ဘယ်သူပိုင်တဲ့ ဟော်တယ်လဲ?

ဘယ်သူပိုင်တဲ့ဟော်တယ်လဲ

လာမည့် နိုဝင်ဘာလ ၁၇ ရက်နေ့တွင် စတင်ကျင်းပမည့် ကျောက်မျက်ပြပွဲအမီ နေပြည်တော်ရှိ ဟိုတယ်ဇုန်တွင် အသစ် တည်ဆောက်နေသည့် ဟိုတယ်ကိုးလုံးအနက် လေးလုံးကို နိုဝင်ဘာလ ၁၀ ရက်နေ့ နံနက်ပိုင်း တွင် ဖွင့်လှစ်ခဲ့ကြောင်း သိရှိရသည်။

နေပြည်တော် ဟိုတယ်ဇုန်တွင် ကျောက်မျက်ပြပွဲအမီ အသစ် တည်ဆောက်နေသည့် ဟိုတယ်ကိုးလုံးမှာ Junction ဟိုတယ်၊ ဇမ္ဘူသီရိဟိုတယ်၊ ကောင်းကင်နန်းတော်ဟိုတယ်၊ မင်္ဂလာသီရိဟိုတယ်၊ တုံဂပူရီ ဟိုတယ်၊ မန်းမြန်မာဟိုတယ်၊ မြင့် မိသားစုဟိုတယ်၊ Country ဟိုတယ်နှင့် Golden Land ဟိုတယ် တို့ ဖြစ်ပြီး ဖွင့်လှစ်ခဲ့သည့် ဟိုတယ် လေးလုံးမှာ ကောင်းကင်နန်းတော်ဟိုတယ်၊ မင်္ဂလာသီရိဟိုတယ်၊ တုံဂပူရီ ဟိုတယ်နှင့် Junction ဟိုတယ်တို့ ဖြစ်ကြောင်း သိရသည်။

''ကျွန်တော်တို့ အခု ဖွင့်လှစ်လိုက်တဲ့ ဟိုတယ်လေးလုံးက ပထမအဆင့် ပြီးစီးတာ ဖြစ်ပါတယ်။ ပြီးစီးတဲ့ အခန်းတွေက လူဦးရေ ၅၀၀၀ လောက် တည်းခိုနိုင်မှာ ဖြစ်ပါတယ်။ အခုဖွင့်လိုက်တဲ့ ဟိုတယ်လေးလုံးက အခန်းတွေရော၊ အခြား ဟိုတယ်တွေ မှာလည်း ဧည့်သည်တွေ ပြည့်နေပါပြီ''ဟု တုံဂပူရီဟိုတယ်မှ တာဝန်ရှိသူ တစ်ဦးက ပြောပြခဲ့သည်။

ယခု ဖွင့်လှစ်ခဲ့သည့် ဟိုတယ် ၄ လုံးအနက် Junction ဟိုတယ်ကို ရွှေတောင်ကုမ္ပဏီက လည်းကောင်း၊ ကောင်းကင်နန်းတော် ဟိုတယ်ကို မန်းပြည်တံခွန် ကုမ္ပဏီက လည်းကောင်း၊ မင်္ဂလာသီရိဟိုတယ်ကို G4 ကုမ္ပဏီက လည်းကောင်း၊ တုံဂပူရီ ဟိုတယ်ကို Asian Golden ကုမ္ပဏီက လည်းကောင်း အသီးသီး တာဝန်ယူ ဆောက်လုပ်ခဲ့ခြင်း ဖြစ်ကြောင်း သိရှိရသည်။

သတင်းရင်းမြစ်
http://www.news-eleven.com