ဝါခေါင်လ,ခြည်ဖြူဖွဲ့ပွဲကို လွမ်းတယ်

Source Photo from http://www.karentimes.blogspot.com

ဝါခေါင်လ,ခြည်ဖြူဖွဲ့ပွဲကို လွမ်းတယ်
(မင်းစိုးစံ)

နန်းကော်ကေရေ ငါနင့်ကိုဘယ်လောက်အထိချစ်တယ်ဆိုတာ နင်အသိဆုံးပါ။ တချိန်တုန်းက ငါဟာကရင်စာ
မပြောနဲ့ ကရင်စကားကိုတောင် နားမလည်ခဲ့တဲ့ကရင်တယောက်အဖြစ်ကနေ အခုဆိုနင့်ကြောင့်ငါကရင်စကား ကိုနားလည်ပြီးပြောတတ်ဆိုတတ်ရုံမက ကရင်စာ(လိက်လီၟဆင့်)ကိုတောင်အောင်ပြီးသွားပြီလေ
အဲဒါနင့်ကို ငါချစ်လို့သိလား။

နင်ပြောပြတာရယ် ဆရာတွေပြောပြတာရယ်ကြောင့် ခြည်ဖြူဖွဲ့တဲ့အကြောင်းတွေသိရလို့ ငါလေနင်နဲ့တကွ ဆရာဆရာမတွေကိုကျေးဇူးတင်တယ် တကယ်ပြောတာပါ။ ၀ါခေါင်လခြည်ဖြူဖွဲ့ပွဲတော်မှာ နင့်ကိုတွေ့ရမြင်ရ တာလေ ငါအရမ်းပျော်တာပဲ ကရင့်ရိုးရာဝတ်စုံလေးနဲ့ ခြည်ဖြူဖွဲ့တဲ့ပစ္စည်း ၇ မျိုးထည့်ထားတဲ့ဆန်ကောကိုကိုင် ရင်းတဖြည်းဖြည်းချင်းလျှောက်လာတဲ့ နင်ကတော့ အားလုံးထဲမှာအလှဆုံးအချောဆုံး ချစ်စရာအကောင်းဆုံး။

အေးတခုတော့ပြောချင်တယ် ဘာလဲဆိုတော့ ငါတို့ရိုးရာဓလေ့ထုံးတမ်းတွေထဲကို မလိုလားအပ်တဲ့
အနှောင့်အ ယှက်တွေ ၀င်မှန်းမသိဝင်နေပြီဆိုတာ ပြောချင်လို့ပါ။

နင်ကငါ့ကိုပြောလိမ့်မယ် ငါပြောပြလို့ ကရင့်ရိုးရာအကြောင်းကိုသိတဲ့လူကများ ကရင့်ရိုးရာထဲကို အနှောင့်အ ယှက်ဝင်တယ်လေးဘာလေးနဲ့ ဘယ်လောက်များ နားလည်လို့လဲ ဆိုတာကိုလေ၊ နင်ပြောပြထားတာကို ငါပြန် ပြောကြည့်မယ်၊ ငါတို့ကရင်တွေမှာခြည်ဖြူဖွဲ့ရတဲ့အဓိကအကြောင်းရင်းအနည်းဆုံး ၃ခုရှိတယ်။

ဝါခေါင်လခြည် ဖြူဖွဲ့ပွဲ၊ အကြင်လင်မယားအဖြစ်မင်္ဂလာဆောင်ခြည်ဖြူဖွဲ့ပွဲနဲ့ ဖျားနာလျင်ခြည်ဖြူဖွဲ့တာရယ် ဆိုပြီးသုံးမျိုးရှိတယ်။ အဲဒီအထိတော့မှန်ပါတယ်နော်။
အဲဒီထဲက ၀ါခေါင်လခြည်ဖြူဖွဲ့ပွဲအကြောင်းလေးပြောကြစို့လား၊ ငါတို့ဘိုးဘွား တွေ ခြည်ဖြူဖွဲ့ခဲ့တာဟာ အခုပြည်ထောင်စုမြန်မာနိုင်ငံတော် လို့ခေါ်ဝေါ်သုံးစွဲနေတဲ့ ဒေသကိုအခြေမချခင်က တည်းက ငါတို့တတွေ တယောက်နဲ့တယောက်မှတ်မိအောင်ဆိုပြီး ခြည်ဖြူဖွဲ့ခဲ့ပေးတာမဟုတ်လား။
အဲဒီအချိန်တုန်းက ဘယ်လိုစည်းကမ်းတွေသတ်မှတ်ခဲ့သလဲ၊ ငါဆိုလိုချင်တာက လင်စုံမယားဘက်
(ငယ်လင် ငယ်မယား)၇တွဲ ကလက်ချည်ပေးရမယ်ဆိုတာပါခဲ့သလား ဆိုတာပါပဲ။

