မြန်မာနိုင်ငံတွင် လူငါးသောင်းခန့် ကင်ဆာ ဖြစ်နိုင်

မြန်မာနိုင်ငံ လူဦးရေ၏ တစ်သိန်းနှုန်းတွင် လူ ၁၀၀ နှုန်း ကင်ဆာရောဂါဖြစ်နေသည့်အတွက် ကင်ဆာရောဂါ ဖြစ်နိုင်သည့် လူဦးရေမှာ ငါးသောင်းဝန်းကျင်ခန့် ရှိနိုင်သည် ဟု သိရသည်။

မြန်မာနိုင်ငံတွင် ကင်ဆာရောဂါများ ဖြစ်ပွားနေရာ၌ မျိုးရိုးဗီဇလိုက်မှုကြောင့် ဖြစ်ပွားခြင်းထက် ပတ်ဝန်းကျင်နှင့် နေထိုင်မှုပုံစံများကြောင့် ပိုမိုဖြစ်ပွားနေခြင်းဖြစ်သည်ဟု Myanmar Center of Chemotherapy နှင့် မြန်မာနိုင်ငံ ဆရာဝန်အသင်း၏ ပါဝင်ကူညီမှုဖြင့် ပြုလုပ်ခဲ့သော မြတ်သောပန်းကလေး လန်းစေချင်၊ ရင်သားကင်ဆာ အကြောင်း သိကောင်းစရာများ ဟောပြောဆွေးနွေးပွဲ အစီအစဉ်တွင် ပါမောက္ခဒေါက်တာ ဦးစိုးဦးမောင်က ပြောကြားခဲ့သည်။

ကင်ဆာရောဂါများတွင် မျိုးရိုးဗီဇကြောင့် ဖြစ်ပွားနေမှုမှာ သုံးပုံတစ်ပုံခန့်သာ ရှိနေပြီး အနည်းစုသာ ဖြစ်သည်ဟုသိရသည်။ အများစုမှာ ပတ်ဝန်းကျင် အကြောင်းတရားများ နှင့် နေထိုင်မှုပုံစံများကြောင့် ဖြစ်ပွားနေခြင်းဖြစ်ပြီး သုံးပုံနှစ်ပုံခန့် ဖြစ်ပွားမှုရှိနေသည်ဟု သိရသည်။ ဆေးလိပ် ဆေးရွက်ကြီး သုံးစွဲခြင်း၊ အရက်သေ စာသောက်သုံးခြင်း၊ လုပ်ငန်းခွင် အနေအထားများကြောင့် ဖြစ်ပေါ်ခြင်း၊ ပတ်ဝန်းကျင် ညစ်ညမ်းခြင်း၊ အစား အစာများထဲတွင် ရောနှောပါဝင်နေ သော အရာများကြောင့် ဖြစ်ပွားခြင်း၊ဆေးဝါးများကြောင့် ဖြစ်ပွားခြင်း၊ ရောင်ခြည်သင့်ခြင်း၊ အချို့သော နာတာရှည် ကူးစက်ရောဂါများကြောင့် ဖြစ်ပွားခြင်း၊ အစာအာဟာရကြောင့် ဖြစ်ပွားခြင်း၊ ကိုယ်ခံအားကျခြင်း၊ ဟော်မုန်းဓာတ်များကြောင့် ဖြစ်ပွားခြင်းတို့ဖြစ်သည်ဟု သိရသည်။
ကင်ဆာရောဂါများတွင် မျိုးရိုးဗီဇကြောင့် ဖြစ်ပွားနေမှုမှာ သုံးပုံတစ်ပုံခန့်သာ ရှိနေပြီး အနည်းစုသာ ဖြစ်သည်ဟုသိရသည်။ အများစုမှာ ပတ်ဝန်းကျင် အကြောင်းတရားများ နှင့် နေထိုင်မှုပုံစံများကြောင့် ဖြစ်ပွားနေခြင်းဖြစ်

ပတ်ဝန်းကျင်နှင့် လူတို့၏ နေထိုင်မှု ပုံစံများကြောင့် ဖြစ်ပွားသော ကင်ဆာရောဂါများကို ကျန်းမာသော နေထိုင်မှုပုံစံများဖြင့် နေထိုင်သွားလာခြင်း၊ အချို့သော ကင်ဆာရောဂါများသည် ကာကွယ်ဆေးထိုး၍ ရခြင်းတို့ကြောင့် ကြိုတင်စစ်ဆေးခြင်း၊ ကာကွယ်ခြင်းတို့ဖြင့် ဆောင်ရွက်နိုင်သည်ဟု သိရသည်။

