ဆင်တကယ်သွားပြီဆိုပါတော့

ဆင်တကယ်သွားပြီဆိုပါတော့
(မင်းစိုးစံ)

ဆင်သွားရင်လမ်းဖြစ်တယ်ဆိုတဲ့စကား ကြားဘူးမှာပေါ့နော်၊ တကယ့်လက်တွေ့မှာလည်း ဆင်သွားတဲ့ လမ်းကိုပဲလိုက်သွားခဲ့ရတဲ့အဖြစ်တွေကို ကျုပ်ကိုယ်တိုင်ကြုံဘူးတာမျိုးရှိခဲ့တယ်ဗျ။

ကျုပ်ကြုံရ လျှောက်ခဲ့ရတဲ့ဆင်သွားလမ်းက နှစ်မျိုးရှိတော့ကာ အဲဒီနှစ်မျိုးထဲက ဘယ်အမျိုးအစားက ပိုအဆင်ပြေတယ်ဆိုတာ နည်းနည်းလောက်ရှင်းပြချင်တယ်။

ပထမတမျိုးက မုံယိုနေတဲ့ဆင်ကိုလိုက်ဘမ်းတော့ သူ့ခြေရာအတိုင်းလိုက်သွားရတဲ့လမ်းမျိုးနဲ့၊ သစ်ဆွဲ ဆင်တွေနောက်လိုက်ရင်း လျှောက်ရတဲ့လမ်းကတမျိုး အဲဒီလမ်းနှစ်မျိုးပေါ့ဗျာ။

ပထမဆင်သွားတဲ့လမ်းက သိပ်မနိမ့်ဘူး တောတွေဘာတွေ နည်းနည်းခုတ်ရတယ်၊ ဒုတိယလမ်းက မဆိုးဘူး သစ်တုံးကြီးပါသွားတော့ လမ်းကရှင်းနေတယ်လေ၊ နည်းနည်းတော့ကြာတယ်၊ဘာကြောင့် လည်းဆိုရင် ဆင်ကြီကသစ်တုံးကိုရုန်းနေတာဆိုတော့ ခရီးသိပ်မတွင်ဘူးပေါ့၊ ဆင်ကိုကိုက်တဲ့တောယင်ကောင် အကိုက်ခံရတာခြင်းကတော့ အတူတူလောက်ပါပဲ။

ကဲအခု ကျုပ်တို့တတွေပြည်ထောင်စုမြန်မာနိုင်ငံတော်လို့ခေါ်တဲ့ ဗမာစစ်အစိုးရ အုပ်ချုပ်နေတဲ့ နိုင်ငံနဲ့ ပတ်သက်လို့ ကမ္ဘာ့အင်အားကြီးနိုင်ငံတနိုင်ငံက အသံထွက်လာတာသတိထားမိကြလိမ့်မယ်လို့ ထင်ပါတယ်။

မြန်မာနိုင်ငံအတွင်းမှာ ဒီမိုကရေစီ ပြန်လည်ထွန်းကားဖို့ စစ်တပ်အတွင်းက မျိုးချစ်တပ်သားတွေ အနေနဲ့ ဒီမိုကရေစီ အင်အားစုတွေနဲ့ ပူးပေါင်းပြီး စစ်ခေါင်းဆောင်တွေကို တိုက်ထုတ်ကြဖို့ အမေရိကန် အောက်လွှတ်တော်အမတ် ဒေနာ ရိုရာဘာကာ (Dana Rohrabacher) က တောင်းဆိုပြီး
“မြန်မာပြည် ဟာ တဖြည်းဖြည်းနဲ့ တရုတ်နိုင်ငံရဲ့ လက်အောက်ခံနိုင်ငံ ဖြစ်လာနေပြီ တရုတ်နိုင်ငံဟာ မြန်မာနိုင်ငံရဲ့ သယံဇာတတွေ ခိုးယူနေရုံမကဘဲ မြန်မာနိုင်ငံကို သူ့လက်ခံ နိုင်ငံတနိုင်ငံ ဖြစ်ဖို့အတွက် တဖြည်းဖြည်း နဲ့သိမ်းသွင်းနေတယ် မြန်မာစစ်ခေါင်းဆောင်တွေရဲ့အကူအညီ အထောက်အပံ့နဲ့ လုပ်ဆောင်နေတယ်” အဲဒီလိုကိုပြောသွားတာ။
ကျုပ်စဉ်းစားမိတာက ဒီလောက်တောင်၂၁ နှစ်ဆိုတဲ့အချိန်ကိုယူပြီးမှ ပြောတာဆိုတော့ သိပ်တော့ပေါ့ ပေါ့တန်တန်မဟုတ်ဘူးဗျ။

