မျိုးချစ်တပ်မတော်သားတဦးရဲ့ ရင်ဖွင့်စကား(VOA Burmese Section)

မျိုးချစ်တပ်မတော်သားတဦးရဲ့ ရင်ဖွင့်စကား

07 February 2010

မြန်မာစစ်တပ်မှာ အဆင့်မြင့်ပညာတွေ သင်ကြားခွင့်ရရှိခဲ့ပြီး အနာဂတ်အလားအလာ၊ အခွင့်အရေး တွေရှိတဲ့ တပ်မတော်အရာရှိငယ်ဘဝကနေ စစ်တပ်ကိုစွန့်ခွာပြီး ထိုင်းနိုင်ငံနယ်စပ်ဒေသကို ထွက်ပြေး တိမ်းရှောင်လာတဲ့ မြန်မာအမြောက်တပ်အရာရှိ ဗိုလ်ရဲထက် က မြန်မာတပ်မတော်ဟာ ပြည်သူတွေနဲ့ တသားတည်းမရှိတော့ဘဲ မူလရည်မှန်းချက်တွေနဲ့ ကင်းကွာနေပါတယ်လို့ ဆိုပါတယ်။
သူဘာကြောင့် တပ်မတော်ကို စွန့်ခွါလာရတဲ့အကြောင်း၊ ခံစားချက်အမြင်များကို ဗွီအိုအေ မြန်မာသ တင်း ဌာနမှုး ဦးသန်းလွင်ထွန်း နဲ့ အောက်ပါအတိုင်း ဆွေးနွေးတင်ပြထားပါတယ်။

ဗိုလ်ကြီးရဲထက် ။ ။ အခုလက်ရှိ တိုင်းပြည်မှာ ဖြစ်ပျက်နေတဲ့ ပြည်သူလူထုအနေအထားနဲ့ အဲဒီအပေါ် မှာရှိတဲ့ နိုင်ငံရေး သဘောတရားအရ မကျေနပ်တာရယ်၊ နောက်ပြီးတော့ ကျနော်တို့တပ်မတော်ထဲမှာ ဖြစ်နေတဲ့၊ ကျနော်တို့ သိထားတဲ့ ဖတ်ထား လေ့လာထားတဲ့ တပ်မတော်မူနဲ့ ဒီနေ့ကျနော်တို့ကျင့်သုံး နေရတဲ့မူနဲ့ မတူတဲ့အချက်တွေရယ်ပေါ့။
ကျနော်ရည်ရွယ်ထားတဲ့ အနေအထားနဲ့ တကယ်လုပ်နေရတဲ့ အနေအထားနဲ့ မတူညီတဲ့အချက်တွေ ပေါ်မှာ အဓိကသဘောထား မတိုက်ဆိုင်တာကြောင့် ထွက်လာတာပါ။

ဦးသန်းလွင်ထွန်း ။ ။ ဟုတ်ကဲ့ များသောအားဖြင့် မြန်မာစစ်တပ်အနေနဲ့ စစ်တပ်ကနေ ဒီလို တပ်မ တော် တပ်သား၊ အရာရှိ တွေအပါအဝင် တခြားတဘက်ကို ထွက်လာခဲ့လို့ရှိရင် ပထမဦးဆုံး ပြောကြား တဲ့အချက်က ပြစ်မှုတစုံတရာ ကျူးလွန်လို့ ထွက်ပြေးတယ်။ ဒါမှမဟုတ် တစုံတရာကိစ္စကြောင့်၊ နိုင်ငံ ရေးယုံကြည်မှု တခုခုကြောင့် ထွက်ပြေးလာတယ်။ သွေးဆောင် ဖြားယောင်းမှုတွေကြောင့် ထွက်ပြေး လာတယ်ဆိုပြီး စွပ်စွဲလေ့ရှိတယ်။ အဲဒါတွေနဲ့ စွပ်စွဲရလောက်အောင် ဗိုလ်ကြီးရဲထက်မှာ လောလော ဆယ် တစုံတရာ မကျေနပ်ဖြစ်ခဲ့ရတဲ့ကိစ္စတွေ မရှိဘူးလား။