ပတ်ဝန်းကျင်နှင့် နေထိုင်မှုပုံစံများကြောင့် ကင်ဆာရောဂါများဖြစ်ပွားနေရာတွင် ဆေးလိပ်နှင့်ဆေးရွက်ကြီး သုံးစွဲမှုလည်းပါဝင်နေပြီး အမျိုးသားများတွင် ဖြစ်ပေါ်နေသော ကင် ဆာရောဂါများ၏ ၂၅ ရာခိုင်နှုန်းနှင့် အမျိုးသမီးများတွင် ဖြစ်ပေါ်နေသော ကင်ဆာရောဂါများ၏ လေး ရာခိုင်နှုန်းမှာ ဆေးလိပ်ကြောင့်ဖြစ်နေသည် ဟု သိရသည်။ ဆေးလိပ်၊ ဆေးရွက် ကြီးကြောင့် အဆုတ်ကင်ဆာ၊ အသံ အိုးကင်ဆာ၊ ပန်ကရိယကင်ဆာ၊ ကျောက်ကပ်ကင်ဆာ၊ ဆီးအိမ်ကင် ဆာတို့ ဖြစ်စေနိုင်ပြီး အရက်ကိုပါ တွဲဖက်သောက်သုံးပါကပါးစပ်ကင်ဆာ နှင့်အစာရေမျိုပြွန်ကင်ဆာများကိုပါ ဖြစ်စေနိုင်သည်ဟု သိရသည်။ အရက်ကြောင့် လည်ပင်းကင်ဆာ၊ အသည်းကင်ဆာတို့ကိုလည်း ဖြစ်စေနိုင်ပြီး ရင်သားကင်ဆာနှင့် အူမကြီးကင်ဆာဖြစ်ပွားနှုန်းကိုလည်း များလာစေသည်ဟု သိရသည်။ အရက်သောက်တတ်သူ အမျိုးသမီးများတွင် အရက်ကြောင့် ဖြစ်ပွားသောကင်ဆာ ရောဂါများ၏ ထက်ဝက်မှာ ရင်သားကင်ဆာဖြစ်နေကြောင်း သိရသည်။

လုပ်ငန်းခွင်များနှင့် ကင်ဆာရောဂါများလည်း ဆက်စပ်မှုရှိနေပြီး မီးခိုးငွေ့များ၊ သားရည်နံ့များ၊ ပရိဘောဂ လုပ်ငန်းများ၊ လုပ်ငန်းခွင်များ မှထွက်ပေါ်လာသည့် ဓာတုပစ္စည်း များကြောင့် ကပ်ပယ်အိတ်ကင်ဆာ၊ ဆီးအိမ်ကင်ဆာ၊ နှာခေါင်းကင်ဆာ၊ သွေးကင်ဆာ၊ အဆုတ်ကင်ဆာ၊ အရေပြား၊ ဆီးလမ်းကြောင်းနှင့် အဆုတ်အမြေးပါးတို့တွင်လည်း ကင်ဆာအဖြစ်များလျက်ရှိကြောင်း သိရသည်။ ပတ်ဝန်းကျင် လေထု၊ ရေထု၊ မြေထုညစ်ညမ်းခြင်းကြောင့် လည်း ကင်ဆာရောဂါများ ပိုမို ဖြစ်ပေါ်လာစေသည်ဟုသိရသည်။ စက်ရုံ၊ အလုပ်ရုံ၊ ယာဉ်ရထားအင်ဂျင် များမှ ထွက်ပေါ်လာသော မီးခိုးငွေ့ အဆိပ်ငွေ့များကပြင်ပလေထုများကို ညစ်ညမ်းစေပြီး အဆုတ်ကင်ဆာ များဖြစ်ပေါ်စေနိုင်သည့်အပြင် ဆေး လိပ်သောက်သုံးခြင်းမရှိသော်လည်း သူတစ်ပါးသောက်သုံးသည့်ဆေးလိပ် ငွေ့ကို ရှူရှိက်မိသူ၊ အခန်းများတွင် စွဲကျန်ရစ်နေသော ဆေးလိပ်ငွေ့ များကို ရှူရှိက်မိသူများတွင်လည်း အဆုတ်ကင်ဆာများ ဖြစ်ပေါ်လျက် ရှိသည်ဟု သိရသည်။ ရေထုထဲတွင် ကင်ဆာနှင့် ဆက်နွှယ်နေသည်မှာ အာဆင်းနစ်ဓာတ်ဖြစ်ပြီး အာဆင်းနစ် ဓာတ်အများအပြားပါဝင်သော ရေကို သောက်သုံးမိပါက ဆီးအိမ်ကင်ဆာ၊ အရေပြားကင်ဆာနှင့် အဆုတ်ကင်ဆာများ အဖြစ်များလာကြောင်း သိရသည်။

