လိုင်စင်မဲ့ယာဉ်များကြောင့် တရားဝင်ယာဉ်ပိုင်ရှင်များ အခက်အခဲတွေ့

လိုင်စင်မဲ့ယာဉ်များကြောင့်

တရားဝင်ယာဉ်ပိုင်ရှင်များ အခက်အခဲတွေ့

Monday, 24 October 2011

ပုံစံအမျိုးမျိုးဖြင့် စီးနင်းနေကြသည့် လိုင်စင်မဲ့ယာဉ်များကြောင့် တရားဝင်မှတ်ပုံတင်ကာ စီးနင်းနေသည့်ယာဉ်ပိုင်ရှင်များ အခက်အခဲ ကြုံနေရသည်ဟု သတင်းရရှိသည်။ယခုအခါ လိုင်စင်မဲ့ကားများနှင့် စည်းကမ်းမဲ့ ယာဉ်များကို စိစစ်ရာတွင် တရားဝင်မှတ်ပုံတင်ထားသည့် ကားများကိုပါ အကြိမ်ကြိမ် တားဆီးစစ်ဆေးနေသည့်အတွက် ယာဉ်ပိုင်ရှင်များများစွာ စိတ်အနှောင့် အယှက်ကြုံရကြောင်း သိရသည်။

''ဓမ္မစေတီလမ်းကနေ တာမွေအ၀ိုင်းထိပ်ကိုသွားတာ နေ့တိုင်းနီးပါး လမ်းမှာနှစ်ခါတားပြီး အစစ်ခံနေရတဲ့အတွက် စိတ်အနှောင့်အယှက် ဖြစ်ရတယ်။ ဒါတောင် ဓမ္မစေတီလမ်းကနေ တာမွေအ၀ိုင်းထိပ်အထိပဲ ရှိသေးတယ်။ ခရီးဝေးသွားရတဲ့သူတွေဆို တစ်ရက် ဘယ်နှစ်ကြိမ် အစစ်ခံပြီးမှ လိုရာရောက်မလဲစဉ်းစား ကြည့်ရင်သိနိုင်တယ်။ လိုင်စင်မဲ့ကားတွေကြောင့်ပါ။ လိုင်စင်မဲ့ကားတွေကလည်း ၄ဂ၊ ၅ဂ၊ ၆ဂ နံပါတ်တွေအထိ တပ်ပြီး စီးနေကြတော့ အဲဒီနံပါတ်နဲ့ ကားအကောင်းစီးမိတာနဲ့ရောပြီး အစစ်ခံနေရတာ။ ရန်ကုန်မှာလိုင်စင်မဲ့ကားကလည်း အစီးရေထောင်နဲ့ချီရှိနေတယ်လေ။ လိုင်စင်မဲ့ကားကြောင့် တရားဝင် ကားသမားတွေပါ အခက်အခဲဖြစ်ကြရတာပါ'' ဟု ယာဉ်ပိုင်ရှင်တစ်ဦးက ပြောကြားခဲ့ပါသည်။

ပုံစံအမျိုးမျိုးဟုဆိုရာတွင် အချို့မှာ လိုင်စင်မဲ့ယာဉ်အား ညဘက်တွင်မှ နံပါတ်အတုတပ်ကာ စီးနင်းသကဲ့သို့ အချို့မှာ လမ်းကြောင်းအမျိုးမျိုးဖြင့် နံပါတ်၊ ၀ှီးတက်ရရှိထားပြီး တရားဝင်ကားသဖွယ် စီးနင်းနေသူများအပါအ၀င် ပုံစံမျိုးစုံဖြင့် စီးနင်းကြခြင်းဖြစ်သည်ဟု သိရသည်။
အခု ကားဟောင်းကအစီးရေ တစ်သောင်းကျော်အထိ အပ်ပြီးပြီ။ အဲဒီမှာအရင်က လမ်းပေါ်ထွက်မောင်းတဲ့ကားက အစီး ၅၀၀၀ ပါတယ်ဆိုရင် အဲဒီအစီးရေလမ်းပေါ်မှာ လျော့သွားရမှာလေ။ အခုက ပိုတောင် များနေသလိုဖြစ်နေတယ်။ ၄ဂ၊ ၅ဂ၊ ၆ဂ နံပါတ်တွေ ပိုများသလိုပဲ။ without ကားတွေကို နံပါတ်အမျိုးမျိုးနဲ့ စီးနေကြပုံရတယ်

