မြန်မာ မြန်နိုင်မာနိုင်ပါ့မလား

Source Cartoon from http://www.news-eleven.com

မြန်မာ မြန်နိုင်မာနိုင်ပါ့မလား

(မင်းစိုးစံ)

မြန်မာတွေမှာဆိုရိုးစကားရှိတယ်လေ ပညတ်သွားရာဓါတ်သက်ပါတဲ့။ ယတြာတွေ အင်း အိုင် ခလဲ့ လက်ဝှက် (ဖွဲ့)ကိုယုံကြည်ကိုးကွယ်တဲ့ မဟာဗမာစစ်အစိုးရအနေနဲ့ ဗမာကိုမြန်မာလို့ပြောင်းတာက မြန်တယ် မာတယ်ဆို တဲ့ အဓိပ္ပါယ်ကို ယူထားတာဖြစ်တယ် အဲဒါကို ပိုကြိုက်တယ်ဆိုပြီး ကျော်အောင်စံထားဆရာတော်ဘုရား ရေး သားစီစဉ်တဲ့ ဝေါဟာရတ္ထပကါသနီကျမ်းမှာ အတိအလင်းကိုရေးသားထားပါတယ်၊ လွန်ခဲ့တဲ့နှစ်၁၀၀ကျော်က ရေးသားပုံနှိပ်ခဲ့တာပါ။

မြန်မာကို အရင်တုန်းက မြမ္မာ လို့ရေးထားတာကို မြန်မာလို့ပြောင်းရေးတာလို့ဆိုပေမယ့် သမိုင်းကြောင်းတခုခုကိုပြောင်းပစ်ချင်တာများလားတော့ မသိပါဘူး။
ဘာကြောင့်လဲဆိုတော့ ဒီမဟာဗမာစစ်အစိုးရက သမိုင်းမှန်တွေကို ဖျောက်ဖျက်နေကျမဟုတ်လား။

မြန်မာဆိုတဲ့အတိုင်း ခပ်မာမာပေါ့ ခပ်မြန်မြန်ပေါ့ ကလိမ်ကကျစ်ကျမယ်၊ မတရားတာတွေလုပ်မယ်၊ တိုင်းပြည် ပျက်စီးရာပျက်စီးကြောင်းတွေ ဖန်တည်းမယ်၊ အဲဒီလိုနေရာတွေမှာ အင်မတန်မြန် အင်မတန်မာတဲ့ မြန်မာ။

အခုတော့ တရုတ်ကြီးက ရာဇသံပေးနေပြီ၊ ငါ့ကိုမပြောပဲ ရေထွက်တဲ့အပေါက်ကို ပိတ်မယ့်ဟာကိုဘာဖြစ်လို့ ရပ်လိုက်ရတာလဲတဲ့၊ ဒါကြောင့်လည်းလွှတ်တော်မှာအခြေအတင်ဆွေးနွေးမနေတော့ပဲ ချက်ခြင်းအမိန့်ထုတ်
လိုက်တာကိုး သမ္မတကဗွီတိုအာဏာသုံးသလေးဘာလေးပေါ့၊ သဘောကတော့ သမ္မတကြီးဦးသိန်းစိန်လုပ်တာပါ အနော်ပါဘူးဆိုပြီး ပေါက်ဖေါ်ကို ကလိမ်ကျဘို့အကွက်ဆင်လိုက်တာပါ ပေါက်ဖေါ်က နေမယ်တဲ့လား အံခွနေပြီ။

ဟိုးဦးနေ၀င်းအုပ်ချုပ်ကတည်းက ရထားတဲ့သင်ခန်းစာတွေက တရုတ်အတွက် ဆယ်သက်စာမကအောင် ပြည့်လျှံနေ
ခဲ့ပြီပဲ၊ မဲဆောက်က တရုတ်တယောက်ကိုမေးကြည့်လိုက်ပါ၊ တရားဝင်နယ်စပ်ဂိတ်တွေမဖွင့်ခင်ကတည်း က အရောင်းအ၀ယ်လုပ်နေတဲ့ တရုတ်တွေကိုပြောတာပါ၊ ပြည်သူပိုင်သိမ်းတော့ တရုတ်တွေကို ဘယ်လိုလုပ် ခဲ့သလဲဆိုတာ မေ့မယ်တဲ့လား အခုတရုတ်ပြည်ကိုအုပ်စိုးနေသူတွေရဲ့ ဆွေမျိုးတွေမပါဘူးလို့ပြောနိုင်ပါ့မလား၊ အဲဒါသွေးကြွေးဗျ သွေးကြွေး။

အဲဒါကိုကြိုသိနေတော့ အာဆီယံထဲဝင်ပြီး အကာအကွယ်ယူမယ်၊ အိန္ဒြိယနဲ့ပေါင်းသလိုလိုလုပ်မယ်၊ အမေရိ ကန်ကို မျက်စပစ်ပြမယ်၊ အဲဒီလိုလုပ်နေတာ နှစ်တွေအများကြီးကြာခဲ့ပြီ၊ ခုတော့ဘယ့်နှယ်ရှိစ။ လည်လွန်းတဲ့ ဘီး အီးမှန်တယ်ဆိုတဲ့ကိန်းဆိုက်နေပြီပေါ့။

