ေဍါဟ္အင္းဟွံင္လွ္ခြါ႔

ေဍါဟ္အင္းဟွံင္လွ္ခြါ႔

ပု္ယင္ခါန္ၟဆိုင္ကံင္း(ျပည္ေထာင္စု ျမန္မာႏိုင္ငံေတာ္) အု္ဖိုင္ ဆု္ဟွယ့္ကဲထင္းသာ ဆု္ၿပိဳင့္သီးလု္ဖး ဏု္သီးမု္ဟွိဳင့္ ႓း မု္ဍး႓းေ၀့ေဆ၀္ၟလွ္။

ပု္ယင္သီးလု္ဖး အု္ဍံင္ NLD (National League for Democracy) ေဍ USDP (Union Solidarity Development Association/ Party) သီးလ္ုဖး လု္ကုံလဲြါေဍ လု္ကုံလဲြါ လ၀္ထါင္ကင္ကာယွံင္ေ၀့ဟွံင္ လု္ယိက္ လု္မ၀္ၟ မု္ဖံင္းယွံင္ မု္ဖၚယွံင္ မု္ကုက္ယွံင္ေ၀့ ထီ့ခါန္ၟေ႓့မု္ေလ၀္ထင္း မု္ေလ၀္ထ၀့္သို၀္ မု္စီကႜာထင္းထ၀့္သို၀္ ေဆ၀္ၟလွ္။

လ၀္ေ၀့ဏွ္ ေ႓့ခါန္ၟဆိုင္ေဖါဟ္သီးလုက္ဆိင့္(ျပည္ေထာင္စုဖြါးတိုင္းရင္းသားမ်ား)အု္ဟွင္ၟ မု္ကုက္ေ၀့ေ႓့ မု္သၞ၀့္မု္ ညီသာ့လင္ဖု္လိုတ္သို၀္ မႝီၟေဏ၀္ၟ႓းပိုင္(လူ႔အခြင့္အေရးရပိုင္ခြင့္)သီးလု္ဖး ေ႓့မု္ေဏ၀္ၟသို၀္၊ ထီ့ခါန္ၟထိုင့္႓ိင္းသာ ေ႓့ မု္ယွဴးမု္႓ါသို၀္ ဆု္ဍဳဂ္ဆု္ယာ ေ႓့လု္အွ္လိုင္႓းသို၀္ မု္ကႜဳ္စိုဒ္ေ၀့ဏွ္တာၟ ဆု္ကါင္ဖၚထင္းလု္ NLD (National League for Democracy) ဖိုင္ေဖႜါတ္ထင္းအု္မိင္ (NDF) National Democratic Forceသီးခ၀့္ဍ၀္ မု္ဖံင္းယွံင္ ထါင္ေဍ NLD ဏွ္လ၀္ဖႜဟ္ထင္းေ၀့ေဆ၀္ၟလွ္။

ပု္ယင္သုဂ္ၾတာပိုင္ခါန္ၟ(ျမန္မာစစ္အစိုးရ) အု္ကုံလြဲါ လု္ခ၀့္ ဆု္ကဲထင္းသာေ႓့ဏွ္သို၀္ အု္သုင္းသာမုက္သီးလု္ကါ ဍၚ အု္ဟွာင္ၟဆံင္းထင္းေ၀့ ေဍါဟ္ေဍါဟ္ေလံေဆ၀္ၟလွ္၊ အု္သီးေ၀့ ဍဳဂ္ဏဲထင္းေ၀့ ဆု္သာလင္ေဖႜါတ္ ဆု္ဃွဴ႔ဆု္ ဃွင္အု္ေခါဟ္စံင္ က၀္ထိုင့္ဖႜံဳးသာ့ အင္းအုဂ္သီးလု္ကါ ေဖွ္လင့္ထါင္ကၬါေ၀့ ဆု္မာဆိုင္ေဍ မု္အို၀္ထင္းေ၀့ ဆု္ကါ ဃွိက္ စီကႜာထင္းထ၀့္(စီးပြါးေရးပိတ္ဆို႔မႈ) သီးဏွ္ေဆ၀္ၟလွ္။
အု္ေ၀့ဏွ္ ပု္ယင္ဆိုဒ္အု္ဟွာင္ၟလွ္။

