ငလျင်ငယ်များ ထပ်မံလှုပ်ခတ်နေဆဲ

မတ်လ ၂၆ ရက်နေ့အထိ ရှမ်းပြည်နယ် အရှေ့ပိုင်းဒေသများတွင်

ငလျင်ငယ်များ ထပ်မံလှုပ်ခတ်နေ

by news-eleven
March 26 2011

မတ်လ ၂၄ ရက်နေ့က လှုပ်ခတ်ခဲ့သော အင်အားပြင်းငလျင်၏ နောက်ဆက်တွဲအဖြစ် ငလျင်ငယ်များ လှုပ်ခတ်မှု ဆက်လက် ဖြစ်ပေါ်လျက်ရှိရာ မတ်လ ၂၆ ရက်နေ့အထိ ရှမ်းပြည်နယ် အရှေ့ပိုင်းဒေသများတွင် ငလျင်ငယ်များ ထပ်မံ လှုပ်ခတ်နေ၍ ဒေသခံများ အကြားတွင် စိုးရိမ်ပူပန်မှုများ ဖြစ်ပေါ်လျက်ရှိကြောင်း သတင်းရရှိပါသည်။

''မနေ့ညကလည်း လှုပ်တယ်၊ ဒီမနက်လည်း ထပ်လှုပ်သေးတယ်။ အိမ်ထဲကို မနေရဲတော့ဘူး။ အိမ်က မြေစိုက်အိမ်ဆိုတော့ ပိုသိသာတယ်။ သဘာဝဘေးဆိုတော့ ပြောလို့မရဘူးပေါ့။ ကံစီမံရာပဲလို့ သဘောထားရတာပဲ''ဟု အုတ်ကျင်းရွာမှ အ မျိုးသမီးတစ်ဦးက မတ်လ ၂၆ ရက်နေ့ မွန်းလွဲ ၁၂ နာရီဝန်းကျင်က ပြောပြသည်။

''၂၄ ရက်နေ့ ငလျင်လှုပ်တုန်းက အိမ်နောက်ဖေးဘက် ရောက်နေတော့ ကျွန်မက လွတ်သွားတယ်။ အိမ်ရှေ့ဘက်ခြမ်းက ပြိုကျတော့ အမျိုးသားက ဆုံးသွားပါတယ်''ဟု တာလေမြို့ပေါ်မှ အမျိုးသမီးတစ်ဦး က ပြောကြားသည်။

အင်အားပြင်းငလျင် လှုပ်ခတ်မှုကြောင့် တာချီလိတ်မြို့၊ တာလေမြို့၊ နားယောင်းကျေးရွာ၊ မိုင်းလင်းကျေးရွာ၊ မိုင်းကိုးကျေးရွာအုပ်စု ကျကူနီရွာ တို့တွင် သေဆုံးသူသည် ရာဂဏန်းကို ကျော်လွန်နေပြီး သေဆုံးသူ၊ ဒဏ်ရာရရှိသူ အရေအတွက် အများဆုံးမှာ မိုင်းလင်းကျေးရွာ ဖြစ်သည်ဟု ဒေသခံတို့၏ ပြောကြားချက်အရ သိရှိရသည်။

''အိမ်တစ်အိမ်လုံး ပြိုကျတော့ အိမ်မှာရှိတဲ့ အဖိုးရော၊ မြေးရော၊ ချွေးမရော ပါသွားကြတယ်''ဟု တာလေမြို့မှ ဒေသခံတစ်ဦးက ပြောပြသည်။

အင်အားပြင်းငလျင်၏ နောက်တွင် ငလျင်ငယ်များ နောက်ဆက်တွဲအဖြစ် ထပ်မံ လှုပ်ခတ်လေ့ရှိသကဲ့သို့ လက်ရှိအချိန်အထိ ငလျင်ငယ်များ၏ သက်ရောက်မှုကို ဒေသခံများ ခံစားနေရခြင်း ဖြစ်ပြီး ယခု အင်အားပြင်းသော ငလျင်ကြီး လှုပ်ခတ်နိုင်ခြေ မရှိတော့ကြောင်း မြေငလျင်ဆိုင်ရာ ပညာရှင်တစ်ဦးက သုံးသပ်ပါသည်။

