ဒီအိမ်ကိုဘယ်လိုပြင်ရပါ့

ဒီအိမ်ကိုဘယ်လိုပြင်ရပါ့

Written by နီမင်းဆွေ

အောင်မြင်နေတဲ့ ယောက်ျားတစ်ယောက်ရဲ့ နောက်ကွယ်မှာ သိပ်တော်တဲ့ မိန်းမတစ်ယောက် ရှိတယ်တဲ့။ အဲဒီလို အောင်မြင်နေတဲ့ ယောက်ျားတစ်ယောက် အောက်ကို ကျွမ်းစိုက်ကျသွားတဲ့ အချိန်မှာလည်း သူ့နောက်ကွယ်မှာဒုတိယ မိန်းမတစ်ယောက် ရှိနေတတ်တယ်တဲ့။အိမ်ထောင်ရေးနှင့် ပတ်သက်ပြီး ပညာရှိတွေ ပြောခဲ့ကြတဲ့ စကားတွေထဲက ရေပန်းစားတဲ့ အဆိုအမိန့် တစ်ခုပဲ ဖြစ်ပါတယ်။ အိမ်ထောင်ရေးနဲ့ပတ်သက်ပြီး လူတွေပြောခဲ့ကြတဲ့ အဆိုအမိန့်တွေဟာ ကမ္ဘာပေါ်မှာ တော်တော်များပါတယ်။ စစ်နဲ့ ပတ်သက်ပြီး ပြောခဲ့ကြတဲ့ အဆိုအမိန့်တွေနဲ့ နှိုင်းစာမယ်ဆိုရင် အရေအတွက်အားဖြင့် နင်လားငါလားပါပဲ။ ဘယ်သူကမှ သိပ်ပြီး သိသိသာသာ ပိုများမယ် မထင်ပါဘူး။ ပညာရှိတွေကလည်း အိမ်ထောင်ရေး စစ်ရေးနဲ့ အချစ်အကြောင်းတွေကိုပဲ တော်တော်များများ ပြောခဲ့ကြဟန် တူပါတယ်။ ဒါ့ကြောင့် ဒီသုံးခုဟာ လူသားတွေအပေါ်မှာ အလွှမ်းမိုးဆုံးလို့ ဆိုရင်လည်း မှားမယ်မထင်ပါဘူး။ အိမ်ထောင်ရေးနဲ့ ပတ်သက်ပြီး ပြောခဲ့ကြတဲ့ စကားတွေထဲမှာ ဒဿနတွေ အများကြီး ပါလေ့ရှိပါတယ်။ စစ်နဲ့ပတ်သက်ပြီး ပြောခဲ့ကြတဲ့ အဆိုအမိန့်တွေထဲမှာတော့ ကြေကွဲစရာ သံဝေဂရစရာ သင်ခန်းစာ ယူစရာတွေနဲ့ ပြည့်လျှမ်းနေတတ်ပြီး၊ အချစ်နဲ့ပတ်သက်ပြီး ပြောကြတာတွေထဲမှာတော့ အကုန်လုံးနီးပါး စိတ်ဓာတ်တက်ကြွစရာ တွေချည်းပါပဲ။ တစ်ခါတလေ ကဗျာတွေတောင်မှ ပါလာလိုက်သေး။