ဗိုလ်ကြီးရဲထက် ။ ။ မရှိပါဘူး။ ကျနော်သွားခဲ့တဲ့သင်တန်း၊ တက်ခဲ့တဲ့သင်တန်းတွေ တပ်အနေအထား မှာ ကျနော် မကျေနပ် စရာမရှိပါဘူး။ ကျနော်နဲ့ အထက်လူကြီး ဆက်ဆံရေးကလည်း ပြောမယ်ဆိုရင် ကျနော်ရဲ့  နေပုံထိုင်ပုံကို သဘောကျခဲ့ကြပါတယ်။ ကျနော်အနေနဲ့ ပြစ်မှုအနေနဲ့ ဘာမှမရှိပါဘူး။

ဦးသန်းလွင်ထွန်း ။ ။ ဗိုလ်ကြီးတို့အနေနဲ့က တကယ်တမ်း ကျနော် ဗိုလ်ကြီးအကြောင်းကို နည်းနည်း လေ့လာကြည့်တဲ့အခါ မှာ မြန်မာတပ်မတော်ထဲမှာကို ပညာတတ်အရာရှိအဆင့်။
ဥပမာ တပ်မတော်ထဲမှာ နည်းပညာတန်းအရ မဟာသိပ္ပံတန်းအထိ တက်ခွင့်တွေရထားခဲ့တဲ့ အရာရှိ တယောက်အနေနဲ့ အနာဂတ်မှာ တစုံတရာမျှော်မှန်းချက်တွေ မရှိဘူးလား။ အဲဒီ မျှော်မှန်းချက်တွေက ဖြစ်မလာနိုင်ဘူးလားလို့ ယူဆထားလို့လား။

ဗိုလ်ကြီးရဲထက် ။ ။ မဟုတ်ပါဘူး။ ဖြစ်လာနိုင်ပါတယ်။ ကျနော်အနေနဲ့ ဒီမျှော်မှန်းချက်တွေရှိခဲ့ပါတယ်။ ဒါပေမဲ့ စောစောက ကျနော်ပြောခဲ့သလို နိုင်ငံရေးအရနဲ့ လက်ရှိတပ်မတော်ထဲမှာ ဖြစ်နေတဲ့၊ကျနော်တို့ သိထားခဲ့တဲ့ တပ်မတော်နဲ့ မတူညီတဲ့ အချက်တွေ အဲဒီအပေါ်မှာဘဲ အဓိကဖြစ်တယ်။ ပွင့်ပွင့်လင်းလင်း ပြောရရင်တော့ ကျနော်တယောက်တည်းနဲ့ ကျနော်ရဲ့  ရည်မှန်းချက်တွေ၊ ကြိုးစားမှု တွေနဲ့ ကျနော်တယောက်ပေါ့။ ဒါ့အပြင် ပါလာမယ့်ကျနော့်မိသားစုတစုရဲ့  ကောင်းစားမှုထက် ကို ကျ နော့်လိုရှေ့ ဘဝတက်လမ်းတွေ အများကြီးရှိလျက်နဲ့ ဒါတွေကို စွန့်လွှတ်ပြီးမှ ပြည်သူလူထုအပေါ်မှာ ဖြစ်နေတဲ့ ဒုက္ခတွေကို ကယ်တင်ချင်တဲ့ ရည်ရွယ်ချက်ပေါ့။
ကျနော်အနေနဲ့ ဒီလို မျှော်မှန်းချက်တွေရှိတဲ့ လူတောင် စွန့်လွှတ်လို့ရှိရင် ကျန်တဲ့လူတွေအနေနဲ့လည်း ဒါတွေကို တွန်းလှန်တိုက်ခိုက်သင့်တယ်ဆိုတဲ့ ခံယူချက်လေးတွေ ရအောင်ရယ်၊ နောက်ပြီး ကျနော် ကိုယ်တိုင် အဲဒါတွေကို မကျေနပ်တဲ့အတွက်၊ မဖြစ်သင့်ဘူးထင်တဲ့အတွက် ကျနော့်ဘဝ တက်လမ်းကို မကြည့်တော့ဘဲနဲ့ ကျနော်မိသားစု၊ ကျနော်ဘဝ တက်လမ်းကို စတေးခဲ့တာပါ။

