မည်သည့်ဆေးမျှမတိုးတော့သည့် ဗက်တီးရီးယားပိုး အိန္ဒိယ၌ တွေ့

Source Photo from http://4youand4all.webs.com

ဘာဆေးမှမတိုးတဲ့ ဘက်တီးရီးယားပိုး အိန္ဒိယမှာတွေ့

By ဗွီအိုအေ (မြန်မာဌာန)
ဘက်တကြာသပတေး, 07 ဧပြီ 2011

အိန္ဒိယနိုင်ငံ နယူးဒေလီမြို့တော်ထဲက ရေနမူနာတွေကို စမ်းသပ်ရာမှာ ပဋိဇီဝ ဆေးအားလုံးနီးပါးကို ခံနိုင်ရည်ရှိစေတဲ့ ဘက်တီးရီးယား မျိုးဗီဇတခုကို တွေ့ရှိတယ်လို့ ဗြိတိန်နိုင်ငံက သုတေသီတွေက ပြောလိုက်ပါတယ်။

ရေနမူနာ ၄ ပုံ ၁ ပုံမှာ NDM1 လို့ အမည်ရတဲ့ မျိုးဗီဇတွေ တွေ့ရှိတဲ့အကြောင်း ဒီကနေ့ ဗြိတိန်မှာ ထုတ်ဝေတဲ့ Lancet ဆေးသိပ္ပံ ဂျာနယ်ထဲမှာ သိပ္ပံပညာရှင်တွေက ပြောထားပါတယ်။

ဒေလီမြို့ လမ်းတွေထဲက အများသုံး ရေပိုက်ခေါင်းတွေ၊ ရေကန်တွေဆီက ရေနမူနာ ၂၀၀ ကျော်ကို သုတေသီတွေ မနှစ်က စမ်းသပ်ခဲ့တာ ဖြစ်ပါတယ်။ ဝမ်းကိုက်ရောဂါနဲ့ ကာလဝမ်းရောဂါ ဖြစ်စေတဲ့ ဘက်တီးရီးယားပိုးတွေ အပါအဝင် တခြား ဘက်တီးရီးယားပိုး တော်တော်များထဲမှာ ဆေးမတိုးတဲ့ မျိုးဗီဇတွေကို စမ်းသပ်တွေ့ရှိတယ်လို့ သုတေသန လုပ်သူတွေက ပြောပါတယ်။

ဝမ်းရောဂါဖြစ်စေတဲ့ ဘက်တီးရီးယားပိုးထဲမှာ ဒီလို မျိုးဗီဇတွေကို မနှစ်က လုပ်ခဲ့တဲ့ သီးခြား သုတေသန တခုမှာ တွေ့ခဲ့ကြပါတယ်။

အဲဒီမျိုးဗီဇကနေ ဖြစ်လာတဲ့ ဘက်တီးရီးယားပိုးတွေဟာ ဆေးအားလုံးလိုလို မတိုးတော့တဲ့အပြင် နောက်ဆုံးအဆင့် ဆေးဖြစ်တဲ့ Carbapenems ဆေးကိုတောင် မတိုးတော့ပါဘူး။

ကမ္ဘာပေါ်မှာ ဆေးမတိုးတော့တဲ့ ရောဂါတွေ ပိုပြီး ပျံ့နှံ့ဖြစ်ပွားတဲ့ ပြဿနာ ပိုဆိုးလာနေပြီး ဒီရောဂါသည်တွေကို ကုသဖို့လည်း မလွယ်ကူတော့ဘူးလို့ WHO ကမ္ဘာ့ကျန်းမာရေး အဖွဲ့ကြီးကလည်း ဒီနေ့မှာပဲ ပြောလိုက်ပါတယ်။

ဒီလိုပြဿနာတွေကြောင့် ကုသမှုစရိတ် ပိုကြီးပြီး အသက်ဆုံးရှုံးမှု အန္တရာယ် ပိုများစေတယ်လို့ WHO က ပြောပါတယ်။

သတင်းကို အောက်ပါလိပ်စာမှာ ရယူနိုင်ပါတယ်
http://www.voanews.com/burmese/news/india-bacteria-119412629.html

ကူးစက်ရောဂါဆန်း NDM-1
by http://4youand4all.webs.com

အိန္ဒိယမှ New Delhi metallo-beta-lactamase (NDM-1) ဆိုသည့် ရောဂါပိုးသစ် တစ်မျိုးသည် ကမ္ဘာနှင့်အဝှမ်း ကူးစက်ပျံ့နှံ့ပြီး လူသေပျောက်မှု များသော ကူးစက်ရောဂါ ဖြစ်လာနိုင်ကြောင်း မီဒီယာများတွင် ဖော်ပြကြသည်။ ၄င်း ရောဂါပိုးသည် စွမ်းအား အထက်ဆုံး ဖြစ်သည့် Carbapenem အပါအဝင် ပဋိဇီဝဆေးများ အားလုံးကို ခုခံနိုင်စွမ်းရှိကြောင်းသိရသည်။
NDM-1 ရောဂါပိုးကြောင့် ပထမဆုံး သေဆုံးသူမှာ ဘယ်လ်ဂျီယမ် နိုင်ငံသား တစ်ဦး ဖြစ်သည်။
ထို့ပြင် အိန္ဒိယ သို့မဟုတ် ပါကစ္စတန် နိုင်ငံတို့မှ ပြန်လာသော အင်္ဂလန်နိုင်ငံသား ၃၇ ယောက်တို့တွင်လည်း ထိုရောဂါပိုးကို တွေ့ရှိရသည်။ အိန္ဒိယတွင် ဆေးဝါးကုသမှု သွားရောက်ခံယူ ခဲ့ကြသော သြစတြေးလျ နိုင်ငံသား ၃ ဦးတွင်လည်း အဆိုပါ ရောဂါ ကူးစက် ခံရကြောင်း တွေ့ရှိရသည်။

Source News from http://4youand4all.webs.com