အဲဒီလို ပညာရှိ သုခမိန်တွေ ပြောခဲ့ကြတဲ့ အဆိုအမိန့် မျိုးစုံထဲမှာတော့ ခုနကပြောခဲ့တဲ့ အဆိုအမိန့်လေးကို ကြိုက်တဲ့လူ တော်တော်များ ပါတယ်။ မှန်သင့်သလောက်လည်း မှန်နေတာကိုး။ ဇနီးဖြစ်သူဟာ ခင်ပွန်းသည်ရဲ့အနားမှာ အစဉ်သဖြင့် ရှိနေတတ်တာ ဆိုတော့ ခင်ပွန်းသည်ရဲ့ အားနည်းချက်နဲ့ အားသာချက်တွေကို သူသာအသိဆုံး ဖြစ်တယ်။ ဒါ့ကြောင့် ခင်ပွန်းသည်ကို အထောက်အကူ ပေးချင်တယ်ဆိုရင် သူ့ထက်ပိုပြီး အထောက်အကူ ပေးနိုင်မယ့်လူ ရှိနိုင်မယ် မထင်ဘူး။ ဒါပေမယ့် ဒါကလည်း ခင်ပွန်းသည်ရဲ့ ဘ၀ရှေ့ရေးကို စိတ်ဝင်တစား ရှိပါဦးပါမှ။ စိတ်ဝင်စားမယ် ဆိုရင်တော့ ဒါလုပ်ဖို့ သိပ်ခက်မှာ မဟုတ်ပါဘူး။ ခင်ပွန်းသည်ကို စိတ်ဝင်စားပြီး အကင်းပါးတဲ့ မိန်းမတွေဟာ ယောက်ျားဖြစ်သူ အကြောင်း အူသိမ်ချေးခါး မကျန်အောင် သိနေတတ်ကြပေမယ့် ယောက်ျားတွေကျတော့ မိန်းမတွေအကြောင်း ကောင်းကောင်းမသိကြတာ များတယ်။
အိမ်ထောင်ပြုတဲ့ နေရာမှာ အချိန်ယူ လေ့လာစဉ်းစားပြီးမှ ပြုကြတဲ့ လူတွေရှိသလို မျက်စိကို စုံမှိတ်ပြီး ခလုတ်ကို ဆွဲချခဲ့ကြသူတွေလည်း လောကကြီးမှာနည်းမှာ မဟုတ်ပါဘူး။ ဘ၀ကြင်ဖော်ကို စိန်ရွေးသလို မှန်ဘီလူးနဲ့ သေချာကြည့်ပြီးမှ ရွေးခဲ့ရွေးခဲ့၊ မျက်စိစုံမှိတ်ပြီး ခလုတ်ကိုပဲ ဆွဲချခဲ့ဆွဲချခဲ့၊ အိမ်ထောင်ကျပြီးတဲ့ အခါမှာတော့ ကိုယ်ထင်သလို ကိုယ့်စိတ်တိုင်းကျ ဖြစ်မလာတာပဲ များမှာပါ။ ဒါဟာ ဓမ္မတာပါပဲ။

တစ်ခါတုန်းက ဦးကြီးက 'ဦးကြီးလည်း အခု အသက် ၈၀ ကျော်နေပြီ အိမ်ထောင်သက်လည်း ၆၀ ကျော်ပြီ၊ ဒါပေမယ့် အခုအချိန်ထိ မင့်ဒေါ်ဒေါ်ကြီးရဲ့ စိတ်နေသဘောထားကို သေသေချာချာ အကုန်မသိသေးဘူးကွ'လို့ ပြောခဲ့ဖူးပါတယ်။ နိုင်ငံတ ကာမှာ ရှိကြတဲ့ ယောက်ျားတွေလည်း ကိုယ့်ဆီမှာလိုပဲ ဖြစ်မယ်ထင်ပါတယ်။ ဘာဖြစ်လို့လဲ ဆိုတော့ ပုံတစ်ပုဒ်ကို ကြားဖူးလို့ပါ။ အဲဒါကတော့ တစ်ခါတုန်းက သူတော်စင်တစ်ပါးဟာ စိတ်ကောင်းစေတနာရှိပြီး ရိုးသားတဲ့ ယောက်ျားတစ်ယောက် ရှေ့မှာ ကိုယ်ထင်လာပြပြီး လိုရာဆုတစ်ဆုကို တောင်းခိုင်းပါတယ်။ အဲဒီယောက်ျားရဲ့ ဇနီးက ဟာဝိုင်ယီမှာနေပြီး သူကတော့ ဆန်ဖရန်စစ္စကိုမှာ နေရသူမို့ ဇနီးသည် ရှိရာကို ကားနဲ့မောင်းပြန်လို့ရအောင် ဟာဝိုင်ယီနဲ့ ဆန်ဖရန်စစ္စကို အကြားကို တံတားထိုးပေးပါလို့ သူတော်စင်ကြီးကို ပူဆာသတဲ့။ ဒီကိစ္စဟာ မဖြစ်နိုင်ဘူးတော့ မဟုတ်ဘူး။ ဒါပေမယ့် အကွာအဝေးက အဖြောင့်တိုင်းမိုင် ၂၅၀၀ ရှိပြီး ပင်လယ်ရေအနက်က တချို့နေရာတွေမှာ ၄ ကီလိုမီတာတောင် ရှိတာဆိုတော့ တံတားတိုင်တွေ ဒီလောက် အများကြီးကိုစိုက်ဖို့ ဘယ်လွယ်ပါ့မလဲ။ ဒါနဲ့ သူတော်စင်ကြီးက တခြားဆုတစ်ဆုကို ပြောင်းပြီး တောင်းပါလို့ ဆိုပါတယ်။