ပု္ေအေယါ၀္ၟစို၀္ထါင္ ပု္ဖႜံဳဆိုဒ္အ္ုထိုင့္အု္ကႜါဖိုင္စၚ႓ို၀္ လင္ဟု္သာ ႓ၚစု္အိုင္စြးမာၟလွ္၊ အ္ုဖူ႔အု္ဍံင္း ကါင္ဖါသာအု္ ကါင္အွ္အးသီးလု္ကါဍၚ လု္ဖူ႔ေဍလု္ဖူ႔ လု္ဍံင္းေဍလု္ဍံင္း လု္ကံုလဲြါေဍလု္ကုံလဲြါ မု္ဖံင္းယွံင္မု္ဖၚယွံင္ဏွ္ လ၀္ဍၚေဃွ၀္ မု္လ၀္ထါင္ယွံင္ဆု္သီးမ မဲြါအု္ဆံင့္မံင္း ေဆ၀္ၟဟွဏွ္ လ၀္႓းေအး။

လု္ဟွာဟွာဏွ္ ပါေဍါဟ္လင္သာကဲ ေ႓့သို၀္ ေမ၀္သုင္ဏး လု္ ဍၚနံဳၟဖိုင္ေဆ၀္ၟလွ္၊ ဆု္လု္ေမ၀္သုင္ဏး အွ္လ္ုဍၚနံဳၟ ဖိုင္ယို၀္ လု္လုက္သုင့္ လု္ကဲထင္းအု္ဂုဏ္အု္ခ၀္ သီးလု္ကါဍၚ စီ့စးဟွာဟွံင္ေဏ၀္ၟထီ့အု္ေခါဟ္စံင္ ဆု္ေ႓့ဏွ္သို၀္ ပု္ မု္႓း ၀င္ၟပြယ္ေ၀့ေဆ၀္ၟလွ္။

အု္ဖူ႔အု္ဍံင္းအွ္အးလာၟဏင့္ လု္ဖူ႔ေဍလု္ဖူ႔ လု္ဍံင္းေဍလု္ဍံင္း ေအဏးေသွ္ေလါဟ္သာ စၚ႓ို၀္ လးအိုင္ပု္သၚေအး ႓ို၀္ ဏါင္းယို၀္ ဏးေလါဟ္သာမု္ေသွ္ဏွ္ မူ႔လာၟလိုင္ေဃွ၀္ အု္လု္ဍံင္းေ႓့မု္ဟွာဟွံင္ဟွာက်းသို၀္ ကုင္းမံင္းေလါဟ္သာ သိင့္သိင့္ဏီ သင္သင့္ဏါလွ္၊ မဲြါအင္းအ၀္သီးမ္ုခႜဳဂ္ဟွ ေသွ္ယာ့ေအး။

အ္ုွ္ဃွဴ႔အွ္ဃွင္ ထါေခါဟ္လု္ပုဂ္ဏွ္ ယိုင္ထင္းမ်ာ့ ကို၀္ဏိင္းေဍ ကို၀္ၟဏီေဍဏင့္ ဆံင့္ဏးမုက္တာၟလွ္၊ မု္ထုဂ္ဖႜဟ္ ထင္းဆု္ဃွဴ႔ဆု္ဃွင္ဏွ္ အင္းဏင္ၟစယ္စယ္ေအး။ အု္ေခါဟ္စံင္ ပု္ဆိုဒ္ေဖါဟ္သီးလု္ဖး ႓းလင္ဖိုဟ္လင္ဆင့္ ႓းဆု္နဳင့္နာ ႓းဆု္မာနိဳင္ ေ႓့ဆု္အင္းနိဳင့္သို၀္ ႓းထုင္ၟေ၀့ ေဆ၀္ၟလွ္။

ယွာၟလ၀္ေ၀့ ဆု္နိဳင့္လင္ဖါ ေခ၀့္အါင္းစုဂ္ မႝီဟ္လင္ဖါ ဆိုဒ္လင္သုဂ္၊ ဟု္ေအဃွဴ႕ဖို၀္ မဲြါပု္ဟွာင္ၟ ဟု္ေအလင္ဖါ ေခ၀့္အု္အါင္း ႓ီ႓ီ႓ို၀္႓ို၀္ ယွိဳ၀္ကႜင္နိဳ၀္တာၟလွ္၊ ေ႓့ဆိင့္ျပင္လ၀္သို၀္ လ၀္အင္းအုဲးေမ၀္တာၟလွ္ဍဴ ဟု္လ၀္ေသွ္ေ၀့ ကို၀္ၟဟွာလွ္ယာၟ။

