လူ့အခွင့်အရေးကောင်စီ မြန်မာနိုင်ငံဆိုင်ရာ မူကြမ်း ဆုံးဖြတ်ချက်ချ

မြန်မာနိုင်ငံတွင် ငြိမ်းချမ်းသော သံဃာနှင့် လူထု လှုပ်ရှားမှုကို စစ်အစိုးရက အကြမ်းဖက် ဖြိုခွဲခဲ့ခြင်းကြောင့် ဆွစ်ဇာလန်နိုင်ငံ ဂျနီဗာမြို့တွင် ကုလသမဂ္ဂ လူ့အခွင့်အရေးကောင်စီ အထူး အစည်းအဝေး ပြုလုပ်နေစဉ် ကုလသမဂ္ဂရုံး အဆောက်အအုံရှေ့ရှိ နာမည်ကျော် ‘ကုလားထိုင်ကျိုးကြီး’ ပန်းပုရုပ်အနီးတွင် ၂၀ဝ၇ ခုနှစ် အောက်တိုဘာ ၂ရက်နေ့က ဘုန်းကြီးဆောင်းထီးနှင့် ပန်းပွင့်ကိုင်ဆောင် ဆန္ဒပြနေသူများ မှတ်တမ်းပုံ ဖြစ်ပါသည်။ (Photo: AFP)

ကုလ လူ့အခွင့်အရေးကောင်စီမှာ မြန်မာနိုင်ငံဆိုင်ရာ

မူကြမ်း ဆုံးဖြတ်ချက်ချ

2011-01-31

၎ နှစ် တကြိမ် စိစစ်သုံးသပ်တဲ့ UPR ဆွေးနွေးပွဲရဲ့ မြန်မာနိုင်ငံဆိုင်ရာ မူကြမ်းဆုံးဖြတ်ချက်ကို ဇန်နဝါရီ ၃၁ ရက် ဒီကနေ့ ဆွစ်ဇာလန်နိုင်ငံ ဂျီနီဗာ ကုလသမဂ္ဂ လူ့အခွင့်အရေး ကောင်စီမှာ ဒေသစံတော်ချိန် ၁၂ နာရီက ကျင်းပခဲ့ပါတယ်။

ဒီဆုံးဖြတ်ချက် မူကြမ်းချမှတ်ရေး ဆွေးနွေးပွဲမှာ ပြီးခဲ့တဲ့ ၂၇ ရက်နေ့က နိုင်ငံနဲ့ အဖွဲ့အစည်းတွေက ထောက်ပြ တောင်းဆိုခဲ့တဲ့ အချက် ၇၀ ကျော်ကို မြန်မာစစ်အစိုးရ ကိုယ်စားလှယ် ဒုတိယ တရားသူကြီးချုပ် ဒေါက်တာ ထွန်းရှင်က တုံ့ပြန်ပြောကြားခဲ့ပါတယ်

ဒီနေ့ မူကြမ်း ဆုံးဖြတ်ချက်ချတဲ့ ဆွေးနွေးပွဲကို ထိုင်းနဲ့ တောင်ကိုရီးယားနိုင်ငံတွေက သဘာပတိအဖြစ် ကြားနာခဲ့ပြီး မြန်မာစစ်အစိုးရ ကိုယ်စားလှယ်တဦးထဲကပဲ ဝေဖန်တာတွေကို တုံ့ပြန် ပြောကြားခဲ့တာပါ။

ဒီနေ့ မူကြမ်းကို ဆုံးဖြတ်ပေမဲ့ နောက်ဆုံး ဆုံးဖြတ်ချက် အစီရင်ခံစာကိုတော့ လာမဲ့ ဇွန်လမှာ ထုတ်ပြန်ပါမယ်။ မြန်မာစစ်အစိုးရဖက်က တုံ့ပြန်တာတွေနဲ့ ပတ်သက်လို့ Burma Forum UPR အဖွဲ့က ဦးအောင်မျိုးမင်းက အခုလို သုံးသပ်ပါတယ်။

“သူတို့တွေက မြန်မာနိုင်ငံရဲ့ လူ့အခွင့်အရေးနဲ့ ပတ်သက်ပြီးတော့ နိုင်ငံတကာနဲ့ ပူးပေါင်းဆောင်ရွက်ဖို့ လုပ်ဆောင်မှု ရှိတယ်။ မြန်မာနိုင်ငံမှာ လူ့အခွင့်အရေး ထွန်းကားရေးနဲ့ ကာကွယ်ရေးကို သူတို့ အပတ်တကုတ် ကြိုးစားဆောင်ရွက်မယ်လို့ ပြောသွားပါတယ်။ ဒါပေမဲ့ သူတို့ ဒီမှာ လက်မခံနိုင်တဲ့ အချက်တွေ ကြည့်တဲ့ အချက်ထဲမှာ ကြည့်မယ်ဆိုလို့ရှိရင်တော့ အမှန်တကယ်၊ လူ့အခွင့်အရေးကို လေးစားပါတယ်၊ ကာကွယ်ပေးပါတယ်လို့ ပြနိုင်တဲ့ အချက်တွေ တခုမှ မရှိဘူး။ သူတို့ ပြောနေတဲ့ လူ့အခွင့်အရေးအရ ပူးပေါင်းဆောင်ရွက်နေပါတယ် ဆိုတဲ့ အချက်ကို သူတို့ ပြန်လည်ပြီးတော့ ဆန့်ကျင်ဖက် ဖြစ်ရာ ရောက်သွားတယ်။”

Burma Forum UPR ဟာ အဝေးရောက် အမျိုးသား ညွန့်ပေါင်းအစိုးရအဖွဲ့က Burma Fund အပါအဝင် မြန်မာနိုင်ငံ လူ့အခွင့်အရေးအတွက် ဆောင်ရွက်နေတဲ့ နိုင်ငံတကာနဲ့ တိုင်းရင်းသား အဖွဲ့အစည်း ၁၄ ဖွဲ့နဲ့ ဖွဲ့စည်းထားတဲ့ အဖွဲ့ ဖြစ်ပါတယ်။

ဒီဆုံးဖြတ်ချက် မူကြမ်းချမှတ်ရေး ဆွေးနွေးပွဲမှာ ဆွေးနွေးခဲ့တာတွေနဲ့ ပတ်သက်လို့ ကိုယ်တိုင် တက်ရောက်ခဲ့တဲ့ Burma Forum UPR အဖွဲ့က ဦးအောင်မျိုးမင်းကို RFA က ကိုကျော်မင်းထွန်းက ဆက်သွယ် မေးမြန်းထားပါတယ်။

Copyright © 1998-2011 Radio Free Asia. All rights reserved.

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

လူ လူချင်း ကိုက်တဲ့အခါ

Source Photo from http://www.google.com/images

လူ လူချင်း ကိုက်တဲ့အခါ

31,Jan,2011

- -လူတစ်ယောက်ကနေ လူတစ်ယောက်ကို ကျီစယ်တဲ့အနေနဲ့ပဲဖြစ်ဖြစ်၊ စိတ်ဆိုးဒေါသထွက်လို့ပဲဖြစ်ဖြစ် ကိုက်တဲ့အခါမှာ သွားကိုက်ရာကြောင့် အရေပြား ပေါက်ပြဲသွားတတ်ပါတယ်။
အဲဒီလို လူ လူချင်းကိုက်တာက အန္တရာယ်ရှိပါတယ်။

အကြောင်းကတော့ ပေါက်ပြဲဒဏ်ရာကနေ တစ်ဆင့် ကူးစက်ပိုး ဝင်နိုင်ခြေများလို့ပါ။
လူ လူချင်းကိုက်တဲ့ အပြုအမူဟာ ကလေးငယ်လေးတွေမှာ အတွေ့ရ များပါတယ်။

ကလေးတွေဟာ သွားပေါက်ခါစမှာ သွားဖုံးယားလို့ ဒါမှမဟုတ် ဒေါသထွက်စိတ်ဆိုးလို့ ကိုက်တတ်ပါတယ်။
လူ လူချင်းကိုက်တာက တိရစ္ဆာန်တချို့ ကိုက်တာထက်တောင် အန္တရာယ်ပိုများတတ်ပါတယ်။

တချို့လူတွေရဲ့ ပါးစပ်ထဲမှာ ပိုးမွှား (Germs) တွေ ရှိနေတတ်ပြီး အဲဒီ ကူးစက်ပိုးတွေဟာ ကုသရခက်တာကြောင့်ပါ။
ဒါကြောင့် သင့်ခန္ဓာကိုယ်မှာ အထူးသဖြင့် သင့်လက်မှာ ကိုက်ရာကြောင့် ကူးစက်ပိုးဝင်တာမျိုးရှိခဲ့ရင် ပဋိဇီဝပိုးသတ်ဆေးနဲ့ ကုသမှုခံယူနိုင်အောင် ဆေးရုံ၊ ဆေးခန်းကို အမြန်ဆုံး သွားရောက်သင့်ပါတယ်။
ပြင်းထန်ဆိုးရွားတဲ့ တချို့သော အခြေအနေတွေမှာ ခွဲစိတ်ကုသမှု ခံယူဖို့ လိုအပ်နေပါတယ်။

ရောဂါလက္ခဏာများ

အကိုက်ခံရတဲ့အခါ ယေဘုယျအားဖြင့် အသေးအမွှားကနေ ပြင်းထန်တဲ့အဆင့်အထိ ရောဂါလက္ခဏာ ပြသနိုင်ပါတယ်။

- သွေးထွက်တဲ့ ဒါမှမဟုတ် သွေးမထွက်တဲ့ ပေါက်ပြဲရာ
- သွေးစို့တဲ့ ဒဏ်ရာ
- သွားကိုက်ရာ

ရှေးဦးပြုစုနည်း

၁။ အကိုက်ခံရပြီးချိန်မှာ စိတ်ကို တည်ငြိမ်အောင်ထားပါ။ ပြီးရင် အနာကို ဆပ်ပြာနဲ့ရေသုံးပြီး သေချာဆေးကြောပေးပါ။

၂။ ဒဏ်ရာက သွေးသိပ်မထွက်ရင် အပျော့စားဆပ်ပြာနဲ့တိုက်ပြီး စီးကျနေတဲ့ရေ (ဘုံပိုင်ရေ) မှာ ဆေးကြောပေးပါ။
အချိန် သုံးမိနစ်လောက် ဆေးကြောပေးပြီးမှ သန့်ရှင်းတဲ့ ပတ်တီးစနဲ့ ဖုံးအုပ်ပေးပါ။

၃။ အနာက သွေးထွက်နေရင်တော့ သွေးထွက်တာတိတ်တဲ့အထိ သန့်ရှင်း ခြောက်သွေ့နေတဲ့ ပတ်တီးစနဲ့ အုပ်ပေးပါ။ အဲဒီ ဒဏ်ရာရထားတဲ့နေရာကို မြှင့်ထားပေးပါ။

၎။ ပြီးရင် ဆေးကုသမှု ခံယူပါ။

ရှောင်သင့်သော အပြုအမူများ

- လူကိုက်ခံရတဲ့နေရာကို လျစ်လျူမရှုပါနဲ့။ အထူးသဖြင့် အနာက သွေးထွက်နေရင် ပိုပြီး လျစ်လျူရှုထားလို့ မရပါဘူး။
- အကိုက်ခံရတဲ့ ဒဏ်ရာကို ပါးစပ်ထဲ မထည့်ပါနဲ့။

ဆရာဝန်နှင့် တွေ့ဆုံသင့်သော အချိန်

အကိုက်ခံရတဲ့အခါ ဒဏ်ရာက ကြီးကြီးသေးသေး ပေါ့ပေါ့ဆဆ သဘောမထားသင့်ပါဘူး။
ဆရာဝန်နဲ့ ပြသသင့်ပါတယ်။

ဆရာဝန်နဲ့ အရေးပေါ် ပြသသင့်တဲ့ အခြေအနေတွေကတော့ -
- အကိုက်ခံရတဲ့ အနာကနေ ပြည်တွေစီးကျနေရင်၊ ရောင်ရမ်းနီမြန်းနေရင်၊
- အကိုက်ခံရတဲ့ ဒဏ်ရာက မျက်ဝန်းတစ်ဝိုက်မှာဆိုရင် မျက်နှာ၊ လက်၊ လက်ကောက်ဝတ်နဲ့ ခြေထောက်တွေမှာဖြစ်ရင်၊
- အကိုက်ခံရသူဟာ ခုခံအားစနစ် အားနည်းနေရင်
(ဥပမာ - HIV ပိုးရှိရင် ဒါမှမဟုတ် ကင်ဆာရောဂါကုသရာမှာ ဆေးသွင်းကုသနေရရင်) အကိုက်မခံရစေရန် ကာကွယ်မှု
- ကလေးငယ်တွေကို သူများကို ဘယ်တော့မှ မကိုက်ဖို့ သင်ထားပါ။
- ကလေးငယ်ရဲ့ ရှေ့မှာ ကျီစယ်သလိုမျိုး ကိုက်ပြဟန် မလုပ်ပါနဲ့။
ကလေးက သင့်ကို ကိုက်တဲ့အခါမှာ ပြန်ကိုက်တာမျိုးလည်း လုံးဝမလုပ်သင့်ပါဘူး။
- အတက်ရောဂါရှိသူရဲ့ ပါးစပ်နားမှာ လက်ကို ဘယ်တော့မှ မထားမိပါစေနဲ့။

Ref: Good Health

Source Article from

http://hittai.net/?show=rm&fileid=43&t=home6&id=6

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

နယ်စပ်တိုက်ပွဲကြောင့် ထိုင်းစစ်သား ၂ယောက်ဒဏ်ရာရ

မြန်မာစစ်တပ်နဲ့ နယ်စပ်တိုက်ပွဲတွေကြောင့်

ထိုင်းစစ်သား ၂ ယောက် ဒဏ်ရာရ

By မအေးအေးမာ
တနင်္လာ, 31 ဇန်နဝါရီ 2011

မြန်မာစစ်အစိုးရနဲ့ လက်နက်ကိုင် တိုင်းရင်းသား အဖွဲ့တွေကြား ပဋိပက္ခ ကြီးထွားလာနေတာ ဒီနေ့မှာဆိုရင် အိမ်နီးချင်း ထိုင်းနိုင်ငံက တပ်ဖွဲ့ဝင်တချို့ ထိခိုက်မှုတွေ ရှိခဲ့တဲ့အထိ ဖြစ်ခဲ့ပါတယ်။ ပြီးခဲ့တဲ့ နှစ်ကုန်ပိုင်းကစလို့ လွှတ်တော်သစ်တွေ ခေါ်ယူတဲ့ အချိန်အထိ တိုက်ခိုက်မှုတွေ မဆဲနိုင်သေးဘဲ ဖြစ်နေတဲ့အတွက် ဒုက္ခသည်တွေလည်း ထိုင်းနိုင်ငံထဲ ထွက်ပြေးနေရဆဲ ဖြစ်ပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် မအေးအေးမာက တင်ပြပေးထားပါတယ်။

မြန်မာစစ်အစိုးရရဲ့ ရွေးကောက်ပွဲတွေ ကျင်းပချိန်ကစလို့ ဖြစ်ပွားခဲ့တဲ့ တိုက်ပွဲတွေဟာ အခုနောက်ဆုံး လွှတ်တော်သစ်တွေ စတင်ခေါ်ယူနေတဲ့ အချိန်အထိ ဆက်လက်ဖြစ်ပွားနေဆဲပါ။ တိုးတက်သော ကရင်ဗုဒ္ဓဘာသာ တပ်မတော် (DKBA) နဲ့ မြန်မာစစ်အစိုးရ တပ်တွေကြား ကရင်ပြည်နယ်တွင်းက ၀ါလေ၊ ချောက်ခက် စတဲ့ နေရာတွေမှာ တနင်္ဂနွေနေ့ကစလို့ တိုက်ပွဲတွေ အကြီးအကျယ် ဖြစ်နေဆဲ ဖြစ်ပါတယ်။ တနင်္လာနေ့ မနက်ပိုင်းကနေ ညနေပိုင်းထိ တိုက်ပွဲတွေ အပြင်းအထန် ဖြစ်ပွားနေတဲ့ အခြေအနေကိုတော့ DKBA တပ်မှူး ဗိုလ်မှူး စောဆန်းအောင်က အခုလို ပြောပါတယ်။

“ဒီနေ့ဆိုရင် အူးကလေ့ထမှာ ပစ်နေတာပဲ နအဖ စစ်အစိုးရကတော့။ လွှတ်တော်လည်း ခေါ်နေပြီ၊ ကျနော်တို့ တိုင်းရင်းသားတွေကိုတော့ လက်နက်အားနဲ့ ပစ်နေတာပဲ။ ကျနော်တို့ကတော့ ရွေးကောက်ပွဲပြီးလို့ သူတို့ လွှတ်တော်ခေါ်ရင် စစ်ရေးနဲ့ ပတ်သက်ပြီး သူတို့ ပြောင်းလဲမှုတွေ ဖြစ်မယ်၊ သူတို့ဒေသမှာ အေးချမ်းဖို့လား၊ တည်ငြိမ်ဖို့လား ကျနော်တို့ အသံကြားတယ်။ လက်ရှိ အဲဒါ အသံပဲ ကြားတယ်။

“တကယ်တမ်းကြတော့ ကျနော်တို့ နယ်စပ်ဒေသမှာတော့ လက်နက်သံတွေက နေ့တိုင်းလို အဆက်မပြတ် ကြားနေရတယ်၊ နေ့သော်လည်းကောင်း၊ ညသော်လည်းကောင်း။ အခု ၂၀၁၁၊ ၁ လပိုင်းမှာဆိုရင် လက်နက်သံတွေက နေ့တိုင်းလိုလို ဖြစ်တယ်လို့ ပြောလို့ရတယ်။ မနက်ကဆိုရင် ကျနော်တို့ကို လက်နက်ကြီးတွေနဲ့ ပစ်ခတ်နေတယ်။ လက်ရှိ ၀ါလေတပ်ဧရိယာမှာလည်း ကျနော်တို့ တပ်ဖွဲ့တွေနဲ့ ပစ်နေတယ်။”

တနင်္ဂနွေနေ့တုန်းကလည်း DKBA တပ်ဖွဲ့တွေက ကရင်ပြည်နယ် မြ၀တီမြို့နယ်ထဲမှာ မြန်မာစစ်တပ်ပိုင်ကားကို ဆွဲမိုင်းတွေနဲ့ တိုက်ခိုက်တာ၊ ပစ်ခတ်တာတွေ လုပ်ခဲ့ကြောင်း၊ ဒီ့အတွက် မြန်မာစစ်တပ်ဘက်ကလည်း ထိခိုက်မှုတွေ ဖြစ်သွားကြောင်းကို DKBA နဲ့ ဒေသခံတွေက ပြောပါတယ်။

“ကြည့်ရတာ ဗိုလ်မှူး ကျော်စိုးလေ၊ မြ၀တီနဲ့ အလွန်လေးမှာ၊ သင်္ကန်းညီနောင် ဗျူဟာဂိတ်ရဲ့ အလွန်မှာ ဆွဲမိုင်းနဲ့ ဆွဲတယ်၊ ပစ်လည်း ပစ်တယ်။ ရန်သူက ၆ ယောက် ကျဆုံးတယ်၊ ၁၃ ယောက် ဒဏ်ရာရတယ်။ ကားတစီး ချောက်ထဲ ကျသွားတယ်။ မနေ့ညကတော့ ၀ါလေရွာထဲမှာ ကျနော်တို့ ဆွဲမိုင်းနဲ့ဆွဲတာ ရန်သူ ၆ ယောက် ဒဏ်ရာရပြီး ထိုင်းနိုင်ငံထဲက သယ်ဆောင်သွားတယ်လို့ ကျနော်တို့ သိရတယ်။ ဗိုလ်မှူးအဆင့်ဆိုတဲ့လူက မျက်လုံး ၂ ဘက်စလုံး ကန်းတယ်။ တပ်ခွဲမှူးလည်းပါတယ်၊ ဒု-ခွဲမှူးလည်းပါတယ်၊ ထိတာ။”

ဒီလိုပစ်ခတ်မှုတွေကြောင့် ထိုင်းနိုင်ငံဘက်မှာလည်း ထိခိုက်မှုတွေ ရှိနေပါတယ်။ တနင်္ဂနွေနေ့က လက်နက်ကြီး ကျည်ဆံတွေ အိမ်နီးချင်း ထိုင်းနိုင်ငံထဲ ကျရောက် ပေါက်ကွဲခဲ့တဲ့အတွက် နယ်စပ်ဒေသက သောင်ရင်းမြစ်အနီးမှာ ကင်းလှည့်နေတဲ့ ထိုင်းစစ်သား ၂ ယောက် ထိခိုက်ဒဏ်ရာတွေ ရခဲ့ပြီး အခုအခါ ဆေးရုံတင် ကုသထားရတယ်လို့လည်း ထိုင်းအစိုးရ သတင်းတရပ်က ဖော်ပြခဲ့တာပါ။

နိုဝင်ဘာလ ၈ ရက်နေ့ကနေ ဇန်န၀ါရီလ ၃၁ ရက်နေ့အထိ ဖြစ်နေတဲ့ တိုက်ပွဲတွေကြောင့် ထိုင်းနိုင်ငံဘက်မှာတော့ ဒုက္ခသည် ၁၀,၀၀၀ နီးပါး ခိုလှုံနေရဆဲဖြစ်ပြီး နေရပ်ရင်းကိုလည်း မပြန်နိုင်ကြဘဲ နယ်စပ်တွေက နီးစပ်ရာ နေရာတွေမှာ ခိုလှုံနေကြရပါတယ်။ ဒုက္ခသည်တွေအတွက် တိတိကျကျ သတ်မှတ်ထားတဲ့ စခန်း မရှိတာကြောင့် ဒုက္ခသည်တွေ ဖြစ်သလို တကွဲတပြား နေထိုင်နေရကြောင်း ဆန်နဲ့ ရိက္ခာတချို့ အကူအညီ ပေးနေတဲ့ နယ်စပ်က မယ်တော်ဆေးခန်းနဲ့ ကယ်ဆယ်ရေးလုပ်ငန်း လုပ်ကိုင်နေသူတွေက ပြောပါတယ်။ တိုက်ပွဲတွေ ဖြစ်နေသေးတဲ့အတွက် ထိုင်းနိုင်ငံ ဖွတ်ဖမြို့နယ်ထဲမှာ အခြေချ နေထိုင်တဲ့ ဒုက္ခသည် ပိုများလာနေတယ်လို့လည်း နယ်စပ်အခြေစိုက် အကူအညီပေးရေး အဖွဲ့တွေက ပြောပါတယ်။

