Source Audio from http://www.bbc.co.uk/burmese
Source Audio from http://www.bbc.co.uk/burmese
Source Audio from http://www.bbc.co.uk/burmese
Wednesday, January 5, 2011
Karen New Year
Source Audio from http://www.bbc.co.uk/burmese
Source Audio from http://www.bbc.co.uk/burmese
Source Audio from http://www.bbc.co.uk/burmese
SPDC နဲ့ DKBA အကြား တိုက်ပွဲတွေ ထပ်ဖြစ်
မြန်မာစစ်တပ်နဲ့ DKBA အကြား တိုက်ပွဲတွေ ထပ်ဖြစ်
By မအေးအေးမာ
ဗုဒ္ဓဟူး, 05 ဇန်နဝါရီ 2011
ကရင်နှစ်သစ်ကူးနေ့ ညမှာပဲ ထိုင်း၊ မြန်မာနယ်စပ် ကရင်ပြည်နယ် မြ၀တီခရိုင် ဖလူးကြီး၊ ဖလူးလေး ရွာအနီးမှာ ကရင်လက်နက်ကိုင် တပ်ဖွဲ့တွေနဲ့ မြန်မာစစ်တပ်တို့အကြား ၃ နာရီကျော်ကြာ တိုက်ပွဲတွေ ဖြစ်ခဲ့ပြီး ဒီမနက်မှာလည်း လက်နက်ကြီးတွေနဲ့ ပစ်ခတ်နေတာကြောင့် ဒေသခံတွေဟာ အလုပ်အကိုင်တွေ ရပ်နားခဲ့ကြရပါတယ်။ ညဘက်မှာ ဖြစ်တာကြောင့် ပြေးလွှားချိန် မရဘဲ အိမ်အောက်က ဗုံးခိုကျင်းတွေမှာ နေထိုင်နေခဲ့ကြရပြီး တိုက်ပွဲတွေအတွင်း မြန်မာစစ်တပ်ဘက်က ရာနဲ့ချီရှိတဲ့ အပြာရောင် ၀တ်ထားတဲ့ အရပ်သား ပေါ်တာတွေကို ၅ ယောက်စီ ကြိုးနဲ့ချည်ပြီး လက်နက်ခဲယမ်း အပါအ၀င် စစ်ပစ္စည်းတွေကို ထမ်းခိုင်းနေတာ မြင်ရတယ်လို့ DKBA နဲ့ ဒေသခံတွေက ပြောပြပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် မအေးအေးမာက တင်ပြပေးထားပါတယ်။
နိုဝင်ဘာလ ၈ ရက်နေ့က စခဲ့တဲ့ ထိုင်း၊ မြန်မာနယ်စပ်က တိုက်ပွဲတွေအတွင်း မြန်မာစစ်တပ်ဘက်က မနေ့ညနဲ့ ဒီနေ့မနက်မှာ လက်နက်ကြီးများ ပစ်ခတ်နေတာကြောင့် ဒေသခံ ရွာသားတွေ အလုပ်တွေ မလုပ်ရဘဲ အိမ်အောက်တွေက ဗုံးကျင်းတွေမှာ ပုန်းအောင်းနေကြရပြီး အကျဉ်းသား ပေါ်တာ အများအပြားကို သုံးပြီး စစ်ဆင်ရေး လုပ်နေတာကြောင့် တိုက်ပွဲတွေက ရေရှည်နိုင်ဦးမှာ ဖြစ်ကြောင်း ဒေသခံတွေက ပြောပါတယ်။ တိုက်ပွဲဖြစ်နေတဲ့ နေရာက ရွာသားတဦး ပြောပြတာကတော့ …
“ဖြစ်တာက ညဘက် ၁၀ နာရီလောက်၊ လက်နက်ကြီးတွေရော လက်နက်ငယ်တွေရောပေါ့။ ညကြီးဖြစ်တော့ လူတွေလည်း အဆင်ပြေသလို ပုန်းနေကြရတာပေါ့။ မနက်တော့ ငြိမ်နေတော့ ကျီးလန့်စာစားတော့ မရှိဘူး။ နည်းနည်းတော့ ရိုးသွားပြီ။ အိမ်အောက်မှာ ဗုံးကျင်းလုပ်ထားတော့ အိမ်အောက်ထဲ ၀င်နေကြတယ်။ ရွာသားတွေက ခါတိုင်းဆိုရင် အလုပ်သွားလုပ်နေကြ။ အခုတော့ အလုပ်သွားမလုပ်ရဲတော့ဘူး။ သူတို့ ပေါ်တာဆွဲမှာကြောက်လို့။ ရွာသားတွေလည်း အတော်လေးကို စိတ်ညစ်တယ်။ တချို့ဆို တောင်ယာတွေ မရိပ်သိမ်းရသေးတဲ့ နေရာတွေ ပစ်ထားရတာရှိတယ်။