ဒါကိုကြိုတင်ပြင်ဆင်တဲ့အနေနဲ့ အရွယ်ရောက်ပြီးသူတိုင်း စစ်မှုမထမ်းမနေရ ဆိုတဲ့အမိန့်ထုတ်လိုက်တာ၊ အမျိုးသားဆိုလျင် အသက်၁၈နှစ်ကနေ ၄၅နှစ်အထိ၊ အမျိုးသမီးဆိုလျင် အသက်၁၈နှစ်ကနေ ၃၅နှစ်အထိ စစ်မှုမ ထမ်းမနေရ၊ စစ်တပ်အင်အားကိုလည်း ၅သိန်း ဘာညာဘာညာစိတ်ရူးထတိုင်းလျှောက်လုပ်နေတာ။

ဘယ်လောက်အထိလူမဆန်သလဲဆိုလျင် စစ်တပ်ကိုလည်းလောက်ငှအောင်မကျွေးချင်၊ ပြည်သူလူထုကိုလည်း ဆင်းရဲသည်ထက်ဆင်းရဲအောင် ငတ်ပြတ်သည်ထက်ငတ်ပြတ်အောင် နုံခြာသည်ထက်နုံခြာအောင် စနစ်တကျ ကိုနှိပ်ကွက်နေလာလိုက်တာ အခုလို နင်လားငါလား တရုတ်ကိုယှဉ်ရတော့မယ်ဟေ့ဆိုလျင် ဘယ်မှာလဲအင်အား ငတ်ပြတ်နေလို့မ၀ရေဆာနဲ့ အသက်ရှင်နေရတဲ့လူတယောက် ဘယ်လိုလုပ်ပြီးစစ်တိုက်နိုင်မှာလဲ။

တခါငြိမ်းချမ်းရေးယူထားတဲ့အဖွဲ့တွေကို နယ်ခြားစောင့်တပ်လုပ်ကြဆိုပြီး မလုပ်လျင်တရားမ၀င်အဖွဲ့အစည်းအ ဖြစ်ကြေငြာမယ်ဆိုပြီး စစ်အင်အားထပ်ဖြည့်လိုက်သေးတယ်၊ ကလိန်ကကျစ်ကျတာများနေတော့ ဒီကေဘီအေ က ပထမဆုံး ထဆော်လိုက်ရော၊ အဲဒီမှာတင်လုပ်လိုက်တိုင်း တလွဲတချော်တွေဖြစ်လာလိုက်တာ တရုတ်က ရာဇသံပေးတဲ့အထိ် ဖြစ်လာပါတော့တယ်။

ပြောပါသေးတယ် တိုင်းပြည်ရဲ့အင်အားဟာပြည်တွင်းမှာပဲရှိတယ်တဲ့ အခုမှပြည်ပရောက်နေတဲ့ လူတွေကိုပြန်
ခေါ်နေတယ်၊ မှီမှမီပါ့ဦးမလားမသိ။
ထောက်လှမ်းရေးမှူးချုပ်ဟောင်း ဗိုလ်ချုပ်ခင်ညွန့်နဲ့ ကေအင်ယူဥက္ကဌ စော ဘိုမြတို့ငြိမ်းချမ်းရေးဆွေးနွေးပွဲ
မှာတွေ့တော့ ဗိုလ်ချုပ်ခင်ညွန့်ပြောသွားတဲ့စကားတခွန်းက ကိုယ့်လူမျိုးကိုကိုယ့် ထက်ပိုချစ်တဲ့သူမရှိဘူး ဆိုတာ၊ မျိုးချစ်စိတ်ဓါတ်ဘယ်လောက်ပဲပြင်းထန်ပြင်းထန် ခေတ်မှီစစ်လက်နက် စက် ယန္တယားတွေမပြည့်စုံလျင် စည်းရုံးမှုပြိုကွဲနေလျင် ရန်သူကိုဘယ်လိုတိုက်မှာတုန်း။

အရေးအကြီးဆုံးက ကိုယ့်လူသူ့ဘက်သားတွေရှိနေမယ်ဆိုလျင် အဲဒါသွားရော၊ စီးပွါးရေးကဏ္ဍ၊ သတင်းနဲ့
မီဒီယာကဏ္ဍ၊ အဲဒီကဏ္ဍနှစ်ခုမှာ ဘယ်လိုလူစားတွေက ချုပ်ကိုင်ထားသလဲ၊ လုပ်ပိုင်ခွင့်တွေရထားသလဲ၊ တရုတ်ကိုမကြေနပ်လို့ ကန့်ကွက်ဆန္ဒပြမယ်ဆိုပါတော့ ဗမာအချင်းချင်းတောင် သေနတ်မိုးပေါ်ထောင်မပစ်မှတော့
တရုတ်က ဒီလူလောက်တော့နည်းသေးတယ်လို့ပြောလိမ့်မယ်။