တရုတ်ဗမာအရေးအခင်းတုန်းက တရုတ်တွေ ကျိန်းထားတာတခုရှိတယ်ဗျ အဲဒါကို ဆောင်းပါးတခုမှာ ကျုပ်ရေးထားတာရှိဘူးတယ်ထင်တာပဲ
ဘယ်လိုကျိန်းထားသလဲဆိုတော့ “ဟေ့ ဒီမှာ မင်းတို့ဗမာတွေလောက်ကတော့ ငါတို့တရုတ်တွေက ငယ်ပါအမွှေးနဲ့ချီ ငယ်ပါအတံနဲ့ရိုက်ပြီး ငယ်ပါအရည်(သုတ်ရည်)နဲ့ပင်လယ်ထဲမျှောပစ်မယ်ကွ” ဆိုတာ။
ဒီကနေ့ဗမာစစ်အုပ်စုလက်ထက်မှာ တရုတ်တွေဘယ်လောက် ကြီးစိုးနေသလဲဆိုရင် ဗမာအမျိုး သမီးငယ်လေးတွေ တရုတ်ကြီးတွေနဲ့ အတူနေဘို့ ဆရာဝန်နဲ့ အပျိုစင်ဟုတ်မဟုတ်စစ်ဆေးရတာ ဆရာဝန်တွေ မနားရဘူးဆိုပဲဗျ။

ဒါကြောင့် အမေရိကန် အောက်လွှတ်တော်အမတ် ဒေနာ ရိုရာဘာကာ (Dana Rohrabacher) ဆက်ပြောသွားတာက
“တိုင်းပြည်ကို ကယ်တင်လိုစိတ်ရှိတယ်၊ စစ်မှန်တဲ့ အမျိုးသား ပြန်လည် ရင်ကြားစေ့ရေးကိုလုပ်ဆောင် လိုကြတယ်၊ မြန်မာနိုင်ငံကြီး တိုင်းတပါး လက်အောက်ခံနိုင်ငံ ဖြစ်မသွားစေချင်ဘူး ဆိုရင် မျိုးချစ်စိတ် ရှိသူတွေနဲ့ လွတ်လပ်မှုကို လိုလားကြတဲ့ မြန်မာနိုင်ငံသားတွေ အနေနဲ့ အာဏာရှင်တွေကို ဆန့်ကျင် တိုက်ထုတ်နိုင်ဖို့ အားလုံး တညီတညွတ်တည်း ပူးပေါင်းလုပ်ဆောင်ကြရမှာ ဖြစ်ပါတယ်။”

ကဲဗျာ ဒီကနေ့ကျုပ်တို့ပြည်ထောင်စုမြန်မာနိုင်ငံလို့ခေါ်တဲ့ ဗမာနိုင်ငံကြီးကိုကြည့်လိုက်ရအောင် အော် မေ့သွားတယ် ကျုပ်က နိုင်ငံရေးအကြောင်းနားလည်တာမဟုတ်ဘူးနော်၊ ကျုပ်ရဲ့တထွာတမိုက် လောက်အမြင်လေးကိုတင်ပြတာဆိုတော့ ဝါရင့်နိုင်ငံရေးသမားတွေ နိုင်ငံရေးသုတေသီတွေ ကို တောင်းပန်ချင်တာက နားလည်ခွင့်လွှတ်ပေးဘို့ပါ။

အခုတရုတ်က ဗမာပြည်ထဲက ထွက်တဲ့ ဓါတ်ငွေ့တွေ၊ ရေနံတွေ၊ ကျောက်မျက်ရတနာတွေ၊ ရေအား လျှပ်စစ်ကရမယ့် လျှပ်စစ်ဓါတ်တွေ ဘာကြောင့်သိမ်းကြုံးယူနေတာလဲဆိုတာ စဉ်းစားကြည့်ကြရ အောင် ကျုပ်အမြင်က တချိန်တုန်းက အင်ဒိုချိုင်းနားဆိုတာကို တရုတ်က ပြန်လုပ်ချင်နေတာလို့ကျုပ် ကတော့ အဲဒီလိုမြင်တယ်၊ အခုဆောက်နေတဲ့ သဘာဝဓါတ်ငွေ့ပိုက်လိုင်းကိုက သံသယဖြစ်စရာတွေ စိုးရိမ်စရာတွေပဲဗျ။

အမေရိကန်နဲ့ တရုတ်စစ်ဖြစ်ပြီဆိုရင် အဓိက လိုအပ်တာက လောင်စာပဲ လောင်စာမရှိရင် ယာဉ်တွေ မှန်သမျှစက်ယန္တားမှန်သမျှ အားလုံးလည်ပတ်လို့မရတော့ဘူးမဟုတ်လား၊ တရုတ်ရဲ့ရေမြေအနေအထားကို ကြည့်လိုက်ပြန်တော့ ပင်လယ်ပြင်နဲ့ထိစပ်တဲ့အပိုင်းက နည်းနေတယ်ထင်တာပဲ။

