Antonov-148 လေယာဉ်ပျက်ကျ ၆ ဦးသေဆုံး

Source Photo from http://www.google.com/images

မြန်မာဝယ်မည့်လေယာဉ် ရုရှားမှာပျက်

မြန်မာ ၂ ယောက်သေ

စနေ, 05 မတ် 2011

ဒီကနေ့ ရုရှားနိုင်ငံအနောက်ဘက်၊ မော်စကိုမြို့တော်ရဲ့ တောင်ဘက် မိုင် ၃၇၀ အကွာမှာရှိတဲ့ Belgorod ဒေသမှာ Antonov-148 အမျိုးအစား ရုရှားလုပ် အမောင်းသင်လေယာဉ် ပျက်ကျသွားပြီးတော့ လေယာဉ်ဝန်ထမ်း ၄ ဦးနဲ့အတူ လေယာဉ်အမောင်းသင်နေသူ မြန်မာနိုင်ငံသား ၂ ဦး၊ အားလုံး ၆ ဦးသေဆုံးသွားခဲ့တယ်လို့ မော်စကိုမြို့တော်က ရုရှားနိုင်ငံရဲ့ အရေးပေါ်အခြေအနေများ ကိုင်တွယ်ဖြေရှင်းရေး ၀န်ကြီဌာနက ပြောကြားလိုက်ကြောင်း ရုရှားအစိုးရသတင်းမှာ ဖော်ပြထားပါတယ်။

ဒီလေယာဉ်တွေ ထုတ်လုပ်ရာစက်ရုံကလည်း အခုပျက်ကျသွားတဲ့ Antonov-148 အမျိုးအစားလေယာဉ်တွေကို မြန်မာနိုင်ငံကို တင်ပို့ဖို့ရှိတယ်လို့ ဆိုပါတယ်။ ဒါပေမဲ့ မော်စကိုမြို့တော်က မြန်မာသံရုံးကတော့ ဒီလေယာဉ် ပျက်ကျပြီး မြန်မာနှစ်ဦး သေဆုံးသွားတဲ့သတင်းကို သူတို့မရရှိဘူးလို့ ရိုက်စ်တာသတင်းဌာနကို ပြောကြားခဲ့ပါတယ်။

Find this article at:
http://www.voanews.com/burmese/news/Russia-test-flight-crash-03-05-11-117456573.html