ဦးသန်းလွင်ထွန်း ။ ။ အဲဒီတော့ တပ်မတော်ထဲမှာ ဖြစ်နေတဲ့ကိစ္စတွေကို မကျေနပ်တဲ့ကိစ္စဆိုတာတွေ က ဥပမာတခုလောက် ပြောပြပါလား။

ဗိုလ်ကြီးရဲထက် ။ ။ ဒါကတော့ ကျနော်ကိုယ်တိုင်တော့ လုပ်ခဲ့တာမရှိပါဘူး။ ကျနော်တို့ သိထား တဲ့ဟာတွေပေါ့။ ကျနော်တို့ သိထားတဲ့ တပ်မတော်ဆိုတာ ဗိုလ်ချုပ်အောင်ဆန်း တည်ထောင်ခဲ့တဲ့ တပ်မတော်နဲ့ ဗိုလ်ချုပ်အောင်ဆန်း ပြောခဲ့တဲ့ စကား တခွန်းအရဆိုရင် ဒီတပ်မတော်ဟာ ပြည်သူလူထု ရဲ့  ကိုးကွယ်ရာ၊ အားထားရာ၊ လဲလျောင်းရာသာဖြစ်သင့်တယ်။ ဒီ တပ်မတော်က အဲဒီလိုမှ မဟုတ်ဘဲ နဲ့ ပြည်သူလူထုရဲ့ အော့နှလုံးနာစရာတခုဖြစ်လာလို့ရှိရင် ဒီတပ်မတော်ဟာ သူရဲ့ဖွဲ့စည်းထားတဲ့ ရည် ရွယ်ချက်က အလကားပဲလို့ ဗိုလ်ချုပ်အောင်ဆန်း ပြောခဲ့တဲ့ စကားတခွန်းရှိတယ်။
အဲဒီအပေါ်မှာကိုပဲ ကြည့်မယ်ဆိုရင် လက်ရှိ ကျနော်တို့ တပ်မတော်ရဲ့  အစိုးရအနေနဲ့ အမိန့်ပေးပြီး စေခိုင်းတဲ့အပေါ်မှာ လိုက်လုပ်ဆောင် နေရတဲ့ အခုတပ်မတော်သားတွေရဲ့  လုပ်ရပ်တွေနဲ့ မကိုက်ညီ တာကို သွားတွေ့ရတယ်။ တော်တော်များများပေါ့။ ဒီရှေ့ တန်း စစ်ဆင်ရေးနယ်မြေတွေမှာဆိုရင် ပေါ် တာဆွဲတဲ့ကိစ္စမျိုးတွေ၊ ပြီးခဲ့တဲ့ မကြာသေးခင်က ဖြစ်ပွားသွားခဲ့တဲ့ ရွှေဝါရောင် တော်လှန်ရေး အရပေါ့။ ဒါတွေကို ပြောမယ်ဆိုရင် လက်ရှိတပ်မတော်ထဲမှာ ဗုဒ္ဓဘာသာဝင်တွေ အများဆုံးပါပဲ။
နိုင်ငံအနေနဲ့လည်း ဗုဒ္ဓဘာသာဝင်အများဆုံးဖြစ်တဲ့ နိုင်ငံဖြစ်ပြီးတော့ ဒီလိုကိစ္စမျိုးမှာ အစိုးရက အေး အေးဆေးဆေး ညှိနှိုင်းမှုမရှိဘဲနဲ့ အစိုးရအာဏာ၊ တပ်အာဏာတွေကို စွဲကိုင်ပြီးတော့ အကြမ်းဖက်နှိမ် နှင်းခဲ့တဲ့ ကိစ္စတွေမျိုးပေါ့။ အဲဒီလိုမျိုးတွေမှာ မဖြစ်သင့်ဘူးလို့ ထင်လို့။
ဒီလို လုပ်လိုက်ခြင်းအားဖြင့် ဗိုလ်ချုပ်အောင်ဆန်းပြောခဲ့တဲ့ စကားနဲ့ တပ်မတော်နဲ့ ပြည်သူ တသား တည်း ဖြစ်ရမယ်ဆိုတဲ့ ကိစ္စမျိုးတွေ မဖြစ်တော့ဘဲနဲ့ ပြည်သူကို ပြန်ပြီးတော့ နှိပ်စက်ညှင်းပန်းနေတဲ့ တပ်မတော်ပုံစံမျိုး ဖြစ်သွားနေတယ်။
ရင်ချင်းမအပ် ကျောချင်းမကပ်တော့ဘဲနဲ့ ကျနော်တို့က ဆန်ကျင်ဘက် လမ်းနှစ်ဖက်ကို သွားနေတဲ့ ပုံစံမျိုးကို သွားနေရတဲ့ အနေအထားမျိုးတွေမှာ ကျနော်လည်း ဒီယူနီဖောင် ကို ဝတ်ထားရတဲ့ဟာကို ကျနော်လည်း ဂုဏ်မယူနိုင်တော့ဘူး။ ဒီ ယူနီဖောင် အပေါ်မှာ ချစ်ခင်လေးစားပြီးတော့ လုပ်ချင်ခဲ့တဲ့ စိတ်ဓါတ်တွေဟာ အဲဒီမှာတင် စိတ်ဓါတ်တွေ ပျက်စီးလာတယ်။ ကျနော်တို့ သိခဲ့တဲ့ မူနဲ့ အခုလက်ရှိ လုပ်နေရတဲ့ မူနဲ့က လုံးဝမတူတော့ဘူးပေါ့။