Pho to by www.google.com /map

ဟုတ်ပြီ လောင်စာဆီကိုအာရပ်နိုင်ငံက ယူမယ်ဆိုရင်မဖြစ်နိုင်ဘူးလားလို့မေးစရာရှိပါတယ်၊ အမေရိ ကန်ရေတပ်က ကမ္ဘာ့ရေပိုင်နက်ကို ထိန်းလိုက်ရင် တရုတ်အတွက်လောင်စာက အီးကြောပိတ်နိုင် တယ်ဗျ ဒီတော့ ဗမာပြည်က ထွက်သမျှရေနံ ထွက်သမျှဓါတ်ငွေ့ အစက်ကလေးတစက်မှမကျန်အောင် ရ ဘို့အရေးကြီးလေတော့ကာ သူတပါးနိုင်ငံဝင်မစွက်ဘူးဆိုတာက တရုတ်အတွက်မဲပြာပုဆိုးဖြစ်နေတာပေါ့။

မြန်မာစစ်အစိုးရက ထုတ်ပြန်ခဲ့တဲ့ ရွေးကောက်ပွဲဆိုင်ရာ ဥပဒေတွေက တရားမျှတမှု မရှိတဲ့အပြင် မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် ပါဝင်ခွင့်မရှိအောင် တမင်လုပ်ကြံရေးဆွဲထားတာကြောင့် ဒီဥပဒေတွေကို ဆန့်ကျင်ကန့်ကွက်တဲ့အနေနဲ့ စစ်အစိုးရအပေါ် ပိုမိုပြင်းထန်တဲ့ပိတ်ဆို့အရေးယူမှုတွေ ချမှတ်လုပ်ဆောင်ပေးဖို့ ပြီးခဲ့တဲ့ဧပြီလဆန်းပိုင်းတုန်းက အမေရိကန် အထက်လွှတ်တော်အ မတ် ၉ ဦးက သမ္မတအိုဘားမားကို စာရေးသား တောင်းဆိုခဲ့ကြတယ်ဆိုတာလည်းသတင်းထဲမှာတွေ့ လိုက်ရတယ်။

နောက်တခုပြောတာက“ မြန်မာပြည်သူတွေ ဒီမိုကရေစီအင်အားစုတွေ၊ တိုင်းရင်းသားတွေနဲ့ မျိုးချစ် တပ်မတော်သားတွေ ညီညီညွတ်ညွတ်နဲ့ စစ်အာဏာရှင်စနစ်အောက်ကနေ ရုန်းထွက်ဖို့ အကောင်းဆုံး အချိန်ဖြစ်တယ်” ဆိုပဲ။

အမေရိကန်နိုင်ငံကို လူတယောက်က ဆင်နဲ့နှိုင်းသွားတယ်ဗျ၊ ဆင်သွားရင်လမ်းဖြစ်တယ်လို့ဆိုပါတယ်
ကဲအားလုံးဗျာ မျိုးချစ်မြန်မာဆိုတဲ့လူတွေ၊ သခင်မျိုးလို့ဆိုတဲ့လူတွေ၊ မဟာမြန်မာတွေ ဒီမိုကရေစီလို့ဆိုတဲ့သူတွေ၊ လက်နက်ကိုင် တော်လှန်ရေးသမားတွေ နိုင်ငံရေးသမားတွေ ဘာအဖွဲ့ညာအဖွဲ့ ဟိုအဖွဲ့ဒီအဖွဲ့တွေ တယောက်နဲ့တယောက်သူ့ကို ကိုယ်ကအပြစ်ပြော ကိုယ့်ကိုသူကအပြစ်ပြော လုပ်နေကြမယ့်အစား ပူးပေါင်းကြမလား ဒါမှမဟုတ်တရုတ်တွေပြုသမျှနုကြမလား။

ဆင်ကြီးကတကယ်သွားပြီဆိုရင် လမ်းကတော့ဖြစ်မှာပဲ အဲကျုပ်တို့ဘက်က ဘာတွေကြိုတင်ပြင်ဆင် တားတာရှိပြီလဲ? ဆင်ကြီးကတကယ်မသွားဘူးဆိုရင်ကော ဘာဆက်လုပ်ကြမလဲ? ဆင်ကြီးမသွားဘူး ထင်ပြီး ဘာတခုမှတင်ကြိုပြင်ဆင်မထားဘူးရင်တော့………………။

အားလုံးကိုလေးစားလျှက်

မင်းစိုးစံ
အဝေးရောက် ကရင်ဒုက္ခသည်တဦး