သၱၚလင္ထံင္ၟလိုင္ေဃွ၀္ ဖႜံဳယွိဳ၀္ၟဖႜံဳယွင္

သၱၚလင္ထံင္ၟလိုင္ေဃွ၀္ ဖႜံဳယွိဳ၀္ၟဖႜံဳယွင္

(ဖူ႔တာမိက္)

ပု္ယင္လ၀္ဆု္(ကိုယ္ရည္ကိုယ္ေသြး)ဆု္ခႜါင္လု္ဖႜံဳးဏွ္ လု္ဖႜဳံခ၀့္ယု္ခႜယ့္ကၬါထါင္လု္ေသွ္႓းအု္ေခါဟ္စံင္ ယု္မု္လ၀္လု္ အု္ခ၀့္ပု္ယ၀့္ခ၀့္ေဆ၀္ၟလွ္၊ လာၟဏင့္႓ို၀္သီး မဲြါယု္လု္ဟွာ ဆု္ဏးေသွ္အု္ဖင့္ေခါဟ္ယ္ုေက၀္အု္ေခါဟ္စံင္ ႓းမဲြါလု္ ေသွ္႓းဏွ္ ယု္လ၀္႓ုံးဍးသာလွ္။

ဆု္လု္(ကိုယ္ရည္ကိုယ္ေသြး)ယို၀္ ဟု္မႝီဟ္လု္ ၾတာပညာ့ဆါၟ အု္ဆု္ေသွ္ဆု္႓း အု္ဆု္ကုင္းဆု္မံင္း အု္ဆု္ဟွယ္ဖႜဴၟ ဟွယ္၀ါ အု္ေတၢတ္ပု္၀ါသီးလု္ဖးဏွ္ ေအက်ာဍိင္စၚ႓ို၀္ ဟု္လ၀္ေ၀့(ကိုယ္ရည္ကိုယ္ေသြး)မု္ေသွ္ေ၀့ေဆ၀္ၟလွ္၊ စင္ ႓ို၀္ ပု္ယင္အု္ကုံလဲြါ (NDF)လု္ဍံင္းဏွ္ အု္သီးေ၀့ကုံလြဲါေဖါဟ္လု္ဖး အု္ေတၢတ္ပု္၀ါေ႓့မု္စီကႜါထင္းထ၀့္သို၀္ လၞံင္ၟ ေဏ၀္ၟ ၾတာပညာ့ဆါၟလု္ခါန္ၟခႜဳင့္ခ၀့္ဟွံင္ သံင္းေလါဟ္လ၀္ထါင္ကင္ကါယွံင္ေ၀့ ထီ့ဟွာင္ၟခါန္ၟဟွာင္ၟ အု္ဆု္ေလ၀္ ထင္းေလ၀္ထ၀့္ေဍ ဆု္ေသွ္ယါ့ဏးေသွ္ လု္ဖးဏွ္ေဆ၀္ၟလွ္။

ဖႜံဳယွိဳ၀္ၟဖႜဳံယွင္ေဖါဟ္သီးေဟွး ပု္လု္စံင္းယို၀္ မဲြါပု္အင္းတါင္ေဖွ္႓းပု္ဆိုဒ္ေဖါဟ္ဟွင္ၟ အွ္၀ယ္လု္မိင္မိင္ယုဂ္ေဆ၀္ၟဟွ၊ အု္ဍံင္ ႀကိဳဒ္အွ္ေဍပု္ေတၢတ္ပု္၀ါလု္ဖးအု္ဟွင္ၟ လိက္လု္ဖႜံင္ ဆု္ခႜါင္လု္ဖႜံဳး မဲြါအု္အွ္ေဆ၀္ၟဟွ၊ဖႜဳံဆိုဒ္ေဖါဟ္အွ္လု္ ခါန္ၟမု္ ညာၟသီးလ္ုဖး မဲြါအု္အင္းတါင္၀ယ္ယုဂ္ေဆ၀္ၟဟွ၊ ဖႜံဳၾတာပညာ့ဆါၟမဲြါအု္အွ္ ယွိက္ဟွာလယ့္၊ ဏု္သီးေသ္ွလိက္ေသွ္ လဲါဏွ္ ဏု္သီးဆံင့္မံင္း မု္မာထင္းထ၀့္စီကႜာထင္း က္ုယဲါဘာၟသာ့လွ္ဟွ။