ယင်းအပြင် အစားအစာများတွင် ပါဝင်နေသော အရာများတွင် မှိုတက်နေသော အစားအစာများ၊ ဓာတုပစ္စည်းများ ပါဝင်သော အစားအစာများ၊ အစားအစာများကို ပြင်ဆင်ရင်း ထွက်ပေါ်လာသော ဓာတ်များကြောင့်လည်း ကင်ဆာရောဂါများ ဖြစ်ပေါ်ရသည်။ မှိုတက်နေသော အစားအစာများကြောင့်အသည်းကင် ဆာများဖြစ်ပေါ်နေရပြီး ဆားနှင့် သိပ်ထားသော အသား၊ ငါး၊ ကျပ် တင်ထားသော အသားငါးများ၊ မီး တောက်နှင့် ကြော်ခြင်း၊ ဖုတ်ခြင်း၊ ချက်ခြင်းများ၊ ပိုးသတ်ဆေးများနှင့် မကင်းသည့်အစားအစာများကြောင့် ပန်ကရိယကင်ဆာ၊ရင်သားကင်ဆာ၊ အကျိတ်ကင်ဆာ၊ သွေးကင်ဆာတို့ကို ဖြစ်ပေါ်စေနိုင်သည်ဟု သိရသည်။ ထို့ကြောင့် အချို့မှာ ဆေးလိပ်နှင့် အရက်သုံးစွဲခြင်းမရှိသော်လည်း နေထိုင်မှုနှင့် အစားအစာများကြောင့် ကင်ဆာရောဂါများ ဖြစ်ပေါ်လာမှုများ ပိုမိုများပြားလာလျက်ရှိသည်ဟုသိရ သည်။ သုံးစွဲနေသော ဆေးဝါးများ၊ သန္ဓေတားဆေးများကြောင့်လည်း ကင်ဆာရောဂါများ ဖြစ်စေနိုင်သည့် အပြင်နေရောင်ခြည်မှလာသည့်ခရမ်း လွန်ရောင်ခြည်နှင့် ကျောက်တုံး၊ မြေ လွှာတို့က ထွက်ပေါ်လာသည့် ရေဒီယိုဓာတ်သတ္တုကြွမှုများ ကတစ်ဆင့် အရေပြားကင်ဆာ ဖြစ်စေနိုင်သည်။

ကင်ဆာရောဂါများ ဖြစ်ပွားနေ ရာတွင် ၃၀ ရာခိုင်နှုန်းခန့်မှာ နေ့စဉ် စားသုံးနေသော အစာအာဟာရများ နှင့် ဆက်စပ်နေသည်ဟုလည်း သိရသည်။ ဆားသိပ်ထားသော အစား အစာများ၊ မီးခိုးမှိုင်းနှင့် ပြုလုပ်ထားသော အစားအစာများက အစာအိမ်ကင်ဆာများ ဖြစ်ပေါ်စေသည်ဟု သိရသည်။
တိရစ္ဆာန်ဆီများနှင့် အသားများ အလွန်အကျွံစားသုံးခြင်းသည်လည်း အူမကြီးကင်ဆာ၊ ရင်သားကင်ဆာ၊ ဆီးကျိတ်ကင်ဆာ၊ သားအိမ်ကင်ဆာစသည့် ကင်ဆာရောဂါ အမျိုးမျိုးကို ဖြစ်ပေါ်စေသည်ဟု သိရသည်။

ယင်းသို့ မျိုးရိုးဗီဇလိုက်မှုထက် နေ့စဉ်စားသောက် နေထိုင်နေကြသော နေထိုင်မှုပုံစံများနှင့် ပတ်ဝန်းကျင် ညစ်ညမ်းမှုအနေအထားများကြောင့် ကင်ဆာရောဂါအမျိုးမျိုး ဖြစ်ပေါ်နေရာတွင် ကျန်းမာသောနေထိုင်မှုပုံစံ၊ ကျန်းမာရေး ဗဟုသုတများဖြင့် နေထိုင်သွားကြရန် လိုအပ်သည်ဟု ကျွမ်းကျင်သူများက အကြံပြုကြသည်။ ကျန်းမာရေးဗဟုသုတအမြင် များ ကျယ်ကျယ်ပြန့်ပြန့် သိမြင်နိုင် စေရေးမှာလည်း အသိပညာပေးလုပ်ငန်းများ ပိုမိုထိရောက်ရန် လိုအပ်သည်ဟုလည်းဆိုကြသည်။
လက်ရှိတွင် ကျန်းမာရေးဝန်ကြီးဌာနက ရုပ်မြင်သံကြား အစီအစဉ်များနှင့် လက်ကမ်းစာစောင်များ အခမဲ့ပေးဝေ၍ ကင်ဆာရောဂါ တိုက်ဖျက်ရေး စီမံချက်တစ်ရပ် အနေဖြင့် ဆောင်ရွက်နေသည်ဟု
သိရသည်။


Comments

-8 #1 Zawtika 2011-03-07
ကမ္ဘာပေါ်မှာ
ကင်ဆာဖြစ်နှုံး အများဆုံး ဗိုလ်စွဲ သွားအောင်
ပလပ်စတစ်အိပ်တွေ ၊ ကျွတ်ကျွတ်အိပ်တွေကိုကြော်လှော် ပီးစားကြတာပေါ့။
ကောင်းတဲ့နေရာ ဗိုလ်မစွဲနိုင်ပေမဲ့
မကောင်းတဲ့နေရာမှာတော့ ဗိုလ်စွဲနိုင်ပါသေးတယ်
ကြိတ်လိုက်ကြစမ်းကွ။

Source Article from http://www.news-eleven.com