မြန်မာစစ်အစိုးရ အပြောင်းတွေအလွဲတွေ လုပ်ပါတယ်

မြန်မာစစ်အစိုးရ အပြောင်းတွေအလွဲတွေ လုပ်ပါတယ်

(မင်းစိုးစံ)

အပြောင်းအလွဲဆိုတာကို ကျုပ်နားလည်သလိုပဲရေးမယ်ဗျာ။ ပြောင်းသွားတာလွဲသွားတာကို အပြောင်းအလွဲလို့ ဆိုနိုင်ပါလိမ့်မယ်၊ ဒီတော့ မြန်မာစစ်အစိုးရ အဆက်ဆက်ဟာ အပြောင်းတွေ အလွဲတွေလုပ်ခဲ့ကြတာအမှန်ပါ။

ဒါကြောင့်လည်း ကျုပ်တို့မြန်မာပြည်ထဲကနေ အ၀တ်တထည်ကိုယ်တခုနဲ့ သူများနိုင်ငံမှာ ထမင်းစားဘို့အလုပ် ထွက်လုပ်ရပါတယ်။ ကျန်ရစ်ခဲ့တဲ့ကိုယ့်မိသားစု ထမင်းစားနိုင်အောင် ငွေပို့ပေးခြင်းအားဖြင့်လည်း နိုင်ငံတော်
အစိုးရအတွက် အထူးအဆင်ပြေစေပါတယ်။(ငိုစား ရယ်(ရီ)စား ခြောက်စား လှန့်စား)

ကိုယ့်နိုင်ငံမှာ ထမင်းတလုတ်စားရဘို့အတွက် မသေခြာတဲ့အနေအထားမျိုးရောက်အောင် အပြောင်းအလွဲလုပ်
ပေးနိုင်တဲ့ ဗမာစစ်အစိုးရပါ။ တရက်ကို ညမနက်ထမင်းနှစ်နပ်စားနေတဲ့အနေအထားကနေ ထမင်းတနပ်ပဲစား နိုင်အောင် လေ့ကျင့်ပေးပါတယ်။ ကမ္ဘာပေါ်မှာ အ၀လွန်တဲ့ရောဂါဖြစ်နေတာမို့ ဗမာပြည်မှာ အ၀လွန်တဲ့လူတွေ မရှိရအောင် စနစ်တကျဆောင်ရွက်နေတာပါ အထင်မမှားကြပါနဲ့။(သူတို့ဗိုက်တွေစူထွက်နေ
တာကိုတော့ တမျိုး မမြင်လိုက်ကြပါနဲ့ တရုတ်ထီးတွေအတွက် အငှားကိုယ်ဝန်ဆောင်နေကြတာပါ)

ဗမာစစ်အစိုးရ မရှိခင်တုန်းကဆိုလျင် ကျုပ်တို့နေတဲ့ဒေသကို အခု ထိုင်းလို့ခေါ်တဲ့ ယိုးဒယားလူမျိုးတွေ လာပြီး အလုပ်လုပ်ကြရတာပါ၊ ကျုပ်တို့ဒေသဆိုလို့ ခင်ဗျားတို့က နယ်စပ်ကရွာတွေဖြစ်တဲ့ ဝှေ့ဆန်း သင်ကန်းညီနောင် လောက်ပဲမထင်နဲ့နော်၊ ကျုံဒိုး၊ ကျုံဒိုးချောင်းဖျား၊ ကျုံပိုင်း၊ နောင်ဟင်၊ ဒေါ်လန်း၊ အဲဒီအထိကိုလာပြီးအလုပ်လုပ် ကြတာ အဲဒါဘယ်လိုလုပ်သိသလဲဆိုတော့ ကျုပ်နဲ့ဆွေမကင်းမျိုးမကင်းတဲ့သူတွေ အဲဒီယိုးဒယားသူ ယိုးဒယား သားတွေနဲ့ အိမ်ထောင်ကျနေတာရှိတဲ့အပြင်၊ နောင်ဟင်ရွာဆိုလျင် ယိုးဒယားသားတွေတည်ခဲ့တဲ့ရွာလို့ ကျုပ် သူငယ်ချင်းကပြောဘူးတယ်၊ သူ့အဘိုးအဘွားတွေက ယိုးဒယားကနေအလုပ်လာလုပ်ရင်း အခြေခဲ့တာတဲ့။

ထိုင်းတွေလာပြီးလုပ်ကိုင်စားသောက်ခဲ့ကြတုန်းက ကျုပ်တို့ ထိုင်းမှာနေထိုင်လုပ်ကိုင်စားသောက်နေရသလို ခွဲခြားဆက်ဆံတာတို့ အနိုင်ကျင့်စော်ကားတာတို့ မရှိဘူးဗျ၊ တန်းတူရည်တူပဲ။ စစ်အစိုးရက ကိုယ့်ပြည်သူတွေ ကို အကြောက်တရားနဲ့ အုပ်ချုပ်နေတာဆိုတော့ အဲဒါကို အထာညက်တဲ့ထိုင်းက ဖါးမါးဆိုတာနဲ့ သူတို့အိမ်မှာ မွေးထားတဲ့ခွေးလောက်တောင် တန်ဘိုးမထားပဲ ဗမာပြည်သားအားလုံးကို အချဉ်လို့ပဲမှတ်ထားတာ။

