Source Photo from KIC Karen Information Centerဖႜံဳယွိဳ၀္ၟ ဖႜံဳယွင္ ေ႓့မု္ဃွဴ႕ဃွင္
(ဖူ႔တာမိက္)
ယု္ေက၀္လိက္လု္ ပု္ယင္ခ၀့္ပီပီအု္ေခါဟ္စံင္ ဆု္မု္ဆံင့္မံင္းလု္ ဖူ႔တာမိက္လု္ဟွာယို၀္ မဲြါပု္ယင္ဖူ႔ယွာၟသီးဟွ လိက္ ဖႜဳံသီးဟု္ဍးဏင္ၟဖႜဳံးေအး၊ ယု္ေအလ၀္ဆု္ခႜါင္တ၀္တ၀္လံင္လံင္စၚ႓ို၀္ လိက္ပု္ယင္ယို၀္ ယု္ေက၀္႓းသာ ဏင္ၟစယ္ စယ္ေအး ယု္မု္ေက၀္႓းသာကု္ယဲါလိက္ဖႜဳံလွ္။
လာၟဏင့္႓ို၀္သီး ပု္ဖႜဳံလိက္ယို၀္ ဆု္ပ၀္ၟအွ္ယွာသီးမဲြါေဆ၀္ၟ ဆု္ပ၀္ၟလု္႓း႓းသီးအွ္ေဆ၀္ၟ၊ အု္ေခါဟ္စံင္ ယု္ေက၀္ကု္ ယဲါလိက္ပု္ယင္ေဆ၀္ၟလွ္၊ အု္ယို၀္ဏွ္အို၀္ ယု္ေက၀္လု္ပု္ယင္ခ၀့္လု္ႀကိဳဒ္႓းအု္ေခါဟ္စံင္ ယု္ေက၀္လု္ဖႜံဳခ၀့္ေဆ၀္ၟ လွ္၊ ပု္ဖႜဳံေဖါဟ္အု္ထိုင့္အု္ကႜာ ဆု္လု္႓းဟွ၀္ၟ လု္႓းဓ၀္ၟ႓းလု္စံင္း ယု္ကု္တ၀္ ဆိုဒ္ဃွာင္ၟဃွံင္ မု္ေသွ္ယါ့႓းေခါဟ္ အု္ လု္မိင္ဏွ္ ဆု္မု္ဆံင့္မံင္းေပ၀့္႓း ဟု္ဖႜံဳဆိုဒ္အု္ေခါဟ္စံင္ဏွ္ေဆ၀္ၟလွ္။
ေအလ၀္တ၀္တ၀္ အင္းလ၀့္ပါေအးဏွ္ ပု္ဖႜံဳဆိုဒ္ေဖါဟ္ယို၀္ ဃွဴ႕ဃွင္ေအး ၀ီၟကုံ၀ါကံင္းေလါဟ္သာ ထီ့ထီ့ဆာဆာ ဟွဳင္ဟွဳင္ၟခိုင့္ခိုင့္အွ္ဍၚေအး၊ အု္ဍံင္ ေခါဟ္ဖုင္း႓င္ေဍေကအင္ယူ ဖံင္းေလါဟ္သာစူးလာၟဏင့္ မု္အွ္ထါင္လု္ဖူ႔ဃွင္ၟ ေသွ္ဍၚေအးဏွ္ အု္ဖႜဟ္ထုက္အု္ကႜာထုက္ ဖႜဟ္ကႜာထုက္ အု္ဏါင္းလု္မိင္ေဆ၀္ၟလွ္။
မဲြါလု္ခါန္ၟအု္အံင္ဖိုင္ဏွ္ ယု္လ၀္႓းေအး မဲြါလု္ခါန္ၟခႜဳင့္ခ၀့္လု္ကါင္ ပု္၀ီၟကုံ၀ါကံင္းေလါဟ္သာ ေဏ၀္ၟမုက္မုက္ဏင္ ဏင္ၟအွ္ေအးလွ္၊ ဆု္မု္ကဲ႓းသာ အု္ေခါဟ္အု္ဏါၟပီပီလွ္ မု္တၚေခါဟ္မု္တၚဏာၟဏွ္ အွ္အးပု္သၚပု္ထင္ၟေအး၊ ယု္လု္ ဟွာဆု္ဍးဏွ္ ဖႜံဳဟွယ့္ထံင္လု္ ခါန္ၟခႜဳင့္ယို၀္ ႓းဆါင့္ေဍထီ့ဟွာင္ၟခါန္ၟဟွာင္ၟ၊ သာအဲလင္ဆိုဒ္ဆ သီးလု္ဖး အွ္ယွာဍၚ အု္ေခါဟ္စံင္ လု္ဟွာေဍလု္ဟွာ မု္၀ီၟကုံ၀ါကံင္းေလါဟ္သာအု္ဟွင္ၟ ဆု္လင္ထံင္ၟလင္ကါ အွ္ေ၀့ေဍါဟ္ေဍါဟ္ေလံ ေဆ၀္ၟလွ္။
