ကုလကကူဘို့ပြင် တရုတ်ကပြန်ဘို့နှင်

ကချင်ပြည်နယ်တွင်း တိုက်ပွဲများကြောင့် ထွက်ပြေးတိမ်းရှောင်နေရသည့် ဒေသခံ စစ်ပြေးဒုက္ခသည်တချို့။

(ဇွန်လ၊ ၂၀၁၁)

သောကြာ, 09 ဒီဇင်ဘာ 2011

ကချင်ဒုက္ခသည်များ ကူညီနိုင်ရေး ကုလ တောင်းဆို 

By ကိုရန်နိုင်

မြန်မာနိုင်ငံက ကချင်ဒုက္ခသည်တွေကို အကူအညီတွေ ပေးနိုင်ဖို့အတွက် ကြိုးပမ်းလုပ်ဆောင်နေတယ်လို့ ကုလသမဂ္ဂက ပြောလိုက်ပါတယ်။ ကုလသမဂ္ဂရဲ့ မြန်မာနိုင်ငံဆိုင်ရာ ကိုယ်စားလှယ်က စစ်ပွဲတွေဖြစ်နေတဲ့ နိုင်ငံမြောက်ပိုင်းဒေသတွေမှာ စစ်ဘေးဒဏ်ကြောင့် ထွက်ပြေးနေရတဲ့ ဒုက္ခသည်တွေကို လူသားချင်းစာနာတဲ့ အကူအညီတွေပေးနိုင်ဖို့အတွက် မြန်မာအာဏာပိုင်တွေကို တောင်းဆိုလိုက်ပါတယ်။

ဒီအကြောင်း အပြည့်အစုံကိုတော့ စုံစမ်းမေးမြန်းထားတဲ့ ကိုရန်နိုင်က အစီရင်ခံထားပါတယ်။

မြန်မာအစိုးရတပ်တွေနဲ့ ကချင်လွတ်မြောက်ရေးအဖွဲ့ KIO တို့ကြား ဖြစ်နေတဲ့ လက်နက်ကိုင် ပဋိပက္ခတွေကြောင့် နေရပ်ဒေသတွေကို ထွက်ပြေးတိမ်းရှောင်နေတဲ့ ကချင်စစ်ပြေးဒုက္ခသည်တွေကို အကူအညီတွေ ပေးနိုင်ဖို့အတွက် ကုလသမဂ္ဂရဲ့ မြန်မာနိုင်ငံဆိုင်ရာ ကိုယ်စားလှယ် မစ္စတာဗီဂျေး နမ်ဘီးယားက လုပ်ဆောင်နေတယ်လို့ ကုလသမဂ္ဂက ပြောလိုက်ပါတယ်။

ကချင်ပြည်နယ်နဲ့ ရှမ်းပြည်နယ် မြောက်ပိုင်းဒေသတွေမှာ တိုက်ပွဲတွေဆက်ပြီးဖြစ်နေတာကြောင့် ဒေသခံတွေဟာ အကူအညီတွေ လိုအပ်နေတာဖြစ်ပါတယ်။ ကုလသမဂ္ဂရဲ့ မြန်မာနိုင်ငံဆိုင်ရာ ကိုယ်စားလှယ် မစ္စတာဗီဂျေး နမ်ဘီးယားဟာ အဲဒီကချင် စစ်ပြေး ဒုက္ခသည်တွေကို အကူအညီပေးနိုင်ဖို့အတွက် ကုလသမဂ္ဂနဲ့ သူနဲ့သက်ဆိုင်တဲ့ အဖွဲ့အစည်းတွေကို အကြံပေးနေတယ်လို့လည်း ကုလသမဂ္ဂက ပြောပါတယ်။

ဒါ့အပြင် မစ္စတာ နမ်ဘီးယားဟာ အဲဒီကချင် ဒုက္ခသည်တွေကို ကုလသမဂ္ဂရဲ့ အကူအညီတွေ ပေးနိုင်ရေး နဲ့ပတ်သက်ပြီး မြန်မာအာဏာပိုင်တွေကို တောက်လျှောက်ပြောဆိုနေတာဖြစ်တယ်လို့ ကုလသမဂ္ဂအ
တွင်းရေးမှူးချုပ် မစ္စတာဘန်ကီမွန်းရဲ့ ပြောခွင့်ရပုဂ္ဂိုလ် မစ္စတာ နာဆာကီးက ပြောလိုက်ပါတယ်။