Find this article at:
http://www.voanews.com/burmese/news/myanmar-army-dkba-attacked-thai-114928629.html



Thank you
Grandfather Tar Mike

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

ပြည်သူ့လွှတ်တော်ဥက္ကဋ္ဌအဖြစ် သူရ ရွှေမန်းကို ရွေး

ပြည်သူ့လွှတ်တော်ဥက္ကဋ္ဌအဖြစ် အရွေးချယ်ခံရသော သူရ ဦးရွှေမန်း
(ဓာတ်ပုံ - moemaka.wordpress.com)

ပြည်သူ့လွှတ်တော် ဥက္ကဋ္ဌ အဖြစ်

သူရ ဦးရွှေမန်းကို ရွေးချယ်

ဧရာဝတီ
Monday, 31 January 2011

ယနေ့ကျင်းပသည့် လွှတ်တော်အစည်းအဝေးမှ ပြည်သူ့လွှတ်တော် ဥက္ကဋ္ဌအဖြစ် စစ်အစိုးရ၏ နံပါတ် ၃ အဆင့် ခေါင်းဆောင် သူရ ဦးရွှေမန်းအား ရွေးချယ်လိုက်သည်။

အများ ယုံကြည် ယူဆသကဲ့သို့ပင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) ဝင်ကသာ ပြည်သူ့လွှတ်တော် ဥက္ကဋ္ဌ ရာထူးကို ရရှိသွားခဲ့ခြင်း ဖြစ်သည်။ သို့ရာတွင် ကြိုတင် တစ်ပြေးနေသည့် သူရ ဦးရွှေမန်း သမ္မတဖြစ်မည်ဆိုသော အချက်မှာ ပျက်ပြယ်သွားပြီး သမ္မတရာထူးကို ဝန်ကြီးချုပ်ဦးသိန်းစိန် ရရှိလိမ့်မည်ဟု ယနေ့ ခန့်မှန်းနေကြသည်။

အမျိုးသား လွှတ်တော် ဥက္ကဋ္ဌ အဖြစ် ယဉ်ကျေးမှု ဝန်ကြီး ဦးခင်အောင်မြင့်ကို ရွေးချယ်လိုက်ကြောင်း သိရသည်။

ပြည်သူ့လွှတ်တော် နှင့် အမျိုးသားလွှတ်တော် ဥက္ကဋ္ဌ ရာထူးများကို မဲခွဲ ဆုံးဖြတ်သော်လည်း တက်ရောက်သူများထဲတွင် ကြံ့ဖွံ့ပါတီ ကိုယ်စားလှယ်နှင့် တပ်မတော်သား ကိုယ်စားလှယ်များသာ အများစု ဖြစ်နေသောကြောင့် ကြံ့ဖွံ့ပါတီဝင်များသာ ရရှိခြင်း ဖြစ်သည်ဟု ဒီမိုကရက်တစ် အင်အားစု ကိုယ်စားလှယ်များက ပြောကြသည်။

“တိုင်းရင်းသားပါတီတွေနဲ့ ဒီမိုကရက်တစ် အင်အားစုတွေကလည်း လွှတ်တော် ဥက္ကဋ္ဌ ရာထူးတွေအတွက် တင်သွင်းတာ ရှိပါတယ်။ ဒါပေမယ့် ကြံ့ဖွံ့ပါတီ နဲ့ တပ်မတော်သား ကိုယ်စားလှယ်တွေက အင်အားများနေတော့ သူတို့ဘက်ကပဲ မဲများသွားတဲ့သဘောပါ” ဟု ပါတီကိုယ်စားလှယ် တဦးက ဆိုသည်။

ယနေ့ သဘာပတိအဖြစ် ဆောင်ရွက်သည့် ကြံ့ဖွံ့ပါတီ အထွေထွေ အတွင်းရေးမှူး ဦးဌေးဦးက လွှတ်တော် ကိုယ်စားလှယ်များ အနေဖြင့် ပါတီစွဲ မထားကြရန်၊ ပုဂ္ဂိုလ်စွဲ မထားကြရန်နှင့် ပါတီအချင်းချင်း ဝေဖန်တိုက်ခိုက်မှုများ မပြုလုပ်ရန် မှာကြားသည်ဟု လွှတ်တော် တက်ရောက်ခဲ့သော ကိုယ်စားလှယ်များက ပြောသည်။

ဒုတိယ သမ္မတ ၃ ဦးကို မနက်ဖြန် ကျင်းပမည့် လွှတ်တော် အစည်းအဝေးတွင် ရွေးချယ်မည်ဖြစ်ပြီး တပတ်အတွင်း အစိုးရသစ် ဖွဲ့စည်းမည်ဖြစ်ကြောင်းလည်း သိရသည်။

ပါတီ ကိုယ်စားလှယ် တဦးက မနက်ဖြန်ကျင်းပမည့် လွှတ်တော် အစည်းအဝေးတွင်လည်း ယနေ့ မဲခွဲသည့်ပုံစံအတိုင်း ဒုတိယ သမ္မတများကို ရွေးချယ်မည် ဖြစ်သောကြောင့် အင်အားကြီးမားနေသည့် ကြံ့ဖွံ့ပါတီဝင်များထဲကသာ ဒုတိယ သမ္မတများ ဖြစ်ခွင့်ရှိမည်ဟု ယူဆကြောင်း ပြောသည်။

တိုင်းရင်းသားပါတီများနှင့် ဒီမိုကရက်တစ် အင်အားစုများ အနေနှင့် ယနေ့ စတင်ကျင်းပသည့် လွှတ်တော် အစည်းအဝေးတွင် ပြောကြားသည်များကို ထိုင်နားထောင်ရုံသာရှိသောကြောင့် စိတ်ကျေနပ်မှု မရှိကြောင်း ပြောဆိုကြသည်။

“ဒီနေ့ လွှတ်တော်ကြီးကတော့ ဘာမှ ပျော်စရာမကောင်းတဲ့၊ ထူးခြားမှုမရှိတဲ့ သာမန် အစည်းအဝေး တခုပါပဲ” ဟု လွှတ်တော်သို့ တက်ရောက်ခဲ့သည့် အမျိုးသား ဒီမိုကရေစီ အင်အားစု (NDF) ကိုယ်စားလှယ် ဦးခိုင်မောင်ရီက ပြောပြသည်။

ဆက်လက်၍ ၎င်းက ခန့်မှန်းထားပြီးဖြစ်သော လုပ်ထုံးလုပ်နည်းများ အတိုင်းသာ ကျင်းပသွားသည့် အစည်းအဝေး တရပ်သာဖြစ်သည်ဟု ဆိုသည်။

ယနေ့ နံနက် ၈ နာရီ ၅၅ မိနစ်တွင် နေပြည်တော်အပါအဝင် နိုင်ငံတဝန်း၌ စတင် ကျင်းပသော လွှတ်တော် အစည်း အဝေးသည် ညနေ ၄ နာရီတွင် ပြီးဆုံးခဲ့သည်။

မနက်ပိုင်းတွင် ပြည်သူ့လွှတ်တော်နှင့် အမျိုးသားလွှတ်တော်ကို သီးသန့် ခွဲခြားကာ ကျင်းပသော်လည်း နေ့လယ် ထမင်းစားပြီးချိန်တွင် ၎င်းလွှတ်တော် ၂ ရပ်ကိုပေါင်း၍ ပြည်ထောင်စု လွှတ်တော်ဟု အမည်တပ်ကာ ကျင်းပခဲ့ကြောင်း၊ အဆိုပါ ပြည်ထောင်စု လွှတ်တော်တွင် အမျိုးသားလွှတ်တော် ဥက္ကဋ္ဌ ဦးခင်အောင်မြင့် သဘာပတိအဖြစ် တာဝန်ယူသည် ဟူ၍ လည်းကောင်း သိရသည်။

ကြံ့ဖွံ့ပါတီ ကိုယ်စားလှယ် အများစုနှင့်တပ်မတော်သား ကိုယ်စားလှယ် ၂၅ ရာခိုင်နှုန်း ပါဝင်သော လွှတ်တော်ကိုယ်စားလှယ် ၆၀၀ ကျော်တို့သည် ယနေ့ ကျင်းပသည့် လွှတ်တော် အစည်းအဝေးသို့ တက်ရောက်ခဲ့ကြရာ၌ တပ်မတော်သား ကိုယ်စားလှယ်များက ၎င်းတို့သက်ဆိုင်ရာ ယူနီဖောင်းများဖြင့် တက်ရောက်ကြသည်။

တပ်မတော်သားကိုယ်စားလှယ်များနှင့် ကြံ့ဖွံ့ ကိုယ်စားလှယ်များက တခြားသော တိုင်းရင်းသား ကိုယ်စားလှယ်များနှင့် ဒီမို ကရက်တစ် အင်အားစုများအား စကားပြောဆိုခြင်း၊ ရင်းနှီးနွေးထွေးခြင်း မရှိဟု ကိုယ်စားလှယ်များက ပြောသည်။

လွှတ်တော် ကိုယ်စားလှယ်များ၏ အဆိုအရ သူရ ဦးရွှေမန်းအပါအဝင် စစ်အစိုးရခေါင်းဆောင်များ၊ ဝန်ကြီးများက နေ့လယ်စာကို သီးသန့် စားသောက်သည်ဟု သိရသည်။

ယနေ့တွင် ကိုယ်စားလှယ်များအား စိစစ်ခြင်း၊ အစည်းအဝေး သဘာပတိ ရွေးချယ်ခြင်း၊ လွှတ်တော် ကိုယ်စားလှယ်များ ကတိသစ္စာပြုခြင်း၊ ပြည်သူ့ လွှတ်တော်၏ ဥက္ကဋ္ဌနှင့် ဒုတိယဥက္ကဋ္ဌ၊ အမျိုးသား လွှတ်တော်၏ ဥက္ကဋ္ဌ နှင့် ဒုတိယဥက္ကဋ္ဌတို့အား ရွေးချယ်ခြင်း၊ ရွေးချယ်ခံလိုက်ရသော လွှတ်တော်ဥက္ကဋ္ဌများက သဘာပတိထံမှ တာဝန်များ လွှဲပြောင်းယူပြီး နောက်တနေ့ အစီအစဉ်များကို လွှတ်တော်ဥက္ကဋ္ဌများက ချမှတ် ညွှန်ကြားခြင်းများ ပြုလုပ်ခဲ့သည်။

လွှတ်တော်အစည်းအဝေးတွင် ပြည်တွင်းပြည်ပ သတင်းထောက်များကို တက်ရောက်ခွင့် မပြုသော်လည်း သတင်းထောက် အများစုမှာ နေပြည်တော်တွင် ရောက်ရှိနေကြသည်။

နေပြည်တော်တခွင်တွင် လုံခြုံရေး အထူးတိုးမြှင့်ထားပြီး လွှတ်တော် အဆောက်အအုံသို့ သွားရာ ကားလမ်းမကြီးကို မည်သူမျှ ဖြတ်သန်းခွင့် မပြုတော့ကြောင်း နေပြည်တော် ဒေသခံများက ဆိုသည်။

ရန်ကုန်ရှိ ပြည်သူလူထုမှာ နေပြည်တော်တွင် ကျင်းပနေသည့် လွှတ်တော် အစည်းအဝေးကို စိတ်ဝင်စားခြင်း မရှိကြကြောင်း ရန်ကုန်အခြေစိုက် သတင်း အယ်ဒီတာ တဦးက ပြောသည်။

“ဘယ်သူမှ စိတ်မဝင်စားကြဘူး။ ရွေးကောက်ပွဲတုန်းက အလိမ်ခံထားရတော့ လူတွေက အခု လွှတ်တော်ကလည်း ဘာမှ ထူးမှာ မဟုတ်ဘူးဆိုပြီးပဲ ပြောနေကြတယ်” ဟု သူက ဆိုသည်။

၂၀၁၀ ရွေးကောက်ပွဲအပြီး အစိုးရသစ်တွင် ဗိုလ်ချုပ်မှူးကြီး သန်းရွှေက သမ္မတအဖြစ် တာဝန်ယူသွားမည်ဟု နေပြည်တော်စစ်တပ် အသိုင်းအ၀န်းနှင့် အစိုးရ၀န်ထမ်းအသိုင်းအဝန်းက ထင်မြင်ယူဆခဲ့ကြသည်။

Source from
http://www.bur.irrawaddy.org/index.php/news/5608-2011-01-31-12-18-36မှရယူသည်
ကျေးဇူးတင်ပါသည်၊



Source Audio from http://www.bbcburmese.com

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

လွှတ်တော်အတုကို အစာငတ်ခံဆန္ဒပြ

ကျူရှင်ဆရာ ဦးအောင်ဖေ

နအဖတို့ ရဲ့  လက်ညှိုးထောင်ခေါင်းငြိမ့်

လွှတ်တော်အတုကြီးကို ကန့် ကွက်တဲ့အနေနဲ့ 

အစာငတ်ခံဆန္ဒပြ။

ရန်ကုန်တိုင်း တွံတေးမြို့နယ်က အုန်းပင်စုရပ်ကွက်နေ ကျူရှင်ဆရာ ဦးအောင်ဖေဟာ သူ့ရဲ့နေအိမ်မှာ အမျိုးသားဒီမိုကရေစီအဖွဲ့ ချူပ်က ထုတ်ဝေတဲ့ တီရှပ်အကျီ င်္ကို ၀တ်ပြီး ယနေ့ကျင်းပနေတဲ့ နအဖတို့ ရဲ့  လွှတ်တော်အစည်းအဝေးကို အစာငတ်ခံဆန္ဒပြနေကြောင်း သိရှိရပါတယ်။

Source from
http://www.niknayman-niknayman.co.cc/2011/01/blog-post_3935.htmlမှရယူသည်
ကျေးဇူးတင်ပါသည်၊

Source image from http://burmese.dvb.no/news.php?id=13533မှရယူသည်၊

ကျေးဇူးတင်ပါသည်၊

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

လွှတ်တော်မှာ စစ်အစိုးရ ဖွဲ့စည်းပုံအတိုင်း ဖြစ်

လွှတ်တော်မှာ စစ်အစိုးရ ဖွဲ့စည်းပုံအတိုင်း

ပြန်ဖြစ်လာ

2011-01-31

၂၀၁၀ နိုဝင်ဘာ ၇ ရက် ရွေးကောက်ပွဲ အနိုင်ရ လွှတ်တော်ကိုယ်စားလှယ်တွေ ဇန်နဝါရီ ၃၁ ရက် ဒီကနေ့ ပထမဆုံးနေ့အဖြစ် နေပြည်တော်မှာ လွှတ်တော် ခေါ်ယူကျင်းခဲ့ပါတယ်။ အမျိုးသားလွှတ်တော်နဲ့ ပြည်ထောင်စု လွှတ်တော် နှစ်ရပ်လုံး ခေါ်ယူ ကျင်းပတာ ဖြစ်ပါတယ်။

ပြည်သူ့လွှတ်တော်ကို မနက် ၈ နာရီ ၅၅ မိနစ်က စတင်ခဲ့ပြီး နေ့လည် ၂ နာရီခွဲမှာ ပြီးဆုံးခဲ့ပါတယ်။

အမျိုးသားလွှတ်တော်ကို ၃ နာရီမှာ စတင်ပြီး ညနေ ၄ နာရီ ၁၅ မိနစ်မှာ ပြီးဆုံးခဲ့တာပါ။ ဒီကနေ့ လွှတ်တော် စတင် ကျင်းပတာနဲ့ပတ်သက်ပြီး NDF လွှတ်တော်ကိုယ်စားလှယ် ဦးစိုးဝင်းက အခုလိုပြောပြပါတယ်။

“ပထမနေ့ အနေနဲ့ကတော့ ကျွန်တော်တို့ ပြည်သူ့လွှတ်တော်မှာ ဥက္ကဋ္ဌ၊ ဒု ဥက္ကဋ္ဌ ရွေးတယ်ပေါ့ဗျာ။ အဲ ဥက္ကဋ္ဌက ဦးရွှေမန်း၊ ဒု ဥက္ကဋ္ဌက နန္ဒကျော်စွာ၊ နန္ဒကျော်စွာဆိုတာ ဒဂုံမြို့နယ်က ပြည်သူ့လွှတ်တော် ကိုယ်စားလှယ်ပေါ့။”

ပြည်သူ့လွှတ်တော် သဘာပတိအဖြစ် ဗိုလ်ချုပ်ဌေးဦးကို ရွေးချယ်လိုက်တာ ဖြစ်ပြီး အမျိုးသားလွှတ်တော် သဘာပတိအဖြစ် ကချင်ပြည်နယ်က အမတ်တဦးဖြစ်တဲ့ ဦးကက်ထိတ်နမ် ဖြစ်ပါတယ်။ ပြည်သူ့ လွှတ်တော်ဥက္ကဋ္ဌအဖြစ် ဦးရွှေမန်းကို ရွေးချယ်ခဲ့ပါတယ်။

မနက်ဖြန် ၁၀ နာရီမှာ လွှတ်တော်အမတ်တွေအားလုံး လွှတ်တော်အစည်းအဝေးပြန်တက်ဖို့ ဖိတ်ခေါ်ထားပါတယ်။ မနက်ဖြန်မှာ ဒုတိယ သမတလောင်း ၃ ဦးကို ပြည်သူ့ လွှတ်တော်။ အမျိုးသားလွှတ်တော်နဲ့ တပ်မတော်သား အစုအဖွဲ့ကနေ တဦးစီ အမည်တင်သွင်းပေးဖို့ အစီအစဉ်ကို လုပ်ဆောင်မှာ ဖြစ်ကြောင်းသိရပါတယ်။ အဲဒီ ဒုတိယ သမတလောင်း ၃ ဦးထဲကမှ သမတကြီးကို ပြည်ထောင်စု လွှတ်တော်ကနေ ပြန်လည် ရွေးချယ် တင်မြှောက်ရမှာ ဖြစ်ပါတယ်။

ဒီကနေ့ကျင်းပတဲ့ ပြည်နယ်လွှတ်တော် ဖွင့်ပွဲမှာလည်း ပထမဆုံး သဘာပတိ ရွေးချယ်ခဲ့ပြီး၊ နောက်ပိုင်းမှာတော့ ပြည်နယ်လွှတ်တော် ဥက္ကဋ္ဌနဲ့ ဒုတိယဥက္ကဋ္ဌ နေရာတွေကို မဲစနစ်နဲ့ ရွေးချယ်ခဲ့တယ်လို့ ဆိုပါတယ်။ အဲဒီလိုရွေးချယ်ရာမှာ ပြည်နယ်လွှတ်တော် ဥက္ကဋ္ဌနဲ့ ဒုတိယ ဥက္ကဋ္ဌ နေရာတွေအတွက် ကြံ့ခိုင်ဖွံ့ဖြိုးရေးပါတီက ကိုယ်စားလှယ်တွေသာ ရရှိသွားခဲ့တဲ့အတွက် တိုင်းရင်းသားပါတီတချို့က ဝေဖန်နေကြပါတယ်။

ချင်းပြည်နယ်မှာဆိုရင် ပြည်နယ်လွှတ်တော်ဥက္ကဋ္ဌ အဖြစ် ကြံ့ခိုင်ဖွံ့ဖြိုးရေးပါတီက ဦးဟောက်ကင်းခန် နဲ့ ဒုတိယ ဥက္ကဋ္ဌအဖြစ် ကြံ့ခိုင်ဖွံ့ဖြိုးရေးပါတီက ဦးအုန်းလွင်တို့ ဖြစ်တယ်လို့ သိရပါတယ်။

မွန်ပြည်နယ် လွှတ်တော်ဥက္ကဋ္ဌအဖြစ် ကြံ့ခိုင်ဖွံ့ဖြိုးရေးပါတီက ဦးကြင်ဖေ ၊ ဒုတိယ ဥက္ကဋ္ဌ နေရာကို ကြံ့ခိုင်ဖွံ့ဖြိုးရေးပါတီက ဦးဌေးလွင်တို့ ရခဲ့တယ်လို့ သိရပါတယ်။

ရန်ကုန်တိုင်းဒေသကြီး လွှတ်တော် ဥက္ကဋ္ဌအဖြစ် ကြံ့ခိုင်ဖွံ့ဖြိုးရေးပါတီက ဗိုလ်မှူးကြီးဟောင်း စိန်တင်ဝင်း ၊ ဒုတိယဥက္ကဋ္ဌက ဦးတင်အောင် ဖြစ်တယ်လို့သိရပါတယ်။

အလားတူ တခြား တိုင်းဒေသကြီးနဲ့ ပြည်နယ်လွှတ်တော်တွေမှာလည်း ကြံ့ခိုင်ဖွံြ့ဖိုးရေးပါတီက ကိုယ်စားလှယ်တွေသာ အရွေးခံခဲ့ရတယ်လို့ သိရပါတယ်။

ဒါ့အပြင် ပြည်နယ် ဝန်ကြီးချုပ်တွေအဖြစ် ရန်ကုန်တိုင်းမှာ ဒုတိယ ဗိုလ်ချုပ်ကြီး မြင့်ဆွေ၊ မန္တလေးမှာ ဒုတိယ ဗိုလ်ချုပ်ကြီး ရဲမြင့်၊ စစ်ကိုင်းတိုင်းမှာ ဒုတိယ ဗိုလ်ချုပ်ကြီး သာအေးတို့ကို ခန့်ထားဖို့ လျာထားပြီးဖြစ်တယ်လို့ သိရပါတယ်။ ယခင်သူတို့တိုင်းမှူးအဖြစ် တာဝန်ထမ်းဆောင်ခဲ့ဖူးတဲ့ တိုင်းတွေမှာ ပြန်လည် တာဝန်ပေးအပ်မယ်ဆိုတဲ့ သတင်းတွေလည်း ထွက်ပေါ်နေပါတယ်။

ဒီနေ့ အစည်းအဝေးကို နေ့တဝက် လောက်မှာ အပြီးသတ်ရုပ်သိမ်းလိုက်ပြီး လာမဲ့ သမတ ရွေးချယ်ပြီးမှသာ နောက်ထပ် ပြည်နယ် တိုင်းဒေသကြီးလွှတ်တော် အစည်းအဝေးတွေကို ပြန်လည် စတင်ဖို့ ရှိတယ်လို့ သိရပါတယ်။

လွှတ်တော်ခေါ်ယူခဲ့တာနဲ့ ပတ်သက်ပြီး RFA မှ ဦးဇော်မိုးကျော်နဲ့ ဒေါ်ခင်ခင်အိတို့က နေပြည်တော်ရောက် လွှတ်တော်ကိုယ်စားလှယ်တွေနဲ့ မေးမြန်းတင်ဆက်ထားပါတယ်။

Copyright © 1998-2011 Radio Free Asia. All rights reserved.