ဗမာပြည်ဘယ်နေရာမှာဘာရှိလဲဆိုတာ တရုတ်က၉၉%သိပြီးသား၊ ဘယ်နေရာကိုဘယ်လိုကိုင်လိုက်လျင် ဘာ ဖြစ်သွားနိုင်တယ်ဆိုတာ သိပြီးသား၊ တခြားတိုင်းရင်းသားတွေကိုသာ မဟာဗမာစစ်အစိုးရက လက်နက်မျိုးစုံသုံး ပြီးတိုက်နေတာ ၀နဲ့ကျတော့ ငြိမ်းချမ်းရေးလုပ်ရရှာတာကိုက တရုတ်ရဲ့သြဇာဘယ်လောက်ကြီးတယ်ဆိုတာ သိ နိုင်လောက်ပါတယ်။

တခုပဲရှိတော့တယ်၊ အဲဒါ မြန်မာဆိုတဲ့အတိုင်း မြန်မြန်လုပ် အချိန်မဆွဲနဲ့ တိုင်းရင်းသားလက်နက်ကိုင်အဖွဲ့အ စည်းအားလုံးနဲ့ မြန်မြန်ငြိမ်းချမ်းရေးယူ၊ မြန်မြန်အပစ်အခတ်တွေရပ်စဲ၊ မြန်မြန်ဒီမိုကရေစီကျင့်သုံးနိုင်ဘို့ ၂၀၀၈ဥပဒေဆိုတာကို မြန်မြန်ပြင်၊ ဒီနေရာမှာပြင်လို့ပြောတာထက် မြန်မြန်ဖျက်ပစ်၊ နိုင်ငံရေးအကျဉ်းသားတွေ
မြန်မြန်လွှတ် တိုင်းပြည်ချစ်တဲ့စိတ် မျိုးချစ်တဲ့စိတ်တကယ်ရှိတယ်ဆိုလျင် ပြည်သူလူထုကိုမာရည်ကျောရည်ဆက်ဆံ တာတွေ မြန်မြန်ပြောင်း ၊ အဲဒါဆိုလျင်တော့ သက်သာမယ်။

ဘာကြောင့်လဲဆိုတာပြောပြမယ်၊ တိုင်းရင်းသားလက်နက်ကိုင် အင်အားစုတွေဟာ ဗမာ့တပ်မတော်သားတွေ ထက် စစ်ရေးသာတယ်၊ မျိုးချစ်စိတ်သာတယ်၊ အပစ်အခတ်ရပ်လိုက်တဲ့အတွက် တရုတ်ဆီကနည်းမျိုးစုံနဲ့ရ ထားတဲ့ လက်နက်အစုတ်အပြတ်တွေ များများကျန်မယ်၊ အဲဒါပြန်အသုံးချနိုင်မယ်၊ ပြည်သူလူထုကိုပြေပြေလည် လည်ဆက်ဆံတဲ့အတွက် အသက်ငါးဆယ်ကျော်တွေ စစ်တိုက်လိမ့်မယ်၊ စစ်ရေးမှာဘာမျှမလုပ်နိုင်လျင်တောင် ညှောင့်လောက်တော့ လုပ်ပေးလိမ့်မယ် အဲဒါလည်းအင်အားပဲ၊ ပြည်ပရောက်နေကြတဲ့လူတွေကလည်း သူတို့ တတ်နိုင်တဲ့ဘက်က ဘဏ္ဍာရေး ဆေးဝါး
စစ်လက်နက် စသည်ဖြင့် အတတ်နိုင်ဆုံး ဖန်တည်းပေးကြလိမ့်မယ်။

တခြားအကောင်းဘက်မျှော်လင့်စရာတွေ အများအပြားပေါ်လာလိမ့်မယ်၊ မြန်မာပြည်ကမ္ဘာ့မြေပုံပေါ်မှာ တည် တည်တံ့တံ့ခန့်ခန့်ငြားငြား ရှိနေလိမ့်မယ်၊ မြန်မာလူမျိုး တည်တံ့လိမ့်မယ်။
အဲဒီလိုမလုပ်ပဲ စစ်အာဏာထပ်သိမ်းဘို့ ခေါင်းဆက်မာနေမယ်ဆိုလျင် အားလုံးဟာ ဆန့်ကျင်ဘက်ရလဒ်တွေ သိမ်းကြုံးယူထားရမှာကတော့ မလွဲမသွေပါပဲ။

မှတ်ချက်

ကျုပ်ဟာ နိုင်ငံရေးသမား မဟုတ်ပါ၊ စစ်သားကောင်း မဟုတ်ပါ။ ကျုပ်ရဲ့ ပစ္စက္ခအမြင်တွေကို ရေးပြထားတာဖြစ်
တဲ့အတွက် အားနည်းချက်တွေ အမြောက်အများရှိပါတယ်။ အခုလို နားလည်ဖတ်ရှုပေးတဲ့အတွက် ကျေးဇူးတင်
ပါတယ်။

ကျန်းမာချမ်းသာကြပါစေ။

မင်းစိုးစံ
(အဝေးရောက် ကရင်ဒုက္ခသည်တဦး)