[Updated မတ်လ ၂၆ ရက် နံနက် ၁၀ နာရီ]


ထပ်မံရရှိသောသတင်းများအရ ငလျင်ကြောင့် ဒဏ်ရာရရှိခဲ့သူ အရေအတွက် ထပ်မံတိုးတက်လာပြီး တာချီလိတ်ဆေးရုံ၊ မိုင်းဖြတ်ဆေးရုံများသို့ ခွဲ၍ပို့ဆောင်ထားရကြောင်း သတင်း ရရှိပါသည်။

''ဒဏ်ရာရတဲ့သူတွေကို တာချီလိတ်ဆေးရုံနဲ့ မိုင်းဖြတ်ဆေးရုံတွေကို ခွဲပြီးပို့ထားပါတယ်။ တာချီလိတ်၊ ကျိုင်းတုံကသွားတဲ့ ကယ်ဆယ်ရေးအဖွဲ့တွေက တာလေမှာ ရုံးစိုက်ထားကြတယ်။ လောလောဆယ်တော့ ငြိမ်သွားတဲ့အခြေအနေလို့ ပြောလို့ရပါတယ်။ ပြန်လည်တည်ဆောက်ရေး လုပ်ငန်းတွေ စတင်နေပါပြီ။ ကယ်ဆယ်ရေးစခန်းတွေကတော့ တာလေမြို့ပေါ်နဲ့ နားယောင်းရွာမှာ ဖွင့်လှစ်ထားပါတယ်''ဟု ကယ်ဆယ်ရေးဆိုင်ရာ တာဝန်ရှိသူ တစ်ဦးက မတ်လ ၂၆ ရက်နေ့ နံနက် ၉ နာရီခွဲခန့်က ပြောပြသည်။

မတ်လ ၂၆ ရက်နေ့ ထုတ်ပြန်ချက်များအရ တာချီလိတ်မြို့၊ တာလေမြို့၊ နားယောင်းကျေးရွာ၊ မိုင်းလင်းကျေးရွာ၊ မိုင်းကိုးကျေးရွာအုပ်စု ကျကူနီရွာတို့တွင် စုစုပေါင်း အိမ်ခြေ ၂၂၄ လုံး ပျက်စီးခဲ့ပြီး ခြောက်ခန်းတွဲလူနေ လိုင်းခန်းတစ်ခု၊ သာသနိက အဆောက်အအုံ ၁၁ ခု၊ ဌာနဆိုင်ရာ အဆောက်အအုံ ကိုးလုံး အသီးသီး ပျက်စီးခဲ့ကာ သေဆုံးသူ ၇၃ ဦး၊ ဒဏ်ရာရရှိသူ ၁၂၅ ဦး ရှိကြောင်း သိရှိရသည်။

[Updated မတ်လ ၂၆ ရက် နံနက် ၇ နာရီ]

မတ်လ (၂၆) ရက် နံနက် (၅) နာရီ ဝန်းကျင်ခန့်က အင်းအား အသင့်အတင့်ရှိ ငလျင်တစ်ခု ထပ်မံလှုပ်ခတ်ခဲ့ကြောင်း တာချီလိတ်ဒေသခံတစ်ဦး၏ ပြောကြားချက်အရသိရသည်။ လက်ရှိတွင် တာချီလိတ် ပြည်သူ့ဆေးရုံတွင် အရေးပေါ်ကယ်ဆယ်ရေးအသင်း/အဖွဲ့များ ဖွဲ့စည်းထားပြီး ဆေးရုံသို့ ရောက်ရှိလာသော လူနာများကို ကုသပေးလျက်ရှိကြောင်း သိရသည်။

"လောလောဆယ်တော့ လူနာ ၆၀ ကျော်ရှိပါတယ်။ ကျွန်တော် ဂျူတီအချိန်အတွင်းမှာတော့ သေဆုံးလူနာ(၂)ဦး ရှိပါတယ်။ ဆေးရုံ အနေအထားအရ လူနာတွေအားလုံးကို အခန်းထဲမှာ ထားမပေးနိုင်ပါဘူး။ အဖွဲ့အစည်းတွေ၊ တစ်သီးပုဂ္ဂလတွေကလာပြီး လူနာတွေကို လိုအပ်တာတွေ လှူကြတာတွေလည်း ရှိပါတယ်"ဟု တာချီလိတ်ဆေးရုံမှ တာဝန်ရှိသူတစ်ဦးက ပြောပြသည်။