“မစ္စတာ ဗီဂျေနမ်ဘီးယားဟာ ပဋိပက္ခတွေဖြစ်နေတဲ့ နေရာတွေနဲ့ နယ်စပ်ဒေသတွေက ဒုက္ခသည်တွေနဲ့ အကူအညီတွေလိုအပ်နေတဲ့ နေရာတွေမှာ ကုလသမဂ္ဂရဲ့ လူသားချင်းစာနာတဲ့ အကူအညီတွေ အလုံအလောက်ရနိုင်ဖို့နဲ့ ပတ်သက်ပြီးတော့ မြန်မာအာဏာပိုင်တွေကို ဆက်တိုက် ပြောဆိုလာခဲ့တာ ဖြစ်ပါတယ်။
 ပြီးခဲ့တဲ့ နိုဝင်ဘာလ အစောပိုင်းတုန်းက မြန်မာနိုင်ငံကို သွားရောက်ခဲ့တုန်းကလည်း ပြောခဲ့ပါတယ်။
ဒီလို လူသားချင်းစာနာတဲ့ အကူအညီတွေပေးနိုင်ဖို့နဲ့ သက်ဆိုင်တဲ့ ကုလသမဂ္ဂရုံးတွေရဲ့ အကြံပေးမှုတွေနဲ့ အကူအညီတွေ ဘယ်လောက်အရေးကြီးတယ်ဆိုတာနဲ့ ပတ်သက်ပြီးတော့ အာဏာပိုင်တွေကို သူက
ဆက်ပြီးတော့ အလေးပေးပြောသွားမှာ ဖြစ်ပါတယ်။”

တရုတ်နဲ့ မြန်မာ နှစ်နိုင်ငံ နယ်စပ်ဒေသတလျှောက်မှာ ပိတ်မိနေတဲ့ ဒုက္ခသည်တွေကို အကူအညီ ပေးနိုင်ဖို့အ
တွက် ကုလသမဂ္ဂကနေ အခုလိုမျိုး တွန်းအားပေးလုပ်ဆောင်သွားဖို့ အာမခံနေပေမဲ့လည်း ကုလသမဂ္ဂ အပါ
အ၀င် တခြားသက်ဆိုင်ရာအဖွဲ့အစည်းတွေနဲ့ ဒုက္ခသည်တွေကို အကူအညီပေးခွင့် ရလိမ့်မယ်ဆိုတဲ့အပေါ်
မှာတော့ သံသယတွေ ရှိနေကြပါတယ်။

မြန်မာအစိုးရတပ်တွေနဲ့ ကချင်လက်နက်ကိုင် တပ်တွေကြား တိုက်ပွဲတွေဖြစ်ပွားနေတာဟာ အခုဆိုရင် လအတော်ကြာရှိသွားပြီဖြစ်ပြီး အဲဒီတိုက်ပွဲတွေကြောင့် ဒုက္ခသည်သောင်းနဲ့ချီပြီး တရုတ်-မြန်မာ နယ်စပ်
တလျှောက်ကို ထွက်ပြေးတိမ်းရှောင်နေကြတာ ဖြစ်ပါတယ်။

စစ်ပြေးဒုက္ခသည်တွေဟာ အိုးအိမ်တွေကို ထွက်ပြေးတိမ်းရှောင်နေရတဲ့အတွက် အစားအစာ၊ ဆေးဝါး ၊ အ၀တ်အထည်နဲ့ နေထိုင်စရာနေရာတွေ လိုအပ်နေတာဖြစ်ပါတယ်။ မကြာသေးခင်ကတော့ ရုပ်ရှင်သရုပ်ဆောင် ကိုကျော်သူဦးဆောင်တဲ့ နာရေးကူညီမှုအသင်းအပါအ၀င် စာပေ၊ ဂီတ အနုပညာရှင်တွေကလည်းကချင်ဒုက္ခသည်
တွေအ တွက် လိုအပ်နေတဲ့အစားအစာ၊ အ၀တ်အထည်နဲ့ အလှူငွေတွေကို ထောက်ပံ့ကူညီခဲ့ကြပါတယ်။

ပြီးခဲ့တဲ့ သီတင်းပတ်တွေအတွင်း အမေရိကန်နိုင်ငံခြားရေးဝန်ကြီး ဟီလရီကလင်တန် မြန်မာနိုင်ငံကို လာရောက်ခဲ့စဉ်အတွင်းမှာ ကချင်ပြည်နယ်အပါအ၀င် တိုင်းရင်းသား နယ်စပ်ဒေသတွေမှာဖြစ်နေတဲ့ တိုက်ပွဲတွေနဲ့ လူ့အခွင့်အရေး ချိုးဖောက်မှုတွေကို အမြန်ဆုံး အဆုံးသတ်ဖို့အတွက် မြန်မာအစိုးရကို တောင်းဆိုခဲ့ပါတယ်။

မြန်မာအစိုးရနဲ့ ကချင်လွတ်မြောက်ရေးအဖွဲ့ KIO တုိ့ကြား ငြိမ်းချမ်းရေးဆွေးနွေး ဖို့အ တွက် ပြောဆိုတာတွေ ရှိခဲ့ပေမဲ့လည်း အခုချိန်ထိတော့ အောင်မြင်ခြင်းမရှိသေးပါဘူး။

သတင်းကို အောက်ပါလိပ်စာမှာ ရယူနိုင်ပါတယ်

http://www.voanews.com/burmese/news/Burma-Kachin-refugees-12-09-11-135355803.html