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

လွှတ်တော်သစ်ဥက္ကဋ္ဌ စစ်ခေါင်းဆောင်ဟောင်းကို ရွေး

Source Photo from http://www.google.com/images

လွှတ်တော်သစ်ဥက္ကဋ္ဌတွေအဖြစ်

စစ်ခေါင်းဆောင်ဟောင်းတွေကို

ရွေးချယ်

By ဦးဇော်ဝင်းလှိုင်
တနင်္လာ, 31 ဇန်နဝါရီ 2011

မြန်မာနိုင်ငံမှာ လွှတ်တော် ၃ ရပ်စလုံးရဲ့ ပထမဆုံးအကြိမ် စည်းဝေးပွဲတွေကို ဒီကနေ့ မနက်မှာ စတင်ခဲ့ပြီး ဥက္ကဋ္ဌနဲ့ ဒု-ဥက္ကဋ္ဌတွေကို ရွေးကောက် တင်မြှောက်ခဲ့ကြပါတယ်။ ပြည်သူ့လွှတ်တော် ဥက္ကဋ္ဌအတွက် ဗိုလ်ချုပ်ကြီးဟောင်း သူရရွှေမန်းနဲ့ အမျိုးသားလွှတ်တော် ဥက္ကဋ္ဌအဖြစ် ဗိုလ်ချုပ်ဟောင်း ခင်အောင်မြင့်ကို ရွေးချယ်လိုက်ကြပြီး မနက်ဖြန်မှာ သမ္မတလောင်း ၃ ယောက်ရဲ့ အမည်စာရင်းတွေကို တင်သွင်းကြဖို့လည်း ရှိနေပါတယ်။ အပြည့်အစုံကို ဘန်ကောက်မြို့ကနေ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။

ဒီကနေ့မနက် ၈ နာရီ ၅၅ မိနစ်မှာ သတ်မှတ်ထားတဲ့အတိုင်း လွှတ်တော် ၃ ရပ်စလုံးကို တပြိုင်တည်း ကျင်းပခဲ့ကြတာပါ။ နေပြည်တော်မှာ ကျင်းပတဲ့ ပြည်သူ့လွှတ်တော်နဲ့ အမျိုးသားလွှတ်တော် ဥက္ကဋ္ဌတွေအတွက် ကိုယ်စားလှယ်လောင်း အမည်စာရင်းတွေ တင်သွင်းပြီး သက်ဆိုင်ရာ လွှတ်တော်အသီးသီးအတွက် ဥက္ကဋ္ဌ ရွေးကောက် တင်မြှောက်ခဲ့တဲ့အကြောင်း တွံတေး၊ ကော့မှူး၊ ကွမ်းခြံကုန်း မြို့နယ်တွေကို ကိုယ်စားပြုပြီး အမျိုးသားလွှတ်တော်အတွက် ရွေးကောက် တင်မြှောက် ခံထားရတဲ့ လွှတ်တော်ကိုယ်စားလှယ် ဇေကမ္ဘာ ဦးခင်ရွှေက ပြောပြပါတယ်။

“အစီအစဉ်က မနက်ပိုင်းမှာ အမျိုးသားလွှတ်တော်၊ ပြည်သူ့လွှတ်တော် သီးခြား အစည်းအဝေး လုပ်တယ်။ လုပ်ပြီးတော့မှ ပြည်သူ့လွှတ်တော်က ပထမ သဘာပတိ ရွေးတယ်။ သဘာပတိကနေ ဥက္ကဋ္ဌ ဗိုလ်ချုပ်ကြီး ရွှေမန်းကို ရွေးတင်တယ်။ နောက် ဒု-ဥက္ကဋ္ဌ နန္ဒကျော်စွာကို ရွေးလိုက်တယ်။ နောက် ဒီဘက်က အမျိုးသားလွှတ်တော်က ပထမ သဘာပတိ ရွေးတယ်။ သဘာပတိကတဆင့် အားလုံးရဲ့ဆန္ဒနဲ့ ဗိုလ်ချုပ် ခင်အောင်မြင့်ကို ဥက္ကဋ္ဌ ရွေးတယ်။ နောက် ဦးမြတ်ငြိမ်းဆိုတာ ရှေ့နေချုပ်ရုံးရဲ့ ညွှန်ကြားရေးမှူးချုပ်၊ Retired ပေါ့၊ သူ့ကိုက ဒု-ဥက္ကဋ္ဌ ရွေးလိုက်တယ်။

“ပြီးတော့မှ ညနေ ၃ နာရီခွဲမှာ ပြည်ထောင်စု လွှတ်တော်ကြီးကို ဆက်ကျင်းပတယ်။ ပြည်ထောင်စု လွှတ်တော်ကနေပြီးတော့ မနက်ဖြန်မှာ ဒု-သမ္မတ ၃ ဦးပေါ့၊ ရွေးဖို့အတွက် အတည်ပြုတယ်။ ဒါပါပဲ။”

မနက်ဖြန်မှာ ကိုယ်စားလှယ် အမည်စာရင်းတွေ တင်သွင်းကြမယ်ပေါ့၊ ဒု-သမ္မတ။

“ဟုတ်ကဲ့၊ ဒု-သမ္မတ၊ တပ်မတော်က ၁ ယောက်၊ ပြည်သူ့လွှတ်တော်က ၁ ယောက်၊ အမျိုးသားလွှတ်တော်က ၁ ယောက်၊ တင်သွင်းကြမှာ ဖြစ်ပါတယ်။”

ဗိုလ်ချုပ်ကြီး သူရရွှေမန်းကတော့ ပြည်သူ့လွှတ်တော် ဥက္ကဋ္ဌ ဖြစ်သွားတာပေါ့။

“ဟုတ်ကဲ့၊ ဥက္ကဋ္ဌ ဖြစ်သွားပါတယ်။”

ဒီနေ့ အစည်းအဝေး ထိုင်ကြတာ တပြိုင်တည်း အကုန် စုထိုင်ကြတာလား။

“ပြည်သူ့လွှတ်တော်က ပြည်သူ့လွှတ်တော်၊ အမျိုးသားလွှတ်တော်က အမျိုးသားလွှတ်တော်။ ခန်းမချင်း မတူပါဘူး။ ပြီးတော့မှ ပြည်ထောင်စု လွှတ်တော်ကျမှ ပေါင်းထိုင်ကြတာပါ။ အဆောက်အဦးကြီးက အကြီးကြီးပဲ။ အဆောက်အဦးပေါင်း ၃၁ လုံးတောင် ရှိပါတယ်။ စားသောက်တဲ့ အခန်းတွေရော၊ Theatre ကြီးတွေရော၊ အစုံပေါ့၊ ဟောခန်းတွေရော၊ ရေးရာကော်မတီ အခန်းတွေရော၊ အများကြီးပါပဲ။”

ဒီနေ့ တက်ကြတဲ့အထဲမှာ ကိုယ်စားလှယ် အားလုံး စုံစုံလင်လင် တက်တယ်ပေါ့၊ တယောက်မကျန်။

“၁၀၀% တက်ပါတယ်။”

မနက်ဖြန် အစည်းအဝေးက ဘယ်အချိန် စကြမလဲခင်ဗျ။

“၁၀ နာရီမှာ စပါမယ်။”

အန်ကယ်တို့ လွှတ်တော် ပထမ Session က ဘယ်လောက်ကြာမယ် ပြောလဲ၊ ဒီနေ့ ပြောကြတဲ့ အထဲမှာ အဲဒါတွေရော ပါလားခင်ဗျ။

“ပထမ Session ဆိုတာ။”

အခု ကျင်းပနေတာ တောက်လျှောက် ဘယ်လောက် ကြာသွားမလဲ၊ ဘယ်နှစ်ရက် ကြာသွားမလဲ။

“အဲဒါ ဘာမှ မပြောသေးပါဘူး။”

မနက်ဖြန် လုပ်ငန်းစဉ်နဲ့ ပတ်သက်လို့တော့ ဒု-သမ္မတ ၃ ယောက်ကို ကိုယ်စားလှယ် အမည်စာရင်း တင်သွင်းကြမယ်ပေါ့။ တခြားရော။

“တင်သွင်းပြီးတော့ ဆက်ပြီး ရွေးကြမယ်နဲ့တူတယ်၊ ကြည့်ရတာ။ အဲဒါအထိတော့ မရောက်သေးပါဘူး။ မဆွေးနွေးသေးပါဘူး။”

သမ္မတကို အတည်ရွေးဖို့အတွက်က ဘယ်နေ့ဖြစ်မယ်ဆိုတာ မသိသေးဘူးပေါ့။

“မသိသေးပါဘူး။ မနက်ဖြန်လည်း ပြတ်ရင် ပြတ်သွားမှာပါ။”

ဒါဆိုရင် တခြား သမ္မတ ရွေးပြီးမှပဲ ကော်မတီ ဖွဲ့တာတို့၊ အစိုးရအဖွဲ့ ဖွဲ့တာတို့ ဖြစ်မယ်ထင်တယ်နော်။

“အဲဒါတွေ ဆက်ဖြစ်မယ်။ အဲဒါကြောင့်လည်း အမြန်လုပ်တာ ဖြစ်ပါလိမ့်မယ်၊ နိုင်ငံတော်က။”

အန်ကယ့်အထင်အရတော့ ဒီကိစ္စက မြန်မြန်လေး သူတို့ လုပ်ကြလိမ့်မယ်လို့ ထင်တယ်ပေါ့။

“ဟုတ်ကဲ့၊ သေချာပါတယ်။ မြန်မြန် လုပ်ကြပါလိမ့်မယ်။”

ဒီနေ့ ဘယ်နှစ်နာရီလောက် ကြာသွားလဲ၊ အစည်းအဝေးက။

“ညနေ ၄ နာရီလောက်မှာ အားလုံး ပြီးကုန်ပါတယ်။”

အမျိုးသားလွှတ်တော်အမတ် ဇေကမ္ဘာ ဦးခင်ရွှေ ပြောပြခဲ့တာ ဖြစ်ပါတယ်။

နေပြည်တော်မှာ ကျင်းပတဲ့ ပြည်သူ့လွှတ်တော်နဲ့ အမျိုးသားလွှတ်တော်တွေ နည်းတူ တိုင်းဒေသကြီးလွှတ်တော် စည်းဝေးပွဲတွေကိုလည်း ပြည်နယ်၊ တိုင်း ဒေသကြီး ၁၄ ခုက မြို့တော်တွေမှာ ဒီကနေ့မနက် ၈ နာရီ ၅၅ မိနစ်မှာ တပြိုင်တည်း ကျင်းပပြီး တိုင်းဒေသကြီးလွှတ်တော် ဥက္ကဋ္ဌနဲ့ ဒု-ဥက္ကဋ္ဌနေရာတွေ ရွေးကောက် တင်မြှောက်ခဲ့ကြတဲ့အကြောင်း RNDP ရခိုင်တိုင်းရင်းသားများ တိုးတက်ရေးပါတီက ရသေ့တောင်မြို့နယ် မဲဆန္ဒနယ်မြေ ၂ ကနေ ရွေးကောက် တင်မြှောက်ခံထားရတဲ့ တိုင်းဒေသကြီး လွှတ်တော်အမတ် ဦးဖိုးမင်းက ပြောပြပါတယ်။

“ဒီနေ့ကတော့ လွှတ်တော် ဥက္ကဋ္ဌနဲ့ ဒုတိယ ဥက္ကဋ္ဌ ရွေးတာပါ။ အဲဒီမှာ သဘာပတိ ရွေးပြီးတော့ လွှတ်တော်ထဲမှာ အရွေးခံတဲ့ ပုဂ္ဂိုလ်တွေ အားလုံး သဘာပတိ ရှေ့မှောက်မှာပဲ ကျမ်းကျိန်ကြပါတယ်။ ကျမ်းသစ္စာဆိုတယ်။ နောက်မှ သဘာပတိက အဲဒါပြီးရင် ဥက္ကဋ္ဌကို မဲနဲ့ရွေးတယ်။ ပြီးတော့ ဒု-ဥက္ကဋ္ဌကို မဲနဲ့ရွေးတယ်။ ဥက္ကဋ္ဌနဲ့ ဒု-ဥက္ကဋ္ဌကို ရွေးတယ်။ ဒါပါပဲ။ ဥက္ကဋ္ဌကို ကြံ့ခိုင်ရေးပါ၊ ဒု-ဥက္ကဋ္ဌလည်း ကြံ့ခိုင်ရေးကပါ။”

တိုင်းဒေသကြီးလွှတ်တော် စည်းဝေးပွဲတွေကို ဒီနေ့ ကျင်းပပြီးစီး သွားပေမဲ့လည်း နောက်နေ့တွေမှာ ဘာဆက်လုပ်ရမယ် ဆိုတာတော့ လွှတ်တော် စည်းဝေးပွဲ ကျင်းပပြီးစီးသွားတဲ့အထိ ကိုယ်စားလှယ်တွေကို အကြောင်းကြားထားခြင်း မရှိသေးပါဘူး။

“နောက်နေ့ အစီအစဉ်ကတော့ မသိသေးဘူး။ နောက်နေ့ အစီအစဉ်တော့ သူတို့ နောက်မှပဲ အဆက်အသွယ် လုပ်လိမ့်မယ် ထင်ပါတယ်။”

ရခိုင် တိုင်းဒေသကြီး လွှတ်တော်အမတ် ဦးဖိုးမင်း ပြောပြခဲ့တာ ဖြစ်ပါတယ်။

ရခိုင်တိုင်းဒေသကြီး လွှတ်တော်စည်းဝေးပွဲကိုတော့ စစ်တွေမြို့တော် ခန်းမမှာ ကျင်းပခဲ့တာဖြစ်ပြီး စစ်တပ်က ရွေးချယ်ထားတဲ့ ကိုယ်စားလှယ်တွေနဲ့ RNDP ပါတီက ကိုယ်စားလှယ် ၁၈ ယောက်တို့ အပါအ၀င် ရွေးကောက်ခံ ကိုယ်စားလှယ် အားလုံး ၄၇ ဦး တက်ရောက်ခဲ့ကြတယ်လို့ ဆိုပါတယ်။

ရန်ကုန်တိုင်းဒေသကြီး လွှတ်တော် စည်းဝေးပွဲကိုတော့ အရင် ပြည်သူ့လွှတ်တော် အဆောက်အဦး နေရာမှာ ကျင်းပခဲ့ပြီး ပဲခူးတိုင်း ဒေသကြီး စည်းဝေးပွဲကိုတော့ တရားရုံးဘေးနားက ပဲခူးတိုင်း ရုံးအတွင်းမှာ ကျင်းပခဲ့တယ်လို့ သိရပါတယ်။

တိုင်းဒေသကြီးတွေ အားလုံးကို ရခိုင်တိုင်းဒေသကြီး လွှတ်တော်စည်းဝေးပွဲလိုပဲ လွှတ်တော်ဥက္ကဋ္ဌနဲ့ ဒု-ဥက္ကဋ္ဌတို့ကို ရွေးချယ်ပြီး ကိုယ်စားလှယ်တွေ ကျမ်းသစ္စာ ကျိန်ဆိုပြီးတာနဲ့ စည်းဝေးပွဲကို ခပ်စောစောပိုင်းမှာပဲ ကျင်းပ ပြီးစီးသွားတယ်လို့ သိရပါတယ်။

ပြည်နယ်အုပ်ချုပ်ရေးမှူး ရွေးချယ်ရေးနဲ့ ပတ်သက်လို့ ကိုယ်စားလှယ်တွေကို ခုချိန်ထိ တစုံတရာ အသိပေး အကြောင်းကြားခြင်း မရှိသေးပေမဲ့ တိုင်းဒေသကြီးလွှတ်တော် အားလုံးနီးပါးမှာ စစ်တပ်က ကျောထောက်နောက်ခံ ပေးထားတဲ့ ကိုယ်စားလှယ် အများစု အနိုင်ရထားတဲ့အပြင် စစ်တပ်ကိုယ်စားလှယ် ၂၅% ကလည်း ရှိနေပြန်တော့ စစ်တပ်ကို လိုလားသူ၊ ဒါမှမဟုတ် စစ်အစိုးရ အတွင်းက အရာရှိဟောင်းတွေပဲ ရွေးချယ်ခံရလိမ့်မယ်လို့ အများစုက ယူဆထားကြတာ ဖြစ်ပါတယ်။

ပါလီမန် ၃ ရပ်စလုံးအတွက် လွှတ်တော်အမတ်နေရာ စုစုပေါင်း ၁,၅၃၇ ဦးရှိတဲ့ အထဲက ၁,၁၅၄ ဦးကို နိုဝင်ဘာ ၇ ရက်နေ့မှာ ကျင်းပခဲ့တဲ့ ရွေးကောက်ပွဲမှာ ရွေးချယ်ခဲ့ကြတာဖြစ်ပြီး ကျန် ၃၈၈ ဦး၊ ဒါမှမဟုတ် အမတ်နေရာ စုစုပေါင်းရဲ့ ၂၅% နဲ့ ညီမျှတဲ့ ဦးရေကတော့ စစ်တပ်က တိုက်ရိုက်ရွေးချယ်တဲ့ ကိုယ်စားလှယ်တွေ ဖြစ်ပါတယ်။

နေပြည်တော်မှာ ကျင်းပတဲ့ ပြည်သူ့လွှတ်တော်နဲ့ အမျိုးသားလွှတ်တော် ကိုယ်စားလှယ် စုစုပေါင်း ၄၉၃ ဦးထဲမှာ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက အမတ်နေရာ ၃၈၈ နေရာ၊ ဒါမှမဟုတ် အမတ်နေရာ စုစုပေါင်းရဲ့ ၇၇% ကျော်ကို အနိုင်ရထားတာ ဖြစ်တဲ့အပြင် စစ်တပ်က တိုက်ရိုက်ရွေးချယ်ထားတဲ့ အမတ် ၂၅% လည်း ရှိနေသေးတဲ့အတွက် ကျန် အတိုက်အခံ ပါတီတွေအတွက် လွှတ်တော်အတွင်း ပြောဆို ဆွေးနွေးနိုင်တဲ့ အခွင့်အလမ်း နည်းလွန်းတယ်လို့ နိုင်ငံရေး အကဲခတ်တွေက သုံးသပ် ပြောဆိုနေကြပါတယ်။

Find this article at:
http://www.voanews.com/burmese/news/myanmar-new-parliament-114924234.html

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

သတင်းရယူခွင့်မပြုကြောင်း ထုတ်ဖော်

လွှတ်တော်သတင်း ပိတ်ပင်ထား

2011-01-30

မြန်မာနိုင်ငံမှာ နှစ် ၄ဝ အတွင်း ပထမဆုံးအကြိမ်အဖြစ် ဇန်နဝါရီလ ၃၁ ရက်နေ့ စတင် ကျင်းပမယ့် လွှတ်တော် အစည်းအဝေး အတွက် ပုဂ္ဂလိက သတင်းမီဒီယာတွေကို သတင်းရယူခွင့် ပိတ်ပင်ထားတယ်လို့ RFA က စုံစမ်းသိရပါတယ်။

ပြည်တွင်းမီဒီယာတွေကို လွှတ်တော်မှာ တက်ရောက် သတင်းယူခွင့် မပြုနိုင်ကြောင်း ပြန်ကြားရေး ဝန်ကြီးဌာနက ဒီကနေ့ ထုတ်ဖော်ပြောဆိုတယ်လို့ မြန်မာနိုင်ငံ စာပေနဲ့ စာနယ်ဇင်းအဖွဲ့ အတွင်းရေးမှူးနဲ့ CPC ပုဂ္ဂလိက စာနယ်ဇင်း ဖွံ့ဖြိုးရေးကော်မတီ ဥက္ကဋ္ဌ ဦးကိုကို (စက်မှုတက္ကသိုလ်) က ပြောပါတယ်။

“လွှတ်တော် အစည်းအဝေးရှိတယ် ဆိုကတည်းက ပြန်ကြားရေးဝန်ကြီးဌာနက တဆင့် သက်ဆိုင်ရာတွေကို အခြေအနေတွေ တောက်လျှောက် မေးမြန်းခဲ့ပါတယ်။ ဒီမနက် ပြန်ကြားရေး ဝန်ကြီးဌာနကနေ ရရှိတဲ့ မက်ဆေ့ခ်ျ တခုကတော့ မနက်ဖြန် ဖွင့်ပွဲအတွက် ‘မီဒီယာတွေကို ဖိတ်ကြားရန် အစီအစဉ် မရှိပါဘူး’ ဆိုတဲ့ မက်ဆေ့ခ်ျ ရရှိပါတယ်။ အဲဒီအတွက် ရရှိတဲ့ မက်ဆေ့ခ်ျတွေကို CPC အဖွဲ့ဝင်တွေကနေ တဆင့် နီးစပ်ရာ ဖုန်းဆက်သွယ်ပြီး ကျနော်တို့ ပြောကြားထားတာ ရှိပါတယ်”