ဦးသန်းလွင်ထွန်း ။ ။ အလားတူ ဗိုလ်ကြီးရဲထက်လို တပ်မတော်ထဲမှာ ခံစားချက်ရှိတဲ့လူတွေ တော် တော်များများရှိမယ်လို့ ယူဆသလား။

ဗိုလ်ကြီးရဲထက် ။ ။ ဟုတ်ကဲ့ ယူဆပါတယ်။ ယူဆတယ်ဆိုတာကတော့ ဘယ်လိုဘဲဖြစ်ဖြစ် တရားဝင် ကြီး လမ်းမပေါ်မှာ မပြောရဲကြပေမယ့် အခုလို သူငယ်ချင်းတွေ ဘေးလွတ်ရာရောက်နေတဲ့ အချိန်အ ခါမျိုးတို့၊ အခန်းထဲမှာ စကားပြောတဲ့ အချိန်အခါမျိုးမှာတော့ ဒါတွေကို ပြောကြတယ်။
ကျနော်တို့ ဗိုလ်လောင်းဘဝမှာတုန်းက ကျနော်တို့ ဆရာတဦးဖြစ်တဲ့ အခုတော့ ဗိုလ်မှုးဖြစ်နေပါပြီ။ ဒီဆရာတယောက်ဆိုရင် ကျနော်တို့ကို ပြောပြခဲ့ဘူးတယ်။ တပည်တို့ ငါဆိုလည်း ဗိုလ်ချုပ်အောင် ဆန်း တည်ထောင်ခဲ့တဲ့တပ်မတော်ကို လေးစားအားကျလို့ တပ်မတော်ဝင်လာခဲ့တာ။
ဒါပေမဲ့လည်း လက်ရှိ အနေအထားမှာတော့ ဒါတွေက မဖြစ်တော့ဘူး။ ဒါပေမဲ့ ငါတို့မှာရှိတဲ့ မိသားစု တွေ၊ နောက်မှာရှိတဲ့ မိသားစုတွေနဲ့ နောင် generation တွေရဲ့  ရှေ့ ရေးကိုကြည့်ပြီးတော့ ကိုယ့်ကို ကိုယ် အောင့်အီးပြီးတော့နေနေရတယ်ဆိုတဲ့ အနေအထားမျိုးတွေ အဲဒီလိုအနေအထားနဲ့ အောင့်အီး ပြီး နေနေရတဲ့လူတွေ အများကြီးပါ။

