တို့ကတော့ သူတို့ထက်ပိုပါတယ် အပိုင်း(၂)

တို့ကတော့ သူတို့ထက်ပိုပါတယ် အပိုင်း(၂)

နှောင်းပိုင်းကာလတွေမှာတော့ ကရင့်နိုင်ငံရေးကို ခေါင်းဆောင်လာနိုင်ကြတယ်လို့ ဆိုနိုင်ပေမယ့်
အဲဒီခေတ်အဲဒီအခါတုန်းက ကရင်အမျိုးသားခေါင်းဆောင်ကြီးတွေဟာ ခရာဇ်ယာန်ကရင်သက်သက်
မဟုတ်ဘူးဆိုတာကို ၁၉၃၇-၃၈ ကာလများက ကရင့်အမျိုးသားအရေးကို ဦးစီးဦးဆောင်ခဲ့တဲ့
အထက်လွှတ်တော်အမတ်နဲ့ အောက်လွှတ်တော်အမတ် ၁၅ ယောက်ရဲ့ နာမည်၊ မျိုးနွယ်စု၊ မဲဆန္ဒနယ်၊
ကိုးကွယ်တဲ့ဘာသာ စတာတွေကို လေ့လာကြည့်ရင်သိနိုင်ပါတယ်။

အဲဒီစာရင်းကိုကြည့်လိုက်ရင် ဗုဒ္ဓဘာသာကရင်တွေဟာ ခရာဇ်ယာန်ကရင်တွေလိုပဲ အသိပညာ၊အတတ်ပညာ
မနိမ့်ကျတဲ့အတွက် ဗမာပြည်လွတ်လပ်ရေးမရခင်ကတည်းကိုက အမျိုးသားရေးကိုထမ်းဆောင်ခဲ့ကြတာပါ။
ဗမာပြည်လွတ်လပ်ရေး ရပြီးနောက် KNU ရဲ့ ပထမလမ်းစဉ်တွေတုန်းက အခြေနေအကြောင်းကြောင်းကြောင့်
ဗုဒ္ဓဘာသာကရင်၊ နတ်စားကရင်ဘဝကနေ ခရာဇ်ယာန်ထဲ ပြောင်းသွားကြတဲ့ ကရင်ခေါင်းဆောင်တွေရဲ့နာမည် ကို တယောက် စီခေါ်ပြနိုင်ပေမယ့် ငဲ့ညှာတဲ့အနေနဲ့ ဖိုးထဲ ခေါ်မပြတော့ပါဘူးဗျာ။
KNU ကကျင့်သုံးနေတဲ့ ပညာရေးစနစ်တလျှောက်လုံးမှာ ဘယ်ဘာသာဝင်ကရင်လူမျိုးတွေ ပြည်သူ့ဘဏ္ဍာငွေ နဲ့ နိုင်ငံခြားကိုပညာတော်သင် သွားခွင့်ရကြပါသလဲ။
KNU ကဖွင့်လှစ်ထားတဲ့ အထက်တန်းကျောင်းဆိုတာတွေကကော တမျိုးသားလုံးနဲ့သက်ဆိုင်တဲ့ ယုံကြည်ကိုး ကွယ်တဲ့ဘာသာ၊ ပြောဆိုတဲ့စကား၊ ယဉ်ကျေးမှု ထုံးတမ်းတွေကို အမှန်တကယ်ကိုယ်စားပြုနိုင်ရဲ့လား၊ဘယ်အ ယူဝါဒအတွက် အသားပေးသင်ခဲ့ကြတာပါလဲ။
ဥပမာဗျာ ၁၉၉၄ ခုနှစ်တုန်းက တပ်မဟာ ၆မှာ၊ဖွင့်ထားတဲ့ အထက်ကျောင်းတကျောင်းရှိတယ်၊ ထီးနူဆိုတဲ့ရွာ မှာ၊ အဲဒီကျောင်းနာမည်ရဲ့ အဓိပ္ပါယ်က ခရာဇ်ယာန်ကော်သူးလေ ကရင်အထက်တန်းကျောင်းဆိုပဲ။
အဲဒီကျောင်းကနေ အောင်လာတဲ့ကျောင်းသားတိုင်းကို ခရာဇ်ယာန်တွေလို့ ပြောနိုင်မလား။
ဖိုးထဲ အသေအခြာပြောနိုင်တာကတော့ ပညာရည်ထူးချွန်တဲ့ ကျောင်းသားတယောက်ဖြစ်ရင် ခရာဇ်ယာန်ဘာ သာရေးအဖွဲ့အစည်းရဲ့ အကူအညီိကိုယူရတာဖြစ်တော့ ကိုယ့်ဘာသာကိုကိုယ်မဖျက်လို့ရှိရင် နိုင်ငံခြားမှာပညာ သင်ကြားခွင့်မရနိုင်ပါဘူး။
ဒါကတော့ ခရာဇ်ယာန်ကရင်တွေ ပညာတတ်ပေါများရတဲ့ အခြေခံအကြောင်းရင်းတွေထဲက ဖိုးထဲ တစိတ်တ ပိုင်းလောက်ပဲ ရေးပြလိုက်တာပါ။