အဲဒီတော့ အနှီ ထိုယောက်ျားက သူနဲ့သူ့ဇနီးနဲ့ အိမ်ထောင်ကျတာ နှစ်နှစ်ဆယ် ကျော်လာပါပြီ။ သူ့ဇနီးရဲ့ စိတ်နေ သဘောထားကို ခုချိန်ထိ မသိသေးလို့ အဲဒါသိနိုင်အောင်သာ လုပ်ပေးပါတော့လို့ ဆုကိုပြန်ပြောင်းပြီး
တောင်းလိုက်သတဲ့။ အဲဒီတော့မှ သူတော်စင်ကြီးလည်း ခေါင်းကုတ်လိုက်ပြီး၊ ဒါဆို ခုနက မင်းပြောတဲ့ ဟာဝေယီနဲ့ ဆန်ဖရန်စစ္စကို အကြားမှာပဲ တံတားထိုးပေးပါတော့မယ်ကွာလို့ ပြောလိုက်တယ်လို့ ဆိုပါတယ်။ ဒါဟာ မိန်းမတွေကို နားလည်ရခက်တဲ့အကြောင်း တင်စားညွှန်းဆိုထားတဲ့ ယောက်ျားလုပ် ဟာသပုံပြင်တစ်ပုဒ်ပါပဲ။

မိန်းမတွေ သိနိုင်ခက်တာနဲ့ ပတ်သက်တဲ့ တစ်ခြား အဆိုအမိန့် တစ်ခုကတော့ 'လူပျိုတွေဟာ လူအိုတွေထက် မိန်းမတွေအကြောင်းကို ပိုသိကြတယ် ဘာဖြစ်လို့လဲဆိုတော့ တကယ်လို့ သူတို့သာ မိန်းမတွေအကြောင်း မသိ ကြရင် ခုလောက်ဆို အိမ်ထောင်ကျပြီး ဖြစ်ကုန်ကြရော့ပေါ့'လို့ ဖြစ်ပါတယ်။

မိန်းမတွေဟာ အိမ်ထောင်ကျပြီးတောင်မှ သိနိုင်ခက်နေသေးရင် သမီးရည်းစားဘ၀မှာ ပိုပြီး သိနိုင်ခက်မှာပါပဲ။ ဒါ့ကြောင့် သူ့စရိုက်နဲ့ ကိုယ့်စရိုက် အံကိုက်ဖြစ်အောင် စိတ်တိုင်းကျ ဘ၀ကြင်ဖော်ကို ရွေးချယ်ပြီး အိမ်ထောင်ပြုဖို့ဆိုတာ လွယ်မယ်မထင် ပါဘူး။ ယောက်ျားတွေဟာ အချစ်ကို ရှေ့တန်းတင်ပြီး စွန့်စားခဲ့ကြတာပဲ များမှာပါ။