အခုတော့ အစိုးရသစ်ဆိုလားဘာလား နိုင်ငံတကာကိုအကြောင်းအမျိုးမျိုးကြောင့်ရောက်နေကြတဲ့ သူတွေပြစ်မှု တစုံတရာကျူးလွန်ထားခြင်းမရှိဘူးဆိုလျင် ပြန်လာနိုင်တယ်ဆိုပဲ။ (မြေခွေးစေတနာမျိုး) ဗိုလ်ချုပ်အောင်ဆန်းရဲ့ဓါတ်ပုံကိုချိတ်ပြီး ဓါတ်ပုံရိုက်ပြတာလေးတခုတည်းနဲ့ ဘယ်လိုလူကမျှယုံမှာမဟုတ်ဘူးဆို တာသိပေမယ့် အခြားလိမ်ညာဘို့လမ်းက မရှိတော့ဘူးလေ။ (ဒါက ကျုပ်အမြင်ပါ)

စစ်အစိုးရခမျာကတော့ နှစ်အများကြီးလိမ်လာတာ အကျင့်ပါသွားတာမျိုးဖြစ်သွားတာဖြစ်နိုင်သလို ဒါမျှမဟုတ် တသက်လုံး ကောင်းရောင်းကောင်းဝယ်မလုပ်စားခဲ့ကြလေတော့ ဒီလိုလိမ်ညာနေရတာကိုက ထုံးစံလိုဖြစ်သွား ကြတာလဲ ဖြစ်နိုင်ပါတယ်။

အပြောင်းအလွဲလုပ်ခဲ့ကြသလို လုပ်နေပါတယ် ဆက်ပြီးလည်းလုပ်ကြမှာပါ မယုံမရှိပါနဲ့၊ ဘာကြောင့်လဲဆိုတော့ သူရ ဦးရွှေမန်းကပြောပါတယ် မီဒီယာတွေရဲ့ အသံကိုနာခံမယ်ဆိုလား၊ (နာခံမှာပါ သူတို့လက်သတ်မွေးထားတဲ့ မီဒီယာတွေရဲ့အသံ)

သူတို့ဘာကြောင့် ပြည်ထောင်စုမြန်မာနိုင်ငံတော်တခုလုံး စုတ်ပြတ်သတ်သွားတဲ့အထိ ဆိုးရွားတဲ့အပြောင်းအ လွဲတွေ လုပ်နေတယ်ကြတယ်လို့ ထင်ပါသလဲ။ ကောင်းကျိုးဖြစ်ထွန်းအောင်မလုပ်တတ်တော့လောက်အောင် မှားကုန်လို့ ဒါမျှမဟုတ် ပြောင်းလွဲသွားတာနဲ့ ပြောင်းပြီးလဲသွားမှာကိုသေမလောက်ကြောက်နေကြလို့ အဲဒီနှစ်ခု ထဲက တခုမုကြောင့် ဒါမျှမဟုတ်နှစ်ခုစလုံးကြောင့် ဒါမျှမဟုတ် ဒီထက်ပိုတဲ့ တခြားအကြောင်းတွေကြောင့်လည်း ဖြစ်နိုင်ပါတယ်။

ရှည်ကြာလှတဲ့ အကျင့်ပျက်ခြစားမှုကြောင့် အပြောင်းအလွဲလုပ်လိုက်တာနဲ့ သူတို့အချင်းချင်းကြား တုတ်(ဒုတ်) တပြက် ဓါးတပြက်ဖြစ်လာပြီး အားလုံးလဲပြိုသွားမှာကိုဆိုလိုတာပါ။ ကိုယ်ရတဲ့အထုပ်လေး ကိုယ်ပိုက်ပြီး တိုးတိုး တိတ်တိတ်ထွက်သွားလို့ အဆင်မပြေနိုင်တော့ပါဘူး။ သန့်ရှင်းတဲ့အစိုးရ ကောင်းမွန်တဲ့အစိုးရလုပ်မယ်ဆိုယုံနဲ့ ရွှေဈေးက တက်နေပြီမဟုတ်လား။ (ကမ္ဘာ့ရွှေဈေးနဲ့အပြိုင်)

ဒါကြောင့်လည်း သမ္မတအကြံပေးအဖွဲ့က အစိုးရသစ်လက်ထက်မှာ ပြောင်းလွဲဘို့ အချိန်ယူရမယ် အချိန်ယူရ မယ်လို့ ပြောနေရှာတာပေါ့။(အနည်းဆုံးနောက်ထပ်နှစ် ၅၀ကျော်) ဖဆပလ မဆလ န၀တ ခေတ်ကို ကောင်း ကောင်းမမှီလိုက်တဲ့ နောက်ပေါက်လေးတွေကတော့ ဒါကိုတကယ့်အပြောင်းအလွဲလုပ်နေပြီလို့ထင်ကောင်းထင် နိုင်ကြပေမယ့်၊ ခေတ်အဆက်ဆက်ကိုမှီလိုက်ကြတဲ့လူတွေကဖြင့် ဒီအစိုးရရဲ့ဖြစ်ပျက်နေပုံကိုကြည့်ပြီး ဗမာပြည် သူလူထုကိုသာမက ကမ္ဘာကိုပါ မခန့်လေးစားလုပ်ပြနေတယ်ဆိုတာကို သိနေမှာကတော့ အသေအခြာပါပဲ။

အားလုံးကျန်းမာချမ်းသာကြပါစေ။

မင်းစိုးစံ
(အဝေးရောက် ကရင်ဒုက္ခသည်တဦး)

မှတ်ချက်

နောင်လာမည့်နှစ်ငါးဆယ်ကျော်ကြာမြင့်သည်အထိ

နအဖ စစ်အစိုးရအုပ်ချုပ်နိုင်လိမ့်မည်ဟု

ဆိုလို ခြင်းမဟုတ်ပဲ အချိန်ယူရမည်ဟု ဆိုနေကြသည့်အသံကို

ပြုပြင်ပြောင်းလွဲရေးသမားများကြား

နားမယောင်မိစေရန်ဖြစ်ပါသည်။