ရန်ကုန်မြို့အခြေစိုက် နိုင်ငံခြား သတင်းထောက်တွေကို လွှတ်တော်သတင်း တရားဝင် ရယူခွင့် ပြုမပြုဆိုတာ ပြန်ကြားရေးဝန်ကြီးဌာနက အကြောင်းမပြန်တဲ့အတွက် ကိုယ့်အစီအစဉ်နဲ့ကိုယ် သတင်းရယူဖို့ နိုင်ငံခြား သတင်းထောက် ၁၈ ဦး အခု နေပြည်တော်မှာ ရောက်ရှိနေပြီလို့ သိရပါတယ်။ စစ်အစိုးရဟာ နိုဝင်ဘာ ၇ ရက် ရွေးကောက်ပွဲမှာ သတင်းထောက်တွေနဲ့  နိုင်ငံခြား သံတမန်တွေကို ဖိတ်ကြား ပြသခဲ့ပေမယ့် အခုတကြိမ်မှာတော့ နိုင်ငံခြား သံတမန်တွေကိုပါ ဖိတ်ကြားမှု မရှိဘူးလို့ သိရပါတယ်။

အခုလို သတင်းမီဒီယာတွေ လွှတ်တော်သတင်း ရယူခွင့် မပြုတာဟာ စစ်အစိုးရက ဒီမိုကရေစီကို ဖော်ဆောင်နေတယ် ဆိုတဲ့ ပြောဆိုချက်တွေနဲ့  ဆန့်ကျင်နေတယ်လို့ ပြည်ပအခြေစိုက် မြန်မာသတင်းသမဂ္ဂ ဥက္ကဋ္ဌ ဒေါက်တာမောင်မောင်မြင့်က ပြစ်တင် ဝေဖန်လိုက်ပါတယ်။

“ကျနော်တို့ မြန်မာသတင်းသမဂ္ဂ အနေနဲ့ ဒီ လွှတ်တော်ဖွင့်ပွဲဟာ စစ်အစိုးရရဲ့ နိုင်ငံရေး အခင်းအကျင်းအသစ်မှာ အင်မတန် အရေးကြီးတဲ့ ကဏ္ဍတခုအဖြစ် မြင်ပါတယ်။ နောက် ဒီလွှတ်တော်ဟာ တကယ်တမ်းပြောရင် စစ်အစိုးရပြောတဲ့ ဒီမိုကရေစီရဲ့ သင်္ကေတ တခုလည်း ဖြစ်ပါတယ်။ အဲဒီတော့ အဲဒီသင်္ကေတဖြစ်တဲ့ လွှတ်တော်ဖွင့်ပွဲကိုမှ စစ်အစိုးရအနေနဲ့ သတင်းသမားတွေကို လွတ်လွတ်လပ်လပ် သတင်းယူခွင့် မပြုဘူးဆိုရင် စစ်အစိုးရရဲ့ လက်ရှိ အခင်းအကျင်းဖြစ်တဲ့ ဒီမိုကရေစီကို လူထုက ယုံကြည်နိုင်မှာ မဟုတ်သလို နိုင်ငံတကာကလည်း လက်ခံနိုင်မှာ မဟုတ်ဘူးလို့ မြင်ပါတယ်”

လွှတ်တော်အစည်းအဝေး သတင်းရယူခွင့် မပြုတဲ့ အခြေအနေတွေနဲ့ ပတ်သက်လို့ မြန်မာနိုင်ငံ စာပေနဲ့ စာနယ်ဇင်းအဖွဲ့ အတွင်းရေးမှူးနဲ့ CPC ပုဂ္ဂလိက စာနယ်ဇင်း ဖွံ့ဖြိုးရေးကော်မတီ ဥက္ကဋ္ဌ ဦးကိုကို (စက်မှုတက္ကသိုလ်) ကို RFA အဖွဲ့သား ကိုကျော်ကျော်အောင် ဆက်သွယ်မေးမြန်းထားတာ နားဆင်နိုင်ပါတယ်။

Copyright © 1998-2011 Radio Free Asia. All rights reserved.

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

ခံစားကြည့်ကြပုံချင်း ကွာခြားပုံ

ခံစားကြည့်ကြပုံချင်း ကွာခြားပုံ

ဇန်နဝါရီ ၃၀၊ ၂၀၁၁ -

ဒီတပတ် သက်ကြီးစကား သက်ငယ်ကြား အစီအစဉ်မှာ ရုပ်ရှင်ကို ခံစားကြည့်ကြပုံချင်း ကွာခြားပုံတွေအကြောင်းကို ရုပ်ရှင်ဒါရိုက်တာ ဆရာကြီးဦးဝင်းဖေ ပြောပြပါလိမ့်မယ်။

Source from http://www.voanews.com/burmese/news/wisdom-belief/ မှရယူသည်၊
ကျေးဇူးတင်ပါသည်၊

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

မိခင်အာဟာရ နဲ့ ကလေးဦးနှောက်

Source Photo from http://www.google.com/images

မိခင်အာဟာရ နဲ့ ကလေးဦးနှောက်ဖွံဖြိုးမှု

By ကိုဝင်းမင်း
ဗုဒ္ဓဟူး, 26 ဇန်နဝါရီ 2011

အမေရိကန်နိုင်ငံ Texas တက္ကသိုလ် ကျန်းမာရေးသုတေသနအဖွဲ့က ကိုယ်ဝန်ဆောင်မိခင်မှာ အာဟာရနဲနဲလေး လျော့သွားရင်တောင် သန္ဓေသားကလေးရဲ့  ဦးနှောက်ဖွံဖြိုးမှု့ကို ထိခိုက်စေနိုင်တယ်လို့ တွေ့ရှိခဲ့ပါတယ်။ မြန်မာနိုင်ငံမှာလဲ ငါးနှစ်အောက် ကလေး (၃) ယောက်မှာ (၁) ယောက်ဟာ အာဟာရချို့တဲ့နေတယ်လို့ ကမ္ဘာ့ကုလသမဂ္ဂ ဖွံဖြိုးရေးအစီအစဉ် (UNDP) က ထုတ်ပြန့်ခဲ့ပါတယ်။ ဒီအာဟာရချို့ တဲ့မှု့ဟာ အာဟာရမျှတအောင် မစားတတ်တာနဲ့ ဆေးခန်းပုံမှန် မပြတာကြောင့် အဓိကဖြစ်ရတာပါ။ အာဟာရပြည့်စုံအောင် Protein လို့ခေါ်တဲ့ အသားဓာတ်ဖြစ်တဲ့ အသား၊ ငါး၊ နို့၊ ဥ၊ ပဲအမျိုးမျိုးနဲ့ Carbohydrate လို့ခေါ်တဲ့ ကဆီဓာတ် ဖြစ်တဲ့ ဆန်၊ဂျုံ၊ပြောင်း၊အာလူး၊ ပြီးတော့ ဗီတာမင်နဲ့ သတ္တုဓာတ်တွေပါတဲ့ ဟင်းသီးဟင်းရွက်နဲ့ အသီးအနှံတွေကို မျှတအောင်စားဖို့ အရေးကြီးပါတယ်။

ဒီအကြောင်းတွေ အားလုံးကို ဗီအိုအေ (VOA) သတင်းထောက် အာ့တ် ချိုင်းမ်စ် (Art Chimes) သတင်းပို့ထားတာနဲ့ စုစည်းပြီး ကိုဝင်းမင်း က အိုင်ယာလန်နိုင်ငံက တက္ကသိုလ်တခုဖြစ်တဲ့ University Collage Cork မှာ သုတေသန လုပ်နေပြီး၊ မြန်မာနိုင်ငံမှာနှစ် (၃၀) ကြာ ကိုယ်ဝန်ဆောင်မိခင်တွေနဲ့ ကလေးငယ်တွေကို ကုသပေးခဲ့ဖူးကာ ကိုယ်ဝန်ဆောင် မိခင်တွေရဲ့  အာဟာရအကြောင်းလဲ စာရေးဖူးခဲ့တဲ့ ဆရာဝန် ဒေါက်တာမြင့်ဦး ကို မေးမြန်းတင်ပြထားပါတယ်။

Source Photo from http://www.google.com/images



Find this article at:
http://www.voanews.com/burmese/news/health/health_01-26-2011-114616604.html

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

အမျိုးသမီးတွေနဲ့ နှလုံးရောဂါ

Source Picture from http://www.google.com/images

အမျိုးသမီးတွေအနေနဲ့ နှလုံးရောဂါမဖြစ်အောင်

ဘယ်လိုကာကွယ်ကြမလဲ?

By Nander Chann
သောကြာ, 21 ဇန်နဝါရီ 2011

ကမ္ဘာပေါ်မှာ အမျိုးသမီးအတွက် အသက်ကို သေစေနိုင်တဲ့ အဖြစ်အများဆုံးရောဂါတွေအနက် နှလုံးရောဂါလဲ ပါဝင်ပါတယ်။ နှလုံးရောဂါကို ဘယ်လို နားလည်သင့်သလဲ။ ဒီရောဂါမဖြစ်ရလေအောင် ဘယ်လို ကာကွယ်နိုင်မလဲဆိုတာကို ဒီသီတင်းပတ်ရဲ့ အမျိုးသမီး ကဏ္ဍမှာ ဒေါ်လှလှသန်း က ကနေဒါအခြေစိုက် ဒေါက်တာခင်စောဝင်း ကို ဆက်သွယ်မေးမြန်းပြီး တင်ပြထားပါတယ်။

Find this article at:
http://www.voanews.com/burmese/news/women/Women-And-Heart-Disease-114863864.html

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

မြန်မာနိုင်ငံ အမျိုးသမီးများအဖွဲ့ချုပ် လုပ်ငန်းစဉ်သုံးသပ်

အမျိုးသမီးများအဖွဲ့ချုပ် မြန်မာနိုင်ငံရဲ့ ညီလာခံမှာ

အဖွဲ့ချုပ်လုပ်ငန်းစဉ်တွေနဲ့ပတ်သက်လို့ သုံးသပ်ခဲ့

By ဒေါ်လှလှသန်း
28 ဇန်နဝါရီ 2011

ထိုင်းအခြေစိုက် WLB ခေါ် အမျိုးသမီးများအဖွဲ့ချုပ် မြန်မာနိုင်ငံ က ပြည်ပရောက် မြန်မာအမျိုးသမီးအဖွဲ့ပေါင်း ၁၃ ဖွဲ့နဲ့ စုစည်းထားတာဖြစ်ပါတယ်။ ဇန်န၀ါရီ လ ၂၄ ရက်နေ့ကနေ ၂၆ ရက်နေ့အထိ WLB က ဆဌမအကြိမ် ညီလာခံတရပ် ကျင်းပခဲ့ရာမှာ အဖွဲ့ချုပ်ရဲ့ လုပ်ငန်းစဉ်တွေကို ပြန်လည်သုံးသပ်ခဲ့ပါတယ်။ အကြောင်းစုံကိုတော့ WLB အထွေထွေအတွင်းရေးမှူး မတင်တင်ညို ကို ဆက်သွယ်မေးမြန်းပြီး ဒေါ်လှလှသန်း က တင်ပြထားပါတယ်။

Find this article at:
http://www.voanews.com/burmese/news/women/WLB-Held-Meeting-In-Thai-Burma-Border-114863274.html

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

ကိုယ်စားလှယ်တွေ ပြင်ဆင်

Source Photo from http://www.bbcburmese.com

လွှတ်တော်သစ်အတွက် ကိုယ်စားလှယ်တွေပြင်ဆင်

By မသိင်္ဂီထိုက်
တနင်္ဂနွေ, 30 ဇန်နဝါရီ 2011

မြန်မာနိုင်ငံမှာ နှစ်ပေါင်း ၂၀ ကျော်ကြာမှ စစ်အစိုးရက ဦးဆောင်ခေါ်ယူတဲ့ လွှတ်တော် အစည်းအဝေးကို မနက်ဖြန် ကျင်းပတော့မှာမို့ လွှတ်တော် တက်ရောက်ကြဖို့အတွက် လွှတ်တော်အမတ်တွေ နေပြည်တော်မှာ ရောက်ရှိနေကြပါပြီ။ လွှတ်တော် ကျင်းပတော့မယ် ဆိုပေမဲ့ သတင်းထောက်တွေ လွှတ်တော်တွင်း ၀င်ရောက် သတင်းယူခွင့်ကိုတော့ စစ်အစိုးရက အခုချိန်ထိ မပေးသေးပါဘူး။ လွှတ်တော်တက်ကြမယ့် အမတ်တွေ လွှတ်တော် အစည်းအဝေးအတွက် ဘာတွေပြင်ဆင်နေကြသလဲ ဆိုတာနဲ့ လွှတ်တော်သတင်း ယူကြမယ့် သတင်းထောက်တွေ ဘယ်လို သတင်းရယူကြမလဲ ဆိုတာတွေကို မသိင်္ဂီထိုက်က စုံစမ်းမေးမြန်းပြီး တင်ပြပေးထားပါတယ်။

ဇန်န၀ါရီလ ၃၁ ရက်နေ့ မနက် ၈ နာရီ ၅၅ မိနစ်မှာ လွှတ်တော် အစည်းအဝေးတွေကို တနိုင်ငံလုံးက လွှတ်တော် အစည်းအဝေး ခန်းမတွေမှာ စတင်တော့မှာ ဖြစ်ပါတယ်။ အမျိုးသားလွှတ်တော်နဲ့ ပြည်သူ့လွှတ်တော် အမတ်တွေက နေပြည်တော်မှာ လွှတ်တော် အစည်းအဝေးတွေ တက်ရောက်ကြရမှာ ဖြစ်ပြီးတော့ ပြည်နယ်၊ တိုင်းဒေသကြီး လွှတ်တော် အမတ်တွေကတော့ သက်ဆိုင်ရာ ပြည်နယ်တွေ၊ တိုင်းတွေမှာ လွှတ်တော် အစည်းအဝေး တက်ရောက်ကြရမှာ ဖြစ်ပါတယ်။

မနက်ဖြန် လွှတ်တော်မှာတော့ သက်ဆိုင်ရာ လွှတ်တော် သဘာပတိကို ရွေးချယ်ရမှာ ဖြစ်တယ်လို့ ရန်ကုန်တိုင်း မဲဆန္ဒနယ် အမှတ် ၃ က အမျိုးသား လွှတ်တော်ကိုယ်စားလှယ် ဦးဖုန်းမြင့်အောင်က ပြောပါတယ်။

“မနက်ဖြန် စတက်တက်ချင်း လွှတ်တော်ရဲ့ ပထမဆုံး အစကိုး၊ စပြီးတော့ လွှတ်တော်ဥက္ကဋ္ဌ မရှိသေးဘူး။ ကျနော်တို့ ပထမဦးဆုံး ကိုယ်စားလှယ်တွေထဲက သဘာပတိကို ရွေးမယ်၊ သဘာပတိက ကြီးမှူးပြီး လွှတ်တော်ကို ကျင်းပမယ်။ လွှတ်တော်ကျင်းပတဲ့ အချိန်မှာ သဘာပတိ ရှေ့မှာပဲ ကျနော်တို့ ကတိသစ္စာပြုမယ်ပေါ့။ သူ့ဥပဒေအရ ကတိသစ္စာပြုပြီးမှ ကျနော်တို့က စပြီး ဥပဒေအရ အကျုံးဝင်သွားတာပေါ့။ ပြီးတော့မှ သဘာပတိ ကြီးမှူးပြီးတော့ ကျနော်တို့ လွှတ်တော် ကိုယ်စားလှယ်တွေထဲက လွှတ်တော်ဥက္ကဋ္ဌ တယောက်ကို ရွေးပါမယ်။”

လွှတ်တော်အမတ်တွေက အမည်စာရင်း တင်သွင်းလာတဲ့ လွှတ်တော် သဘာပတိလောင်းတွေထဲက တယောက်ကို မဲပေး ရွေးချယ်ရမှာ ဖြစ်ပါတယ်။ ဒီကတဆင့် ရွေးကောက်ခံရတဲ့ လွှတ်တော် သဘာပတိက လွှတ်တော် အစည်းအဝေးတွေကို တာဝန်ယူ လုပ်ဆောင်ရမှာ ဖြစ်ပါတယ်။ နေပြည်တော်မှာ လွှတ်တော်တက်ဖို့ ရောက်ရှိနေတဲ့ ရခိုင်တိုင်းရင်းသားများ တိုးတက်ရေးပါတီ ဥက္ကဋ္ဌ ဒေါက်တာ အေးမောင်က အခုလို ပြောပါတယ်။

“အဆိုပြုမယ်၊ အဲဒါကို မဲခွဲဆုံးဖြတ်မယ်၊ အများလက်ခံရင် အဲဒီပုဂ္ဂိုလ်က သဘာပတိ ဖြစ်မှာပေါ့ဗျာ။ သဘာပတိရဲ့ ရှေ့မှောက်မှာ ကျနော်တို့က ဥက္ကဋ္ဌတို့၊ ဒုတိယ ဥက္ကဋ္ဌတို့ကို ပြန်ရွေးကြမယ်။ အဲဒီမှာ ဥက္ကဋ္ဌ ဘယ်သူ့ကိုဖြင့် ဘယ်သူက အဆိုပြုပါတယ်၊ အဆိုပြုတဲ့ ပုဂ္ဂိုလ်ကလည်း အဆိုမပြုခင်မှာ အဆိုပြုခံမယ့် ပုဂ္ဂိုလ်က လက်ခံမယ့်အကြောင်း သဘောတူညီချက် ရပြီးမှ ဆက်အဆိုပြုရမှာပေါ့။ ဒါ သဘာပတိ ဖြေရှင်းရမှာပေါ့။ အဲဒီမှာ မဲခွဲ ဆုံးဖြတ်မယ်။ အဲဒီပုံစံအတိုင်းပဲ ဒုတိယပိုင်းမှာလည်း ဒီအတိုင်းပဲ သွားမှာပါ။”

အခုကျင်းပမယ့် လွှတ်တော် သုံးရပ်ထဲမှာ လက်ရှိ စစ်အစိုးရပါတီ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက ပြည်သူ့လွှတ်တော်မှာ ၈၀%၊ အမျိုးသား လွှတ်တော်မှာ ၇၅% ကျော်၊ ပြည်နယ်၊ တိုင်းဒေသကြီး လွှတ်တော်မှာလည်း ၇၅% ခန့်နဲ့ လွှတ်တော်အမတ် အားလုံးရဲ့ လေးပုံ သုံးပုံ နေရာကို ရယူထားတဲ့အတွက် မဲခွဲ ဆုံးဖြတ်မှုတိုင်းမှာ အသာစီး ရရှိနေမှာ ဖြစ်တယ်လို့ လွှတ်တော်အမတ်တွေက ပြောပါတယ်။

ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက အမတ်နေရာ အများစု ဖြစ်နေသလိုပဲ စစ်ဦးစီးချုပ်က အမည်ပေး တင်သွင်းတဲ့ စစ်သား လွှတ်တော်အမတ် ၃၈၈ ဦးကလည်း လွှတ်တော်ထဲမှာ ရှိနေပါသေးတယ်။

လူနည်းစု အနိုင်ရ လွှတ်တော်အမတ်တွေ အနေနဲ့ လွှတ်တော်ထဲ မဲခွဲ ဆုံးဖြတ်မှုမှာတော့ သိသိသာသာ အားနည်းနိုင်တယ်လို့ အမျိုးသား ဒီမိုကရေစီ အင်အားစု ပါတီက လွှတ်တော်အမတ် ဦးဖုန်းမြင့်အောင်က ဆိုပါတယ်။

“အင်အားကြီး ပါတီတွေကတော့ အဓိက ဆန္ဒပြုပွဲတွေမှာ သုံးခွင့်ရှိပါတယ်၊ ကိုယ်တိုင် လူသိရှင်ကြား မတ်တပ်ရပ်ပြီး ဆန္ဒပြုတာ တမျိုး၊ မဲပုံးနဲ့ မဲပေးရတာ တမျိုး၊ စက်ခလုပ်နှိပ်ပြီး မဲပေးရတာ တမျိုးပေါ့လေ။ ဆန္ဒမဲပေး ရွေးချယ်တဲ့ စနစ်ကတော့ ၃ မျိုးဗျာ။ အဲဒီတော့ ဘာမဆို လွှတ်တော်က ဆုံးဖြတ်တဲ့ အခါမှာ ဆန္ဒမဲနဲ့ ဆုံးဖြတ်မှာဆိုတော့ ဆန္ဒမဲ များတဲ့ပါတီတွေ၊ စည်းလုံးတဲ့ ပါတီတွေကတော့ အားသာချက် အပြည့်ရှိတာပေါ့ဗျာ။”

လွှတ်တော်တွင်း သတင်းထောက်တွေ ၀င်ရောက် သတင်းရယူခွင့်လည်း စစ်အစိုးရက ကန့်သတ်ထားတာကြောင့် လွှတ်တော်အမတ်တွေ တည်းခိုရာ ဟိုတယ်တွေမှာ လိုက်လံ သတင်းရယူနေရတယ်လို့ နေပြည်တော်မှာ ရောက်ရှိနေတဲ့ သတင်းထောက်တွေက ပြောပါတယ်။

လွှတ်တော် အစည်းအဝေးတွေ ခေါ်ယူတော့မယ့် အချိန် နေပြည်တော်မှာ လွှတ်တော်အမတ်တွေ တည်းခိုရာ နေရာတွေကို စစ်အစိုးရက လုံခြုံရေး တင်းကျပ်ထားတဲ့အတွက် သတင်းရယူလိုသူတွေက လုံခြုံရေး အစောင့်တွေထံမှာ ကိုယ်ရေး အချက်အလက် ဖြည့်သွင်းပြီး လွှတ်တော်အမတ်တွေနဲ့ တွေ့ဆုံခွင့် တောင်းခံ သတင်းရယူနေရတယ်လို့လည်း နေပြည်တော်မှာ ရောက်ရှိနေတဲ့ သတင်းထောက်တွေနဲ့ လွှတ်တော်အမတ်တွေက ပြောပါတယ်။

Find this article at:
http://www.voanews.com/burmese/news/myanmar-new-parliament-114896279.html

