့ ချက်ချင်းဆိုသလို အားလုံးပြန်လာနေကြပြီ။ ကုန်စည်ပို့ ဆောင်ရေး လက်ကားဒိုင်တွေ၊ ကုန်သည်တွေလည်း ရောင်းဝယ်ဖောက်ကားမှု ပြန်လုပ်နေကြပါပြီ''ဟု နယ်မှလာပြီး မြ၀တီမြို့မှာ အခြေချ၍ စီးပွားရေးလုပ်ကိုင်နေသူ တစ်ဦးက ပြောသည်။
နယ်ခြားဖြတ်ကျော် လှေဂိတ်များ ပြန်လည်ဖွင့်ခဲ့ပြီး မြ၀တီမြို့ ကုန်ပစ္စည်းဝင်ရောက်မှု ယခင်ထက် များနေသော်လည်း ထိုင်းဘတ်ငွေ ဈေးငြိမ်ပြီး ပစ္စည်းကယ်ရီခ မူလအတိုင်း ပြန်လည်ကျဆင်းမှု မရှိသည့် အတွက် ကုန်ပစ္စည်းဈေးနှုန်းများ ကျဆင်းခြင်း မရှိဘဲ ဈေးမာနေကြောင်း သိရသည်။
မြ၀တီမြို့ပေါ် ရပ်ကွက်များ စားသုံးမှု ဈေးကွက်တွင် ယခင်ထက် အားနည်းနေသော်လည်း ကုန်သွယ်မှုလမ်းကြောင်းပေါ်မှ စီးဆင်းလျက်ရှိသော ဈေးကွက်တွင် အရောင်းအ၀ယ် သွက်လျက်ရှိပြီး ပြန်လည် စည်ကားနေပြီ ဖြစ်ကြောင်း သိရသည်။
Saturday, November 27, 2010
မြ၀တီမြို့စီးပွားရေးရပ်ဝန်းပြန်လည် လှုပ်ရှားလာ
Subscribe to:
Post Comments (Atom)
0 comments:
Post a Comment