နှစ်၂၀ အတွေ့အကြုံအရ ဆန်ဈေးမြင့်တက်နှုန်း ကြမ်း

နှစ်၂၀ အတွေ့အကြုံအရ

ဆန်ဈေးမြင့်တက်နှုန်း ကြမ်း

The Voice Journal
Saturday 26 February 2011

ဆန်ချော ၀ယ်လိုအား များမှု ကြောင့် ဆန်ချောနှင့် ဆန်ကြမ်း ဈေးနှုန်း ကွာခြားချက်သည် နှစ်ပေါင်း နှစ်ဆယ် ကျော်ခန့် အတွင်း စံချိန် တင်ခဲ့ကြောင်း ရန်ကုန်မြို့တော် ၀ါးတန်းဆိပ်ကမ်း ကုန်စည်ဒိုင်အခြေစိုက်သမ္ဘာရင့် ဆန်လက်ကား ကုန်သည်ကြီး တစ် ဦး က ဖေဖော်ဝါရီလ ၂၀ ရက်နေ့တွင် ပြောကြားသည်။

ယခင်က ဆန်ချောပေါ်ဆန်းနှင့် ဆန်ကြမ်းဇီယာ၏ တစ်အိတ်ချင်းကွာ ခြားချက်သည် အလွန်အမင်းကွာခြား ချိန်မျိုး ၌ပင် ကျပ်တစ်သောင်းထက် မပိုကြောင်း၊ ယခုရက်ပိုင်းတွင်မူ ဆန်ချော ပေါ်ဆန်းကို ၀ယ်လိုသူများ ပြီးနောက် ဆန် ချော တစ်အိတ်တန်ဖိုးသည် ထူး ထူးခြားခြားဆန်ကြမ်းနှစ်အိတ်တန်ဖိုး နှင့် ညီလာကြောင်း ၎င်းကပြောကြားသည်။

“ကိုယ့်ရဲ့ဆန်ရောင်းတဲ့ အတွေ့အကြုံ နှစ် ၂၀ အရ ပြောရရင် တစ်ခါမှမဖြစ်ဖူးတာတွေ ဖြစ်နေတယ်လို့ ပြောရင်ရတယ်”ဟု ၎င်းကဆိုသည်။

ယခုနှစ်၏ထူးခြားချက်မှာ ဆန်ချောဈေးနှုန်းတက်သည့် အချိန်စောသကဲ့သို့ မြင့်တက်သည့်နှုန်းလည်း မြန်ဆန်ကြောင်း၊ လက်ရှိဆန်ချောပေါ် ဆန်တစ်အိတ်ဈေးကျပ် ၃၀,၀၀၀ သည် ပြီးခဲ့သည့် နှစ်ကုန်ကဈေးနှုန်း ဖြစ်နေကြောင်း၊ဘုရင့်နောင်ပွဲရုံမှအိမ်အရောက် ပို့ဆန်ရောင်းဝယ်ရေးလုပ်ငန်းရှင်တစ်ဦးက ပြောကြားသည်။

ရန်ကုန်မြို့နေ လူလတ်တန်းစားအိမ်ရှင်မများသည် ဆန်ကောင်းကောင်းကို ဦးစားပေး စားသုံးသည့်အလေ့
အထ ဖြစ်လာကြောင်း၊ လက်လီဆိုင်များအနေဖြင့် ဆန်ချောရှစ်မျိုး၊ ဆန်ကြမ်းနှစ်မျိုးခန့် တင်ရောင်းပြီး ဆန်ချောရောင်းအားကောင်းမှသာ အမြတ်ကျန်ကြောင်း သင်္ဃန်းကျွန်းမြို့နယ်တွင် လက်လီရောင်းသူတစ်ဦးက ရှင်းပြသည်။
ယခုစပါးသိမ်းကာနီးတွင် အချိန်အခါမဟုတ် မိုးသုံးကြိမ်ခန့်ရွာသွန်းခဲ့ပြီး စပါးများမိုးမိသဖြင့် ဆန်အ၀ါ ပေါက်မည်ကို စိုးရိမ်၍ စပါးကိုတွန်းရောင်းကြောင်း၊ ဆန်အချောတင်း၁၀၀လျှင် ကျပ်ခုနစ်သိန်းနှစ်သောင်း ခန့်ရှိပြီး အကြမ်းနှံကား တင်း၁၀၀လျှင် ကျပ် သုံးသိန်းရှစ်သောင်းခန့်ရှိကြောင်း၊ မိုးတွင်းရောက်လျှင် စပါး အချောတင်းတစ်ရာလျှင် ကျပ်၁၀ သိန်းအထိ ဖြစ်နိုင်ကြောင်း လပွတ္တာမြို့နယ် ဘီတွတ်ကျေးရွာမှ စပါးကုန်သည်ကြီးတစ်ဦးက သုံးသပ်ပြောကြားသည်။

လက်ရှိဆန်ကြမ်းရှယ်တစ်အိတ် ကျပ်၁၆,၅၀၀၊ ၁၇,၀၀၀ ခန့်ရှိပြီး ဆန်ချော ပေါ်ဆန်းတစ်အိတ် ကျပ်၃၀,၀၀၀၊ ၃၃,၀၀၀ကျပ်ခန့် ရှိကြောင်း ရန်ကုန်ဆန်လက်ကား ဈေးကွက်အတွင်းမှ စုံစမ်းသိရှိရသည်။

Saturday 26 February 2011
The Voice Journal