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

NLD အင်တာနက် ၀က်ဘ်ဆိုက်ဒ် စတင်ဖွင့်လှစ်

NLD အင်တာနက် ၀က်ဘ်ဆိုက်ဒ် စတင်ဖွင့်လှစ်

By ဗွီအိုအေ (မြန်မာဌာန)
တနင်္ဂနွေ, 30 ဇန်နဝါရီ 2011
ပြည်တွင်း ပြည်ပ ပြည်သူ့ကွန်ယက် ဖွဲ့ရာမှာ ဆက်သွယ်ရေး လမ်းကြောင်း ကောင်းမွန် ကျယ်ပြန့်တာက အဓိက ဖြစ်ပါတယ်လို့ ဒေါ်အောင်ဆန်းစုကြည်က ဒီနေ့ စတင်လိုက်တဲ့ အမျိုးသား ဒီမိုကရေစီ အဖွဲ့ချုပ်ရဲ့ အင်တာနက် စာမျက်နှာမှာ ပြောဆိုလိုက်ပါတယ်။

NLD ၀က်ဘ်ဆိုက်ဒ်ကို ပေးပို့တဲ့ နှုတ်ခွန်းစကားထဲမှာ ဒေါ်အောင်ဆန်းစုကြည်က အခုလို ပြောထားတာပါ။

အမျိုးသား ဒီမိုကရေစီ အဖွဲ့ချုပ်ရဲ့ မူဝါဒတွေနဲ့ လှုပ်ရှားမှုတွေကို ဒီအင်တာနက် စာမျက်နှာကနေ ကမ္ဘာတ၀န်း သိအောင် ဆောင်ရွက်သွားမှာ ဖြစ်တယ်လို့ NLD အလုပ်အမှုဆောင် အဖွဲ့ဝင် ပြန်ကြားရေး တာဝန်ခံ ဦးအုန်းကြိုင်က ဆိုပါတယ်။ ဒါပေမဲ့ ဒီ အင်တာနက် စာမျက်နှာကို အမျိုးသား ဒီမိုကရေစီ အဖွဲ့ချုပ်က လုပ်ကိုင်တာတော့ မဟုတ်ဘူးလို့လည်း သူက ဗွီအိုအေကို ပြောပါတယ်။

ဒေါ်အောင်ဆန်းစုကြည်ကတော့ ဒီ အင်တာနက် စာမျက်နှာက ဆက်သွယ်ကြခြင်းအားဖြင့် ဒီမိုကရေစီ ပြည်ထောင်စုကြီး ပိုပြီး မြန်မြန် ပေါ်ထွန်းလာလိမ့်မယ်လို့ ထင်မြင်တဲ့အကြောင်း နှုတ်ခွန်းဆက် စကားထဲမှာ ပြောကြားသွားခဲ့တာပါ။

အင်တာနက် စာမျက်နှာ လိပ်စာကတော့ www.nldburma.org ဖြစ်ပြီး အင်္ဂလိပ်၊ မြန်မာ နှစ်ဘာသာနဲ့ တင်ထားတာကို တွေ့ရပါတယ်။

Find this article at:
http://www.voanews.com/burmese/news/nld-website-114896549.html

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

ကန်ပက်လက်တွင်ဆန်ဝေ ဆန်မရသူများရှိနေ

Source Picture from http://www.voaburmese.blogspot.com

ကန်ပက်လက်တွင် အန်အယ်လ်ဒီအဖွဲ့ချုပ်က ဆန်ဝေ၊ မရသူများလည်း ရှိနေဆဲ

Source from http://burmese.dvb.no/news.php?id=13516

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

ပဒိုမန်းငြိမ်းမောင်နှင့် တွေ့ဆုံမေးမြန်းချက်

ပဒိုမန်းငြိမ်းမောင်နှင့် တွေ့ဆုံမေးမြန်းချက်

2011-01-25

တကျွန်းပြန် နိုင်ငံရေး အကျဉ်းသားဟောင်း ပဒိုမန်းငြိမ်းမောင်ရဲ့ ကိုကိုးကျွန်းအတွေ့အကြုံတွေနဲ့ သူရဲ့ ထောင်တွင်း အတွေ့အကြုံတွေကို တွေ့ဆုံ မေးမြန်းထားပါတယ်။

Source Video from
http://www.rfa.org/burmese/multimedia/interview_with_mahn_nyein_maung-01252011074716.html မှရယူသည်၊
ကျေးဇူးတင်ပါသည်၊

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

Win Pe's Bag

Win Pe's Bag





Source Audio from http://www.bbcburmese.com

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

ဒေါ်အောင်ဆန်းစုကြည် သ၀ဏ်လွှာ

Source Photo from http://www.bbcburmese.com

ကမ္ဘာ့ စီးပွားရေး ညီလာခံကို

ဒေါ်အောင်ဆန်းစုကြည် သ၀ဏ်လွှာပေးပို့

2011-01-29

ကမ္ဘာ့အသိုင်းအ၀ိုင်းမှာ တက်တက်ကြွကြွ ပါဝင် နိုင်ဖို့အတွက် မြန်မာနိုင်ငံမှာ အမျိုးသား ရင်ကြားစေ့ရေး၊ နိုင်ငံရေး တည်ငြိမ်မှုနဲ့ စီးပွားရေး ဖွံ့ဖြိုး တိုးတက်မှုတွေ ရရှိဖို့ လိုအပ်ကြောင်း ဆွစ်ဇာလန်နိုင်ငံ Davos မြို့မှာ ကျင်းပနေတဲ့ ကမ္ဘာ့ စီးပွားရေးညီလာခံကို ပေးပို့တဲ့ သဝဏ်လွှာမှာ ဒေါ်အောင်ဆန်းစုကြည်က ထည့်သွင်းပြောကြားလိုက်ပါတယ်၊

ပွင့်လင်းမြင်သာမှု၊ တာဝန်ခံမှု၊ ယုံကြည် ကိုးစားထိုက်မှု ဆိုတဲ့ အစိုးရကောင်းတရပ်ရဲ့ ဂုဏ်အင်္ဂါတွေ ပြည့်စုံနိုင်ရေးအတွက် အမျိုးသားရင်ကြားစေ့ရေးနဲ့ နိုင်ငံရေး တည်ငြိမ်မှုရှိဖို့ အရေးကြီးကြောင်းနဲ့ ဒီအချက်နှစ်ချက် မရှိဘူးဆိုရင် လူမှုရေးနဲ့ စီးပွားရေး ဖွံ့ဖြိုး တိုးတက်ဖို့ ဆိုတာဟာ စိတ်ကူးယဉ် သက်သက်သာ ဖြစ်ပါလိမ့်မယ်လို့ ဒေါ်အောင်ဆန်းစုကြည်က ပြောကြားပါတယ်။

မြန်မာပြည်သူ ၅၅ သန်း ကိုယ်စား ညီလာခံကို မိမိ ပြောကြားလိုတာကတော့ မိမိတို့အနေနဲ့ စီးပွားရေး၊ လူမှုရေးရာ ကိစ္စတွေမှာ ကမ္ဘာ့အသိုင်းအဝိုင်းနဲ့ တဆက်တစပ်တည်း ရှိနေရုံသာမက မြန်မာပြည်သူတွေရဲ့ လိုလားချက်တွေကို စွမ်းဆောင်ဖြည့်ဆည်းပေးနိုင်မယ့် ပြည်တွင်းနိုင်ငံရေး တည်ငြိမ်မှုနဲ့ အမျိုးသား ရင်ကြားစေ့ရေး အင်မတန် ရရှိလိုပါကြောင်း၊ လွန်ခဲ့တဲ့ နှစ် ၅ဝ ကျော် ကာလအတွင်း မိမိတို့နိုင်ငံမှာ နိုင်ငံရေး ပဋိပက္ခတွေကြောင့် အခွင့်အရေးတွေ အများအပြား လက်လွှတ် ဆုံးရှူံးခဲ့ရကြောင်း ဒေါ်အောင်ဆန်းစုကြည်က သ၀ဏ်လွှာမှာ ထည့်သွင်း ပြောဆိုထားပါတယ်။

ဒ့ါပြင်လည်း မြန်မာနိုင်ငံဟာ သဘာဝ သယံဇာတ ပေါကြွယ်ဝပေမယ့် အိမ်နီးချင်းနိုင်ငံတွေနဲ့ ယှဉ်လိုက်တဲ့အခါ နောက်ကျ ကျန်ရစ်ခဲ့ကြောင်း၊ နှစ်စဉ် ပြည်တွင်းထုတ်ကုန် စုစုပေါင်းတန်ဖိုးရဲ့ ၄ဝ ရာခိုင်နှုန်းကို အစိုးရက စစ်စရိတ်အဖြစ် သုံးစွဲနေပြီး ကျန်းမာရေးနဲ့ ပညာရေးအတွက်ကိုတော့ ၂ ရာခိုင်နှုန်းလောက်သာ အသုံးပြုတဲ့ အကြောင်း၊ မြန်မာလူငယ်တွေဟာ အခုအစည်းအဝေးကို တက်ရောက်လာကြတဲ့ တချို့သော ခေါင်းဆောင်တွေလိုပဲ ကမ္ဘာ့ လူငယ်ခေါင်းဆောင် ဖြစ်လာနိုင်မယ့် ပညာတွေ လိုအပ်နေကြောင်း စသဖြင့် ဒေါ်အောင်ဆန်းစုကြည်က သဝဏ်လွှာမှာ ထည်သွင်း ပြောဆိုထားပါတယ်။

ပြည်ပ ရင်းနှီးမြုပ်နှံမှုနဲ့ ပတ်သက်လို့ ပြောဆိုရာမှာ “မြန်မာနိုင်ငံမှာ လက်ရှိ ရင်းနှီးမြှုပ်နှံနေသူတွေရော ရင်းနှီးမြှုပ်နှံဖို့ စဉ်းစားနေသူတွေပါ - ဥပဒေ လေးစားလိုက်နာမှု၊ ပတ်ဝန်းကျင်နဲ့ လူမှုရေးကဏ္ဍ၊ အလုပ်သမား အခွင့်အရေး၊ အလုပ်အကိုင်ဖန်တီးမှု၊ နည်းပညာ ကျွမ်းကျင်မှု မြှင့်တင်ရေး စတာတွေကို တန်ဖိုးထား လုပ်ဆောင်ကြပါလို့ မိမိအနေနဲ့ မေတ္တာရပ်ခံလိုကြောင်း ဒေါ်အောင်ဆန်းစုကြည်က ထည့်သွင်း ပြောကြားသွားပါတယ်။

Copyright © 1998-2011 Radio Free Asia. All rights reserved.



Source Audio from http://www.bbcburmese.com

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

မဖိတ်လည်း သွားမည်

မီဒီယာ ဆိုတာ ခွင့်ပြုရတာ လွယ်တယ်၊ ထိန်းချုပ်ဖို့ ခက်တယ်
Source Photo from http://www.bbcburmese.com

မဖိတ်သော်လည်း

သတင်းထောက်တချို့ နေပြည်တော်သွားမည်

By မသင်းသီရိ
စနေ, 29 ဇန်နဝါရီ 2011

ဇန်န၀ါရီ (၃၁) ရက် တနင်္လာနေ့ကျရင် ကျင်းပမယ့် လွှတ်တော်ဖွင့်ပွဲကို သတင်းယူဖို့အတွက် နေပြည်တော်ကို သွားဖို့ သတင်းသမားတွေ စီစဉ်နေကြပါတယ်။ လွှတ်တော်ဖွင့်ပွဲသတင်းကို ရယူနိုင်ဖို့အတွက် ပြန်ကြားရေး ၀န်ကြီးဌာနကို ဆက်သွယ်မေးမြန်းပေမဲ့လည်း ဘာမှအကြောင်းပြန်ကြားခြင်း မရှိတာကြောင့် ကိုယ့်အစီအစဉ်နဲ့ကိုယ် သတင်းယူကြဖို့ စီစဉ်နေတယ်လို့ သတင်းထောက်တွေက ပြောပါတယ်။ ဒီအခြေအနေ အပြည့်အစုံကိုတော့ မသင်းသီရိက တင်ပြထားပါတယ်။

နှစ်ပေါင်း ၂၀ ကျော်တွင်း ပထမဆုံးအကြိမ်ကျင်းပမယ့် လွှတ်တော်ဖွင့်ပွဲကို အစိုးရက သတင်းသမားတွေကို မဖိတ်ပေမဲ့ သတင်းရယူနိုင်ဖို့အတွက် ၃၁ ရက်နေ့မတိုင်ခင် နေပြည်တော်သွားဖို့ သတင်းထောက်တွေ စီစဉ်နေကြပါတယ်။ အထူးသဖြင့် နိုင်ငံခြားသတင်းဌာနတွေ အတွက် အခြေစိုက်လုပ်ကိုင်ပေးနေတဲ့ ပြည်တွင်းက သတင်းထောက်တွေက ကိုယ့်အစီအစဉ်နဲ့ကိုယ် နေပြည်တော်မှာ သတင်းသွားယူဖို့ ဒီကနေ့ နိုင်ငံခြား သတင်းထောက်များအသင်းမှာ အထူးအစည်းဝေးတခု လုပ်ပြီး ဆုံးဖြတ်ခဲ့ကြတယ်လို့ နိုင်ငံခြား သတင်းဌာနတခုရဲ့ သတင်းထောက်တဦးလည်း ဖြစ် စာပေစာနယ်ဇင်း အဖွဲ့ရဲ့ အတွင်းရေးမှူးလည်းဖြစ်တဲ့ ကိုကို (စက်မှု) ကပြောပါတယ်။

“နိုင်ငံခြားသတင်းထောက်အသင်းကလည်း ဖွင့်ပွဲကို တရားဝင် ဖိတ်ကြားထားခြင်း မခံရသေးပါဘူး။ သို့သော် နိုင်ငံခြားသတင်းထောက် ၁၈ ဦးက မိမိတို့အစီအစဉ်နဲ့ပဲ မိမိတို့ နေပြည်တော်သွားပြီးတော့ သတင်းတွေ ရယူဖို့ရှိပါတယ်။ အဲဒီတော့ သွားယူမယ်ဆိုတာက လုံခြုံရေး စည်းခြားထားတဲ့နေရာတွေ၊ ပေးယူခွင့်မရတဲ့ နေရာတွေမှာ ယူခွင့်မရသော်ငြားလည်း လုံခြုံရေးစည်း အပြင်ဘက်ပေါ့လေ၊ လွှတ်တော်ကိုယ်စားလှယ်တွေ တည်းခိုတဲ့နေရာတွေမှာ သူတို့ဝင်ခါနီး၊ ဒါမှမဟုတ်ရင်လည်း သူတို့ ပြန်ထွက်လာတဲ့အချိန်မှာ သူတို့နဲ့ မေးမြန်းတာတွေ၊ သူတို့ရဲ့ comment တွေ၊ နောက်တခါ လွှတ်တော်ကျင်းပတော့မယ့် အခြေအနေမှာရှိတဲ့ အထွေထွေပေါ့လေ။ general မြင်ကွင်းတွေပေါ့လေ။ ဒါတွေကို ကျနော်တို့က witness အနေနဲ့မြင်အောင် နေပြီးတော့ သတင်းရေးသွားဖို့ အတွက်ကတော့ သီးခြားအစီအစဉ်တွေနဲ့သွားဖို့ ကျနော်တို့ ဆုံးဖြတ်ထားတာ ရှိပါတယ်။”
အလားတူ ပြည်တွင်းအခြေစိုက် သတင်းဂျာနယ်တွေအတွက်လည်း မကြာသေးခင်ကမှ ဖွဲ့စည်းလိုက်တဲ့ သတင်းသမားတွေအကျိုးဆောင်ရွက်မယ့် CPC အဖွဲ့က ပြန်ကြားရေးဌာနကို မေးမြန်းပေမဲ့ ဒီနေ့ထိ ဘာမှအကြောင်းမပြန်ဘူးလို့ ပြောပါတယ်။

“ပြည်တွင်းသတင်းထောက်တွေ သတင်းယူဖို့တော့ ကျနော်တို့ CPC အနေနဲ့တော့ ပြန်ကြားရေးဝန်ကြီးဌာနနဲ့ ညှိနှိုင်းတုန်းပဲ ရှိပါသေးတယ်။ ခုထက်ထိ မေးတုန်းပဲရှိပါတယ်။ အကြောင်းပြန်ကြားခြင်း မရှိသေးပါဘူး။ အဲဒီတော့ ကျနော် ထင်တာကတော့ မနက်ဖြန် မနက်ပိုင်းလောက်ဆိုရင်တော့ ကျနော်တို့ တကယ်ကို yes-no သိရပါလိမ့်မယ်။ လောလောဆယ် အနေအထားအရပြောရင်တော့ ခုထိ အကြောင်းပြန်ကြားခြင်း မရှိသေးတဲ့ အတွက်ကြောင့် ကျနော်တို့ စိတ်ထဲမှာထင်တာကတော့ သတင်းဖွင့်ပွဲအတွက်ပေါ့နော်၊ အဓိကဖွင့်ပွဲအတွက် သတင်းရယူခွင့်ကတော့ ကျနော်တို့ အင်မတန်မှ နည်းသွားပြီလို့ တွက်ဆလို့ရပါတယ် ခင်ဗျ။”

တကယ်တော့ မြန်မာစစ်အစိုးရအနေနဲ့ အရပ်သားအစိုးတရပ်အဖြစ် ပြောင်းလဲဖို့ ကြိုးစားခဲ့ရာမှာ ရွေးကောက်ပွဲအပြီး အခုပေါ်ပေါက်လာတဲ့ လွှတ်တော်ရဲ့ ဖွင့်ပွဲသတင်းတွေကို ဘာကြောင့် သတင်းယူခွင့် မပေးတာပါလဲ ဆိုတဲ့မေးခွန်းကိုတော့ -

“တခုခုရဲ့ အကြောင်းရင်းမှာ ကျနော်တို့ သူရဲ့ reason တခုတော့ နောက်ကွယ်မှာ ရှိလိမ့်မယ်လို့ ထင်တယ်။ အဲဒီ reason ကိုတော့ ကျနော်တို့က ခန့်မှန်းဖို့ခက်တယ်။ အဲဒီတော့ ကျနော်ကတော့ လုံခြုံရေးကြောင်းလား၊ တခြား အကြောင်းပြချက်တွေပဲ ရှိလားတော့ မသိဘူး။ သို့သော် ဖိတ်ဖို့ကောင်းတဲ့ဟာတခုကို မဖိတ်ဘဲထားခြင်းကတော့ အကြောင်းပြချက်ကတော့ ခိုင်လုံသော အကြောင်းပြချက်တခု ရှိလိမ့်မယ်လို့တော့ ကျနော် ထင်ပါတယ်။ ကျနော်တို့ သတင်းသမားကတော့ ရတဲ့အခွင့်အရေးတခုမှာတော့ ရတဲ့ဘောင်ထဲကနေ လုပ်ကြမှာပဲခင်ဗျ။ ဥပမာ - ဗီယက်နန် ကွန်မြူနစ်ညီလာခံ၊ တရုတ် ကွန်မြူနစ် ညီလာခံတွေမှာ သတင်းယူနေကြတာတွေတောင် ကျနော်တို့ မြင်တယ်။ သို့သော် ဒီမှာ ပေးမယူဘူး။ ဒါ ပထမဆုံး အတွေ့အကြုံအရလည်း ဖြစ်နိုင်တယ်။ နောက်တခုက ကျနော်တို့က ဒီမိုကရေစီ အရပ်သားအစိုးရ တရပ်ကတော့ မပေါ်ထွန်းသေးဘူးဗျ။ အခု ကျနော်တို့ ပထမနေ့မှာ။ ဒုတိယနေ့ကတော့ တပ်မတော် အစိုးရရဲ့ စီမံခန့်ခွဲမှုအောက်မှာပဲ ဆက်လက်ရှိနေတယ်လို့ ကျနော်တို့ ယူဆတယ်။ အဲဒီအတွက်ကြောင့်လဲ တပ်မတော်အစိုးရဆိုတော့ ကျနော်တို့ ခုနကပြောသလို ဒီမိုကရေစီရဲ့ စံနှုန်းစံထားတွေအတိုင်း အပြည့်အ၀ နှိုင်းယှဉ်ချိန်ထိုးပြီးတော့တော့ ကျနော်တို့ စဉ်းစားလို့ရဦးမယ်လို့ မထင်ဘူးခင်ဗျ။”

စာပေစာနယ်ဇင်း အတွင်းရေးမှူး ကိုကို (စက်မှု) ပြောပြခဲ့တာပါ။ မြန်မာစစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေကလည်း သတင်းမီဒီယာတွေကို သတင်းယူရန်ဖို့ လွယ်ကူပေမဲ့ သူတို့ကိုထိန်းချုပ်ဖို့ ခက်ခဲတယ်လို့ ပြောတဲ့အကြောင်း ပြန်ကြားရေး ၀န်ကြီးဌာနမှ အဆင့်မြင့် အရာရှိတဦးက ပြန်ပြောထားတာကို ပြည်ပအခြေစိုက် ဧရာဝတီသတင်းဌာနရဲ့ အင်တာနက်စာမျက်နှာမှာလည်း ဖော်ပြထားပါတယ်။

Find this article at:
http://www.voanews.com/burmese/news/Burma-new-parliament-media-01-29-11-114857139.html



Source Audio from http://www.bbcburmese.com

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

SPDC စစ်ခေါင်းဆောင်များအား ICC တွင် တရားစွဲနိုင်ရေး WLB ကြိုးပမ်းသွားမည်

October 17, 2008—New York, NY
Source Photo from
http://www.cfr.org/thinktank/projects.html?page=3

နအဖ စစ်ခေါင်းဆောင်များအား ICC တွင်

တရားစွဲနိုင်ရေး

WLB ကြိုးပမ်းသွားမည်

ကေအိုင်စီ
ဇန်န၀ါရီလ ၂၈ရက်။
အမျိုးသမီးများအပေါ် လိင်ပိုင်းဆိုင်ရာ အကြမ်းဖက်မှုများနှင့် စစ်ရာဇ၀တ်မှုများကို ကျူးလွန်ခွင့်ပြုနေသည့် ဗိုလ်ချုပ်မှူးကြီး သန်းရွှေနှင့် နအဖ စစ်ခေါင်းဆောင်များအား နိုင်ငံတကာ ရာဇ၀တ်မှုဆိုင်ရာ တရားခုံရုံးတွင် တရားစွဲဆိုနိုင်ရန်အတွက် ဆက် လက် ကြိုးပမ်းသွားမည်ဟု အမျိုးသမီးများအဖွဲ့ချုပ်(မြန်မာနိုင်ငံ) WLB က ယမန်နေ့တွင် ထုတ်ပြန်ပြောဆိုလိုက်သည်။