ယု္ဆံင့္မံင္းဏွ္ ပု္ေအကဲထင္းမႝီဟ္လု္ဟွာဟွာဏွ္ ပု္မု္႓းအုဲးေယါ၀္ထင္း အု္က်းအု္တင္ေဍ ေမင္ၟစိင္အု္တင္ ႓းညီ သာ့လင္ေဖႜါတ္ေ၀့ေဆ၀္ၟလွ္၊ အု္က်းအု္တင္ေဍ ေမင္ၟစိင္အု္တင္ဏွ္ ဏု္ဏု္ယု္ယု္ အွ္ေ၀့ကို၀္ၟဟွာေဍလွ္၊ ပု္လု္က်း ပု္မု္မာလိုင့္ဃဦွဳကု္ယဲါ အု္က်းအု္တင္ပီပီလ၀့္သီးေသွ္ေအး၊ ေမင္ၟစိင္အု္တင္ပီပီလ၀့္သီးေသွ္ေအး မဲြါ႓ို၀္လွ္။

ဖႜံဳဆိုဒ္ေဖါဟ္ ထံင္လု္ခါန္ၟမ္ုညာၟ အးမဲြါအင္းဃွဴ႕ပု္တုဲေ၀့အု္က်းအု္တင္ေဆ၀္ၟလွ္၊ လု္ဟွာဟွာဟွိင္းဏီ့ဖႜံဳးသိုင့္ဖႜံဳး လါင္းေသါဟ္ သိုင့္ေခါဟ္ လီၟေခါဟ္၊ အု္စံင္ဏွ္အု္သီးေ၀့အု္ဟွင္ၟ ေမင္ၟစိင္အု္တင္အု္ဟွင္ၟအု္ဆိုင့္အု္ထ၀္ၟအွ္ေ၀့ ေအးေဆ၀္ၟလွ္၊ ကု္ယဲါမု္မာထင္းဖႜံဳဆိုဒ္မူၟဏီေဍါဟ္မူၟဏီေျပအာ အု္ဟွင္ၟသီး ေဖွ္လင့္ေ၀့အု္ဆိုင့္အု္ထ၀္ၟလု္ကဲလိုင္ ႓းအု္ေခါဟ္စံင္ မူၟဏီေဍါဟ္မူၟဏီေျပအာ သိုင့္မိင္ဏွ္ မာဃွဳက္ေ၀့လု္ဏီဃွင္ၟလွ္။

ဖႜံဳယွိဳ၀္ၟဖႜံဳယွင္ေဖါဟ္သီးေဟွး ဆု္ခႜါင္ယွာၟလ၀္ဆို၀္ေ၀့ ေဖါဟ္သီးလီသီးေဟွး ဏု္သီးကါင္းလင္အု္ေသါဟ္႓းဍါ ႓း ဍါ ဏု္သီးေအကါင္းလင္အု္ေသါဟ္ဏွ္ မု္ဍးပၡံင္ေဍဆု္အိုင္ဆု္ဏါၟ႓ွ္၊ အု္ေခါဟ္စံင္မူၟဆါ့လု္ဏီယို၀္ ပု္ဖႜဳံဆိုဒ္ေဖါဟ္ ယို၀္ ပု္႓းတၵဳက္တႝာ့ ႓းယါင္ယွးလင္ဖါ ႓းသီ့ဖႜိဳ၀္သီ့မိင္ အးအးေလံေဆ၀္ၟလွ္၊ ထၞာ့နဴၟ မြဲါပု္ကါင္းလင္အု္ေသါဟ္ ဏွ္ ေဆ၀္ၟလွ္။

လု္ယါ့ခါ့ဍးအို၀္ ပု္ဖီ့ပု္ဖူ႔သီးဍဳဂ္ဆု္ လု္ဟွာဟွာဏွ္ သိင့္ဏးသး(ေကႜါတ္သး)ယဲါဖႜံဳးလွ္၊ ပု္ဆ္ုလင္ၟအွ္မ်ာ့ဏွ္ ဖါလဲါ ပု္ ပိုင္ဆု္လင္ၟအွ္မ်ာ့ဖါလဲါ အု္ခါ့႓ို၀္ဏါင္း ယို၀္ မာသာေ႓့ေသွ္သို၀္လယ့္ဏွ္ ပု္ဍးေဍပု္ေမံသး သု္လဲြါထၚလွ္၊ ထၞာ့နဴၟ ပု္ ကါင္းလင္ ပု္ေသါဟ္အု္ေခါဟ္စံင္လွ္။