ပြီးတော့ ခြည်ဖြူဖွဲ့ရာမှာ အသုံးပြုတဲ့ ပစ္စည်းကို သယ်လာတဲ့လူငယ်လေးတွေကလည်း မိစုံဘစုံ (ငယ်လင်ငယ်မယားမိဘနှစ်ပါးသက်ရှိထင်ရှားရှိသူ) ဖြစ်ရမယ်ဆိုတဲ့ စည်းကမ်းများပါသလားလို့ပါ။
ငါနားလည်ထားတာကတော့ ငါတို့ကရင်တွေ မျိုးနွယ်စုမခွဲဘို့၊ ဘာသာမခွဲဘို့အတွက်ရယ်၊ စည်းလုံးကြဘို့
ကရင်ကို ကရင်ကသိဘို့ အဲဒါတွေအဓိကလို့ငါယုံထားတယ်၊ ပထမအချက်တခုဖြစ်တဲ့ ငယ်လင်ငယ်မယား ကိစ္စ လေးပြောကြရအောင် အခြေအနေအကြောင်းအမျိုးမျိုးကြောင့် ကွဲသွားတဲ့ဇနီးမောင်နှံဆိုပါစို့၊ အသက်
ငယ်ငယ်ရွယ်ရွယ်နဲ့ အိမ်ထောင်ဘက်ကကျန်းမာရေးကြောင့်၊ စစ်ပွဲကြောင့်၊ မတော်တဆအလုပ်ခွင်မှာ ထိခိုက်
ဒါဏ်ရာရမှုကြောင့် အသက်ဆုံးရှုံးရလို့ နောက်အိမ်ထောင်ပြုလိုက်ကြရတဲ့ အိမ်ထောင်စုဝင်တွေ လက်ချည်ပေး
ခွင့်မရှိဘူး ဆိုလျင် စောစောတုန်းက ရည်ရွယ်ချက်တွေနဲ့ ကိုက်ညီပါ့ဦးမလား သူတို့ဘက်ကကြည့်လိုက်လျင်
ဘယ်လိုနေမယ်ထင်သလဲ လူမှုရေးဖေါက်ပြန်တဲ့အတွက် ကွဲကြပြဲကြတဲ့အိမ်ထောင်ဆိုလျင်တော့ ထားလိုက်ပါတော့။
ဘယ်လိုကြောင့်ပဲကွဲကြပြဲကြတဲ့အိမ်ထောင်ဖြစ်ပါစေ သူတို့ဘက်ကဆင်းသက်လာတဲ့ ဘာမှန်းညာမှန်းမသိရှာ တဲ့ ကလေးတွေကိုတော့ သွားပြီး အရိပ်မထိုးမိစေချင်တာအမှန်ပဲ။

ငါပြောချင်တာကအဲဒါပဲ အခုနင်ကြည့်ပါဦး ငါ့သူငယ်ချင်းဆိုလျင် သူ့အဖေက သူ့ကိုမွေးတဲ့နေ့မှာပဲ ဗမာစစ် သားတွေရဲ့မဆင်မခြင်ပစ်ခတ်သတ်ဖြတ်မှုကြောင့်ဆုံးသွားရှာတယ် အရွယ်ရှိသေးတဲ့သူ့အမေ နောက်အိမ်ထောင်ပြု
တယ်၊ သူ့ပထွေးဘက်က မောင်နှမနှစ်ယောက်ပါလာတယ် နောက်ထပ်သူတို့ အမေတူဖအေကွဲသုံးယောက် ရှိတယ်၊
အဲဒါ ငယ်လင်ငယ်မယားမဟုတ်တဲ့အတွက် မိစုံဘစုံမဟုတ်တဲ့အတွက် လက်ချည်ပေး ခွင့်မရှိဘူး ပစ္စည်း ထည့်ထားတဲ့ဆန်ကောကိုကိုင်ခွင့်မရှိဘူးဆိုတော့ သူတို့မိသားစုလေးဘယ်လိုခံစားရမယ်ထင်သလဲ။

ချွင်းချက်အနေနဲ့ကတော့ အကြင်လင်မယားအဖြစ်မင်္ဂလာဆောင်ခြည်ဖြူဖွဲ့တဲ့အခါမှာ လင်စုံမယားဘက် ငယ် လင်ငယ်မယားတွေက လာပြီးကြင်စဦးဇနီးမောင်နှံကိုလက်ချည်ပေးတာကတော့ သင့်မြတ်ပါတယ်၊ သို့ပေသော် ငြားလည်း ၇တွဲဆိုတာကတော့ မဟုတ်ဘူးလို့ ငါ့အဘိုးကပြောပြဘူးတယ်၊ အသက်အရွယ်ကြီးရင့်တဲ့ ဘိုးဘွား နှစ်တွဲ သုံးတွဲလောက်နဲ့တင်အားလုံးအဆင်ပြေတယ်တဲ့။ ဖျားနာလို့လက်ချည်မယ်ဆိုလျင်တော့ လူနာနဲ့မိဘနှစ် ပါးကနေပဲ လိပ်ပြာပြန်ခေါ်ပြီးချည်ပေးလိုက်တာပဲတဲ့။