WLB အထွေထွေအတွင်းရေးမှူး မတင်တင်ညိုက “ဒီနအဖ စစ်အစိုးရက တိုင်းရင်းသားဒေသတွေမှာ အမျိုးသမီးတွေအပေါ် ရာဇ ၀တ်မှု ကျူးလွန်ခွင့်ပေးနေတာကို ကျမတို့ လက်မခံနိုင်ဘူး။ ဒါတွေကို ကျမတို့က နိုင်ငံတကာ ခရီးစဉ်တိုင်းမှာ ပြောသွားမယ်။ ICC ကိစ္စကို လုပ်နေတဲ့ နိုင်ငံတကာအဖွဲ့အစည်းတွေနဲ့လည်း လုပ်ခဲ့တာတွေ ရှိတယ်။ နိုင်ငံတော်တော်များများကလည်း ကျမတို့ရဲ့ လုပ်ဆောင်ချက်တွေကို အသိအမှတ်ပြုလာတာ တွေ့ရတယ်။ စစ်အုပ်စုမပြိုကွဲသရွေ့ အမျိုးသမီးတွေဟာ ဒီလိုပဲ ခံစားနေရမှာပဲ လေ။ ဒါဟာ ရေရှည်လုပ်ရမဲ့ လုပ်ငန်းစဉ်မို့လို့ ကျမတို့အနေနဲ့ တဆင့်ချင်းလုပ်ဆောင်သွားမယ်။”ဟု ကေအိုင်စီကို ပြောသည်။

ယခုနှစ် ဇန်န၀ါရီလ ၂၄ရက်မှ ၂၆ရက်အထိ ဆဌမအကြိမ်မြောက် WLB ညီလာခံကို ထိုင်း-မြန်မာနယ်စပ် တနေရာတွင် ကျင်းပခဲ့ရာ နအဖ စစ်အစိုးရ၏ ပြည်သူလူထုအပေါ် နည်းမျိုးစုံဖြင့် လူ့အခွင့်အရေး ဆက်လက် ချိုးဖောက်နေမှုများအား စုံစမ်းစစ်ဆေးရန် အတွက် ကုလသမဂ္ဂ စုံစမ်းစစ်ဆေးရေး ကော်မရှင်တရပ် ဖွဲ့စည်းဖြစ်ပေါ်လာနိုင်စေရန် နိုင်ငံတကာ၏ ထောက်ခံအားပေးမှု ပိုမို ရရှိစေရေးအတွက် WLB အနေဖြင့် စည်းရုံးလှုံ့ဆော်မှုများ ဆက်လက်လုပ်ဆောင်သွားရန် ဆုံးဖြတ်ခဲ့သည်ဟု သိရသည်။

WLB သည် ပြီးခဲ့သည့် ၂၀၁၀ခုနှစ်၊ မတ်လနှင့် ဇွန်လများတွင် အမေရိကန်နိုင်ငံနှင့် ဂျပန်နိုင်ငံများ၌ နိုဘဲလ်ငြိမ်းချမ်းရေးဆုရှင်အချို့ နှင့် ပူးပေါင်းကာ စစ်အစိုးရတပ်၏ လူ့အခွင့်အရေး ချိုးဖောက်ခံခဲ့ရသူ အမျိုးသမီး၏ သက်သေထွက်ဆိုချက်များ ပါဝင်သည့် အသွင် သဏ္ဍာန်တူ နိုင်ငံတကာခုံရုံးပုံစံမျိုး လုပ်ဆောင်ခဲ့သေးသည်။

၎င်းအပြင် မြန်မာနိုင်ငံရှေ့နေများကောင်စီ(BLC)၊ International Justice Center တို့နှင့်လည်း ပူးပေါင်းကာ နအဖ စစ်အစိုးရကို နိုင်ငံတကာ စစ်ခုံရုံးတင်နိုင်ရန် WLB အနေဖြင့် ဆက်စပ်လုပ်ဆောင်ခဲ့သလို စစ်အာဏာရှင်စနစ် ပြုတ်ကျရေး၊ ဒီမိုကရေစီရေး၊ စစ်မှန်သော ဖက်ဒရယ်ပြည်ထောင်စု တည်ဆောက်ရေးတို့အတွက် အဖွဲ့ချုပ်၏ မူဝါဒနှင့် ကိုက်ညီသော နိုင်ငံရေးဆောင်ရွက် ချက်များကို အခြားမဟာမိတ် နိုင်ငံရေးအင်အားစုများနှင့် လက်တွဲဖော်ဆောင်သွားမည်ဟု ထုတ်ပြန်ချက်တွင် ဖော်ပြထားသည်။

WLB က စစ်အစိုးရ၏ ၂၀၀၈ ဖွဲ့စည်းပုံနှင့် ၂၀၁၀ ရွေးကောက်ပွဲတို့မှ ထွက်ပေါ်လာမည့် ဟန်ပြအရပ်သား အစိုးရသစ်တရပ် သည် တိုင်းပြည်အတွက် စစ်မှန်သည့် နိုင်ငံ ရေး ပြုပြင်ပြောင်းလဲမှုကို ဖေါ်ဆောင်ပေးနိုင်မည် မဟုတ်ဟု ရှုမြင်သုံးသပ်ခဲ့သလို ငြိမ်းချမ်းရေးနှင့် ပြန်လည်သင့်မြတ်ရေးလုပ်ငန်းစဉ်၊ အမျိုးသမီးများ အကြမ်းဖက်မှုဆန့်ကျင်ရေး လုပ်ငန်းစဉ်၊ အမျိုးသမီးများ နိုင်ငံရေးစွမ်းရည်မြှင့်တင်ရေး လုပ်ငန်းစဉ်သုံးခုကို အကောင်အထည်ဖော်ဆောင်ရွက်ရာ၌ မီဒီယာကို နည်းဗျူဟာတခုအဖြစ် အသုံးပြုသွားရန်အပြင် ပြည်တွင်းစည်းရုံးရေးလုပ်ငန်းများကို အရှိန်မြှင့်လုပ်ဆောင်သွားရန်လည်း ဆုံးဖြတ်ခဲ့ကြသည်။

၁၉၉၉ခုနှစ်၊ ဒီဇင်ဘာလ ၉ရက်နေ့က မြန်မာတိုင်းရင်းသူ အမျိုးသမီးအဖွဲ့ ၁၂ဖွဲ့ဖြင့် စုပေါင်းဖွဲ့စည်းထားခဲ့သည့် WLB သည် ယခု ဆဌမအကြိမ်ညီလာခံတွင် ကယန်းအမျိုးသမီးများအစည်းအရုံး(KyWO)ကို အဖွဲ့ဝင်သစ်အဖြစ် ကြိုဆိုလက်ခံခဲ့သည်။ ထိုကြို ဆိုမှုအပေါ် မတင်တင်ညိုက “လူမျိုးစုတွေ အများကြီးရှိတဲ့ ကျမတို့နိုင်ငံမှာ အမျိုးသမီးတွေရဲ့ စည်းလုံးမှုအင်အားဟာလည်း အင်မတန် အရေးကြီးပါတယ်။ အခုလို အဖွဲ့ဝင်တွေများလာတာဟာလည်း ကျမတို့ရဲ့ လုပ်ဆောင်မှုအားကောင်းလာဖို့အတွက် အင်အားတစ်ရပ်ပဲဖြစ်ပါတယ်။”ဟု ပြောသည်။

အဖွဲ့ဝင် ကိုယ်စားလှယ်နှင့် လေ့လာသူပေါင်း ၅၉ဦးတက်ရောက်ခဲ့သည့် အဆိုပါညီလာခံတွင် အတွင်းရေးမှူး အဖွဲ့ဝင်သစ်များအ ဖြစ် မတင်တင်ညို (အထွေထွေအတွင်းရေးမှူး)၊ စောစံငြိမ်းသူ (တွဲဖက်အထွေထွေအတွင်းရေးမှူး(၁)နှင့် နော်ဝါးခုရှီး (တွဲဖက် အထွေထွေအတွင်းရေးမှူး (၂)တို့ကို ရွေးချယ်ခဲ့ကြသည်။

Source Video from
http://www.cfr.org/thinktank/projects.html?page=3

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

SPDC တပ်က အကျဉ်းသားပေါ်တာများကို သတ်ဖြတ်

ယမန်နေ့က ထွက်ပြေးလာသည့် အကျဉ်းသားပေါ်တာများ
(ဓာတ်ပုံ - ဧရာဝတီ)

နအဖ တပ်က အကျဉ်းသား ပေါ်တာများကို

သတ်ဖြတ်မှုရှိ

ဧရာဝတီ
Friday, 28 January 2011

ကရင်ပြည်နယ် လှိုင်းဘွဲ့မြို့နယ် မာနယ်ပလော ဒေသ စစ်မြေပြင်တွင် အသုံးပြုနေသည့် အကျဉ်းသား ပေါ်တာများကို နအဖ စစ်တပ်က သတ်ဖြတ်မှုများ ရှိကြောင်း ထွက်ပြေး လွတ်မြောက်လာသည့် ပေါ်တာများက ပြောသည်။

အားအင်ကုန်ခမ်း၍ ပစ္စည်းမထမ်းနိုင်သူများနှင့် ထွက်ပြေးသူများကို နအဖ တပ်မ၂၂ လက်အောက်ခံ ခြေမြန် တပ်ရင်း(ခမရ)၂၀၈ တပ်ဖွဲ့ဝင်များက တခြားသော အကျဉ်းသားများရှေ့တွင်ပင် သတ်ဖြတ်မှုများ ပြုလုပ်ခဲ့ခြင်း ဖြစ်ကြောင်း သိရ သည်။

ယမန်နေ့က မာနယ်ပလော စစ်မြေပြင်မှ ထွက်ပြေးလွတ်မြောက်လာသည့် အကျဉ်းသားပေါ်တာ ၁၃ ဦး အနက် အင်းစိန် ထောင်မှ ကိုအောင်ကျော်မိုး၊ ကိုဂျိုးဇက်နှင့် ကိုလင်းမာန်အောင် တို့က ၎င်းတို့ရှေ့တွင် နအဖ တပ်က သတ်ဖြတ်မှုများ ပြုလုပ်ခဲ့သည်ဟု ဧရာဝတီသို့ ပြောပြသည်။

ကိုအောင်ကျော်မိုးက"ဒီလ ၁၅ ရက်နေ့လောက်က ကျနော်တို့ထဲက အားကုန်ပြီး နားခွင့်ပေးပါလို့ပြောတဲ့ အင်းစိန်ထောင် က ကိုစံပေါ ရဲ့ ရင်ဝကို ဓားမြှောင်နဲ့ ၂ ချက်ထိုးပြီး ချောက်ထဲကို ကန်ချလိုက်တယ်၊ ဓားထိုးတဲ့လူက ဗိုလ်မှူး အရပ်ပုပုနဲ့ခမရ ၂၀၈ ထောက်ပို့ တပ်ကပါ"ဟု ဆိုသည်။

ပစ္စည်း မထမ်းနိုင်သည့် ပြည်ထောင်မှ အကျဉ်းသားပေါ်တာ ၃ ဦးကိုလည်း နအဖ စစ်သားများက ရက်ရက် စက်စက် သတ်ဖြတ်ခဲ့သည်ဟုလည်း ကိုဂျိုးဇက်က ပြောသည်။

"မာနယ်ပလောနားက ဘုရားကျောင်းရှိတဲ့ ထီးသေ့ခီးရွာမှာ လမ်းမသွားနိုင်တော့တဲ့ ပြည်ထောင်က ၃ ယောက်ထဲက နှစ် ယောက်ကို ဓားနဲ့ လည်လှီးသတ်ပြီး တယောက်ကိုတော့ သေနတ်နဲ့ ပစ်သတ်လိုက်တယ်၊ ငါတို့ တပ်မတော်သားတွေကို အသေမခံနိုင်ဘူး၊ သေစရာရှိရင် မင်းတို့ပဲ သေရမယ်ဆိုပြီး ကျနော်တို့ကိုကြိမ်းတယ်၊ အသတ်ခံရတဲ့လူထဲက နှစ်ယောက် သိတယ်၊ ချစ်ကိုကို(၁၈)နှစ်နဲ့ အောင်သူဝင်း(၁၇)နှစ်"ဟု ၎င်းက ပြောပြသည်။

ထွက်ပြေးသည့်ပေါ်တာ၂ ဦးကိုလည်း လိုက်လံဖမ်းဆီးပြီး တဦးကို နားထင်သေနတ်တေ့၍ ပစ်သတ်ပြီး ကျန်တဦး၏ ရင်ဝကို သေနတ်ဖြင့်ပစ်သတ်ခဲ့သည့် ဖြစ်ရပ်ကို မျက်မြင်တွေ့ရှိ ခဲ့သည်ဟု အကျဉ်းသားပေါ်တာ ကိုလင်းမာန်အောင် ကလည်း ပြောသည်။

အဆိုပါ အကျဉ်းသားပေါ်တာ ၁၃ ဦးသည် မာနယ်ပလော ဒေသ စစ်မြေပြင်မှတဆင့် လွန်ခဲ့သည့်ရက်ပိုင်းအတွင်းက ထွက်ပြေး လာကြပြီး ယမန်နေ့က ကရင် အမျိုးသား အစည်းအရုံး(KNU) တပ်မဟာ ၇ တပ်စခန်းသို့ ရောက်ရှိလာခြင်းဖြစ် သည်။

၎င်းအကျဉ်းသားပေါ်တာများမှာ ကိုမောင်မျိုး၊ ကိုဆန္ဒကျော်၊ ကိုအောင်ကျော်မိုး၊ ကိုလင်းအောင်၊ ကိုဂျိုးဇက်၊ ကိုထွန်းထွန်း နိုင်၊ စိုင်းကော်ခမ်း၊ ကိုပေါက်စ၊ ကိုကျော်ဦး၊ ကိုကံထွန်း၊ ကိုရဲထွန်း၊ ကိုလင်းမာန်အောင်နှင့် ကိုမင်းသူ တို့ဖြစ်ပြီး ဖျာပုံ၊ ဘားအံ၊ အင်းစိန်၊ လားရှိုးနှင့် ပြည် ထောင်များမှတဆင့် မာနယ်ပလော ဒေသသို့ ရောက်ရှိလာကြသူများဖြစ်သည်။

ရောက်ရှိလာသည့် အကျဉ်းသားပေါ်တာများကို(KNU)တပ်မဟာ ၇ မှ လက်ခံစောင့်ရှောက်ထားပြီး ယခုလ အတွင်း မာနယ်ပလော ဒေသမှ ထွက်ပြေးလာသည့် အကျဉ်းသားပေါ်တာ ၄၀ ခန့် ရှိသွားပြီဟု တပ်မဟာ ၇ မှ တပ်မှူးတဦးက ပြောဆိုသည်။

KNU တပ်မဟာ ၇ လက်အောက်ခံ တပ်ရင်း၂၂ သည် ယမန်နေ့က လှိုင်းဘွဲ့မြို့နယ် ခေါတူးခီး ရွာ ရှိ ကရင်နယ်ခြား စောင့် တပ်ရင်း ၁၀၁၅ ၏ ရှေ့တန်း ကင်းစခန်းတခုကို ၀င်ရောက်စီးနင်းရာ ဗိုလ်ကြီး အဆင့်တဦး အပါအ၀င် တပ်ဖွဲ့ဝင် ၈ ဦး ကို လက်နက်မျိုးစုံ ၁၄ လက်နှင့်အတူ သိမ်းဆီးရမိခဲ့ကြောင်းလည်း သိရသည်။

ဖမ်းဆီးရမိသည့် နယ်ခြားစောင့် တပ်ဖွဲ့ဝင်များမှာ ဗိုလ်ကြီး စောအရှား၊ ကမ္ဘာကျော်၊ ဝေါ်ခို့၊ ဖလုံ သား၊ အောင်ကြည် ဌေး၊ ဒါဘောင်မင်၊ လော်ကယ်နှင့် စောဖားအဲ တို့ဖြစ်သည်ဟု KNU က ပြောသည်။

ကရင်ပြည်နယ်အတွင်း တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) နှင့် နအဖတပ်များ ဖြစ်ပွားနေသည့် တိုက်ပွဲများ၌ နအဖ တပ်က အကျဉ်းသား ပေါ်တာများကို လူသား မိုင်းရှင်းကိရိယာအဖြစ် အသုံးပြုမှုများလည်း ရှိခဲ့ သည်။

ထို့သို့ မိုင်းရှင်းကိရိယာများအဖြစ် အသုံးခံနေရသည့် အန္တရာယ်မှ လွတ်မြောက်လိုသောကြောင့် ဇန်န၀ါရီ လဆန်းပိုင်း ကလည်း အကျဉ်းသားပေါ်တာ ၁၂ ဦးခန့် ထိုင်းနိုင်ငံ မဲဆောက်မြို့နယ် ဘက်သို့ တိမ်းရှောင်လာခဲ့ကြသေးသည်။

Source News from
http://www.bur.irrawaddy.org/index.php/news/5589-2011-01-28-12-28-53

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

နိုင်ငံခြား ရေနံဓါတ်ငွေ့ကုမ္မဏီများ

Source Photo from http://www.google.com/images
ကျောက်ဖြူ၊ ကုမင် မြန်မာ-တရုတ် ရေနံနဲ့ ဓါတ်ငွေ့ကုမ္မဏီ

နိုင်ငံခြား ရေနံဓါတ်ငွေ့ ကုမ္မဏီများ

By ဦးအောင်ခင် & မညိုညိုလွင်
စနေ, 29 ဇန်နဝါရီ 2011

ကျောက်ဖြူ၊ ကုမင် မြန်မာ-တရုတ် ရေနံနဲ့ ဓါတ်ငွေ့ပိုက်လိုင်း စတင် အကောင်အထည်ဖော်နေတုန်း မြန်မာပြည် အလယ်ပိုင်းဒေသမှာ တရုတ်ကုမ္မဏီက သဘာဝဓါတ်ငွေ့တွင်းကြီးတခု ရှာဖွေတွေ့ရှိတယ်ဆိုတဲ့ သတင်း ဒီလအစောပိုင်းက ထွက်လာပါတယ်။ ဓါတ်ငွေ့ပိုက်လိုင်း တည်ဆောက်တဲ့အတွက် ဒေသခံ ပြည်သူလူထု ဘဝပျက်သွားတဲ့ သာဓကတွေ ရှိပါတယ်။ တနင်္သာရီကမ်းလွန်က ရတနာဓါတ်ငွေ့ ပိုက်လိုင်းကြောင့် ဒုက္ခရောက်နေရတဲ့ ဒေသခံတွေဘက်က Unocal ကုမ္မဏီကို အမေရိကန်မှာ တရားစွဲတဲ့အတွက် လျှော်ကြေးပေးလိုက်ရတဲ့ သာဓကတွေက ထင်ရှားပါတယ်။

မြန်မာပြည်မှာ ပထမဆုံး ဓါတ်ငွေ့ထုတ်ယူတဲ့ ကုမ္မဏီတွေဟာ ပြင်သစ် Total နဲ့ အမေရကန် Unocal ဖြစ်ပါတယ်။ ဒုက္ခရောက်နေတဲ့ တိုင်းသူပြည်သားတွေကို လစ်လျူရှုနေတဲ့ ဗမာစစ်အစိုးရနဲ့ လက်တွဲလုပ်ကိုင်တာဟာ ကိုယ်ကျင့်တရား ကင်းမဲ့တဲ့ အပြုအမှု ဖြစ်တယ်ဆိုပြီး ဥရောပနဲ့ အမေရိကန်မှာ ရှုတ်ချကြပါတယ်။ အကျိုးဆောင် အရပ်သားအဖွဲ့တွေရဲ့  စည်းရုံးလှုပ်ဆောင်မှုကြောင့် ဗမာစစ်အစိုးရနဲ့ လက်တွဲနေတဲ့ ရေနံကုမ္မဏီတွေဟာ ကြာလာရင် နာမည်ပျက်ဖို့သာ ရှိပါတယ်။ ဒါကြောင့်မို့ ဗြိတိသျှ Premier ကုမ္မဏီ၊ အမေရိကန် Texaco နဲ့ Unocal ကုမ္မဏီတွေဟာ သူတို့ပိုင်တဲ့ အစုရှယ်ယာကိုရောင်းပြီး မြန်မာပြည်က ထွက်ခွါသွားကြပါတယ်။ Unocal ဟာ သူပိုင်တဲ့ အစုရှယ်ယာကို အမေရိကန် Chevron ကုမ္မဏီကို ရောင်းလိုက်တဲ့အတွက် ဓါတ်ငွေ့လုပ်ငန်းတွေမှာ အနောက်တိုင်းကုမ္မဏီဆိုလို့ Total နဲ့ Chevron သာ ကျန်ပါတယ်။