ကရင်ခရာဇ်ယာန်တွေက ကရင်နာမည်ကို ကျော်ကြားလူသိများလာအောင်လုပ်တာနဲ့ ပါတ်သက်လို့
ဖိုးထဲ မေးလိုက်ချင်ပါတယ်။
ကမ္ဘာပေါ်မှာ ကရင့်တော်လှန်ရေးဟာ နှစ်အရှည်ကြာဆုံးဖြစ်နေပြီး၊ ရေရှည်စစ်ပွဲ တွေကြောင့် စစ်ပမ်းကြသလို ပြည်သူတွေဒုက္ခရောက်ကြရတယ်၊ အချင်းချင်းညီ ညွတ်မှုမရှိလို့ သွေးချောင်းစီးတိုက်ပွဲတွေဖြစ်၊ ခွဲထွက်သွားကြ၊ တဗိုလ်တမင်းထူထောင်ကြ၊ အဲဒီလိုမကောင်းသတင်းတွေနဲ့ ကရင့်နာမည်ကျော်ကြားနေတာကို လူမသိအောင် လုပ်ဘို့၊ ပြေလည်အောင်ဖြေရှင်းနိုင်ဘို့ ဆိုတာတွေက ခရာဇ်ယာန်ကရင်တွှေရဲ့လက်ထဲမှာပဲ တာဝန်ရှိတယ်လို့ ပြောနိုင်မလား ဆိုတာကို၊ ကရင့်သမိုင်းစာအုပ်ကိုရေးသားဘာသာပြန်သူနဲ့ ထုတ်ဝေသူတွေ ဖြေကြစမ်းပါဗျာ။
ဖိုးထဲက အသိဥာဏ်မြင့်မားတဲ့ ခရာဇ်ယာန်ကရင်တယောက် မဟုတ်တဲ့အခါကျတော့၊ အပြောအဆို ရိုင်းစိုင်း တယ်၊ ဘာသာပြန်ထားတာကို နားမလည်သဘောမပေါက်ပဲ ကိုယ်ထင်ရာတဇွတ်ထိုး ပုတ်ခတ်ပြောဆိုတယ်၊ တယူသန်သမား စသည်ဖြင့်၊ဘယ်လိုပဲထင်ထင်ပါ၊ ကရင်အချင်းချင်း ကိုယ့်ပေါင်ကိုယ်လှန်ထောင်းတဲ့ အဖြစ်မျိုး မဖြစ်ချင်ပေမယ့်၊ ကိုယ့်အချင်းချင်းအကြောင်း မပြောချင်ပေမယ့် ပြောတဲ့သူတွေရှိလာတော့ ဘိန်းသမားချင်းအ တူတူ တလုံးပိုရှူချင်တဲ့အရေးအသားမျိုးကိုတော့ ဖိုးထဲ အာယားတာအမှန်ပဲ။
ဖူ့ခွဲကဘောင်ထုတ်ဝေဖြန့်ချိတဲ့ ကရင့်သမိုင်းရာဇဝင်လို့ ခေါ်တဲ့စာအုပ်ကို ကရင်ဘာသာနဲ့ရေးထားတဲ့ နဂိုလ်မူ ရင်းအတိုင်း ထုတ်ဝေပေးဘို့ ဖိုးထဲ တိုက်တွန်းလိုတာအမှန်ပါ။
ဒီအတိုင်းပဲထားမယ်ဆိုရင်တော့ ဒီစာအုပ်ဟာ တစိပ်တပိုင်းလောက်ပဲ နာမည်နဲ့လိုက်ဖက်ပြီး ကိုယ်လိုရာကို ဆေးချယ်ထားတဲ့ စိတ်ကူးယဉ်ပန်းချီကားတချပ်လို သမိုင်းမမြင်တမိုက်သာမြင်တဲ့ စာပိုဒ်တချို့ကြောင့် ဘာ သာပြန်သူနဲ့ ထုတ်ဝေသူတို့ရဲ့ ဆိုလိုရင်းစေတနာမှန်ကို ထပ်ကာတလဲလဲဖတ်လေ ဖိုးထဲ ပိုရိပ်မိလာသလိုလိုဖြစ် မိပါကြောင်း။
(ပြီး၏)

စအိုင်ခန့်
အမေရိကန်ပြည်ထောင်စု


ဤဆောင်းပါးအား အရေးအသားပုံစံကို ပြောင်းထားပြီး အနည်းငယ်အတိုချုပ်လိုက်သည်မှလွဲ၍ စာရေးသူ စအိုင်ခန့်၏ အာဘော်များအတိုင်းသာဖြစ်ပါသည်။
(ပဉ္စမအကြိမ်မြောက် အားမာန်သစ်မဂ္ဂဇင်းမှ ကူးယူဖေါ်ပြပါသည်။)

မင်းစိုးစံ
(အဝေးရောက် ကရင်ဒုက္ခသည်တဦး)

အမှားပြင်ဆင်ချက်။ ။ စောသာဒွေး၊ စေကော အစားစောသာဒွေးစကော ဟုပြင်ဆင်ဖတ်ရှုပေးပါရန်