''နံပါတ်ရမယ်၊ ၀ှီးတက်ရမယ်၊ ကွန်ပျူတာနဲ့ အစစ်ခံနိုင်တဲ့အထိဆိုရင် ကျပ်သိန်း ၄၀၊ ကွန်ပျူတာနဲ့ အစစ်မခံနိုင်တာက ကျပ်သိန်း ၃၀၊ အဲဒီနည်းနဲ့ နံပါတ်၊ ၀ှီးတက် ရယူပြီး စီးကြတဲ့သူတွေရှိတယ်လို့ ကြားသိထားတာ ကြာပါပြီ။ အခုနောက်ပိုင်း အနိမ့်ကားတွေအနေနဲ့ အဲဒီလိုပုံစံနဲ့စီးတာ သိပ်မကိုက်လို့ အမြင့်ကားတွေကိုပဲ အဲဒီလိုလမ်းကြောင်းခင်းပြီး စီးကြတာများတယ်'' ဟု ကားဈေးကွက်အတွင်းမှ ၀ယ်ရောင်းတစ်ဦးက ပြောကြားခဲ့သည်။


ကားဟောင်းများ အစီးရေသောင်းနှင့်ချီ အပ်နှံပြီးစီးသည့်တိုင် ရန်ကုန်မြို့လမ်းများပေါ်တွင် ကားများ ပို၍ပင်များပြားလာသည့် အနေအထားကြုံနေရကြောင်း၊ လိုင်စင်မဲ့ကားများအား ပုံစံအမျိုးမျိုးဖြင့် စီးနင်းနေကြသည့် အတွက် ဖြစ်နိုင်ကြောင်းလည်း သုံးသပ်ကြသည်။

''အခု ကားဟောင်းကအစီးရေ တစ်သောင်းကျော်အထိ အပ်ပြီးပြီ။ အဲဒီမှာ အရင်ကလမ်းပေါ် ထွက်မောင်းတဲ့ကားက အစီး ၅၀၀၀ ပါတယ်ဆိုရင် အဲဒီအစီးရေ လမ်းပေါ်မှာ လျော့သွားရမှာလေ။ အခုက ပိုတောင်များနေသလို ဖြစ်နေတယ်။ ၄ဂ၊ ၅ဂ၊ ၆ဂ နံပါတ်တွေ ပိုများသလိုပဲ။ Without ကားတွေကို နံပါတ်အမျိုးမျိုးနဲ့ စီးနေကြပုံရတယ်'' ဟု လုပ်ငန်းရှင်တစ်ဦးကလည်း ပြောကြားခဲ့သည်။

လိုင်စင်မဲ့ယာဉ်များဖမ်းဆီးရမိမှု နှင့်ပတ်သက်၍လည်းရန်ကုန်မြို့နေ ပြည်သူတစ်ဦးက ''မြောက်ဒဂုံမှာ လိုင်စင်မဲ့ကားတစ်စီး ဖမ်းမိတယ်။ အဲဒီရက်က တိုင်းမှာတာဝန်ကျနေသူတွေကိုယ်တိုင် ပါဝင်ဖမ်းဆီးပြီး မြောက်ဒဂုံကို လွှဲပေးပြီး အမှုဖွင့်တာပါ။နောက်ပိုင်းအမှုကို စုံစမ်းကြည့်တော့ ပိုင်ရှင်မဲ့ပုံစံဖြစ်နေတယ်။ လမ်းဘေးမှာရပ်ထားလို့ ဖမ်းမိတဲ့ပုံစံမျိုးဖြစ်သွားတယ်လို့ သိရတယ်။ ပိုင်ရှင်မရှိဘဲကားက ရောက်လာပါ့မလား။ တချို့ကလည်း လိုင်စင်မဲ့ ကားကို တရားဝင်ပုံစံ စီးနင်းခွင့်ရအောင် လမ်းကြောင်းအမျိုးမျိုးနဲ့ နံပါတ်၊ ၀ှီးတက်ရအောင် လုပ်စီးကြတယ်။ ဆိုလိုချင်တာက လိုင်စင်မဲ့ကားစီးတဲ့သူတွေနဲ့ ရောင်းတဲ့သူတွေရဲ့နောက်ကွယ်မှာ ပါဝင် ပတ်သက်နိုင်တာတစ်ခုခုရှိနေလို့ လုပ်ရဲ၊ စီးရဲ ကြတာလို့ သုံးသပ်လို့ရပါတယ်။ ဒီနေ့ခေတ်မှာ သာမန်လူအနေနဲ့ လိုင်စင်မဲ့ကား စီးရဲပါ့မလား၊ ဖမ်းမိရင်ရော ပိုင်ရှင်မဲ့ဖြစ်သွားပါ့မလား။ အချုပ်ပြောရရင်တော့ လိုင်စင်မဲ့ကားတွေ လမ်းပေါ်ပိုများလာတာ ဘယ်တာကထွက်သလဲ စဉ်းစား ကြည့်ရင်သိနိုင်ပါတယ်'' ဟု ပြောကြားခဲ့ပါသည်။

Credit http://www.news-eleven.com