ဒီအကြောင်းပြောရင်းနဲ့ ရုပ်ရှင် ဇာတ်ကား တစ်ကားကို သွားသတိရ မိသေးတယ်။ လျို့ဝှက်သဲဖို ဇာတ်ကားဖြစ်ပြီး သူငယ်ချင်း စုံထောက်နှစ်ယောက်ဟာ နာမည်ကြီး လူဆိုးတစ်ယောက်ကို ဖမ်းဖို့ အိမ်ကြီးတစ်အိမ်ထဲ ၀င်သွားကြတယ်။ အိမ်ကြီးထဲက ဟနေတဲ့ အခန်းတံခါး တစ်ချပ်ကို စုံထောက်တစ်ယောက်ဖွင့်ပြီး ၀င်သွားလိုက်တာနဲ့ ချောက်ခနဲ မီးပိတ်သံ ကြားလိုက်ရပြီး တစ်ခန်းလုံး မှောင်ကျသွားတယ်။ အထဲဝင်သွားတဲ့ စုံထောက်ဟာလည်း လည်ကုပ်ကနေကိုင်ပြီး အခန်းထဲ ဆွဲသွင်းတာ ခံလိုက်ရတယ်။ တစ်ဆက်တည်းမှာပဲ သတ်သံပုတ် သံလဲကျတဲ့ အသံတွေကို ကြားကြရတယ်။ ဒါနဲ့ ခဏအကြာမှာပဲ ဒိုင်းဆိုတဲ့ သေနတ်သံ ကြားလိုက်ရပြီး အခန်းထဲမှာ မီးပြန်လင်းလာတယ်။ အဲဒီအချိန်မှာ နဖူးကို ကျည်ဆံမှန်ပြီး ကြမ်းပြင်ပေါ်မှာ လဲကျနေတဲ့ လူဆိုးကို ပရိသတ်ကြီး တွေ့လိုက်ကြရတာပါပဲ။ တံခါးဝမှာ ကျန်ခဲ့တဲ့ စုံထောက်ကလည်း ပစ္စတိုကြီးကို လက်ထဲမှာကိုင်လို့။ အဲဒီမှာ လူဆိုးနဲ့သတ်ပုတ်ရင်း ကြမ်းပြင်ပေါ်မှာ လဲကျနေတဲ့ စုံထောက် ပြန်ထလာတယ်။ ပြီးမှ 'ကျေးဇူးပဲ သူငယ်ချင်းရာ ဒီလောက်မှောင်ထဲမှာ မင်း ဘယ်လိုလုပ် ချိန်ပစ်လိုက်တာလဲ' လို့ မေးတယ်။ အဲဒီအခါမှာ အခန်းဝမှာ ရပ်နေတဲ့ သူငယ်ချင်းစုံထောက်က 'ငါလည်း ဘယ်တတ်နိုင်တော့မလဲကွာ မျက်စိကိုမှိတ်ပြီး ခလုတ်ကို ဆွဲချလိုက်ရတာပေါ့' ဆိုပြီး ပြန်ပြောလိုက်လို့ လူဆိုးနဲ့ နပန်းလုံးရတဲ့ စုံထောက်ခမျာ သတ်ရပုတ်ရတုန်းက ချွေးမပျံဘဲ အခုမှ နဖူးမှာ ချွေးစေးတွေ ပျံလာတာကို ပရိသတ်ကြီးက တွေ့လိုက်ကြရတော့တာကိုး။

အိမ်ထောင်ပြုတဲ့နေရာမှာ အချိန်ယူ လေ့လာစဉ်းစားပြီးမှ ပြုကြတဲ့ လူတွေ ရှိသလို မျက်စိကိုစုံမှိတ်ပြီး ခလုတ်ကို ဆွဲချခဲ့ကြသူတွေလည်း လောကကြီးမှာ နည်းမှာမဟုတ်ပါဘူး။

ဘ၀ကြင်ဖော်ကို စိန်ရွေးသလို မှန်ဘီလူးနဲ့ သေချာကြည့်ပြီးမှ ရွေးခဲ့ရွေးခဲ့၊ မျက်စိစုံမှိတ်ပြီး ခလုတ်ကိုပဲ ဆွဲချခဲ့ဆွဲချခဲ့၊ အိမ်ထောင်ကျပြီးတဲ့ အခါမှာတော့ ကိုယ်ထင်သလို ကိုယ့်စိတ်တိုင်းကျ ဖြစ်မလာတာပဲ များမှာပါ။ ဒါဟာ ဓမ္မတာပါပဲ။ လူဟာလူပဲ မို့ ဗီဇကို မပြင်နိုင်ကြပါဘူး။ မတူညီတဲ့ ဗီဇနှစ်ခုကို ပေါင်းစပ်တဲ့ နေရာမှာ အ၀ိုင်းထဲကို လေးထောင့်ထည့်သလို အံမ၀င်ခွင်မကျ ဖြစ်ကြရမှာကတော့ အသေအချာပါပဲ။ ဒါကြောင့် ဘာပဲဖြစ်ဖြစ် အိမ်ထောင်ဘက်ကိုချည်း ငါနဲ့ စိတ်သဘောချင်း မတိုက်ဆိုင်လိုက်တာ ဆိုပြီး စွတ်အပြစ်တင်နေဖို့တော့ မသင့်ပါဘူး။ ဒါကြောင့်လည်း 'မှန်ကန်တဲ့ အိမ်ထောင်ဘက်ကို ရွေးချယ်နိုင်ဖို့ထက် မှန်ကန်တဲ့ အိမ်ထောင်ဘက်အဖြစ် ရပ်တည်နိုင်ဖို့ပဲ ကြိုးစားပါ'လို့ ပညာရှိတွေ ပြောခဲ့ကြတာပဲ ဖြစ်မယ်ထင်ပါတယ်။