မြဲါ႓းဆု္ဏွ္လယ့္ ဆု္ဟွယ့္ကဲထင္းသာေ႓့ယို၀္သို၀္ဏွ္ ေအအင္းဃွဴ႕ေသွ္ယါ့ေဆ၀္ၟစၚ႓ို၀္ ပု္လိက္လဲါလု္ဖး အွ္ေ၀့ အးမိင္အးစိင္ အးကါင္အးခ၀့္အု္ေခါဟ္စံင္ေဆ၀္ၟလွ္ အု္လု္မိင္ဏွ္ ဆု္ဏယ္အင္းဆု္လု္မ၀့္ဃွင္႓းသီးမဲြါေ၀့လွ္၊ လု္ ဏင္ဏင္လ၀္ေ၀့ဍး ဆု္႓ါဏွ္ ဟု္႓ါေသွ္လုက္ဆိင့္ ဆု္ဏယ္ဏွ္ မဲြါေ၀့အု္ေမါ၀္ၟတိုင္ ဆု္ခႜါင္အု္ေ၀့ဏွ္ ပ၀္ၟလိက္ဆါၟ ဏု္လု္ဟွာ ဆံင့္မံင္းေ႓့ေသွ္သို၀္လဲ။
အု္ခါ့႓ို၀္ဏါင္းယို၀္ ပု္ယင္ကဲေခါဟ္ကဲဏါၟသီးလု္ဖး အင္းလယ္ထင္းေ၀့ အု္ဆု္သံင္းဆု္သင့္ ယုဂ္ဏွ္ မု္ဟွိဳင့္႓းလု္ လီဍဳံဖိုင္ေဆ၀္ၟလွ္၊ ထီ့ဆာလု္ထီ့ဆာ မု္မဲြါလု္မဲြါဏွ္ ဟု္မု္႓းအွ္ေခါ၀္ေယါ၀္ၟေ၀့လွ္။ အု္သီးေ၀့ဆု္အင္းလယ္ထင္းသာ ဏွ္မြဲါဆု္ဏွ္လယ့္စၚ႓ို၀္ဍဴ ပုဂ္ထင္းလု္ဟွာဏင့္ဆာၟဘာၟ(တသီးပုဂၢလေက်ာင္း)ေဏ၀္ၟသီးလု္ကါ ႓းဆါင့္ေဍ ခါန္ၟ ဆိုဒ္ေဖါဟ္လိက္လဲါသီးလု္ဖး (တိုင္းရင္းသားဘာသာစာေပမ်ား)မာေလါဟ္ေဏ၀္ၟဏွ္ မြဲါ႓ုိ၀္လွ္။
လာဏင့္႓ို၀္ဍ၀္ ခါန္ၟဆိုဒ္ေဖါဟ္အု္လိက္ဖိုင္ ႓းမာေလါဟ္ကု္ယဲါ ၾတာပိုင္ခါန္ၟအု္ဆု္ဏဲပ်ာလု္ဖးေဆ၀္ၟလွ္၊ အု္ဍံင္ ဏွ္ ၾတာပိုင္ခါန္ၟဆု္အွ္ေက္ွသုင္းသာ ဆု္ထင္းအုဲးထင္းဖး ထီ့ဟွာင္ၟခါန္ၟဟွာင္ ဆု္ေလ၀္ဆု္ထါင္ ပညာ့ ေမင္ၟစိင္ သီးလု္ဖး ေ႓့ၾတာပိုင္ခါန္ၟေက၀္ဏါင္းထ၀ယ္အွ္သို၀္ ႓းခႜယ့္က္ုဍါသံင္းေလါဟ္ထါင္ေ၀့ ေဆ၀္ၟလွ္။
မဲြါ႓ို၀္လယ္ မဲြါ႓ို၀္လယ္ေဟွ၀္ အု္ခါ့႓ို၀္ဏါင္းယို၀္ ဆု္ပ၀္ၟလိက္ဖႜံဳ႓းအွ္အးဍၚေအး ဆု္ေက၀္လိက္ဖႜဳံအွ္အးဍၚေအး အု္ေခါဟ္စံင္ ဖႜံဳလု္မု္ေသွ္႓းသာလိက္ဖႜံဳ မု္ထုဂ္ဖႜဟ္႓းသာလိက္ဖႜံဳဆါၟသီးလု္ဖး မု္သုင္းအုဲးသာေထါတ္ေ၀့လွ္၊ ႓း ဆု္ဏွ္လယ့္ ဆု္ေ႓့ယို၀္သီးတာၟလွ္ ႓းသုင္းအုဲးသာေထါတ္႓ွ္႓၀့္ယို၀္ဏွ္ မု္ေသွ္ယါ့႓းသာ မု္အွ္ေ၀့လု္ဏင္ေဆ၀္ၟ လွ္။
