ဦးရွှေမန်းလည်း မစားသာပါ

တံခါး ဖွင့်ထားတဲ့

ပြည်သူ့လွှတ်တော် ဥက္ကဋ္ဌ သူရဦးရွှေမန်း

Sunday, 26 June 2011

ကချင်ပြည်နယ်တွင် တပ်မတော်နှင့် KIA တို့အကြား တိုက်ပွဲများ ဖြစ်ပွားနေမှုနှင့် ပတ်သက်၍ ပြည်သူ့လွှတ်တော် ဥက္ကဋ္ဌသူရဦးရွှေမန်း က အလျဉ်းသင့်၍ ရက်ပိုင်းအတွင်း ကဖြစ်ပျက်ခဲ့သည့် ကချင်ပြည်နယ် အတွင်းအခြေအနေကို တင်ပြလိုကြောင်း၊ တပ်မတော်နှင့် KIA တို့အကြား ပစ်ခတ်မှုများရှိခဲ့၍ နယ်မြေအတွင်း ပြည်သူလူထုသည် ကြောက်ရွံ့စိုးရိမ်မှုများ ဖြစ်ခဲ့သကဲ့သို့ နိုင်ငံအတွင်းတွင်လည်း စိုးရိမ်ကြောင့်ကြစရာများ ဖြစ်ပေါ်ခဲ့ကြောင်း၊ ထိုအချိန်တွင် ပြည်သူ့လွှတ်တော် ကိုယ်စားလှယ်တစ်ဦးဖြစ်သူ ဦးသိန်းဇော်သည် မြစ်ကြီးနားမြို့သို့ ရောက်ရှိနေ၍ သက်ဆိုင်သူများနှင့် ညှိနှိုင်းပြီး ပစ်ခတ်မှုများ ဆက်လက် မဖြစ်ပွားရေးအတွက် ဆောင်ရွက်နိုင်ခဲ့သဖြင့် မူလအခြေအနေ နီးပါးတည်ငြိမ်အေးချမ်းမှု အနေအထားများသို့ ရောက်ရှိခဲ့ကြောင်း၊ တာဝန်သိသော ပြည်သူတို့အနေဖြင့် လည်းကောင်း၊ တာဝန်ရှိ၍ တာဝန်ကျေသော ပြည်သူ့ကိုယ်စားလှယ်များ အနေဖြင့်လည်းကောင်း မိမိနယ်မြေအတွင်း ထိုသို့လုပ်ဆောင်ရန် လိုအပ်ကြောင်း၊ တည်ငြိမ်အေးချမ်းမှု ပျက်ပြားစေသော အကြောင်းများ ပေါ်ပေါက်ရန် အလားအလာများရှိပါက ကြိုတင်ဖြေရှင်းခြင်း၊ ပေါ်ပေါက်လာပါက မဖြစ်မနေပါဝင် ဖြေရှင်းခြင်းများကို ပြည်သူ့ကိုယ်စား လှယ်များက မှန်ကန်စွာဆောင်ရွက် ကြရန်လိုကြောင်း ပြောကြားခဲ့သည်။

ထို့ပြင် သူရဦးရွှေမန်းက လွှတ်တော်များက ပြုစုရေးဆွဲပြဋ္ဌာန်းသည့် ဥပဒေများကို အစိုးရအဖွဲ့အကြီးအကဲ သမ္မတက အတည်ပြုပေးရ သကဲ့သို့ ပြဋ္ဌာန်းထုတ်ပြန်ထားသော ဥပဒေများကို ပြည်သူများ၊ ပြည်သူ့ကိုယ်စားလှယ်များ ပါဝင်သောလွှတ်တော်များနှင့် ပြည်ထောင်စု အစိုးရ၊ တိုင်းဒေသကြီးနှင့် ပြည်နယ် အစိုးရ၊ ကိုယ်ပိုင်အုပ်ချုပ်ခွင့်ရ တိုင်း နှင့်ဒေသ ဦးစီးအဖွဲ့နှင့် အဖွဲ့ဝင်များ အားလုံး၊ ဌာနဆိုင်ရာအားလုံး၊ အသင်းအဖွဲ့များအားလုံး လိုက်နာ ဆောင်ရွက်ကြရမည်ဖြစ်ကြောင်း၊ မူဖြင့် အုပ်ချုပ်ရသောစနစ်ဖြစ်၍ ဥပဒေပြုပြီးမှသာ ဥပဒေအတိုင်း လိုက်နာ ဆောင်ရွက်ကြရမည် ဖြစ်ကြောင်း၊ (No one is above the Law) မည်သူမျှ ဥပဒေအထက်တွင် မရှိရ၊ (No one can stay beyond the Law) ဥပဒေပြင်ပတွင် မည်သူမှ မနေရ ဟူသည့်အတိုင်း ဥပဒေ၏ အောက်တွင်သာ နေကြရမည်ဖြစ်ကြောင်း ပြောကြားခဲ့သည်။

http://www.news-eleven.com/index.php?option=com_content&view=article&id=9109:2011-06-26-09-01-35&catid=42:2009-11-10-07-36-59&Itemid=112

ဦးရွှေမန်း မိန့်ခွန်းကို ပြန်ကြားရေးက ဆင်ဆာဖြတ်

ဧရာဝတီ
Monday, 27 June 2011

ပြည်သူ့ လွှတ်တော်ဥက္ကဋ္ဌ သူရ ဦးရွှေမန်းက ရန်ကုန်ပြည်သူ့ လွှတ်တော် အဆောက်အအုံ၌ ပြောကြားခဲ့သော မိန့်ခွန်းကို အစိုးရ သတင်းမီဒီယာအားလုံးက ဆင်ဆာ ဖြတ်တောက်ထားကြောင်း သိရသည်။