“ပစ်လိုက် နားလိုက်၊ ပစ်လိုက် နားလိုက်ဆိုတော့ ရွာသားတွေလည်း အတော်လေးကို စိတ်ကျပ်လာပြီ။ အတော်များများကတော့ အတော်လေး ကြာဦးမယ်ပေါ့။ DKBA ကလည်း လက်နက်ချမယ့်ပုံ မပေါ်ဘူး၊ အစိုးရကလည်း DKBA ကို လက်နက်ချရင်ချ၊ မချရင် တိုက်မယ်လို့ ကြေညာထားတာကြောင့် ကြာဦးမယ်လို့ ထင်နေတယ်။ စစ်တပ်က အကျဉ်းသားတွေ ခေါ်လာတယ်ဆိုတော့၊ ရှေ့ကို သူတို့ ကားလမ်းကနေ သွားလို့မရရင် ဆွဲလမ်းတွေကနေ သွားရမှာပေါ့။ DKBA စခန်းတွေဘက်ကိုလည်း တက်တိုက်ကောင်း တိုက်နိုင်တာပေါ့။ သူတို့ တက်တိုက်တဲ့ အခါကြရင် အကျဉ်းသားတွေကို ရှေ့ကလည်း ထားရင်ထားမယ်လေ။”
တိုက်ပွဲဖြစ်နေတဲ့ နေရာမှာ ရှိနေတဲ့ DKBA တပ်မှူး ဗိုလ်မှူး ကျော်သက်ကတော့ မြန်မာစစ်တပ်က တပ်သားတွေဟာ တိုက်ပွဲတွေအတွင်း DKBA တွေထောင်ထားတဲ့ မိုင်းတွေ နင်းမိတာ ရှိနေကြောင်း၊ သူတို့နယ်မြေကို ၀င်ရောက်လာတဲ့အတွက် ပြောက်ကျား ပစ်ခတ်မှုတွေကို လုပ်ခဲ့ရကြောင်း ပြောပြပါတယ်။
“၉ နာရီကျော်ကနေ ၁၂ နာရီအထိ ပစ်တယ်။ နအဖကတော့ နည်းနည်းထိတယ်။ မိုင်းနင်းမိတယ်။ မနေ့ညက ၉ နာရီကျော်မှာ သူတို့နေရာကို ကျနော်တို့ ပြောက်ကျားဝင်ပစ်တယ်။ သူတို့လည်း လက်နက်ကြီးနဲ့ပစ်တယ်။”
တိုက်ပွဲတွေအတွင်း အကျဉ်းသား ပေါ်တာတွေ အများအပြား အသုံးပြုနေကြောင်း၊ ပေါ်တာတွေကို ထွက်မပြေးအောင် ၅ ယောက်တတွဲ၊ ၄ ယောက်တတွဲစီ ကြိုးတွေ ချည်ထားကြောင်း DKBA ဘက်က ပြောပါတယ်။
“သူတို့ ပေါ်တာ အတော်များတယ်။ ၂ ယောက်တတွဲ ကြိုးနဲ့ချည်တယ်။ အထုပ်အပိုးတွေ ပိုးခိုင်းတယ်။ ထောင်သမားတွေဆိုတော့ ပြေးမှာလည်း ကြောက်လို့ပေါ့။”
မြန်မာစစ်တပ်ဘက်က ပြီးခဲ့တဲ့ ရက်ပိုင်းတွေအတွင်း အင်းစိန်ထောင်နဲ့ နယ်ထောင်တွေက အကျဉ်းသားတွေကို ကားတွေနဲ့ အပြင်ထုတ်သွားတာတွေကို မြင်ခဲ့ရကြောင်း၊ ဒီထဲမှာ နိုင်ငံရေး အကျဉ်းသားတွေ ပါမပါ မသိနိုင်ပေမဲ့ ရာဇ၀တ် အကျဉ်းသားတွေတော့ ပါနိုင်ကြောင်း အကျဉ်းထောင်တွေနဲ့ နီးစပ်သူတွေက ပြောပါတယ်။