ဦးသန်းလွင်ထွန်း ။ ။ ဟုတ်ကဲ့ ဒီလိုခံစားမှုတွေဟာ တပ်မတော်၊ တပ်သားနဲ့ အငယ်တန်းအရာရှိတွေ ကြားမှာပဲ ဖြစ်နေတဲ့ ခံစားမှုလား။ တကယ်တမ်း ကြီးကြီးမားမား အရာရှိတွေရော ဒီလိုခံစားမှုတွေ မရှိ ဘူးလား။

ဗိုလ်ကြီးရဲထက် ။ ။ ရှိကြပါတယ်။ ရှိကြတယ်ဆိုပေမဲ့ စစ်သားသုံးနဲ့ ပြောမယ်ဆိုရင်တော့ အမိန့်ပေါ့။ ကျနော်တို့ စစ်သား တွေရဲ့လုပ်ရမယ့်တာဝန်က ဘာမှမတွေးရဘူး၊ အထက်ကပေးတဲ့အမိန့်ကို တာဝန် ကျေအောင် ထမ်းဆောင်ရမည်ဆိုတာ စစ်သားတယောက်ရဲ့  တာဝန်။
စစ်သားစိတ်အပြည့်ရှိတဲ့ အထက်အရာရှိကြီးတွေလည်း အများကြီးရှိပါတယ်။ မကျေနပ်ဘူး ဆိုရင် တော့ သူတို့က စစ်သားစိတ် ပြည့်ဝတဲ့အခါကျတော့ မကျေနပ်လို့ရှိရင်တောင်မှ မတတ်နိုင်တော့ဘူး ပေါ့။ ကိုယ်ကို တိုင်ကလည်း စစ်သားဖြစ်နေတဲ့အတွက် အမိန့်အတိုင်း လုပ်ရတော့မယ့် အနေအထား မျိုးနဲ့ အောင့်အီးနေနေရတဲ့ အထက် အရာရှိကြီးတွေ အများကြီးပါ။

ဦးသန်းလွင်ထွန်း ။ ။ ဒီလို အထက်အရာရှိကြီးတွေ ကြားထဲမှာ ဒီလို စစ်သားစိတ်မရှိဘဲနဲ့ ဒီလို အကျင့် ပျက်ခြစားမှုတွေ ရှိနေတဲ့လူတွေ ကျနော်တို့အနေနဲ့ အများကြီးကြားသိနေရတော့ အဲဒီလို လူမျိုးတွေ အပေါ်မှာ အောက်ခြေလက်အောက်ခံ တပ်သားအရာရှိငယ်တွေနဲ့ ဘယ်လိုသဘောထားတွေ ရှိနေကြလဲ။

ဗိုလ်ကြီးရဲထက် ။ ။ ကျနော် ခံစားချက်အနေနဲ့ ပြောမယ်ဆိုရင်တော့ မဖြစ်သင့်ဘူး။ သူလည်း တပ်မ တော်သား၊ ကိုယ်လည်း တပ်မတော်သား။ တပ်မတော်သား အချင်းချင်း အတူတူ နိုင်ငံတာဝန်၊ တိုင်း ပြည်တာဝန် ထမ်းဆောင်နေတာခြင်း အတူတူ။ ပြီးတော့ ကိုယ့်မိဘနှစ်ပါးဆိုတာလည်း ပြည်သူက မွေး ဖွားလာခြင်း အတူတူ ဒီမျက်နှာတွေကို မထောက်ဘဲနဲ့ ကိုယ်ကျိုးစီးပွား၊ကိုယ့်မိသားစုကြီးပွားရေး၊ကိုယ့် ဆွေမျိုးသားချင်း ကြီးပွားရေး၊ ကျန်တဲ့လူ ဘာတွေပဲ ဖြစ်နေဖြစ်နေဆိုတဲ့ ပုံစံမျိုးနဲ့ လုပ်ကြတဲ့အခါကျတော့ ကျနော်တို့လည်း မကျေနပ်ကြတာတော့ များပါတယ်။ ဒါပေမဲ့ ကျနော်ပြောသလို ငါပြောသလိုလုပ် ငါလုပ်သလို မလုပ်နဲ့ မူပုံစံတွေနဲ့ဆိုတော့ ဘာမှမတတ်နိုင်ဘူး။ သူတို့ခိုင်းတာလုပ်။ စစ်သားလည်း ဖြစ်နေတော့ အမိန့်တခု ကိုပဲ ကျနော်တို့က လုပ်သွားရတဲ့အနေအထားမျိုးဘဲ ရှိပါတယ်။