ဒီတော့ မှန်ကန်တဲ့ အိမ်ထောင်ဘက်ကို ရွေးမိတဲ့ လူရဲ့ဘ၀နဲ့ မရွေးမိတဲ့လူရဲ့ ဘ၀ဟာ ဘာကွာခြားသွားနိုင်သလဲလို့ မေးစရာ ဖြစ်လာပါတယ်။ ကွာခြားမှုတွေ အများကြီး ရှိမယ်ဆိုတာကိုတော့ ငြင်းနိုင်မယ် မထင်ပါဘူး။ နောက်ပြီး ခုနက ပြောခဲ့သလို 'အောင်မြင်တဲ့ ယောက်ျားတစ်ယောက်ရဲ့ နောက်ကွယ်မှာ တကယ်တော်တဲ့ မိန်းမတစ်ယောက် ရှိနေတတ်တယ်'ဆိုတဲ့ အယူအဆကိုလည်း အကြမ်းဖျဉ်းအားဖြင့်တော့ မှန်တယ်လို့ပဲ ပြောရမှာ ဖြစ်တယ်။

ကိုယ့်နိုင်ငံ သမိုင်းမှာပဲ ကြည့်ကြည့် ကမ္ဘာ့သမိုင်းမှာပဲ ကြည့်ကြည့် အောင်မြင်တဲ့ဘုရင်နဲ့ ဧကရာဇ်တွေရဲ့ နောက်ကွယ်မှာ တကယ်တော်တဲ့ မိဖုရားတွေ ရှိနေကြတာကို ငြင်းမှမငြင်းနိုင်ပဲဟာကိုး။

ဒီနေရာမှာ ဇနီးသည် တော်တာမတော်တာကို အသာထားလို့ ဇနီးသည်ဟာ အေးအေးဆေးဆေး နေတတ်သေးတယ်ဆိုရင် သိပ်မဆိုးလှသေးဘူး။ အေးအေးဆေးဆေး မနေဘဲ နားပူနားဆာ လုပ်တတ်မယ်ဆိုရင်တော့
သိပ်မချောင်ဘူး။ နားပူနားဆာ လုပ်တတ်တဲ့ မိန်းမတောင်မှ နှစ်မျိုးနှစ်စား ရှိသေးတယ်။ အဲဒါကတော့ အနားမှာထိုင်ပြီး ပတ်မကြီး တီးနေသလို နားပူနားဆာ လုပ်တတ်တဲ့ မိန်းမနဲ့ လေချိုသွေးပြီး အပျော့ဆွဲနဲ့ ဘယ်လိုမှ
မခံသာအောင် နားပူနားဆာ လုပ် တတ်တဲ့ မိန်းမရယ်လို့ ဖြစ်ပါတယ်။ လေချိုပဲသွေးသွေး ပတ်မကြီးပဲ တီးတီး ယောက်ျားတွေခမျာမှာတော့ သက်သာစရာ မရှိပါဘူး။ ဒီဒဏ်ကို အလူးအလဲ အခံရဆုံး ကမ္ဘာကျော်ပုဂ္ဂိုလ်ကြီး တစ်ဦးရှိပြီး သူကတော့ အမေရိ ကန် သမ္မတ အေးဘရဟန်လင်ကွန်း (Abraham Lincoln)ပါပဲ။ လင်ကွန်းရဲ့ဇနီး 'မေရီတော့ဒ်'(Mary Todd) ဟာ ယောက်ျားကို ဂျီတိုက်တဲ့ နေရာမှာတော့ နံပတ်ဝမ်း တစ်ဂဏန်း တစ်အဖြစ် ကမ္ဘာမှာ အတော်နာမည်ကြီးသူ ဖြစ်တယ်။

