ဆေးလိပ်သောက်သူများထံမှ မီးခိုးငွေ့ကို ရှူရှိုက်မိသောကြောင့် သေဆုံးရသူ အရေအတွက်မှာ ကမ္ဘာပေါ်တွင် တစ်နှစ်လျှင် ခြောက်သိန်းခန့်ရှိပြီး ၎င်းတို့အနက်မှ သုံးပုံတစ်ပုံခန့်မှာ ကလေးငယ်များ ဖြစ်ကြောင်း ကမ္ဘာလုံးဆိုင်ရာ စစ်တမ်းတစ်ခုအား ဗြိတိန်နိုင်ငံ၊ Lancet ဆေးဂျာနယ်တွင် နိုဝင်ဘာလ ၂၆ ရက်နေ့က ဖော်ပြခဲ့သည်။
ယင်းကဲ့သို့ သေဆုံးရခြင်းမှာလည်း မိသားစုအတွင်းရှိ ဆေးလိပ် သောက်သူများထံမှ အများဆုံး ရှူရှိုက်မိကြခြင်း ဖြစ်ပြီး တန်ဖိုးကြီးမားစွာ ပေးဆပ်ရခြင်း ဖြစ်ကြောင်း ယင်းဂျာနယ်တွင် ဖော်ပြထားသည်။
ကမ္ဘာပေါ်ရှိ ဆေးလိပ်မသောက်သူများအနက် ကလေးငယ် ၄၀ ရာခိုင်နှုန်း၊ အမျိုးသမီး ၃၅ ရာခိုင်နှုန်း၊ အမျိုးသား ၃၃ ရာခိုင်နှုန်း တို့သည် ဆေးလိပ်သောက်သူများထံမှ မီးခိုးငွေ့များကို ရှူရှိုက်နေရကြောင်း နိုင်ငံပေါင်း ၁၉၂ နိုင်ငံမှ ကောက်ယူရှိ သည့် နောက်ဆုံး အချက်အလက်များ အရ သိရှိရသည်။
၂၀၀၄ ခုနှစ်အတွင်း ဆေးလိပ်ကြောင့် သေဆုံးသူ ၅ ဒသမ ၇ သန်းခန့် ရှိခဲ့ပြီး ၅ ဒသမ ၁ သန်းမှာ မိမိကိုယ်တိုင် ဆေးလိပ်သောက်မှုကြောင့် ဖြစ်ကြောင်း သိရသည်။ သူတစ်ပါး ဆေးလိပ်ငွေ့ကို ရှူရှိုက်မိသောကြောင့် သေဆုံးရသူများအနက် ထက်ဝက်နီးပါးမှာ အမျိုးသမီးများ ဖြစ်ပြီး ကျန် အရေအတွက်မှာ ကလေးငယ်များနှင့် အမျိုးသားများ ထက်ဝက်စီခန့် ရှိကြောင်း သိရသည်။
ယင်းကဲ့သို့ သေဆုံးရာတွင်လည်း ၆၀ ရာခိုင်နှုန်းမှာ နှလုံးရောဂါကြောင့် ဖြစ်ပြီး ကျန် ၃၀ ရာခိုင်နှုန်းမှာ အသက်ရှူလမ်းကြောင်းဆိုင်ရာ ရောဂါများကြောင့် ဖြစ်သည်။ ပန်းနာရောဂါနှင့် ကင်ဆာရောဂါများသည် လည်း သေဆုံးရခြင်း အကြောင်းများ တွင် ပါဝင်ကြောင်း သိရသည်။
ဆေးလိပ်သောက်သူများထံမှ မီးခိုးများ ရှူရှိုက်မိသောကြောင့် သေဆုံးသူ ပမာဏသည် ကမ္ဘာပေါ်တွင် အကြောင်းအမျိုးမျိုးကြောင့် သေဆုံးသူ အရေအတွက်၏ တစ်ရာခိုင်နှုန်း ပါဝင်ကြောင်း Lancet ဂျာနယ်တွင် ဖော်ပြထားသည်။
Wednesday, December 1, 2010
ဆေးလိပ် မီးခိုးငွေ့ကြောင့် သေဆုံးရသူ အရေအတွက်တစ်နှစ်ခြောက်သိန်းခန့်ရှိ
Subscribe to:
Post Comments (Atom)
0 comments:
Post a Comment