ကာယံမခိုင်သောကဗျာ

Photo by www.googleimages.com

ကာယံမခိုင်သောကဗျာ

(မင်းစိုးစံ)

ဆည်းဆာကခပ်ရင့်ရင့်
မိုးပွင့်ကခပ်သည်းသည်း
လျှပ်စီးက,တဝင်းဝင်း
လေပြင်းကခပ်ထန်ထန်
မဟန်နိုင်တဲ့သစ်ပင်
ရေအလျဉ်ထဲထိုးကျ
အမြစ်ကစ အကုန်ပါ
ကမ်းပါးပါ ကျပြို ။ ။

သစ်ပင်ကကမ်းပါးကိုချစ်သလို
ကမ်းပါးကလည်းမြစ်ကိုချစ်ရှာတယ်။ ။

သစ်ပင်ရဲ့သံယောဇဉ်ပိုပုံက
ကမ်းပါးမပြိုကျစေချင်သလို
မြစ်တစင်းလှနေတာကို
ကမ်းပါးကမြင်လိုရှာတယ်။ ။

မြစ်ပြင်ရဲ့သဘာဝ
ခမျာမှာမာယာမပိုလောက်ပေမယ့်
ကွေ့ကောက်မှလှတာဆိုတော့
ကမ်းပါးကိုချစ်ပေမယ့်
မဖြိုမဖြစ်
သစ်ပင်ကိုပါတိုက်စားပစ်ရ,ရှာတယ်။ ။

မြစ်ပြင်နဲ့ကမ်းပါး
သစ်ပင်တို့ရဲ့ကြား
အလှတရားကိုခံစားနေတဲ့
ပန်းချီဆရာရဲ့ရင်ထဲမှာ
သဘာဝတရားတွေစစ်ဖြစ်နေတာ
သိမှသိပါလေစ။ ။

စာလုံးတွေရေးတဲ့ငါကတော့
သဘာဝတရားကိုလည်းမတားနိုင်
ပန်းချီသမားလိုလည်းမခံစားနိုင်
ကလောင်ကိုင်ရင်းငိုင်နေရင်း
ကာယံတွေယိုင်နဲ့နေပြီ။ ။

မင်းစိုးစံ
အဝေးရောက် ကရင်ဒုက္ခသည်တဦး