ပု္ယို၀္ပု္ကါင္းလင္အု္ေသါဟ္ ေ႓့ေသွ္သို၀္လယ့္စၚ႓ို၀္ လု္ယါ့ခါ့ပု္အွ္(KNU)လု္ကုံလြဲါလွ္၊ အွ္ခါ့႓ို၀္ဏါင္းယို၀္အွ္ ထင္းထါင္ ေဍ(DKBA) (KNU/KNLA-PC) (BGF)အု္ဏွ္ မဲြါပု္ကါင္းလင္ပု္ေသါဟ္လွ္၊ အု္ေခါဟ္စံင္ပု္ဖႜံဳဆိုဒ္ေဖါဟ္ လု္ဖး ဆု္သးပု္ေ႓့သို၀္ ယးလု္ေနာတ္ထိက္ဖိုင္သို၀္လွ္၊ ေမွ္အိုင္၀၀္စွ္ဏွ္ က်းေ၀့အု္ေစွ္ခ၀့္လု္ထီး အု္ဃွိဳ၀္ခ၀့္လု္ထီး ပု္လု္ယို၀္ခ၀့္ ေဍေမွ္ေခါ၀္ၟ ေဍပု္ကါင္းလင္ပု္ေသါဟ္မုက္ အု္ေခါဟ္စံင္ ယးကးအု္မိင့္စၚ႓ို၀္ ဆု္မု္အင္းဟု္ေ႓့ယးကး သို၀္လွ္။

ပု္ေသွ္ယါ့လင္ပု္အု္က်းဍၚေအး ဆ္ုဏံင့္ယာၟသီးေဏ၀္ၟဍၚေအး၊ လု္ဟွာေဍလု္ဟွာ လု္ဍံင္းေဍလ္ုဍံင္း ေ႓့မု္ဟွာဟွံင္ ဟွာက်းသို၀္ ေ႓့ဆီ့ထုင္းလု္ခိုင့္လိုင္႓းသို၀္ ကုင္းကါင္းကုင္းမံင္းထါင္ကၬယ္ကၬယ္လွ္၊ က္ုယဲါကုင္းကါင္းထါင္ ေလါဟ္သာဏွ္ ကင္ကါလု္ မု္တါင္ေဍါဟ္ယွာၟထင္းထ၀့္ထင္းဖႜံဳဆိုဒ္ဂမႜိဳင္ၟဏွ္ေဃွ၀္ ပု္ယင္အင္းမုိင့္အင္း ႓းယွိဳ၀္ သာကဲ ထုဲး႓းေလဟ္ဏွ္ဟွံင္လွ္။

အု္သီးေ၀့႓းယွိဳ၀္သာေ႓့ထုဲးသို၀္ဏွ္ အု္ကြာအွ္ေအး လု္အါင္းကု္ဍါထါင္ဂမႜိဳင္ၟဏွ္အု္ေခါဟ္စံင္ ပု္သို၀္လု္ဖး ကဲထင္း ထါင္ ပု္ယင္သုဂ္ၾတာပိုင္ခါန္ၟအ္ုသို၀္ အးအးေလံေဆ၀္ၟယုဂ္ဏွ္ ပု္ဍး႓းေမံမိုင့္ထၚလွ္၊ ပု္ဆု္ပု္ေယာတ္ေဍ ပု္ဆု္မူ႔ လာၟဏွ္ ပု္မု္႓းေသွ္ယါ့ထီ့ထီ့ကႜာကႜာဟွံင္ ေ႓့သို၀္ဂမႜိဳင္ၟမ္ုအဲဆိုင့္မု္အဲကဦု မု္ေဖွ္ဟွာင္႓်ာ မု္မာ႓ို၀္မာဆိုင္ အွ္မု္အး ထင္းအု္ဟွင္ၟ ပု္ေတၢတ္ပု္၀ါေဍ ပု္ဆု္ဖၚဆု္မာလု္ဖး ေ႓့မု္ေဍါဟ္ယွာၟထင္းထ၀့္အးထင္းသို၀္ ပု္မု္႓းအင္းတါင္၀ယ္ပုင္ၟ ပုင္ၟေဆ၀္ၟလွ္။