ဒါပေမယ့် လင်ကွန်းရဲ့ဘ၀မှာ ဒီဇနီးသည် ကိစ္စနဲ့ ပတ်သက်ပြီး ကဗျာဖွဲ့ဇာချဲ့ မနေခဲ့ပါဘူး။ လုပ်သင့်လုပ်ထိုက်တာတွေကို လုပ်ခဲ့တာပါပဲ။ တကယ်တော့ လင်ကွန်း နှစ်နှစ်ကာကာချစ်ခဲ့တဲ့ 'အန်းရပ်ထလက်ချ'် (Ann Rutledge)ဆိုတဲ့ အမျိုးသမီး တစ်ယောက်ဟာ တကယ်ရှိခဲ့တာပါ။ ဒါပေမယ့် 'အန်း'ဟာ အသက်နှစ်ဆယ့်ငါးနှစ်တောင်မှ မပြည့်ခင် အရွယ်ကောင်းတုန်း အချိန်မှာပဲ အူရောင်ငန်းဖျားရောဂါနဲ့ ကွယ်လွန်သွားခဲ့တယ်။ ၄-၁၁-၁၈၄၂ ခုနှစ်ရက်နေ့ မေရီတော့ဒ်နဲ့ လက်ထပ်ဖို့ သွားမယ်လုပ်နေတုန်း ဘယ်သွားမလို့လဲလို့ သူ့ကို မေးတဲ့သူတွေကို လင်ကွန်းက 'To hell, I suppose' (ငရဲပြည်ကိုသွားမလို့ပဲ ဆိုပါတော့)လို့ဖြေခဲ့တာပါ။ ဒါကိုကြည့်ရင် လင်ကွန်းဟာ မျက်စိမှိတ်ပြီး ခလုတ်ကိုဆွဲချခဲ့တာ မဖြစ်နိုင်ဘဲ သူ့နဖူးတည့်တည့်ကိုပဲ ကျည်ဆံမှန်သွားခဲ့တာ ထင်ရှားပါတယ်။ ဒါပေမယ့် သစ်လုံးအိမ်ငယ်လေးထဲမှာ မထင်မရှား ဖွားမြင်လာခဲ့တဲ့ လင်ကွန်းဟာ ပတ်မကြီး အဆက်မပြတ် တီးနေတဲ့ ငရဲခန်းထဲကနေ အအောင်မြင်ဆုံး လူသားတစ်ယောက်၊ ကမ္ဘာသူ ကမ္ဘာသားတွေ အလေးစားဆုံး လူသားတစ်ယောက်အဖြစ်ကို ရောက်အောင်ကြိုးစားနိုင်ခဲ့တာပါပဲ။

ဒီတော့ မိန်းမဂျီကျရင် လူဟာ မတိုးတက်တော့ဘူးလား ဆိုတဲ့ အမေးကို သိပ်ဟုတ်တာပေါ့လို့ ဖြေရမှာ တော်တော့်ကို ခက်သွားတယ်။ ဘာပဲပြောပြော ကိုယ့်ရဲ့ ပင်ကိုယ်စိတ်ရင်း ဓာတ်ခံကသာ အဓိကဖြစ်မယ် ထင်တာပါပဲ။

မန္တလေးတက္ကသိုလ် တက်တုန်းကလည်း အင်မတန်မှ ချစ်ခင်ရတဲ့ သူငယ်ချင်း တစ်ယောက်ဟာ ပထမနှစ်မှာပဲ အတန်းထဲက ကျောင်းသူတစ်ဦးနဲ့ အိမ်ထောင်ကျသွားတယ်။ သူက 'ငါကတော့ ပျက်နေတဲ့ အိမ်တစ်ဆောင်ကို မရရအောင်ပြင်မယ် ပြင်လို့ မရရင်တော့ ဒီအတိုင်းမထားဘူး မီးရှို့ပစ်မယ်'လို့ ခဏခဏပြောလွန်းလို့ သူ့အတွက် အတော့်ကို စိတ်မောခဲ့ရတာပါ။ စမပြင်ခင်ကတည်းက မီးရှို့ချင်တဲ့အစွဲက သူ့ရဲ့ပင်ကိုယ်စိတ်ရင်း ဓာတ်ခံထဲမှာ ရှိနေခဲ့တာဆိုတော့ ဒီအိမ်က ဘယ်လိုလုပ် ကောင်းလာနိုင်ပါတော့မလဲ။

သူ့ရဲ့အိမ်ထောင်လည်း မကြာခင်မှာ ကွဲသွားပြီး နှစ်ယောက်စလုံးလည်း ကျောင်းမပြီးခဲ့ပါဘူး။


နီမင်းဆွေ

Comments

+2 #2 U Mar Ga 2010-11-26 04:58
အဓိပ္ပာယ် နှစ်ခွ ထွက်နေသလားလို့။


+22 #1 Fresh 2010-11-26 02:58
'မှန်ကန်တဲ့ အိမ်ထောင်ဘက်ကို ရွေးချယ်နိုင်ဖို့ထက် မှန်ကန်တဲ့ အိမ်ထောင်ဘက်အဖြ စ် ရပ်တည်နိုင်ဖို့ ပဲ ကြိုးစားပါ'. တဲ့။ အိမ်ထောင်တစ်ခုရဲ့ အရေးကြီးဆုံး အချက်လို့ ထင်ပါတယ်။