ဇွန်လ ၂၄ ရက်နေ့တွင် ရန်ကုန်တိုင်း ပြည်သူ့လွှတ်တော်ရုံးတွင် ကျင်းပသော အစည်းအဝေး၌ သူရ ဦးရွှေမန်းက မိန့်ခွန်းပြောကြားပြီး ရန်ကုန်တိုင်းအစိုးရ အဖွဲ့ဝင်များ၊ လွှတ်တော် ကိုယ်စားလှယ်များ၊ စီးပွားရေး လုပ်ငန်းရှင်များ၊ သတင်းမီဒီယာများ တက်ရောက်ခွင့်ရခဲ့သည်။

သူရ ဦးရွှေမန်းက မြန်မာနိုင်ငံသည် အလွန်နိမ့်ကျလျက်ရှိပြီး အရှေ့အလယ်ပိုင်းဒေသတွင် ဖြစ်ပေါ်သော ဆူပူအုံကြွမှုမျိုး မဖြစ်ပေါ်စေရန်နှင့် ဆူပူအုံကြွမှုဖြစ်ပေါ်လျှင် ပြည်သူများပင် နစ်နာမည်ဖြစ်ကြောင်း ပြောဆိုခဲ့သော်လည်း အဆိုပါ ပြောဆိုချက်များကို အစိုးရပိုင် သတင်းမီဒီယာအားလုံးတွင် ဖော်ပြခြင်းမပြုဘဲ ဆင်ဆာဖြတ်တောက်ခဲ့ခြင်း ဖြစ်သည်။

တသီးပုဂ္ဂလ လွှတ်တော် ကိုယ်စားလှယ်တဦးက “ဦးရွှေမန်းက တိုင်းပြည် အင်မတန် နိမ့်ကျနေတယ်ဆိုပြီးတော့ ၀န်ခံတယ်။ သူပြောသွားတဲ့အထဲမှာ ဆူပူအုံကြွမှုဖြစ်ရင် ပြည်သူတွေပဲ နစ်နာမယ်လို့လည်းပြောတယ်။ သူဆိုလိုတာက တိုင်းပြည်ဆူပူရင် တပ်က အာဏာပြန်သိမ်းမယ်။ အဲလိုဆိုရင် ပြည်သူပဲ နစ်နာမယ်ပေါ့။ ဒါပေမယ့် အဲဒါတွေက အစိုးရ ရုပ်မြင်သံကြား သတင်းစာထဲမှာ မထည့်တာက အတော်ထူးခြားတယ်” ဟု ပြောသည်။

“အမေရိကန် အထက်လွှတ်တော် အမတ် ဂျွန်မက်ကိန်း မြန်မာပြည်လာတုန်းက ပြောသွားသလိုပဲ အရှေ့အလယ်ပိုင်း ဒေသတွေမှာလို လူထုအုံကြွမှုတွေ မဖြစ်အောင် အားလုံး ဝိုင်းဝန်းကြိုးပန်းရမယ်” ဟု သူရ ဦးရွှေမန်းက ပြောဆိုခဲ့ပြီး ထိုပြောဆိုချက်များ ဆင်ဆာဖြတ်တောက်ခံရသည်။

သူရ ဦးရွှေမန်း၏ တွေ့ဆုံပွဲကို ပြန်ကြားရေးဝန်ကြီးဌာန၊ အစိုးရပိုင် ရုပ်သံ၊ သတင်းစာ၊ ရေဒီယိုများအားလုံးတွင် သတင်းအဖြစ် ဖော်ပြကြသော်လည်း မိန့်ခွန်းကိုမှု အပြည့်အစုံဖော်ပြခြင်း မပြုဘဲ ဆင်ဆာဖြတ်တောက်ခဲ့သည်မှာ ထူးခြားကြောင်း တွေ့ဆုံပွဲတက်ရောက်ခဲ့သူ လွှတ်တော်ကိုယ်စားလှယ်များနှင့် သတင်းစာဆရာများက ပြောသည်။

ရန်ကုန်တိုင်းဒေသကြီး လွှတ်တော် ကိုယ်စားလှယ်တဦးက “သူရ ဦးရွှေမန်း ပြောတာတွေ အကုန်လုံးလည်း သတင်းစာမှာ မပါလာတဲ့အပြင် ဦးရွှေမန်းကလည်း အစိုးရအနေနဲ့ လွှတ်တော်က ချမှတ်မယ့် ဆုံးဖြတ်ချက်တွေ၊ ဥပဒေတွေကို လိုက်နာ ဖော်ဆောင်ရမည်ဆိုပြီး ဖွဲ့စည်းပုံအခြေခံ ဥပဒေ ပုဒ်မ ၂၂၈ ကို ကိုးကားပြီး ပြောသွားတယ်” ဟု ပြောသည်။


ပြည်တွင်း သတင်းဂျာနယ် အယ်ဒီတာချုပ်တဦးက “ပုဂ္ဂလိက သတင်းမီဒီ ယာတွေတင် မဟုတ်ဘူး၊ ပြည်သူ့လွှတ်တော် ဥက္ကဋ္ဌ သူရ ဦးရွှေမန်းလည်း ပြောချင်ရာပြောလို့ မရဘူး၊ စိစစ်ရေးရဲ့ ဆင်ဆာဖြတ်တောက်မှု ခံနေရတယ်ဆိုတာ ထင်ရှားတယ်” ဟု ပြောသည်။

သူရ ဦးရွှေမန်းသည် ဗိုလ်ချုပ်ကြီးအဖြစ် နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီ လက်ထက်တွင် ကြည်း ရေ လေ ညှိနှိုင်း ကွပ်ကဲရေးမှူးအထိ တာဝန်ယူခဲ့သည်။

Source News from http://www.irrawaddy.org/bur/