Source Photo from KIC Karen Information Centerဖႜဳံလိက္ မု္စီကႜာမု္ထင္းထ၀့္ ဆု္ေက၀္လိက္ ဆု္ပ၀္ၟလိက္လု္ဖႜံဳခ၀့္ အွ္ေအအးဏွ္ လိက္လု္အု္ဟွာင္ၟအု္စံင္း ဆု္ေသွ္ ယါ့ဆု္ဏးေသွ္ အု္ဟွင္ၟအု္လၜအု္သါ့ မု္အွ္ထင္းအု္ေခါဟ္စံင္ ေဟွ၀္ေဏ၀္ၟပု္ဖႜံဳဆိုဒ္အု္ေခါဟ္စံင္ ဆု္သာအုဲးသာ ေထါတ္ဟွယ့္ကဲထင္းေ၀့ေဆ၀္ၟလွ္။
ဆု္လင္သာအုဂ္လု္မိင္ဏွ္ ပု္ဖႜံဳေဖါဟ္သီးလ္ုဖး ပု္ယင္ၾတာပိုင္ခါန္ၟလ၀္ခႜါင္သံင္းေလါဟ္အင္းတါင္သို၀္ မု္မာပ်ဳက္ မု္ လံင္ပ်ဳက္ေ၀့အု္ေခါဟ္စံင္ ပု္ဖႜံဳဆိုဒ္ေဖါဟ္ေမင္ၟစိင္သီးလု္ဖး မု္ယါင္ယွး မု္ထုဂ္ဖါ္မု္လင္မာေ၀့ေဆ၀္ၟလွ္၊ ေအမဲြါဏွ္ စၚ႓ို၀္ ေ႓့ပု္ေမင္ၟစိင္ ပု္ဆု္ဃွီ႔ဆု္လာ ပု္ဖီ့ဖူ႔ထူ႐ူ႕မုင္ၟ႓်ာ လု္ဟွာဟွံင္လု္လင္မာၟ႓းသို၀္ မု္မာေ႓့ေသွ္သို၀္လယ့္။
ယ္ုလု္ဟွာဆု္ဍးဏွ္ ႓းဆါင့္လု္ ပု္ဖႜံဳေဖါဟ္ဆု္ပိုင္ႀကိဳင္အွ္ တု္၀ါန္႔ ဍဳံ ခါန္ၟကႝင့္ လု္ဖး ဆါၟမဲြါဘာၟအွ္ဏွ္ သင္ဃာ့ဘာၟ မြဲါအု္ေဟွ၀္ ဟု္ေဍါဟ္ဘာၟမဲြါအု္ေဟွ၀္ ပု္သံင္းေလါဟ္ဍးပု္ဏင့္ဆာၟေအကဲ ေအေသွ္ေဆ၀္ၟဍဴအု္ေဟွ၀္ထုက္လွ္၊ ဏု္သီး သာဖိုင္ ဆု္ယ၀္ခါ့ဆ္ုသံင္းေလါဟ္လိက္ေသၻင္ၟဏွ္ ဏု္သီးအွ္ေကွ္လင္သာလိုင့္ဃႊဦဳယုဂ္ဍဳဂ္ပါင္ယုဂ္ စၚ႓ို၀္ ဏု္သီးလိက္ဖႜဳံယို၀္ မု္ေလ၀္ထင္းမု္ေလ၀္ထ၀့္ဏွ္ မူ႔လာၟ႓းလိုင္ေဃွ၀္ ေဍယိက္ေဍမု္လင္႓ိုင္ေ၀့လွ္။
အု္ေခါဟ္စံင္ ႓းဆါင့္ေဍ ဖႜံဳထိုင့္ဆိုဒ္မု္ဃွဴ႕မု္ဃွင္ထါင္အု္ဟွင္ၟေအ႓းသာေဆ၀္ၟ ခႜိဳ၀္လင္သာ ဖႜံဳယွိဳ၀္ၟ ဖႜံဳယွင္ သာလု္ဖႜံဳးဃွင္ၟလွ္ သာကါင္ဖါေအးစၚ႓ို၀္ ႀကိဳဒ္မာေလါဟ္ထါင္လိက္ဖႜံဳ လု္ဟု္ေဍါဟ္ဘာၟဖိုင္ဏွ္ေဆ၀္ၟလွ္။
လာၟဏင့္႓ို၀္သီး ပု္ဖႜံဳဆိုဒ္ေဖါဟ္ တိုဒ္ကု္ေလင့္ ေအဖႜံင့္ဟွးမ မု္ပုဂ္ထင္းထါင္ဖႜံဳဘာၟစၚ႓ို၀္ တု္က်ဲဳၟလုက္လွ္ ဖူၟ၀ဲါ သီးေဟွး။
ဖႜံဳဆိုဒ္ဂမႜိဳင္ၟကို၀္ၟဟွာ အု္ဆံင္းအွ္ခႜါင့္ ယွဴးမုက္႓ွ္ယ၀့္လာၟဆၚ။
ဖူ႔တာမိက္
0 comments:
Post a Comment