ရတနာဓါတ်ငွေ့လုပ်ငန်းမှာ အစုရှယ်ယာ အများဆုံးထားတဲ့ ပြင်သစ် Total ကုမ္မဏီကတော့ ပိုက်လိုင်းဒေသမှာ ပြည်သူ့အကျိုးသယ်ပိုးနေတာမို့ ဒေသခံတွေ အကျိုးခံစားရကြောင်း လွန်ခဲ့တဲ့နှစ်က (၆၆) စာမျက်နှာ အစီရင်ခံ ထုတ်ဝေပါတယ်။ ပြည်သူ့ကျန်းမာရေး၊ ပညာရေး၊ စီးပွားရေးနဲ့ အခြေခံ အဆောက်အအုံ တိုးတက်ရေးအတွက် ရတနာဓါတ်ငွေ့လုပ်ငန်းက ရင်နှီးမြုပ်နှံပုံတွေကို ဖော်ပြထားပါတယ်။ ပထမတော့ ပိုက်လိုင်းနဲ့ အနီးဆုံး ကျေးရွာအချို့ ကိုသာ ကူညီနိုင်ခဲ့ပါတယ်။ အခုတော့ ဒေသခံ ငါးသောင်းကျော်ဟာ ပညာရေး၊ ကျန်းမာရေး နဲ့ လမ်းပန်းဆက်သွယ်ရေး ကောင်းမွန်တဲ့အကျိုးကို ခံစားနေရပါတယ်။ ပိုက်လိုင်းဆောက်လုပ်စဉ်က လူပေါင်း (၂၅၀၀) ကို အလုပ်ပေးနိုင်ခဲ့ပါတယ်။ အခုတော့ ပိုက်လိုင်းမှာ အလုပ်သမား (၈၀၀) လုပ်ကိုင်နေတဲ့အထဲမှာ မြန်မာပြည်သားက (၉၅) ရာခိုင်နှုန်း ဖြစ်ပါတယ်။

ပိုက်လိုင်းဒေသတင်မက။ မြန်မာတပြည်လုံးမှာရှိတဲ့ ကျန်းမာရေး၊ လူမှုရေးနဲ့ ကုသိုလ်ဖြစ် လုပ်ငန်းအများအပြားကိုလည်း Total က ကူညီထောက်ပံ့ပါသေးတယ်။ ကုလသမဂ္ဂ စီမံကိန်းတွေကိုလည်း Total ကုမ္မဏီက ငွေကြေးထောက်ပံ့ကြောင်း ဖော်ပြထားပါတယ်။ ဒီမိုကရေစီ အကျိုးဆောင် အရပ်သားအဖွဲ့တွေရဲ့  စည်းရုံးလှုံဆော်မှုကြောင့် မြန်မာပြည်က ထွက်ခွါသွားခဲ့တဲ့ အနောက်တိုင်းကုမ္မဏီတွေရှိသလို ကျန်ရှိနေတဲ့ အနောက်တိုင်းကုမ္မဏီတွေက ပြည်သူ့အကျိုးပြုလုပ်ငန်းတွေ လုပ်ကိုင်နေတဲ့ သဘောဖြစ်ပါတယ်။ အခုတော့ မြန်မာ့သယံဇာတ ထုတ်ယူရေးမှာ အဓိကပါဝင်နေသူဟာ တရုတ် ကုမ္မဏီတွေ ဖြစ်နေပါတယ်။ တရုတ်ကုမ္မဏီတွေဟာ အမြတ်အစွန်းရဖို့ကိုသာ အဓိကထားတဲ့အတွက် Total ကုမ္မဏီလို ပြည်သူ့အကျိုးပြုလုပ်ငန်း လုပ်နိုင်ပါ့မလားလို့ မေးစရာရှိလာပါတယ်။

တရုတ်ရဲ့  ရေနံနဲ့ ဓါတ်ငွေ့လုပ်ငန်းကြောင့် ဒေသခံ ပြည်သူလူထုတွေ ဒုက္ခရောက်ရင် ဘယ်အဖွဲ့က ပြည်သူ့ဘက်က ရပ်တည်မှာလည်းဆိုတာ စဉ်းစားစရာ ဖြစ်လာပါတယ်။ တရုတ် အရပ်သားအဖွဲ့အစည်းဟာ သူတို့ဆီက ပြဿနာကိုတောင် ဖြေရှင်းနိုင်ကြသေးတာ မဟုတ်ပါဘူး။ ဒီမိုကရေစီမရှိတဲ့ တရုတ်ပြည်မှာ အရပ်သားအဖွဲ့အစည်းဟာ အနောက်တိုင်းမှာလို စည်းရုံးလှုံဆော်နိုင်တာ မဟုတ်ပါဘူး။ အမေရိကန်ကုမ္မဏီက လျော်ကြေးပေးသလို တရုတ်ကပေးမှာ မဟုတ်ပါဘူး။ ဒါကြောင့် အမေရိကန်ကုမ္မဏီတွေကို မြန်မာပြည်မှာ ရင်းနှီးမြှပ်နှံခွင့် ပိတ်ပင်ထားတာဟာ မြန်မာပြည်သားတွေအတွက် အခွင့်အလမ်း ဆုံးရှုံးမှုတခု ဖြစ်တယ်လို့ မြင်တွေသူရှိပါတယ်။

အာဖရိကတိုက်မှာ တရုတ်ကုမ္မဏီတွေ ရင်းနှီမြုပ်နှံတာနဲ့ ပတ်သက်ပြီး အငြင်းပွားစရာ ဖြစ်နေတာ တွေ့ရပါတယ်။ အလုပ်သမားတွေကို မတရားခိုင်းမှု၊ ဒေသဆိုင်ရာ စည်းမျဉ်းမလိုက်နာမှု၊ အပြည်ပြည်ဆိုင်ရာ သတ်မှတ်ချက်ကို ဖောက်ဖျက်မှု၊ လုပ်ခနည်းနည်းပေးမှု၊ အကျိုးခံစားခွင့်ကင်းမဲ့မှု၊ စတာတွေဟာ တရုတ်လုပ်ငန်းရှင်တွေရဲ့  လုပ်ရိုးလုပ်စဉ် ဓလေ့တွေပဲလို့ ဆိုပါတယ်။ Zambia နိုင်ငံက တရုတ်ပိုင် ကျောက်မီးသွေးတွင်းမှာ လုပ်ငန်းခွင့်အခြေအနေ ဆိုးဝါးစုတ်ပြတ်လွန်းတာကို မကျေနပ်လို့ လွန်ခဲ့တဲ့ အောက်တိုဘာလမှာ Zambia က သမိုင်း အလုပ်သမားတွေ ဆန္ဒပြကြပါတယ်။ ဆန္ဒပြသူတွေကို တရုတ် မန်နေဂျာက သေနတ်နဲ့ပစ်လို့ (၁၁) ဦး ဒဏ်ရာရသွားတာဟာ တကမ္ဘာလုံးသိတဲ့ ဖြစ်ရပ်ပါ။ ဒါကြောင့် တရုတ်ကုမ္မဏီတွေဟာ ဒေသခံလူထုကို ဂရုမစိုက်ဘူးဆိုတဲ့ အယူအဆ ပေါ်ထွက်လာတာ ဖြစ်ပုံရပါတယ်။

မြန်မာ့အရေးမှာတော့ ဒီမိုကရေစီ အကျိုးဆောင်အဖွဲ့တွေက အများဆုံး လှုပ်ရှားပါတယ်။ ဒီလို အကျိုးဆောင် အရပ်သားအဖွဲ့တွေရဲ့  သဘောထားကို ထည့်သွင်းစဉ်းစားတာဟာ အနောက်တိုင်းကုမ္မဏီတွေသာ ဖြစ်ပါတယ်။ ဒါကြောင့် ပြင်သစ် Total နဲ့ အမေရိကန် Chevron တို့ဟာ နောက်ဝင်လာတဲ့ တရုတ်ကုမ္မဏီတွေ အတုယူရမယ့် စံနမှုနာကောင်း ဖြစ်တယ်လို့ သုံးသပ်ကြပါတယ်။

Find this article at:
http://www.voanews.com/burmese/news/news-analysis/news_analysis_01-29-2911-114837744.html

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

DKBA နဲ့ SPDC တိုက်ပွဲ

DKBA နဲ့ SPDC တိုက်ပွဲ

Source Audio from http://www.bbxburmese.com

THANK YOU
GRANDFATHER TAR MIKE

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

စည်ပင်ဧည့်ရိပ်သာမှ အခြေအနေ

နေပြည်တော်ရှိ လွှတ်တော် အဆောက်အအုံကို အဝေးမှမြင်ရစဥ
်(ဓာတ်ပုံ - economist)


လွှတ်တော်ကိုယ်စားလှယ်များ အနေအစားခက်

ခင်ဦးသာ
Friday, 28 January 2011

“ရေချိုးမယ် ဆိုပြီး ရေခလုတ် ဖွင့်လိုက်တော့ ရေအနီရောင်တွေ ထွက်လာတယ်။ ဒီနေ့ အထိတော့ ရေမချိုးသေးဘူး” ဟု လွှတ်တော် ကိုယ်စားလှယ် ဦးဘရှင်က နေပြည်တော် စည်ပင် ဧည့်ရိပ်သာမှ ရေချိုးခန်းတခု၏ အခြေအနေကို ပြောပြသည်။

ဦးဘရှင်သည် ဇန်ဝါရီလ ၃၁ ရက်နေ့တွင် ကျင်းပမည့် လွှတ်တော် အစည်းအဝေး တက်ရောက်ရန် စစ်အစိုးရ ရုံးစိုက်ရာ နေပြည်တော် မြို့တော်သစ်ရှိ လွှတ်တော် ကိုယ်စားလှယ်များ တည်းခိုရန် စီစဉ်ပေးထားသည့် စည်ပင်ဧည့်ရိပ်သာသို့ ရောက် ရှိနေသည်မှာ ၂ ရက်ခန့်ရှိပြီ ဖြစ်သည်။

၎င်းသည် ရခိုင်တိုင်းရင်းသားများ တိုးတက်ရေးပါတီ (RNDP) ၏ ပြည်သူ့လွှတ်တော် ကိုယ်စားလှယ်အဖြစ် ကျောက်ဖြူ မြို့နယ်မှ အရွေးချယ် ခံထားရသော ကိုယ်စားလှယ် ဖြစ်သည်။

လာမည့် တနင်္လာနေ့တွင် ကျင်းပမည့် အမျိုးသားလွှတ်တော်နှင့် ပြည်သူ့လွှတ်တော်သို့ အရပ်သားနှင့် တပ်မတော်သား ကိုယ်စားလှယ်ပေါင်း ၆၆၄ ဦး တက်ရောက်ကြမည် ဖြစ်ပြီး ပထမဦးစွာ ကျမ်းသစ္စာ ကျိန်ဆို၍ လွှတ်တော်အတွက် ဥက္ကဋ္ဌ၊ ဒု-ဥက္ကဋ္ဌများ၊ သဘာပတိ အဖွဲ့နှင့် ဒု-သမ္မတ များကို ရွေးချယ်ကြမည် ဖြစ်သည်။

ကိုယ်စားလှယ်များ နေထိုင်ရန် စည်ပင် ဧည့်ရိပ်သာအား သီးသန့် စီစဉ်ပေးထားသော်လည်း တခြားသော နေရာများ၌ နေထိုင်လိုပါက သက်ဆိုင်ရာကို အကြောင်းကြား၍ နေထိုင်နိုင်သည်ဟု ကိုယ်စားလှယ်များက ဆိုသည်။

စစ်အစိုးရ သတ်မှတ်ပေးထားသော စည်ပင်ဧည့်ရိပ်သာ၌ အခက်အခဲ တချို့ရှိသော်လည်း အထွေထွေစရိတ်များ ကြီးမြင့်မှုကြောင့် တခြားသို့မပြောင်းနိုင်ကြဘဲ အဆိုပါ ဧည့်ရိပ်သာ၌ပင် ကိုယ်စားလှယ် အများစုက နေထိုင်ကြသည်ဟု သိရသည်။

သို့ရာတွင် ကြံ့ဖွံ့ပါတီ၏ ထိပ်တန်း ခေါင်းဆောင်များနှင့် ဗိုလ်ချုပ်များသည် အဆင့်မြင့် ဟိုတယ်ကြီးများ၌ တည်းခိုကြသည်။

“ကျနော်က Mount Pleasant ဟိုတယ်မှာပဲ တည်းပါတယ်။ အကုန်လုံးကတော့ စပါယ်ရှယ်ပါပဲ။ ဒီဟိုတယ်က နေပြည်တော်မှာ အကောင်းဆုံးနဲ့ ဈေးအကြီးဆုံး ဟိုတယ်တခုပါ” ဟု ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) ၏ လွှတ်တော် ကိုယ်စားလှယ် တဦးဖြစ်သူ ဇေကမ္ဘာ ဦးခင်ရွှေက ပြောသည်။

ထိုဟိုတယ်၏ တည တည်းခိုစရိတ်သည် အနည်းဆုံး ကျပ် ၅ သောင်းမှ ၄ သိန်း အထိရှိပြီး ဒေါ်လာငွေဖြင့်သာ လက်ခံသော ဟိုတယ်တခု ဖြစ်သည်။

ဦးခင်ရွှေသည် ကြံ့ဖွံ့ပါတီ၏ တွံတေးမြို့နယ်နှင့် ကော့မှူးမြို့နယ် ကိုယ်စားပြုကာ အမျိုးသား လွှတ်တော်မှ အနိုင်ရထားသော ကြံ့ဖွံ့ကိုယ်စားလှယ် ဖြစ်သည်။

“ကျနော်က လွှတ်တော်ပြီးတဲ့အထိ ဟိုတယ်မှာပဲနေမယ်။ အစည်းအဝေးကိုလည်း ကိုယ့်ကားနဲ့ကိုယ် တက်မှာပါ။ ဟိုတယ်အသင်းရဲ့ ဥက္ကဋ္ဌ ဆိုတော့ အကုန်လုံးနီးပါးက အလကားလို ရပါတယ်” ဟု ဦးခင်ရွှေက ဆိုသည်။

လွှတ်တော် ကိုယ်စားလှယ်များသည် အစိုးရ စီစဉ်ထားသည့် စည်ပင်ဧည့်ရိပ်သာ၏ ထမင်းဆိုင်များ၌ ကိုယ့်အစီအစဉ်နှင့်ကိုယ်မိမိ ကြိုက်နှစ်သက်ရာ ဟင်းများကို မှာယူစားသုံးနိုင်ပြီး ထမင်းဟင်း စုပုံထားသည့် ထမင်းတပန်းကန်လျှင် ၁၅၀၀ ကျပ် ပေးရ သည်ဟု သိရသည်။ ထပ်မံမှာယူပါက ဟင်းအမျိုးအစားပေါ် မူတည်၍ အပိုကြေး ပေးရမည်ဖြစ်သည်။

ကြံ့ဖွံ့ပါတီ ကိုယ်စားလှယ်အများစုမှ အပ တခြားသောနိုင်ငံရေးပါတီ များမှ ကိုယ်စားလှယ်များသည် ဈေးချိုသော စည်ပင်ဧည့် ရိပ်၌သာ နေထိုင်ကြသည်ဟု သိရသည်။ ဧည့်ရိပ်သာ၏ တညတည်းခို စရိတ်သည် ၁၅၀၀ ကျပ်မှ ၄၅၀၀ ကျပ်ရှိသည်။

စည်ပင်ဧည့်ရိပ်သာသည် လွှတ်တော်အဆောက်အအုံနှင့် ၁၀ မိုင်ခန့်ဝေးကွာပြီး အကြိုအပို့ မော်တော်ကားများ စီစဉ်ထားမည်ဟု ကိုယ်စားလှယ်များက ပြောသည်။

စည်ပင်ဧည့်ရိပ်သာရောက် ကိုယ်စားလှယ်များ၏ ပြောပြချက်အရ သောက်ရေအား ပြင်ပမှ ၀ယ်ယူသောက်သုံး၍ အဆင်ပြေကြသော်လည်း ရေချိုးခန်းမှ အနီရောင်ရေကြောင့် အခက်ကြုံနေကြသည်ဟု သိရသည်။

လွှတ်တော် စတင်တော့မည် ဖြစ်သော်လည်း လွှတ်တော်နှင့် ပတ်သက်သည့် အကြောင်းအရာများကို ကိုယ်စားလှယ် အများစုက မသိကြသေးဟု ဆိုကြသည်။

“လွှတ်တော်နဲ့ ပတ်သက်ပြီး ဘာမှ မသိသေးတော့ ဘာတွေ ဆွေးနွေးရမယ်ဆိုတာ လွှတ်တော်ထဲ ရောက်တဲ့နေ့မှပဲ သိရမယ်။ ဘယ်နှရက်ကြာမယ် ဆိုတာလဲ မသိသေးပါဘူးဗျာ” ဟု အမျိုးသား ဒီမိုကရေစီ အင်အားစုပါတီ (NDF) ၏ ပြည်သူ့ လွှတ်တော် ကိုယ်စားလှယ် ဦးစိုးဝင်းက ပြောသည်။

ဦးစိုးဝင်းသည် ၁၉၉၀ ရွေးကောက်ပွဲ၌ အမျိုးသား ဒီမိုကရေစီအဖွဲ့ချုပ် (NLD) ပါတီမှ ရွေးကောက်ခံခဲ့ရသော ကိုယ်စားလှယ် တဦးဖြစ်ပြီး ယခုလွှတ်တော်သည် ၎င်းအတွက် ပထမဆုံး တက်ရောက်ရမည့် လွှတ်တော်ဟု ဆိုသည်။

“ထူးထူးခြားခြား စိတ်လှုပ်ရှားမှုမျိုးတော့ မရှိပါဘူး” ဟု ဦးစိုးဝင်းက ဆိုသည်။

မွန်ဒေသလုံးဆိုင်ရာ ဒီမိုကရေစီပါတီ၏ ကိုယ်စားလှယ် ဦးမင်းမျိုးတင့်လွင် ကလည်း “လွှတ်တော်ဆိုတာက ကျနော်တို့အတွက် အစိမ်းသက်သက်ကြီး ဖြစ်နေတယ်။ တိုင်းရင်းသား အရေးတွေ ဆွေးနွေးပိုင်ခွင့်နဲ့ ပတ်သက်ပြီးတော့လည်း ဘာမှသေချာ မသိသေးပါဘူး” ဟု ဆိုသည်။

ကိုယ်စားလှယ်များသည် လွှတ်တော်တက်ရောက်ရန် လှုပ်ရှားတက်ကြွ နေကြသော်လည်း ပြည်သူများကမူ လွှတ်တော်နှင့် ပတ်သက်၍ သိရှိမှု၊ စိတ်ဝင်စားမှု နည်းကြောင်း သိရသည်။

ရန်ကုန်မှ နိုင်ငံရေးတက်ကြွလှုပ်ရှားသူ တဦးကလည်း နိုင်ငံရေးစိတ်ဝင်စားသူ တချို့မှအပ ပြည်သူလူထုက လွှတ်တော် အကြောင်း သိခြင်း၊ စိတ်ဝင်စားခြင်း မရှိကြဟု ပြောသည်။

“မဆလ ခေတ် လွှတ်တော်က တပါတီစနစ်၊ အခုလွှတ်တော်က ပါတီစုံပါဝင်တယ်။ ဒီမိုကရေစီ ပါတီတွေ၊ တိုင်းရင်းသား ပါတီတွေ ပါဝင်တာက မဆလနဲ့ကွာတယ်။ ဒါပေမယ့် ထုတ်ထားတဲ့ ဥပဒေတွေက တင်းကျပ်နေတော့ မဆလ လွှတ်တော်နဲ့ ဘာမှ မထူးခြားပါဘူး” ဟု ၎င်းက ဆိုသည်။

ဦးစိုးဝင်းက စည်ပင်ဧည့်ရိပ်သာ၌ ကြံ့ဖွံ့ပါတီဝင်တချို့နှင့် တိုင်းရင်းသားစည်းလုံးညီညွတ်ရေး ပါတီကိုယ်စားလှယ် တချို့ တည်းခိုလျက်ရှိကြောင်း၊ သို့သော် မိတ်ဆွေအဖြစ် နှုတ်ဆက်ရုံမှအပ နိုင်ငံရေးနှင့်ပတ်သက်သော ဆွေးနွေးပြောဆို မှုများမရှိကြကြောင်း ပြောသည်။

ကိုယ်စားလှယ်များ၏ နေထိုင်စားသောက်မှု စရိတ်များကို သက်ဆိုင်ရာ လွှတ်တော်ရုံးအဖွဲ့ထံ၌ သတ်မှတ်ချိန်အတိုင်း ထုတ်ယူရန် ခွင့်ပြုထားကြောင်း ဦးစိုးဝင်းက ဆိုသည်။

ကိုယ်စားလှယ် တဦးလျှင် ကျပ် ၃ သိန်းထုတ်ပေးသည်ဟု မွန်ဒေသလုံးဆိုင်ရာ ဒီမိုကရေစီပါတီ၏ ကိုယ်စားလှယ် ဦးမင်းမျိုးတင့်လွင်က ပြောသည်။

ကိုယ်စားလှယ်အများစုသည် လွှတ်တော်အဆောက်အအုံသို့ ယခုထိ မရောက်ဘူးကြသေးကြောင်း ပြောကြသည်။

“အထဲကိုတော့ မရောက်ဖူးသေးဘူးဗျ။ ဒါပေမယ့် အဝေးက လှမ်းမြင်နေရတာတော့ တကယ့်နန်းတော်ကြီး အတိုင်းပါပဲဗျာ” ဟု မွန်ပါတီ၏ ကိုယ်စားလှယ် ဦးမင်းမျိုးတင့်လွင်က ဆိုသည်။

Source News from
http://www.bur.irrawaddy.org/index.php/news/5585-2011-01-28-11-14-21
မှရယူသည်၊

ကျေးဇူးတင်ပါသည်၊

Source Audio from http://www.bbcburmese.com

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

NLD ရပ်တည်ခွင့်ပယ်ချမှု လူ့အခွင့်ရေးညီလာခံတင်မည်

Source Photo from http://www.bbcburmese.com

NLD ရပ်တည်ခွင့်ပယ်ချမှု လူ့အခွင့်ရေးညီလာခံတင်မည်

By ကိုဇော်ဝင်းလှိုင်
သောကြာ, 28 ဇန်နဝါရီ 2011

အမျိုးသားဒီမိုကရေစီအဖွဲ့ချုပ် (NLD) အနေနဲ့ တရားဝင်နိုင်ငံရေးပါတီအဖြစ် ဆက်လက် ရပ်တည်နိုင်ရေး အတွက် အထူးအယူခံဝင်ထားတဲ့ကိစ္စကို နေပြည်တော် တရားရုံးချုပ်က ဒီကနေ့ ပယ်ချလိုက်ပါတယ်။ ဒါပေမဲ့ ဒီကိစ္စကို ကုလသမဂ္ဂ လူ့အခွင့်အရေးကောင်စီမှာ တင်သွင်းပြီး နိုင်ငံတကာ ဥပဒေနည်းလမ်းအရ ဆက်လက် ကြိုးပမ်းသွားမယ်လို့ NLD ဒုဥက္ကဋ္ဌ ဦးတင်ဦးက ပြောပါတယ်။ အပြည့်အစုံကိုတော့ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးပါမယ်။