ဦးသန်းလွင်ထွန်း ။ ။ ဒီလို စစ်သားစစ်ဗိုလ်အရာရှိတွေကြားထဲမှာ စစ်သားဆိုတော့ တိုင်းပြည်ကာ ကွယ်ရေးနဲ့ အမိန့်ကို နာခံပြီးတော့ တိုင်းပြည်ကောင်းကျိုးကို လုပ်ရမယ်၊ မြန်မာတပ်မတော်ဟာ တ ကယ်တမ်းကြလို့ဆိုရင် ပြည်ထောင်စုကြီး စည်းလုံးမှု၊ မပြိုကွဲရေး၊ တိုင်းပြည်တိုးတက်ရေးအတွက် အစ စအရာရာ အနှစ်နာခံပြီးတော့ လုပ်နေတယ်ဆိုတဲ့ ပြောဆိုမှုတွေလည်းရှိနေတော့ တချို့စစ်ဗိုလ်စစ်သား တွေဆိုရင် ဒီအချက်ကိုပဲ တစိုက်မတ်မတ် ယုံကြည်မှုတွေရှိနေကြပြီးတော့ ဘေးကိုမမြင်နိုင်တဲ့ အနေ အ ထားတွေကော ရှိမနေဘူးလား။

ဗိုလ်ကြီးရဲထက် ။ ။ ဟုတ်ကဲ့ ရှိပါတယ်။ ဒါကတော့ တရားသဘောနဲ့ပြောရင် ဗုဒ္ဓကပြောခဲ့သလို ငါ ဘု ရားပြောတာတောင် မယုံနဲ့ ကိုယ်တိုင် ဒီကိစ္စဖြစ်သင့်တယ်၊ မဖြစ်သင့်ဘူးဆိုတာကို လေ့လာသုံးသပ် ပြီးမှ ကိုယ်တိုင်လက်ခံနိုင်မှ ယုံကြည်ပါလို့ ဘုရားကိုယ်တိုင် ဟောခဲ့တဲ့ အနေအထားပေါ့။ အဲဒီလိုဘဲ ကျနော်တို့က အထက်ကနေ မူတွေချပေးတယ်။ သူတို့ပြောတဲ့ မူတွေအတိုင်းကတော့ ဟုတ်တယ်။ တကယ့်တကယ် ဒီမူတွေအတိုင်း သွားနိုင်လို့ရှိရင် တိုင်းပြည်တိုးတက်မှာအမှန်ပါပဲ။
ဒါပေမဲ့ ချပေးတဲ့ မူပေါ်မှာ တကယ်လိုက်နာလုပ်ဆောင်ခြင်း မရှိတဲ့အခါမျိုးကြတော့ မူအရဆိုတော့ အားလုံးကြားတဲ့ အတိုင်း ပေါ့ သူတို့ပြောသလိုပဲ ဟိုဟာလုပ်မယ်၊ ဒီဟာလုပ်မယ် ဒီအတိုင်းတွေလုပ် ရင်တော့ တကယ်ဖြစ်သင့်ပါတယ်။ ဒါပေမဲ့ မူ အပေါ်မှာ လူတွေကမလိုက်နာနိုင်ဘဲ မူနဲ့လူက တခြားစီ ဖြစ်နေတဲ့ အနေအထားမျိုးပေါ့။ အဲဒါကို လေ့လာမသုံးသပ်ဘဲနဲ့ မူပဲ ကြည့်ပြီးတော့ လက်ခံနေတဲ့လူ တွေလည်းရှိပါတယ်။

