(Cody Kretsinger)Source Photo from http://www.myndytv.com
Sony ကုမ္ပဏီ ကွန်ပြူတာ ထိုးဖောက်သူအား
FBI ဖမ်းဆီး
23 Sep, 2011FBI ဖမ်းဆီး
အမေရိကန် နိုင်ငံ၏ ဖယ်ဒရယ် အစိုးရ စုံစမ်းရေး ဗြူရိုမှ စုံစမ်း စစ်ဆေးရေး အရာရှိများမှာ အမေရိကန် နိုင်ငံရှိ Sony ကုမ္ပဏီအား ဆိုက်ဘာ ထိုးနှက်မှုများ ပြုလုပ်ခဲ့သည်ဟု သံသယရှိသူ တစ်ဦး ဖြစ်သည့် နိုင်ငံတကာ ဟက်ကာ အဖွဲ့အစည်း တစ်ခုနှင့် ဆက်စပ်နေသူ တစ်ဦးကို ဖမ်းဆီး လိုက်နိုင်ပြီ ဖြစ်သည်ဟု သိရသည်။
အမေရိကန် ပြည်ထောင်စု အရီဇိုးနား ပြည်နယ်သား တစ်ဦးဖြစ်သည့် အသက် ၂၃ နှစ် အရွယ် Cody Kretsinger မှာ လွန်ခဲ့သော ကြာသပတေးနေ့ က ဖမ်းခံလိုက်ရခြင်း ဖြစ်ကာ လွန်ခဲ့သော ဇွန်လက Sony Pictures Entertainment ၏ ကွန်ပြူတာများကို ထိုးဖောက် ခဲ့ခြင်း ကြောင့် ဖြစ်ပြီး အသုံးပြုသူပေါင်း ၃၇၀၀၀ ၏ ကိုယ်ရေးအချက်အလက်များကို ယူဆောင်သွားခဲ့ခြင်း ဖြစ်သည်။ FBI မှ ပြောရာ၌ Kretsinger မှာ Lulz Security အမည်ရ ဟက်ကာ အုပ်စု၏ အဖွဲ့ဝင် တစ်ဦး ဖြစ်ပြီး ယခုလို တိုက်ခိုက်ခဲ့မှုတွင် ပါဝင်ခဲ့သည်ဟု ကြွေးကျော်ခဲ့သူ တစ်ဦးလည်း ဖြစ်ကြောင်း ပြောခဲ့သည်။
Kretsinger မှာယင်းသို့ ကွန်ပြူတာထိုးဖောက်ခဲ့သူများထံမှရရှိသည့် သတင်းအချက်အလက်များကို အခြားသော Lulz အဖွဲ့ဝင်များသို့ဖြန့်ဝေခဲ့ကြောင်း FBI မှပြောခဲ့သည်။ sony ကုမ္ပဏီမှာ ယခုနှစ် အစောပိုင်းများက အွန်လိုင်း တိုက်ခိုက်ခံရမှုများကြောင့် ၎င်းတို့၏ ဝန်ဆောင်မှုတွင် ပါဝင်သူ ဖောက်သည် စုစုပေါင်း ၇၇သန်း၏ ကိုယ်ရေး အချက်အလက်များ အခိုးခံခဲ့ရခြင်း ဖြစ်သည်။
source : NHK news
Credit http://www.mrtv4.net.mm
0 comments:
Post a Comment