ခြည်ဖြူဖွဲ့ပွဲ ရောက်တော့မယ်

ဝါခေါင်လ ခြည်ဖြူဖွဲ့ပွဲနီးလာပြီ

ကမ္ဘာတဝှမ်းမှာ ရောက်ရှိနေထိုင်ကြသော မျိုးချစ်ကရင်မောင်မယ်အပေါင်းတို့ခင်ဗျား။
ဥဒေါင်းငှက်သည် သူ့အမြီးကိုချစ်သကယ့်သို့ လူတို့သည်သူ့အမျိုးကို သူချစ်ကြပါ၏။
ထို့အတူ အကျွန်ုပ်၊ခင်ဗျား၊တပါးသူ အားလုံးတို့သည် ကိုယ့်အမျိုးကို ကိုယ်ချစ်သည်ဆိုပါက ဘိုးဘွားတို့၏ ရိုးရာအမွေအနှစ်ကို ထိန်းသိမ်းစောင့်ရှောက်ကြရမည်ဖြစ်ပေသည်။
ထို့ကြောင့် အကျွန်ုပ်တို့အနေဖြင့်မည်သို့ထိန်းသိမ်းမည်၊ မည်သို့စောင့်ရှောက်မည် ဆိုသည့်အပြင် ထိန်းသိမ်းဖေါ်ထုတ်ခြင်းမပြုနိုင်ရန် မည်သို့သောအရာများ ဟန့်တားနေသည်ဆိုသည်ကို အကျွန်ုပ်ကိုယ်တိုင်ကြုံတွေ့ခံစားလာခဲ့ရသမျှ သင်တို့အားဝေမျှလိုပါသည်။
လက်ကောက်ဝတ်၌ ခြည်ဖြူဖွဲ့ခြင်းသည် တရားဟောဆရာ အချို့၏အဆိုအရ ဆာတန်မာန် နတ်၏ အလုပ်ဖြစ်သဖြင့် ခရစ္စယာန်ဘာသာဝင်အချို့တို့ လက်ကောက်ဝတ်၌ခြည်ဖြူဖွဲ့ခြင်းအ မှုကိုပြုရန် အခက်တွေ့နေကြလေသည်။

မျိုးချစ်လူငယ် အမျိုးကောင်းသားအမျိုးကောင်းသမီးအပေါင်းတို့ တရားဟောဆရာအချို့အဆို အရ ကရင့်ရိုးရာခြည်ဖြူဖွဲ့ခြင်းသည် ဆာတန်မာန်နတ်၏လုပ်ရပ်ဖြစ်သည်ဆိုပါက အကျွန်ုပ်တို့ ၏ ဘိုးဘွားအမွေအနှစ်တို့သည် သားစဉ်မြေးဆက် ဆက်လက်တည်တံ့ခိုင်မြဲနိုင်ပါမည်လော?
ကရင့်ရိုးရာအမွေအနှစ်များ ခိုင်ခံ့တည်မြဲမှုလျော့နည်းကျဆင်းသွားပါက အကျွန်ုပ်တို့၏လူမျိုး
ဆက်လက်၍မည်သို့မည်ပုံ ရပ်တည်ကြပါမည်နည်း?
Singapore နိုင်ငံမှ မျိုးချစ်လူငယ်တဦး၏ပြောဆိုချက်အရ ၎င်းတို့အနေဖြင့် ရိုးရာခြည်ဖြူဖွဲ့ပွဲတော်ကို မလုပ်ဖြစ်ကြောင်း၊ အဓိကအကြောင်းရင်းမှာ ခရစ္စယာန်မိသားစုဦးရည်များပြားပြီး ဗုဒ္ဓ ဘာသာဝင်မိသားစုများနည်းပါးခြင်းကြောင့်ဖြစ်သည်ဟုဆိုပါသည်။
မျိုးချစ်ကရင်လူငယ် မောင်မယ်အပေါင်းတို့ခင်ဗျား။
အကျွန်ုပ်တို့အားလုံး၏ ခံယူချက်၌ မျိုးနွယ်စုမခွဲခြားရေး၊ ဘာသာရေးမခွဲခြားရေးများအပြင် အတူတကွ အမျိုးသားစည်ပင်ဝပြောရေးတို့၌ အားကြိုးမာန်တက် တက်ညီလက်ညီပူးပေါင်း ကာ တတတ်တအားဆောင်ရွက်မည်ဆိုသည်ကို ထားရှိခဲ့ကြပါ၏ အကျွန်ုပ်တို့အမှန်တကယ် လက်တွေ့လုပ်ဆောင်နိုင်ကြပါပြီလော?
ဤသို့ဆိုပါလျှင် အကျွန်ုပ်တို့ အားလုံးသည် လက်ဝှေ့ရေးအပြကောင်းသလောက် အမှန်တကယ် မထိုးတတ်သော သူများဖြစ်ကောင်းဖြစ်နေပေချိမ့်မည်။
ဖေါ်ပြပါအကြောင်းအရာများသည် မိမိတ်ို့၏မျိုးရိုးဂုဏ်ဇာတိဂုဏ်ကို ထိန်းသိမ်းမြှင့်တင်ရာတွင် နှောင့်ယှက်ဟန့်တားနေသည့် မြောက်များစွာသောအကြောင်းအရာများအနက် အသေးငယ် ဆုံးသောအရာများအထဲမှ အသေးအဖွဲကိစ္စရပ်တခုသာဖြစ်ပေသည်။