ဦးသန်းလွင်ထွန်း ။ ။ မကြာသေးခင်ကဆိုရင် အထူးသဖြင့် အင်းမ (၆၆) လက်အောက်ခံ တပ်တွေ ကြားထဲမှာ ခမရ (၈၀) တို့ ဘာတို့ကြားထဲမှာ တပ်တွင်းမှာ အချင်းချင်းသွေးကွဲပြီးတော့ ပစ်ခတ်တဲ့အ ဆင့်တွေအထိ ရောက်ခဲ့တယ်လို့ နိုင်ငံခြား သတင်းဌာန တချို့ က သတင်းပို့တာတွေလည်း ရှိခဲ့တယ်။ အဲဒါကို မြန်မာစစ်အစိုးရကတော့ သတင်းစာထဲမှာ ဒါ မဟုတ်ပါဘူးဆိုပြီးငြင်းဆိုထားတာတွေကိုလည်း ကျနော်တို့တွေ့ရတယ်။ ဒါပေမဲ့ ကျနော်တို့ အယူအဆရကတော့ မီး မလောင်ဘဲနဲ့ မီးခိုးမထွက်နိုင်ဘူး ပေါ့။ ဒီလိုတပ်တွင်းမှာ အချင်းချင်း သွေးကွဲမှုတွေ ရှိခဲ့သလား။
ဗိုလ်ကြီးရဲထက်တို့အနေနဲ့ ဘယ်လောက်ထိ ဒီကိစ္စတွေကို ကိုယ်တွေ့ကြုံခဲ့ရတာတွေ ရှိခဲ့သလဲ။

ဗိုလ်ကြီးရဲထက် ။ ။ အဲဒီလိုတွေတော့ ကျနော်တို့ မကြုံဖူးဘူးခင်ဗျား။ ဒီသတင်းတွေနဲ့ ပတ်သက်လို့ တော့ ကျနော်တို့အနေနဲ့ မကြားမိဘူး။ ဒါပေမဲ့ အဲဒီလို ပစ်တဲ့ခတ်တဲ့အထိ ဖြစ်လာနိုင်တဲ့အကြောင်းတ ရားတွေလည်း ရှိနိုင်တယ်။ နောက်တော့ ကျနော်တို့ လက်ရှိနေခဲ့ရတဲ့ အတိုင်းအတာမှာတော့ စိတ်ဝမ်း ကွဲမှုတွေတော့ ရှိနေတာပေါ့။ ဒါပေမဲ့ ပစ်ခတ်တဲ့အထိ ဖြစ်လာတယ်၊ ဘာညာဆိုတာတော့ သတင်းအ ပေါ်မှာတော့ ကျနော်တို့လည်း ကိုယ်တိုင်မမြင်ရတော့၊ ကိုယ်တိုင်မမြင်တဲ့ကိစ္စကိုတော့ ဟုတ်ပါတယ်၊ မှန်ပါတယ်လို့တော့ မပြောတတ်ဘူး။

ဦးသန်းလွင်ထွန်း ။ ။ ဒီတပ်မတော်တွေရဲ့  တပ်ရင်းတပ်ဖွဲ့တွေကြားထဲမှာဘဲ ဥပမာအားဖြင့် အခွင့်အ ရေး နဲ့ ခံစားခွင့်တွေမတူတာတွေ၊ တပ်ရင်းတွေကြားထဲမှာဘဲ ရောက်နေတဲ့နေရာတွေပေါ် မူတည်နေ ပြီးတော့ ဆင်းဆင်းရဲရဲ နေရတာတွေ၊ အနှစ်နာခံရတာတွေ မညီမျှမှုတွေ ရှိနေမယ်ဆိုတာကရော ဟုတ်ပါသလား။