ကချင်စစ်ပြေးဒုက္ခသည်တွေ ပြန်ဖို့ 

တရုတ် အာဏာပိုင်တွေပြောဆို

2011-12-10

ကချင်ပြည်နယ်အတွင်း ဖြစ်ပွားနေတဲ့ တိုက်ပွဲတွေကြောင့် တရုတ်ပြည်ဘက် ကို ထွက်ပြေး တိမ်းရှောင်နေတဲ့ ဒုက္ခသည်တွေ မြန်မာပြည်ဘက်ကို ပြန်ဖို့ တရုတ်အာဏာပိုင်တွေက မနေ့က ညနေပိုင်းက လာရောက် ပြောဆိုပါတယ်။ လာရောက်တဲ့ တရုတ်အာဏာပိုင် လေးဦး ဖြစ်ပြီး ‘လာရင်း’ နယ်က အာဏာပိုင်တွေ ဖြစ်ကြပါတယ်။

ပြီးခဲ့တဲ့ အပတ်အတွင်းက မြန်မာပြည် လွယ်ဂျယ်ဘက်က အာဏာပိုင်တွေနဲ့ တရုတ်အာဏာပိုင်တွေ ညှိနှိုင်း အစည်းအဝေး တခု ပြုလုပ်ခဲ့ပြီးနောက် ခုလို လာရောက် ပြောဆိုတာ ဖြစ်တယ်လို့ ဒုက္ခသည်တွေကို အကူအညီ ပေးနေတဲ့ ကချင်လူမှုရေးအဖွဲ့ တာဝန်ခံ ဒေါ်မိုင်းဂျားက ပြောပါတယ်။

“အဲဒီနား ဝန်းကျင်မှာ တိုက်ပွဲမဖြစ်သေးတဲ့အတွက် လွယ်ဂျယ်ဘက်ကို ပြန်ပါပေါ့။ လွယ်ဂျယ်မှာလည်း ဗမာ အာဏာပိုင်တွေက ဘယ်နားမှာ နေရာချထားမယ်ဆိုတာ လုပ်ထားပြီ ပြန်ကြလို့ ပြောတယ်။ ရွာသားတွေကတော့ ဘယ်လိုပဲဖြစ်ဖြစ် ၃ ဘက်စလုံးက တိုက်ပွဲမဖြစ်ဘူးလို့ အာမခံတယ်ဆိုရင် ပြန်ရဲတယ်ပေါ့။ ဒီလိုမဟုတ်ဘဲ ဒီအတိုင်း သွားနေပါဆိုရင်တော့ အချိန်မရွေး တိုက်ပွဲဖြစ်လာနိုင်တဲ့အတွက် မပြန်ရဲဘူး၊ အရေးယူရင်လည်း ခံမယ်လို့ ပြောကြပါတယ်”

မြန်မာပြည် လွယ်ဂျယ်နဲ့ မျက်နှာချင်းဆိုင် တရုတ်ပြည် ‘လာရင်း’ မှာ မြန်မာပြည်ဘက်က ထွက်ပြေးလာတဲ့ ဒုက္ခသည် ၂ ထောင်လောက် ရှိနေပါတယ်။ အများစုဟာ ကချင်ပြည်နယ်နဲ့ ရှမ်းပြည်မြောက်ပိုင်းဘက်က ပြေးလာသူတွေ ဖြစ်ပြီး တချို့ဆိုရင် တရုတ်ပြည်ကို ရောက်နေတာ ၆ လ ကျော်နေပြီလို့ ဆိုပါတယ်။

ဒုက္ခသည်တွေဟာ တရုတ်ပြည်ဘက်မှာ ရှိနေတဲ့ ဆွေမျိုးသားချင်းတွေ အကူအညီနဲ့ နေရာ လေးငါးနေရာမှာ တဲတန်းရှည်တွေ ထိုးပြီး နေထိုင်နေတာပါ။ သူတို့ စားရေးသောက်ရေးအတွက် ကချင်လူမှုရေးအဖွဲ့တွေနဲ့ ဒေသခံတွေက အကူအညီ ပေးနေပါတယ်။

ခန့်မှန်းချက်အရ ကချင်ပြည်နယ်နဲ့ ရှမ်းပြည်နယ်အတွင်း ဖြစ်ပွားနေတဲ့ တိုက်ပွဲတွေကြောင့် ထွက်ပြေးနေတဲ့ ကချင်နဲ့ ရှမ်း တိုင်းရင်းသား စုစုပေါင်း ၄ သောင်း ၃ ထောင်ကျော် ရှိနေပြီး တိုက်ပွဲတွေ ဆက်တိုက် ဖြစ်နေတာကြောင့် ဒုက္ခသည် အရေအတွက် တိုးလာနေတယ်လို့လည်း သိရပါတယ်။

တရုတ်ပြည်ဘက်ကို ရောက်နေတဲ့ စစ်ပြေးဒုက္ခသည်တဦးနဲ့ ဦးတင်အောင်ခိုင် ဆက်သွယ်မေးမြန်းထားတာကို နားဆင်နိုင်ပါတယ်။

Copyright © 1998-2011 Radio Free Asia. All rights reserved.