ဘီဘီစီက မေးဘို့ပြောတော့ မအားဘူးတဲ့

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ အထွေထွေအတွင်းရေးမှူး ဦးဌေးဦး၏
ရှင်းလင်းပြောကြားချက်နှင့် မီဒီယာများ၏မေးမြန်းမှုကို ပြန်လည်ဖြေကြားချက်
အချို့အား ကောက်နုတ်ဖော်ပြချက်

ရွေးကောက်ပွဲတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ အနိုင်မရပါက တပ်မတော်က အာဏာပြန်သိမ်းနိုင်သည် ဆိုသည့် ထွက်ပေါ်နေသော သတင်းများနှင့် ပတ်သက်၍ မေးမြန်းမှု အပေါ် ပြန်လည်ဖြေကြားချက်
"တပ်မတော်အနေနဲ့ ဒီလောက်လုပ်ပေးရင် တော်ပြီ၊ လုပ်ပြီးတဲ့အခါမှာ ပြည်သူတွေ ရွေးချယ်တင်မြှောက်တဲ့ အစိုးရကို သွားပါဆိုတဲ့ဟာ ရှိတယ်။ ဒီရွေးကောက်ပွဲက စစ်တပ်က လုပ်ပေးတာ။ ဟိုကအော်၊ ဒီကအော်လို့ ဖြစ်လာတဲ့ ရွေးကောက်ပွဲမှ မဟုတ်ဘဲ။ စစ်တပ်က လိုလိုလားလား၊ တပ်မတော်အစိုးရက လိုလိုလားလားလုပ်တဲ့ ကိစ္စ။ အဲဒါကြောင့် ပြန်သိမ်းမယ်ဆိုတာ မဖြစ်နိုင်ဘူး"

အစိုးရအဖွဲ့ဝင် ၀န်ကြီးများ လက်ရှိရာထူးများတွင် မည်သည့်အချိန်ထိ ရှိနေမည်ဆိုသည့် မေးခွန်းအပေါ်ဖြေကြားချက်
"၇ ရက်နေ့ကတော့ ရွေးတုန်းပဲ ရှိပါသေးတယ်။ အစိုးရ မဖွဲ့ရသေးဘူး။ အစိုးရ ဖွဲ့ပြီးနောက် အစိုးရက ဒီအစိုးရကို လွှဲမယ်ဆိုတဲ့ ဖွဲ့စည်းပုံ အခြေခံစည်းမျဉ်းမှာ ပါပါတယ်။ အဲဒီအချိန်ထိတော့ ရှိနေမယ်လို့ ထင်ပါတယ်။ ဒါကတော့ နောက်အစိုးရကို ဒီအစိုးရကလွှဲမယ်လို့ ပြောတာကိုး။ အဲဒီတော့ ၇ ရက်နေ့မှာ ကျွန်တော်တို့က ဘယ်သူတွေ အနိုင်ရမယ်ဆိုတာ သိလာမယ်။ သိလာပြီးလို့ရှိရင် သူတို့ကို လွှတ်တော်ခေါ်မယ်။ လွှတ်တော်ကို ရက် ၉၀ အတွင်းခေါ်မယ်လို့ ဖွဲ့စည်းပုံ အခြေခံစည်းမျဉ်းထဲမှာ ပါတယ်။ အဲဒီအချိန်ထိကတော့ ကျွန်တော်တို့ ရှိနေကြမှာပါ"

သတင်းစာထုတ်ဝေခွင့်နှင့် ပတ်သက်၍ မေးမြန်းမှု အပေါ် ဖြေကြားချက်
"သတင်းစာကိစ္စနဲ့ ပတ်သက်လို့ကတော့ ကျွန်တော်ထင်ပါတယ်။ တစ်ပြေးညီ ဖြစ်မှာပေါ့။ ပြည်ခိုင်ဖြိုးကို သတင်းစာပေးရင် ကျန်တဲ့သူလည်း ပေးရမှာပေါ့။ ကျွန်တော်တို့ရရင် ကျန်တဲ့သူတွေလည်း ရမှာပါပဲ။ ပွင့်ပွင့်လင်းလင်း ပြောရရင် တစ်ကယ်လို့ ထွက်မယ်ဆိုရင် မရှုံးအောင်လုပ်ဖို့ ပြင်ထားတယ်။ ဘာဖြစ်လို့လဲဆိုတော့ သတင်းစာက သိပ်ရှုံးတာပဲ"