လု္ဏင္ဏင္ဆံင့္မံင္းေ၀့ ပု္အွ္၀ယ္မူ႔လီမူ႔လာ မာေ႓့ယို၀္ အင္းေ႓့ယို၀္ ဟွံင္လွ္(မာက်းအီ အ၀့္က်းအီ၀ီလွ္)ဆု္ဆံင့္ မံင္းအု္ေ၀့ဏွ္ ေအအွ္ဍၚစၚ႓ို၀္ အင္းလယ္ထင္းထါင္သာ့လု္အု္ဃွဳက္ခ၀့္ကို၀္ၟဟွာေဍဆၚ၊ ဆာၟမဲြါဟု္ဖံင္းေသွ္ဖၚေသွ္ လု္ဖး ဖံင္းထင္းဖၚထင္းလာၟဆၚ၊ ဆံင့္မံင္းကု္ယဲါ လု္ဟွဳဂ္ဆးလ၀့္စၚ႓ို၀္ လုက္ေဖါဟ္လုက္လီ မု္႓းကဲဆိုဒ္ဃွာင္ၟ ဃွံင္ အု္ဃွံင္ၟသီးလု္ကါဍၚ လု္ယိက္လု္မ၀္ၟပု္ဆိုဒ္မု္လင္မုင္မု္လင္မာၟ မု္လင္ပ်ိဳ၀္မု္လုက္ထုက္ေ၀့ေဆ၀္ၟလွ္။

ပ၀္ၟလိက္ဆါၟဏု္လု္ဟွာ မု္အင္းစါ႓းသာယု္ေဆ၀္ၟလွ္ ဏု္ေက၀္ဆု္ဏွ္ ေ႓့ဏု္ေက၀္သို၀္ မဲြါဏု္မာ႓း၀ယ္ အွ္လု္မိင္ မိင္ေဆ၀္ၟဟွ၊ မဲြါဏု္မာဆု္လ္ုမိင္မိင္ဟွစၚ႓ို၀္ ယု္မာ႓းအွ္၀ယ္အု္ေခါဟ္စံင္ယု္ေက၀္ဖႜဟ္ထင္းေဆ၀္ၟလွ္၊ လာၟဏင့္ ႓ို၀္သီး ယု္ဆု္ဖၚဆု္မာလု္ဖး မဲြါလိုင့္လိုင့္ဃွဦဳဃွဦဳ ဍဳဂ္ဍဳဂ္ပါင္ပါင္ဏွ္ အွ္ဏင္ၟမိင္ေအး။

မဲြါ႓ို၀္လယ့္ ႓ို၀္လယ့္ေဟွ၀္ လု္ဟွာေဍလု္ဟွာ လု္ဍံင္းေဍလု္ဍံင္း ပု္ဆု္ေသွ္ယါ့ဏးေသွ္ ေအလု္အွ္ဍၚ႓းစၚ႓ို၀္ ပု္ ေတၢတ္ပု္၀ါဆု္ထိုဟ္ယွိဳ၀္လု္ဖး ေ႓့ဆ္ုေလ၀္ထင္းေလ၀္ထ၀့္မု္အွ္သို၀္အု္ဟွင္ၟ ပု္မာေသွ္ေအးအု္စံင္ ပု္ဆိုဒ္ယို၀္မု္ လင္ဖိုဟ္လင္ဆင့္ေ၀့ ေဍဆိုဒ္ဃွာင္ၟဃွံင္ ေဍါဟ္ေဍါဟ္ေလံေဆ၀္ၟလွ္။

ဖႜံဳယွိဳ၀္ၟဖႜဳံယွင္ေဖါဟ္သီးေဟွး သၱၚလင္ထံင္ၟသာ့လိုင္ေဃွ၀္႓ွ္။

အွ္ဆံင္းလာၟဆၚ။
ဖူ႔တာမိက္