ဗိုလ်ကြီးရဲထက် ။ ။ အဲဒါကတော့ ဟုတ်ပါတယ်။ ဥပမာ ကျနော်တို့ အခု ကျောင်းဆင်းသွားလို့ရှိရင် တပ်တွေကို တာဝန်ကျ ပြီဆိုလို့ရှိရင် တချို့ ကလည်း တကယ့်ခရီးမပေါက်တဲ့ တပ်တွေကို ကျခဲ့တယ်။ တချို့ ကျတော့လည်း ကောင်းရာမွန်ရာ တပ်တွေကို ကျကြတယ်။ အဲဒီအပေါ်မှာ မူတည်ပြီးတော့ စိတ် သဘောထား ကွဲလွဲမှုတွေလည်းရှိကြတယ်။ နောက်တော့ ကျနော်တို့ တပ်မတော်ဆိုတာက ကြည်း၊ ရေ၊ လေ သုံးခုလုံး ပေါင်းမှ မြန်မာ့တပ်မတော်ဆိုတာ တခုတည်း ရှိပေမဲ့ တကယ့်တကယ်တမ်းမှာ စစ် လက်ရုံးတပ်ဖွဲ့တွေမှာ ငါ့တပ်ဖွဲ့က အရေးပါမှု၊ မင်းတပ်ဖွဲ့ရဲ့  အရေးမပါမှု အဲဒီလိုပုံစံမျိုးတွေပေါ့။
အဲဒီလို ပုံစံမျိုးတွေနဲ့ ကွဲလွဲနေတာမျိုးတွေရှိတယ်။ အခု အကိုတို့ ပြောသွားသလိုပဲ တပ်တွေရဲ့တည်နေ ရာနဲ့ သူတို့ရဲ့လုပ်ပိုင်ခွင့်ပေါ်တွေ မူတည်ပြီးတော့ တပ်တတပ်နဲ့တတပ် အမြင်စောင်းတာတွေရှိတယ်။ ဥပမာ အစည်းအဝေးတခုမှာ တပ်ရင်းမှုးတွေက ကျနော့်တပ်က စစ်သည်၊ ရဲမေတွေကို ဒီလိုလုပ်ပေး နိုင်ပါတယ် တင်ပြပေးမယ့် အဲဒီလို တခြားလုပ်ပိုင်ခွင့်မရှိတဲ့ တပ်က တပ်ရင်းမှုးအနေနဲ့ကြတော့ ဒါတွေ ကို သူ့တပ်တွေကို မဖြည့်ပေးနိုင်တဲ့အခါမျိုးတွေမှာ သူ့အနေနဲ့ သူ့စစ်သည်တွေ အတွက်လည်း ဝမ်း နည်းသလို။ အထက်လူကြီးနဲ့ကျတော့လည်း တပ်ရင်းမှုးအဆင့်အတူတူ လုပ်ပေးနိုင်ပြီးတော့ သူကျ တော့ မလုပ်ပေးနိုင်ဘူးဆိုတဲ့ အနေအထားမှာလည်း ဒါမျိုးတွေလည်း ဖြစ်တာပေါ့။
ဦးသန်းလွင်ထွန်း ။ ။ အမြောက်တပ်ရင်းမှာ တာဝန်ထမ်းဆောင်ခဲ့တဲ့ ဗိုလ်ရဲထက်ဟာ မြန်မာစစ် တက္ကသိုလ် သိပံ္ပတန်းမှာ အနုမြူနည်းပညာ၊ ဓာတုလက်နက်နည်းပညာတွေကို သင်ကြားဆည်းပူး ခဲ့သူမို့ မြန်မာစစ်တပ်ရဲ့  အနုမြူဓါတု ရည်မှန်းချက်နဲ့ စစ်တပ်အင်အားတိုးချဲ့ လိုမှု ရည်မှန်းချက်တွေအ ကြောင်း ရှေ့ တပတ်မှာ ဆက်လက်ပြီး တင်ပြသွားပါမယ်။