ငါပြောပြစရာရှိသေးတယ် နန်းကော်ကေရေ။ လက်ချည်ပွဲသွားလျင် စာမေးပွဲချပစ်မယ်၊ လက်ချည်ပွဲဆိုတာ ဆာတန်မာန်နတ်အလုပ် သူတော်ကောင်းအလုပ်မဟုတ်ဘူးဆိုတဲ့ အစွန်းရောက်လူတွေကြောင့်လည်း ငါတို့ရိုး ရာဓလေ့ထုံးတမ်းတွေ ဆုတ်ယုတ်နေရတာလည်းရှိနေတယ်ဆိုလျင် နင်ယုံနိုင်ပါ့မလား။

နောက်ဆုံးတခုကတော့ ရိုးရာဓလေ့ကို လုပ်စားတဲ့လူတွေကြောင့် ဆုတ်ယုတ်ရတာလေးပြောပါရစေ၊ အဲဒီလူတွေကတော့ ဘာလို့လက်ချည်ပွဲလုပ်ရတယ်ဆိုတာကို မသိဘူး သိအောင်လည်းမလုပ်ဘူး သိချင်စိတ်လည်းမရှိဘူး လေးစားမြတ်နိုး တန်ဘိုးထားရမယ်ဆိုတာကတော့ ဝေးရော၊ သူတို့ကျတော့ လူအမြင်လေးလှအောင် လူအုပ်ထဲဝင်ပြီးလက်ချည်တယ် စင်မြင့်ပေါ်တက်ပြီး ပွါးလိုက်တယ်၊ စားမယ်သောက်မယ် မှတ်တမ်းဓါတ်ပုံလေး ဘာလေးရိုက် အခန်းအနားပြီးလို့အပြင် လည်းရောက်ရော ခြည်ဖြူခြည်နီတွေက လက်ကောက်ဝတ်မှာ မရှိတော့ဘူး။
အဲဒါတွေကို ငါကိုယ်တိုင်မြင်လို့ ပြောပြတာနော်။

နန်းကော်ကေရေ လူအမျိုးမျိုးစိတ်အထွေထွေမဟုတ်လား ဒီမိုကရေစီလေ ဟုတ်တယ်ဟုတ်။ နင်ကတော့ ရိုးရာဓလေ့ကိုချစ်မြတ်နိုးတဲ့သူတယောက်ဖြစ်သလို ထိန်းသိမ်းမယ်လို့ငါ့ကိုအမြဲတမ်းပြောနေတာဆိုတော့ အဲ ဒါလေးတွေပြင်နိုင်ကောင်းရဲ့ဆိုတဲ့ မျှော်လင့်ချက်လေးနဲ့ရေးပြလိုက်တာပါ။ ဘာကြောင့်လဲဆိုတော့ ကမ္ဘာအနှံ့ မှာရှိနေ ရောက်နေကြတဲ့ ကရင်တွေဟာ ကိုယ့်ရိုးရာဓလေ့ကို မမေ့ကြသလို ထိန်းသိမ်းကြတာမှန်ပေမယ့် သတိ ပြုစရာ အလေးထားပြုပြင်စရာလေးတွေအမြောက်အများရှိနေသေးတယ်ဆိုတာကို နင်သိအောင်လို့ပါ။

နန်းကော်ကေ ငါနင့်ကိုချစ်တယ်ဆိုတာ နင်သိပါတယ်နော်၊နင့်ကိုချစ်လွန်းအားကြီးလို့ ဒီအကြောင်းကိုရေးပြတာ ပါ၊ နင့်အပေါ်ဆရာလုပ်ချင်လို့ မဟုတ်ဘူးဆိုတာကိုတော့ နင်နက်နက်နဲနဲယုံကြည်ပါ ဒီခြည်ဖြူဖွဲ့ပွဲမှာ ငါတို့တွေ့ ကြသလို လာမယ့် ကရင့်နှစ်သစ်ကူးနေ့မှာပျော်ပျော်ပါးပါးတွေ့ကြဘို့ ငါမျှော်လင့်ပါတယ်။

အသက်ရှင်နေသေးသရွေ့ ခြည်ဖြူဖွဲ့ပွဲရော နှစ်သစ်ကူးပွဲကိုပါ ငါတို့ပျော်ပျော်ရွှင်ရွှင်အတူတူ ကျင်းပနိုင်ကြဘို့ ငါဆုတောင်းပါတယ်။

နင့်ကိုသိပ်ချစ်တဲ့
ကျော်ချူလိုင့်

မင်းစိုးစံ
(အဝေးရောက် ကရင်ဒုက္ခသည်တဦး)