ဒီအမှုကို ဒီကနေ့မနက်ကပဲ နေပြည်တော်တရားရုံးချုပ်မှာ တရားသူကြီးချုပ် ဦးအောင်တိုးနဲ့အဖွဲ့က ပယ်ချလိုက်တဲ့အကြောင်း ဒီအမှုကို လိုက်ပါ ဆောင်ရွက်ပေးနေတဲ့ အကျိုးဆောင်ရှေ့နေကြီး ဦးဉာဏ်ဝင်းက ပြောပါတယ်။

“ဒီကနေ့မနက် ၁၀ နာရီမှာ ကျနော်တို့အမှုနဲ့ပတ်သက်ပြီးတော့ တရားသူကြီးချုပ် ဦးအောင်တိုးရယ်၊ ဒု-ချုပ် ဦးထွန်းထွန်းဦးရယ်၊ ဦးချစ်နွယ်ရယ် သုံးယောက်ပါ။ သူတို့ ဒီကနေ့အမိန့်ချပါတယ်။ ကျနော်တို့က ဥပဒေပြဿနာ ၅ ရပ်ရှိတယ်။ အရေးယူလောက်တဲ့ ဥပဒေပြဿနာဆိုပြီး အဲဒီလိုတင်ပြတာကို ဒီပြဿနာတွေ မရှိပါဘူးဆိုပြီးတော့ ကျနော်တို့ရဲ့ လျှောက်လွှာကို ပယ်လိုက်တာပါ။”

အခု ပယ်လိုက်ပြီဆိုတော့ ဒီကိစ္စက ဥပဒေလမ်းကြောင်းအရ ပြီးသွားပြီလား။ -

“ဥပဒေလမ်းကြောင်းအရ အယူခံခွင့် အခွင့်အရေးတွေက နောက်ဆုံး ဖြစ်သွားပါပြီ။”

ကျနော်တို့ တဖက်မှာကြားရတာက နိုင်ငံတော်တရားသူကြီးချုပ်ထံမှာ ထပ်ပြီးတော့ အယူခံခွင့်ရှိသေးတယ် ဆိုလားလို့ပါခင်ဗျား။ -

“ဒီလိုပါ။ အဲဒီဟာက တရားသူကြီးချုပ်မှာ ချွင်းချက်အာဏာတွေ ရှိတယ်။ ဒါပေမဲ့ ဒါဟာ တရားသူကြီးကို အယူခံခွင့်အခွင့်အရေး မဟုတ်ပါဘူး။ ဒီဟာလည်း ကျနော်တို့ လျှောက်မှာမဟုတ်ပါဘူး။”

တကယ်လို့ တရားသူကြီးချုပ်ထံမှာ လျှောက်လဲချက်ပေးချင်တယ်ဆိုရင်တော့ ပေးခွင့်ရှိသေးတယ် ဆိုတဲ့သဘောပေါ့။ -

“ဟုတ်တယ်။ ကျနော်တို့ လျှောက်လွှာတင်ရင်လည်း တင်နိုင်တာမဟုတ်ဘူး။ တင်တင် မတင်တင် သူပြင်နိုင်တယ်။ သူ့မှာ ဒီဥစ္စာက ဥပဒေအရပေးထားတာ။ အဲဒီတော့ ဒါဟာ အယူခံအခွင့်အရေး မဟုတ်ဘူး။ ဒါကြောင့် ကျနော်တို့ မလျှောက်ဘူး။”

NLD ဗဟိုဥပဒေ အထောက်ကူပြုအဖွဲ့ဝင်လည်းဖြစ်၊ ဒီအမှုကိစ္စကို လိုက်ပါဆောင်ရွက်ပေးနေတဲ့ အကျိုးဆောင်ရှေ့နေလည်းဖြစ်တဲ့ ဦးဉာဏ်ဝင်း ပြောပြခဲ့တာပါ။

မြန်မာနိုင်ငံအတွင်းမှာ ဥပဒေလမ်းကြောင်းအရ ဒီကိစ္စကို ရှေ့ဆက်လုပ်စရာ မရှိတော့ပေမဲ့ ကုလသမဂ္ဂ လူ့အခွင့်အရေးကောင်စီကို တင်သွင်းပြီး လုပ်စရာရှိတာတွေကို ဆက်လုပ်သွားမယ်လို့ NLD ဒုဥက္ကဋ္ဌ ဦးတင်ဦးက ပြောပါတယ်။

“ဒါက ကျနော်တို့က ပြီးသွားပြီဆိုရင်တော့ အထက်ရုံးတရားရုံး ပြီးသွားပြီဆိုရင်တော့ ကျနော်တို့ နိုင်ငံတကာနဲ့ပတ်သက်ပြီး လုပ်နိုင်အောင်လို့တော့ ကုလသမဂ္ဂ လူ့အခွင့်အရေး ကောင်စီကို ဒီဟာနဲ့ပတ်သက်တာအားလုံး မျှတမှုမရှိကြောင်းကိုတော့ ကျနော်တို့ဘက်က အထောက်အထားအပြည့်စုံနဲ့ တင်ရမှာပေါ့ဗျာ။ အဲဒီလို တင်ဖို့ပဲ ဆုံးဖြတ်တယ်။ စိတ်ကူးတယ်လေ။ အဲဒီတော့ ဒါကတော့ တင်ဖြစ်သွားမယ်လို့ ကျနော်တို့က တွက်ဆထားပါတယ်။”

ပြည်တွင်းမှာ ဥပဒေလမ်းကြောင်းအရ ဆက်ပြီးအလုပ်လုပ်လို့မရတဲ့နောက်ဆုံး နိုင်ငံတကာမှာရှိတဲ့ ဥပဒေလမ်းကြောင်းတွေနဲ့ ဒီကိစ္စကို ဆက်ပြီး ဆောက်ရွက်သွားမယ်ဆိုတဲ့ သဘောလားခင်ဗျ။ -

“ဟုတ်တယ်။ အဲဒါကတော့ အခုရှိသမျှ ဒီဥပဒေနဲ့ပတ်သက်တဲ့ စာရွက်စာတမ်းတွေ အားလုံးကို အပြည့်စုံ လုပ်ထားတာ အသင့်ရှိပြီးသားဖြစ်တယ်။ အဲဒါကို ဦးဉာဏ်ဝင်းတို့ ပြန်ရောက်လာပြီးရင် ဒီကိစ္စနဲ့ပတ်သက်တာအားလုံး အမြန်ဆုံး ကုလသမဂ္ဂမှာ အခုလုပ်နေတဲ့ လူ့အခွင့်အရေးကောင်စီကို အမြန်ဆုံးရောက်အောင် ကြိုးစားပြီး တင်မယ့်သဘောပေါ့။ အဲဒါပေါ့။ လူ့အခွင့်အရေးကောင်စီနဲ့ သွားရတော့မယ့်သဘောပါပဲလေ။”

အဲဒီတော့ ဒီကိစ္စ ရက်ပိုင်းအတွင်း ဖြစ်လာမယ်ပေါ့။ -

“ဟုတ်တယ်။ အဲဒါ ကျနော်တို့ ပြန်လာမယ့်လူတွေ စောင့်နေတာ။ ကျနော်တို့ ကော်မတီထိုင်ပြီးရင် ချက်ချင်းကို မြန်မြန်ဆန်ဆန်ကို လုပ်မယ်ခင်ဗျ။”

ဒါပေမဲ့ ဒီကြားထဲမှာ အဲဒီဟာကိုတင်ထားတဲ့ အတော်အတွင်းမှာ NLD ရဲ့ ရပ်တည်ချက်က ဘယ်လိုဖြစ်သွားမလဲ။ -

“ဒီအတိုင်းပဲဖြစ်မယ်။ NLD နဲ့ပတ်သက်ရင် ဒီအတိုင်းပဲနေမှာပဲလေ။ လုပ်စရာရှိတာ လုပ်နေမှာပဲပေါ့။ ကျနော်တို့က အေးအေးချမ်းချမ်း ငြိမ်းငြိမ်းချမ်းချမ်းနဲ့ လုပ်နေတဲ့ဟာပဲ။ လုပ်နေမယ့်ကိစ္စအ၀၀ကလည်းပဲ ဒီနေ့ လုပ်နေသမျှ အားလုံးဟာလည်း လူထုအကျိုးပြု အထောက်အကူပြုတဲ့ နိုင်ငံရေးပဲ လုပ်နေတာပဲလေ။”

တကယ်လို့ နိုင်ငံတကာ ဥပဒေလမ်းကြောင်းအရလည်း လုပ်ရတာမဖြစ်နိုင်တော့ဘူး ဆိုရင်လည်း ဒီအတိုင်းပဲ ဆက်ပြီး ရပ်တည်သွားမလား။ -

“အဓိက ကတော့ ရှင်းနေပါတယ်လေ။ ကျနော်တို့ရဲ့ အဖွဲ့အစည်းက ကျနော်တို့ကို ဘယ်လိုပဲ ပျက်တယ်ပြုတယ် တရားရုံးကဖြစ်တယ် ပြောသော်လည်းပဲ ဥပဒေလမ်းကြောင်းအရ လုပ်နိုင်တာအားလုံးကို ကျနော်တို့ လုပ်ဖို့ကြိုးစားရမှာပေါ့။ အထူးသဖြင့်ကတော့ဗျာ အဓိကအင်အားကတော့ ပြည်သူလူထုပဲ။ ဒီနေ့ ပြည်သူလူထုနဲ့ ပတ်သက်တာ အားလုံးကို ကျနော်တို့က ထဲထဲဝင်ဝင်ပေါ့။ ဒါ လူမှုရေး၊ နိုင်ငံရေးကိစ္စရော လုပ်ကိုင်ပေးနေတာပဲ။ အဲဒီတော့ လူထုရဲ့ ထောက်ခံအားပေးမှုကြောင့် ကျနော်တို့ လုံးပမ်းနေတယ်လေ။ အဲဒီ လူထုထောက်ခံမှု အားလုံးရရင် ကျနော်တို့ဟာ ဒီအတိုင်းပဲ မားမားမတ်မတ် ရပ်တည်သွားနိုင်တယ်ပေါ့။ ဒီလိုပြောရအောင်ဗျာ၊ မယိမ်းမယိုင် ကျောက်တိုင်ကဲ့သို့ မတုံမလှုပ် ဆက်လက်ပြီးတော့ အေးချမ်းငြိမ်းချမ်းစွာ နည်းလမ်းများကို ရှာကြံပြီးဆောင်ရွက်သွားမယ် ဆိုတဲ့သဘောပဲ။ ဒါပါပဲ။”

တဖက်မှာ NLD ပါတီကို နိုင်ငံရေးပါတီအဖြစ်နဲ့ ဆက်လက် ရပ်တည်ခွင့်ရရေးအတွက် နိုင်ငံတကာဥပဒေတွေ နည်းလမ်းအရတွေရော ဆက်ပြီးတော့ကြိုးစားနေတဲ့ တချိန်တည်းမှာပဲ မကြာခင်မှာ အစိုးရသစ်တရပ် ကလည်း ပေါ်တော့မယ်ဆိုတော့ ဒီအစိုးရသစ်နဲ့ရော တွေ့ဆုံဆွေးနွေးရေးကိစ္စတွေကို တဖက်မှာလုပ်ဖို့အစီအစဉ် ရှိပါသလားခင်ဗျ။ -

“အမှန်ကတော့ ကျနော်တို့က အမြဲတမ်း တွေ့ဆုံဆွေးနွေးပွဲနဲ့ပတ်သက်တာကို ဖွင့်ထားတာပဲလေ။ ဆွေးနွေးပွဲကို ခေါ်တယ်ဆိုရင် ကျနော်တို့က အသင့်ပဲလေ။ ကျနော်တို့ ဆွေးနွေးမှာပေါ့။”

သဘောက သူတို့နဲ့ဆွေးနွေးပြီး အဆင်ပြေသွားရင် ပိုပြီးတော့ကောင်းတာပေါ့။ -

“ကောင်းတာပေါ့။ သိပ်ကောင်းတာပေါ့ဗျ။ ကျနော်တို့ ဒေါ်အောင်ဆန်းစုကြည်လည်း ပြောပေါင်းများပါပြီ။ ကျနော်တို့ အခုလို အချိန်မျိုးမှာ တိုင်းပြည်အတွက် အကျိုးရှိရာရှိကြောင်း ညီရာညီကြောင်း ဒါတွေကို ကျနော်တို့ လုပ်ကိုင်သွားနိုင်တဲ့ ဟာတွေ ရှိတယ်။ ဒါတွေကို ဆွေးနွေးပြီး လုပ်ကိုင်လို့ရတယ်လို့ အမြဲတမ်း သူ ဖွင့်ထားတာပဲခင်ဗျ။”

နေပြည်တော်တရားရုံးချုပ်က NLD တရားဝင်ရပ်ခွင့် အယူခံကို ပယ်ချလိုက်ပြီးနောက် ရှေ့ဘာဆက်လုပ်မယ် ဆိုတာတွေကို ပါတီ ဒုဥက္ကဋ္ဌ ဦးတင်ဦး ပြောပြခဲ့တာပါ။

ပြီးခဲ့တဲ့ နိုဝင်ဘာ ၇ ရက်ရွေးကောက်ပွဲမှာ ၀င်ရောက်ယှဉ်ပြိုင်ခြင်းမပြုဖို့ ဆုံးဖြတ်ခဲ့ပြီးနောက်ပိုင်း ရွေးကောက်ပွဲ ကော်မရှင်မှာ နိုင်ငံရေးပါတီအဖြစ် မှတ်ပုံမတင်ခဲ့တဲ့အတွက် စစ်အစိုးရက ထုတ်ပြန်ထားတဲ့ ရွေးကောက်ပွဲဆိုင်ရာ ဥပဒေ၊ နည်းဥပဒေတွေအရ တရားဝင် နိုင်ငံရေးပါတီအဖြစ် ဆက်လက် ရည်တည်ခွင့် မရတော့သလို ဖြစ်သွားစေခဲ့တဲ့အတွက် ဒီကိစ္စကို NLD က တရားစွဲဆိုပြီး အကြိမ်ကြိမ် အယူခံဝင်ခဲ့ပေမဲ့ စစ်အစိုးရအာဏာပိုင်တွေက အခု နောက်ဆုံးအဆင့် အယူခံကိုပါ ပယ်ချလိုက်တာဖြစ်ပါတယ်။

နှစ်ဖက် အကျိုးဆောင်ရှေ့နေတွေရဲ့ နောက်ဆုံး လျှောက်လဲချက်တွေကိုတော့ ပြီးခဲ့တဲ့ ဇန်န၀ါရီလ ၂၄ ရက်နေ့က နေပြည်တော် တရားရုံးချုပ်မှာ တင်သွင်းခဲ့ကြတာ ဖြစ်ပါတယ်။

Source Audio from http://www.bbcburmese.com

Find this article at:
http://www.voanews.com/burmese/news/NLD-burma-01-28-11-114797129.html

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...

Google သိပ္ပံပြိုင်ပွဲ

Google သိပ္ပံပြိုင်ပွဲ

By Khin Myo Thet
တနင်္ဂနွေ, 23 ဇန်နဝါရီ 2011
ကွန်ပြူတာအင်တာနက်မှာ အချက်အလက်ရှာဖွေတဲ့ Search Engine တင်ထားတဲ့ Goggle အဖွဲ့ကြီးက ကမ္ဘာတလွှားက ထက်မျက်တဲ့ အစွမ်းအစရှိတဲ့ လူငယ်သိပ္ပံပညာရှင်တွေ အင်ဂျင်နီယာတွေနဲ့ ဖန်တီး တီထွင်သူတွေကို လိုက်လံရှာဖွေနေပါတယ်။

ကမ္ဘာပေါ်က ဘယ်မြို့ ဘယ်ရွာ ဘယ်နိုင်ငံကပဲ ဖြစ်ဖြစ် အသက် ၁၃နှစ်ကနေ ၁၈နှစ် အတွင်း ကျောင်းသားလူငယ် ဘယ်သူမဆို ပါဝင်ယှဉ်ပြိုင်နိုင်တဲ့ Goggle သိပ္ပံပြိုင်ပွဲအတွက် ဇန္န၀ါရီလ ၁၁ရက် နေ့လည်ကနေ စတင် ဖိတ်ခေါ်လိုက်ပြီဖြစ်ပါတယ်။

Segway Personal Transporter လို့ခေါ်တဲ့ ဘီး၂ဘီးပါတဲ့ ကိုယ်တိုင်ဟန်ချက်ထိမ်းပြီး မောင်းနှင်ရတဲ့ လျှပ်စစ်ယာဉ်ကို တီထွင်ခဲ့သူ Dean Kamen ကတော့ ပြိုင်ပွဲဝင်ချင်တဲ့သူဟာ အင်တာနက်သုံးဖို့နဲ့ တွေးခေါ်ကြံစည်ဖို့ ပဲလိုတယ်လို့ဆိုပါတယ်။

"ကွန်ပြူတာ အင်တာနက်မှာ Google.com / science fair ကို ရိုက်လိုက်ပါ။ အဲဒီမှာ ပြိုင်ပွဲဝင်ဖို့ ဘယ်လို မှတ်ပုံတင်ရမယ် ဆိုတာကို ပြောထားပါတယ်။ ဘယ်လို အကြောင်းအရာ ခေါင်းစဉ်အောက်မှာ ၀င်ပြိုင်နိုင်တယ်ဆိုတာကိုလည်း ပြထားပါတယ်။ ရူပဗေဒ၊ ဇီဝဗေဒလို ပညာရပ်မျိုးးတွေက အစ သဘာဝပတ်ဝန်းကျင်ဆိုင်ရာလို ကမ္ဘာတလွှား လူ အများကြားပြောနေကြတဲ့ ကိစ္စရပ်မျိုး တွေ အထိ ကျယ်ကျယ်ပြန့်ပြန့်စဉ်းစား လို့ ရပါတယ်။ ကိုယ်တင်ပြချင်တဲ့ အကြောင်းအရာကိုတင်၊ စမ်းသပ်လေ့လာတာတွေ ကိုယ့်အစီအစဉ်နဲ့ ကိုယ်လုပ်၊ မှတ်တမ်းတင်တာကတော့ ဥပမာ You Tube Video လိုမျိုးပေါ့ ကိုယ်ကြိုက်သလို မှတ်တမ်းတင်လို့ ရပါတယ်။ အမှတ်ပေး ဒိုင်လူကြီးတွေ ဆီကို ကွန်ပြူတာ အွန်လိုင်းကပဲ ပို့ပေးရမှာပါ"

သူဟာ ဒီပြိုင်ပွဲအတွက် ဆုပေးဖို့ ရွေးချယ်ရာမှာ ပါဝင်သူတဦးလည်းဖြစ်ပါတယ်။

"ပေးမယ့်ဆုတွေက ဘာတွေလဲဆိုတာ ကြည့်ရအောင်ပါ။ သိပ္ပံပညာရှင်တွေရဲ့ အိမ်မက်ဖြစ်တဲ့ Galapagos ဂလာပဂိုစ့်ကျွန်းတွေ ကိုသွားလည်ဖို့၊ ဆွစ်ဇလန် နိုင်ငံ ဂျနီဗာမှာရှိတဲ့ CERN စွမ်းအင် ဓါတ်ခွဲခန်းကြီးကို သွားပြီး လေ့လာဖို့ တို့၊ နောက် google က ပညာတော်သင်ဆု အဖြစ်နဲ့ ဒေါ်လာ တသိန်းချီးမြှင့်တာ အပြင် အလုပ်သင်အဖြစ်နဲ့ အထောက်အပံ့တွေပေးဖို့ တွေပါ ပါပါတယ်"

ဒီပြိုင်ပွဲပြီးဆုံးချိန်ဟာ လာမယ့် ဧပြီလ လေးရက်နေ့ အမေရိကန်အရှေ့ ခြမ်းစံတော်ချိန် ည ၁၁နာရီ ၅၉မိနစ် ၅၉စက္ကန့်မှာဖြစ်ပါတယ်။ မေလ ၂၃ရက်နေ့မှာတော့ ဆုရသူတွေကို ကြေငြာပေးမှာပါ။

ပေးမယ့်ဆုက အားလုံးပေါင်း ၁၉ဆုပါ။ ပထမဆုရသူဟာ ဒေါ်လာ ၅သောင်းနဲ့ ကမ္ဘာကျော် သိပ္ပံပညာရှင်တွေ ရှိတဲ့နေရာတွေကို သွားရောက်လေ့လာခွင့်တွေရကြမှာပါ။

ကျောင်းသားလူငယ်တိုင်း ဒီ Goggle သိပ္ပံပြိုင်ပွဲကို ၀င်ရောက်ယှဉ်ပြိုင်ကြဖို့ လည်း သူကဖိတ်ခေါ်ပါတယ်။ အနာဂတ်ကာလမှာ ပေါ်လာမယ့် အလုပ်တွေအတွက် သိပ္ပံနဲ့ နည်းပညာဆိုင်ရာမှာ ကိုယ်ကအကျွမ်းတ၀င် ဖြစ်နေဖို့ လိုအပ်သလို၊ ကမ္ဘာမှာ လောလောဆယ်ကြုံတွေ့နေရတဲ့ သဘာဝပတ်ဝန်းကျင် ပြဿနာလို ပြဿနာမျိုးစုံကို ဖြေရှင်းဖို့အတွက် ပြိုင်ပွဲဝင်ဖို့ ကျိုးစားရင်း လူငယ်တွေ ပါဝင်လာနိုင်မယ်လို့လည်း မျှော်လင့်ထားပါတယ်။

Find this article at:
http://www.voanews.com/burmese/news/science-technology/Google--114461459.html

ဖတ်ဖို့ ရှေ့တွင်ရှိသေးသည်-နှိပ်ပါ....

ပြန်ခေါက်ထားစေချင်သည် ...