"ကျွန်တော်က ကျကူနီရွာကပါ။ တာလေမြို့နယ်ခွဲကပေါ့ ဇနီးနဲ့သမီး ခေါင်းနဲ့ခြေထောက်တွေ ထိတယ်။ ရွာထဲမှာ သေတဲ့သူတွေလည်း ရှိတယ်။ အိမ်ကတစ်ထပ်ပေမယ့် ဘေးကအုတ်တွေ ပြုတ်ပြီး ခေါင်မိုးကျလာတာ၊ ရွာထဲမှာ အကုန်နီးနီးဘဲ"ဟု တာချီလိတ်ဆေးရုံရောက် လူနာတစ်ဦးမှ ပြောပြခဲ့သည်။

ထိုပြင် တာလေမြို့ အ၀င်ရှိ လမ်းများမှာ အက်ကြောင်းကြီးများ ဖြစ်ပေါ်ခဲ့ပြီး ကားငယ်များ သွားနိုင်ရန် ပြုလုပ်ပေးထားကြောင်း သိရှိရသည်။ တာလေမြို့နယ်သည် တာချီလိတ်ခရိုင်တွင် ပါဝင်ပြီး တာချီလိတ်မှ ၂၅ မိုင်ခန့် ကွာဝေးကြောင်း သိရသည်။

[Updated - မတ်လ ၂၅ ရက်နေ့ ည ၁၀နာရီ]

ထပ်မံရရှိသောသတင်းများအရ သေဆုံးသူအရေအတွက်မှာ ပိုမိုများပြားနိုင်ကြောင်း သိရပြီး ယခုအခါ အလောင်းကောက်စစ်ဆေးမှုများပြုလုပ်ဆဲဖြစ်၍ အတိအကျ မသိရှိနိုင်သေးကြောင်း တာလေမြို့နယ်ခွဲရှိ ဒေသခံတစ်ဦးက ည(၉)နာရီအချိန် ဆက်သွယ်မေးမြန်းမှုကို ပြန်လည်ဖြေကြားခဲ့ပါသည်။ ထို့ပြင် တာလေမြို့နယ်ခွဲ ဆေးရုံလည်း ပြိုကျပျက်စီးမှုများရှိကြောင်း သိရသည်။

''တာလေမြို့လမ်းမကြီးရဲ့ လမ်းဘေးဝဲယာတွေမှာတော့ တော်တော်များများပျက်စီးနေပါတယ်။ ကျိုင်းတုံနဲ့ တာချီလိတ်ကြားက တာလေတံတားကလည်း မြေကြီးထဲကို (၅)ပေလောက် နိမ့်ဆင်းသွားတယ်။ လောလောဆယ်မှာ သဲအိတ်တွေဆင့်ပြီး ကားသေးလေးတွေတော့ ဖြတ်လို့ရနေပါပြီ။ တာလေတံတားက တာချီလိတ်နဲ့ပိုနီးပြီး မိုင်(၂၀)လောက်ပဲဝေးပါတယ်။ တာချီလိတ်ကနေ တာလေမြို့နယ်ခွဲကိုလာရင် အဲဒီတံတားကပဲ ဖြတ်လာရတာပါ''ဟု ဒေသခံတစ်ဦးမှပြောပြပါသည်။

ထိခိုက်ဒဏ်ရာရရှိသူများအား တာချီလိတ်ဆေးရုံသို့ ပို့ဆောင်ကုသမှုပြုလုပ်နေပြီး ကျိုင်းတုံနှင့် တာချီလိတ်မြို့များမှ ဒေသဆိုင်ရာအာဏာပိုင်များ၊ NGOများအပါအ၀င် ကူညီကယ်ဆယ်ရေးအဖွဲ့များရောက်ရှိနေပြီဟု သိရသည်။

Source from http://www.news-eleven.com