အခြားတခုမှာ နဖူးစည်းစာတမ်းနှင့်ပတ်သက်၍ အနည်းငယ်တင်ပြလိုပါသည်။
ကရင့်ရိုးရာခြည်ဖြူဖွဲ့ပွဲ ဟူသည့်ခေါင်းစည်းအား အင်္ဂလိပ်ဘာသာဖြင့်မည်သို့ ရေးကြပါမည် နည်း?
နှစ်ရှည်လများ အများစုရေးသားနေကြသည်မှာ Karen Traditional Wrist-Tying Ceremony ဟု ရေးသားကြလေသည်။
Tying ဆိုသည့်အင်္ဂလိပ်ဝေါဟာရသည် ဗမာဘာသာဖြင့် ချည်နှောင်သည်၊တုပ်ချည်သည်၊ဖွဲ့ ချည်သည်ဟုအဓိပ္ပါယ်ရလေ၏။
ထိုသို့ရေးသားမည်ဆိုပါက မျိုးဆက်သစ်လူငယ်များအနေဖြင့် လျှော်၏၊မလျှော်၏၊ သင့်၏၊ မသင့်၏ဆိုသည်ကို စဉ်းစားချင့်ချိန်ကြစေလိုပါသည်။
အကျွန်ုပ်၏အမြင်နှင့် အကျွန်ုပ်၏ညီအစ်ကိုအချို့အမြင်မှာမူကား ခြည်ဖွဲ့ခြင်းဖြစ်သဖြင့် အင်္ဂလိပ် ဘာသာဖြင့် Weaving သည်သာလျှင် သင့်လျှော်မှန်ကန်မည်ဟုယူဆမိကြပါသည်။
သို့ပါသော်လည်း အကျွန်ုပ်သည် အင်္ဂလိပ်ဘာသာရပ်နှင့်စပ်လျဉ်း၍ နားလည်တတ်ကြွမ်းသူ တဦးမဟုတ်ရကား လွဲမှားသွေဖြီခြင်းရှိပါက နားလည်ခွင့်လွှတ်ရုံမျှမက အင်္ဂလိပ်ဝေါဟာရများ အား အမှန်ဘက်သို့ပြင်ဆင်ပြောင်းလွဲပေးပါရန် အနူးအညွတ်မေတ္တာရပ်ခံအပ်ပါသည်။

ပညာတတ်အသိုင်းအဝန်းမှ ညီအစ်ကိုမောင်နှမ အပေါင်းတို့ခင်ဗျား။
မမှန်တာတွေ့ရင် အားလုံးဝိုင်းဝန်းပြုပြင်ပေးကြပါ။
မှားယွင်းလွဲချော်နေတာကို မပြုပြင်ဘူးဆိုရင် နောင်လာနောက်သားတွေအတွက် အလွန်နစ် နာစေပါတယ်။
ပြုပြင်ပြောင်းလွဲတာတွေက မှန်ကန်ထိရောက်မယ်ဆိုရင် အမျိုးဂုဏ်ဇာတိဂုဏ်ကို တိုးတက် မြင့်မားစေမှာဖြစ်ပါတယ်။
မှားယွင်းတဲ့ပြုပြင်ပြောင်းလွဲမှုမျိုးဆိုရင်တော့ လူမျိုးတမျိုးရဲ့အမျိုးဂုဏ်ဇာတိဂုဏ်တွေ ညှိုးမှိန်ရုံ မျှမက ယဉ်ကျေးမှုတွေပါ တိမ်ကောကုန်မှာဖြစ်ပါတယ်။
အမျိုးသားယဉ်ကျေးမှုတွေတိမ်ကောပပျောက်မှာကို မလိုလားဘူးဆိုရင်တော့ အားလုံးသော ကရင်မျိုးနွယ်စုတွေအနေနဲ့ မဆိုင်သလိုမနေကြပါနဲ့။ နိုးကြားကြပါတော့။

မှတ်ချက်။ ။ နဖူးစည်းစာတမ်း ချွတ်ချော်လွဲမှားခြင်းမရှိရအောင် သတိပေးတာဖြစ်ပါတယ် မှန်မှန်မှားမှား အဲဒီအတိုင်းရေးရမယ်ဆိုတဲ့ အကြံမျိုးနဲ့ ရေးသားတာမဟုတ်တာကြောင့် အထင် အမြင်မမှားစေချင်ပါဘူး။အကယ်၍များ အဲဒီအသုံးနှုံးဟာ မှန်ကန်ကောင်းမွန်တယ်ဆိုရင်ဖြင့် အားလုံးအသုံးပြုဘို့ တိုက်တွန်းချင်ပါတယ်။
အကြံပြုရေးသားချက်တွေ မှားယွင်းလွဲချော်နေတယ်ဆိုရင်ဖြင့် ကျေးဇူးပြုပြီးမှန်ကန်တိကျအောင် ပြင်ဆင်ဖြည့်စွက်ပေးကြစေလိုကြောင်းပါ။

စောထိုးတွိုင် (ကေါ့ကရိတ် မြောက်ပိုင်း)
အဝေးရောက် ကရင်ဒုက္ခသည်တဦး
USA
စောထိုးတွိုင်၏ ကရင့်ရိုးရာခြည်ဖြူဖွဲ့ပွဲ နီးလာပြီ ဆိုသည့်ဆောင်းပါးကို ဗမာဘာသာသို့ ဆီလျှော်အောင်ပြန်ဆိုထားခြင်းဖြစ်ပါသည်
မင်းစိုးစံ
အဝေးရောက် ကရင်ဒုက္ခသည်တဦး