တောင်ကိုရီးယားတွင် ရေအတက်အကျမှ
လျှပ်စစ်ဓါတ် ထုတ်ယူမှု စတင်
ပင်လယ်ရေကို အသုံးပြုပြီး လျှပ်စစ်ဓါတ် ထုတ်ယူသည့် စက်ရုံများထဲတွင် ကမ္ဘာပေါ်တွင် အကြီးဆုံးသော စက်ရုံတစ်ရုံ အဖြစ် တောင်ကိုရီး ယား နိုင်ငံမှ စက်ရုံတစ်ခုမှာ လျှပ်စစ်ဓါတ် စတင် ထုတ်ပေးရန် လည်ပတ်လိုက်ပြီ ဖြစ်သည်ဟု သိရသည်။ အဆိုပါ စက်ရုံမှာ ပင်လယ်လှိုင်း မှ ကွဲပြားသည့် လှိုင်းအတက်အကျကို အသုံးပြုပြီး လျှပ်စစ်ဓါတ် ထုတ်ယူမည် ဖြစ်ကာ ယခု စနစ်မှာ ရုပ်ကြွင်းလောင်စာ သုံးစွဲမှု လိုအပ်မည် မဟုတ်သဖြင့် ကာဘွန်ဒိုင်အောက်ဆိုက် ထွက်ရှိမည် မဟုတ်ကြောင်းလည်း သိရသည်။
အဆိုပါ စက်ရုံမှာ ပင်လယ်ဝါကို မျက်နှာပြုနေသည့် Shiwa ကန်တွင် တည်ရှိပြီး နိုင်ငံ၏ အနောက်ပိုင်းတွင် တည်ရှိခြင်း ဖြစ်သည်။အဆိုပါ စက်ရုံတွင် လျှပ်စစ်ဓါတ် ထုတ် ဒိုင်နမို ၁၀ လုံးကို ပင်လယ် နှင့် ကန်ဆက်နေသည့် ကမ်းစပ်တွင် တပ်ဆင်ထားခြင်း ဖြစ်သည်။ လွန်ခဲ့သည့် တနင်္လာနေ့က ပြုလုပ်သည့် ဖွင့်ပွဲ အခမ်းအနားတွင် သမ္မတ လီမြောင်ဘတ်မှ သဘာဝ စွမ်းအင်နှင့် ပတ်သက်သည့် ခေတ်သစ်တစ်ခုသို့ ရောက်ရှိလာပြီ ဖြစ်ကြောင်း ပြောကြားခဲ့သည်။အဆိုပါ စက်ရုံမှ အမြင့်ဆုံး ထုတ်လုပ်နိုင်မှုမှာ ကီလိုဝပ် နှစ်သိန်း ခွဲ ဖြစ်ပြီး ပြင်သစ် နိုင်ငံ ရှိ Rance ဒီရေ စွမ်းအားသုံး လျှပ်စစ်ဓါတ်အားပေး စက်ရုံနှင့် ညီမျှသည့် ပမာဏလည်း ဖြစ်ကြောင်း သိရသည်။ တောင်ကိုရီးယား နိုင်ငံမှာ ယခုလို စက်ရုံမျိုး လေးခုအထိ ဆက်လက် တည်ဆောက်ရန် လျှာထားကြောင်း သိရသည်။သို့ရာတွင် အချို့သော ဒေသခံ သဘာဝ ပတ်ဝန်းကျင် စောင့်ကြည့်ရေး အဖွဲ့များမှာ ယင်းအစီ အစဉ်ကို ဆန့်ကျင်နေကြပြီး ပင်လယ်ရေ စီးဆင်းမှု ဂေဟစနစ်ကို ထိခိုက်စေခြင်းကြောင့် ဖြစ်သည်ဟု ပြောကြားခဲ့သည်။
source : NHK news
Copy from http://www.mrtv4.net.mm/
0 comments:
Post a Comment