အု္ေခါဟ္စံင္ လု္႓ႜင္႓ႜင္ လု္ခါင့္စူးယါ့ေခါဟ္အု္ဟွင္ၟ ယု္သာမု္ကုက္ဆိုဒ္သီးအွ္လိုင္ေအး၊ ဆု္လု္ဟု္တိုဒ္ဆု္၊ ဟု္ေအ လ၀္ျပင္ျပင္စၚ႓ို၀္ ဟု္ဍဳဂ္ဆု္ယို၀္ အု္လု္မိင္ဟု္ေအလ၀္ဍဴ ဆု္လု္ ဟု္အင္းတါင္႓းထါင္ဆု္ယို၀္ ဟု္ဟွာင္ၟ႓းအွ္ေ၀့ ဏီ့ခ၀့္ ဏီ့ဖါေဆ၀္ၟလွ္။

လု္ယာ့ခါ့ DKBA ကုံလဲြါကါင္ဖါထင္းသင့္ KNU ဖိုင္ခါ့ ပု္ယင္သုဂ္ၾတာပိုင္ခါန္ၟသီးလု္ဖး မု္ဖံင္းဃွိဳက္မု္ဆင္းထါင္ၟ DKBA ဆံင္းဆံင္းဏံင္ဏံင္႓ုံးေအး၊ မဲြါ႓းဆု္ဏွ္လယ့္ဍဴ အု္သီးေ၀့အု္အံင္ဖိုင္ DKBA နဳက္လင္လာၟဏင့္ အု္ခႜဳင့္လု္ခ၀့္ KNU အွ္အု္ေခါဟ္စံင္ DKBA လု္ဖး ေအထါင္ကၬါထါင္ KNU ခ၀့္စၚ႓ို၀္ မု္ကးမု္ဟွယ္အု္သီးဟွင္ၟ ေဍါဟ္ေဍါဟ္ ေလံေဆ၀္ၟလွ္၊ လု္ယိက္လု္မ၀္ၟ KNU အု္ကႜာဖိုင္ ဆု္ကါင္ဖါအွ္ထင္းလု္ KNU/KNLA PC ဏွ္တာၟ လု္ DKBA လ္ုဖါ ဍဳဂ္ကဲထင္းေ၀့ BGFဏွ္ေဆ၀္ၟလွ္။

အု္ခါ့႓ို၀္ဏါင္းယို၀္ ဏု္ေအေယါ၀္ၟထါင္ BGF ဏွ္ကဲထင္းပု္ယင္အု္သို၀္ယုဂ္ ဏု္ေအေယါ၀္ၟ KNU/KNLA PC လု္ဖါ ခ၀့္ အွ္လု္ ေထါဟ္ေကါ၀္ေကါ၀္ၟ အု္ဟွာင္ၟဆာၟေဖႜံဆာၟဖႜိဳ၀္ ဏု္ေယါ၀္ၟကၬါ DKBA ေကႜါဟ္ဓံင့္႓င္ (ဖူ႔ခးဆံင္း) ကုံလဲြါခ၀့္ လ၀္ထါင္ယွံင္ဆု္ ေဍပု္ယင္သုဂ္ၾတာပိုင္ခါန္ၟဟွံင္ယုဂ္၊ လင္ခါင့္ထုက္ KNU သီးခ၀့္မု္လ၀္ထါင္ကင္ကါဆု္ ေဍ ပု္ယင္သုဂ္ၾတာပိုင္ခါန္ၟေဆ၀္ၟ။

ပု္ဖႜံဳ က္ုဍယ္ဍယ္ဏွ္ လ၀္ထါင္ဆု္႓းဏါၟေအး၊ ေအေယါ၀္ၟထါင္ ဟွာင္ၟ႓်ာလု္ခ၀့္ အု္ခႜဳင့္အု္ဖိုင္အွ္လိုင္ေအး စၚ႓ို၀္ ပု္ ဆိုဒ္ေဖါဟ္ဆု္ဖံင္ေဖႜ၀္အု္ဟွင္ၟ ကးကးဟွယ္ဟွယ္ေဆ၀္ၟလွ္။

ထိုင့္ဖူ႔၀ဲါလု္ သါင့္ကႜာခ၀့္လု္ဖါသီး ဆု္ေဍါဟ္အင္းကို၀္ၟမိင္ကို၀္ၟစိင္ေဆ၀္ၟလွ္။
ဏု္သီးအို၀္ထင္းေယါ၀္ၟခြါၟ ဆု္ဟွင္မိုင့္ အု္ဖင့္လဏွ္ ဏု္သီးမ္ုဍး႓းေဆ၀္ၟလွ္ဆၚ။

အွ္ဆံင္းလာၟဆၚ။
ဖူ႔တာမိက္