ရွေးကောက်ပွဲ လွှတ်တော် ကိုယ်စားလှယ်လောင်းများတွင် လက်ရှိဝန်ကြီးများ ၀င်ရောက်ယှဉ်ပြိုင်မှုနှင့် ပတ်သက်၍ မေးမြန်းမှုကို ပြန်လည် ဖြေကြားချက်
"၀န်ကြီးဖြစ်တယ်၊ ကောင်းအောင်လုပ်တယ် ဆိုရင်တော့ မဲဆန္ဒရှင်တွေက သူ့ကို သဘောကျမှာပါ။ ၀န်ကြီးဖြစ်တယ်၊ ကောင်းအောင် မလုပ်ဘူးဆိုရင် သူကထင်ရှားတဲ့အတွက် ပိုတောင်ထိခိုက်ဦးမယ်။ ကျွန်တော်ထင်တယ် လွှမ်းမိုးမှုကတော့ လုပ်ဆောင်မှုအပေါ်မှာ မူတည်တယ်။ ဘာဖြစ်လို့လဲဆိုတော့ နေရာမဟုတ်ဘူး။ ပါတီ စကားပဲ ကျွန်တော်ပြောရမှာပဲ။ ပါတီက နေရာမဟုတ်ဘူး။ ကျွန်တော်က အထွေထွေ အတွင်းရေးမှူး၊ ပါတီထဲမှာ တော်တော်ရာထူးကြီးပါတယ်။ အဲဒီ အထွေထွေအတွင်းရေးမှူးကြောင့် လူထုရဲ့စည်းရုံးမှုကို မရနိုင်ဘူး။ တကယ်ရနိုင်တာက ကျွန်တော့်လုပ်ဆောင်မှု၊ ကျွန်တော် ဘာလုပ်ပေးသလဲ၊ ကျွန်တော် ဘာဖြည့်ဆည်းပေးလဲ။ အဲဒီပေါ် မူတည်ပြီး သူတို့ရဲ့ထောက်ခံမှု၊ ကန့်ကွက်မှုရမှာ။ အဲဒီတော့ ၀န်ကြီးဖြစ်လို့ ထောက်ခံမှုရတယ် ဆိုတာကတော့ ပဏာမ စည်းရုံးမှု အနေနဲ့ ဟုတ်သလိုလို ထင်ရပေမယ့် တကယ်တမ်းက သူ့ရဲ့လုပ်ဆောင်မှုပေါ်မှာပဲ မူတည်တယ်"

"လူထုက ခြိမ်းခြောက်လို့လည်း မရဘူး။ ပိုက်ဆံပေးလို့လည်း မရဘူး။ သူကိုယ်တိုင်ယုံရင် ယုံသလို လုပ်မှာပဲ။ ကျွန်တော်တို့လူထုက အဆင့်အတန်း ရှိပါတယ်။ သူများတွေက ပြောနေကြတယ်။ ကျွန်တော်တို့ လူထုက ဘာမှမသိဘူး။ ဘာမှနားမလည်ဘူးတဲ့။ ကျွန်တော်တို့လူထုက သိလည်းသိတယ်၊ နားလည်း နားလည်ပါတယ်"

ပါတီ၏ စီးပွားရေးလုပ်ငန်းများနှင့် ပတ်သက်၍ မေးမြန်းမှုကို ပြန်လည် ဖြေကြားချက်
"ကျွန်တော်တို့ အဓိက က စိုက်ပျိုးရေး၊ မွေးမြူရေးမှာ ရင်းနှီးမြှုပ်နှံထားတယ်။ စက်ရုံထောင်ဖို့တွေ၊ ဘဏ်လုပ်ငန်းမှာ ၀င်ဖို့ရှိတယ်။ ၀င်လည်းဝင်ထားတယ်။ ရင်းနှီးမြှုပ်နှံမှုနဲ့ ပတ်သက်လို့ကတော့ ကျွန်တော်တို့ပါတီ ထူထောင်ဖို့၊ ရပ်တည်ဖို့အတွက် ကျွန်တော်တို့ ပြန်ပြီးတော့ ကူညီပေးနိုင်ဖို့အတွက် လုံလောက်အောင် လုပ်ထားပါတယ်"

"တိုင်းပြည်အတွက် အကျိုးရှိမယ့် လုပ်ငန်းတွေကို ပူးပေါင်း ဆောင်ရွက်စေချင်တာပါပဲ။ အကျိုးရှိတဲ့ လုပ်ငန်းတွေကို လက်တွေ့လုပ်စေချင်တာပါပဲ။ စည်းရုံးတယ်ဆိုတာ ကောင်းပါတယ်။ စည်းစည်းလုံးလုံး ညီညီညွတ်ညွတ်နဲ့ ကိုယ့်ပြည်တွင်းရဲ့ အားကို အမှန်ကို ရောက်ဖို့လိုတာပါပဲ။ မှန်တယ်၊ မှားတယ် ဆိုတာကတော့ အကျိုးရှိတယ်၊ မရှိဘူး ဆိုတာပေါ်ပဲ မူတည်ပါတယ်။ ကိုယ်တိုင်လည်း အကျိုးရှိမယ်၊ ကိုယ့်ဘေးပတ်ဝန်းကျင်လည်း အကျိုးရှိမယ်၊ ပြည်သူတွေလည်း အကျိုးရှိမယ်ဆိုရင် မှန်တယ်လို့ သတ်မှတ်ရမှာပဲ”

အီလဲဗင်း ဂျာနယ်ကနေ တိုက်ရိုက် ကူးပြီးတင်လိုက်တာဖြစ်ပါတယ်။

မင်းစိုးစံ
အဝေးရောက် ကရင်ဒုက္ခသည်တဦး