ကလောင်ကိုင်လက်ကို ရိုက်ချိုးချင်စိတ်

ကလောင်ကိုင်လက်ကို ရိုက်ချိုးချင်စိတ်
(မင်းစိုးစံ)

“ပန်းများကို ပွင့်စေသူ” ထဲက
ဂလဲ့စားခြေတဲ့ ဇာတ်လိုက် “ထင်ပေါ်” ကို
စာဖတ်သူတွေအတော်ကြိုက်တဲ့ပြန်စာ
စာရေးဆရာမ,ကြီး “ဒေါ်ခင်နှင်းယု”
စိုးရိမ်မှုကြီးမားစွာနဲ့
လက်ခံခဲ့ရ,ရှာသတဲ့။

“ငိုစရာရှိလည်း…..ငို
စိတ်ပူစရာရှိတာ….ပူပန်
ကြောက်စရာရှိတာလည်း….ကြောက်
ပြီးတော့…
လုပ်စရာရှိတာ….လုပ်” ဆိုတဲ့
အမှာစကားလေး
စာရေးဆရာမ,ကြီး “ဒေါ်ခင်မျိုးချစ်” က
တခုတ်တရ,ပြောပြသွားသတဲ့။

ကျုပ်အဖြစ်က
သစ်နဲ့ဝါးကို တွဲခင်းထားတဲ့
ခနိုးခနဲ့တံတားပေါ်လျှောက်ရင်း
မျှော်လင့်ခြင်းကြီးမားစွာနဲ့
သာယာတဲ့အသံကြားရ,ဘို့အရေး
ကြေးစည်ကို စကော(ဆန်ကော)နဲ့
ယပ်ခတ်ပေးနေတာဆိုတော့
စာဖတ်သူတွေကို
ဘာဆိုဘာမျှ
မရေးပြနိုင်
မပြောပြနိုင်ခဲ့တဲ့နောက်။

ကျုပ်လေ….
ကလောင်ကိုင်နေတဲ့လက်ကို
ရိုက်ချိုးပစ်ချင်တဲ့စိတ်တွေ
ပေါက်နေတယ်။

မင်းစိုးစံ
(အဝေးရောက် ကရင်ဒုက္ခသည်တဦး)