အခုတိုက်ပွဲတွေအတွင်း ဒေသခံတွေကို အတင်းအကျပ် ပေါ်တာဆွဲတာ လုပ်ခဲ့ပေမဲ့ ရွာသားတွေက ရွာတွေကနေ ရှောင်ပြေးပြီး ထိုင်းနိုင်ငံဘက်ခြမ်းမှာ လာရောက် နေထိုင်နေတာကြောင့် ပေါ်တာရရှိဖို့အတွက် မြန်မာစစ်တပ်ဘက်က ခက်ခဲနေပါတယ်။ အခုဆိုရင် ထိုင်း၊ မြန်မာနယ်စပ်က ၂ လကြာ ဖြစ်နေတဲ့ တိုက်ပွဲတွေကြောင့် ဒုက္ခသည် ၈,၀၀၀ ကျော်ဟာ အိုးအိမ်တွေကို စွန့်ခွာပြီး ထိုင်းနိုင်ငံဘက်ခြမ်းမှာ တရားမ၀င် နေထိုင်နေရပြီး သူတို့ကို အစိုးရမဟုတ်တဲ့ အဖွဲ့တွေနဲ့ လူမှုကယ်ဆယ်ရေး အဖွဲ့တွေက စားစရာနဲ့ အ၀တ်အစားတွေကို အကူအညီ ပေးနေရဆဲ ဖြစ်ပါတယ်။
ထိုင်းနိုင်ငံဘက်ခြမ်းကတော့ ကယ်ဆယ်ရေး စခန်းတွေကို ကြာရှည်မထားဘဲ နေရပ်ရင်းကိုပဲ ပြန်ဖို့ ပြောခဲ့တာကြောင့် နောက်ထပ် ပြေးလာတဲ့ ဒုက္ခသည်တွေအတွက် အခက်အခဲတွေ ကြုံနေရဆဲ ဖြစ်ပါတယ်။
Find this article at:
http://www.voanews.com/burmese/news/dkba-army-attack-112936609.html
စည်းလုံးညီညွတ်ကြဖို့ ကရင်နှစ်သစ်ကူးမှာ KNU တိုက်တွန်း
စည်းလုံးညီညွတ်ကြဖို့ ကရင်နှစ်သစ်ကူးမှာ KNU တိုက်တွန်း
By ဦးဇော်ဝင်းလှိုင်
ဗုဒ္ဓဟူး, 05 ဇန်နဝါရီ 2011
ဒီကနေ့ ဒီဇင်ဘာလ ၅ ရက်နေ့ဟာ ကရင်ပြက္ခဒိန်အရ ကရင်တိုင်းရင်းသားတွေရဲ့ ၂၇၅၀ ပြည့် နှစ်သစ်ကူးနေ့ ဖြစ်ပါတယ်။ ဒီလို နှစ်သစ်ကူး အခါသမယမှာ ကရင်လူမျိုးတွေဟာ လက်ရှိ စစ်အစိုးရအောက်မှာ ဖိနှိပ်မှု အမျိုးမျိုးကို ခံစားနေကြရပြီး နေရပ်စွန့်ခွာ ထွက်ပြေးနေကြရတာကြောင့် သူတို့ရဲ့ ရိုးရာ နှစ်သစ်ကူးပွဲတော်ကို ပျော်ရွှင်စွာ လွတ်လွတ်လပ်လပ် မဆင်နွှဲနိုင်ကြဘူးလို့ KNU ကရင်အမျိုးသား အစည်းအရုံးက ပြောပါတယ်။ အပြည့်အစုံကို ကိုဇော်ဝင်းလှိုင်က တင်ပြပေးထားပါတယ်။
ဒီကနေ့ဟာ ကရင်လူမျိုးတွေရဲ့ နှစ်သစ်ကူးနေ့ နေ့ထူးနေ့မြတ် ဖြစ်တာကြောင့် အားလုံး ပျော်ပျော်ရွှင်ရွှင်နဲ့ နှစ်သစ်ကူး ပွဲတော်ကို ဆင်နွှဲကြရမှာ ဖြစ်ပေမဲ့ လက်ရှိအခြေအနေမှာ ကရင်လူမျိုး အများစုဟာ စစ်အစိုးရရဲ့ ဖိနှိပ်ချုပ်ချယ်မှု အမျိုးမျိုးကို ခံစားနေကြရတာကြောင့် ဒီ နှစ်သစ်ကူးပွဲတော်ကို မဆင်နွှဲနိုင်ဘဲ ကိုယ့်အသက် လုံခြုံမှု ရရှိဖို့အတွက် နေရပ်စွန့်ခွာ ထွက်ပြေးနေကြရတယ်လို့ KNU ကရင်အမျိုးသား အစည်းအရုံးရဲ့ အတွင်းရေးမှူး နော်စီဖိုးရာစိန်က ပြောပါတယ်။
“ကျမတို့ ဒီနေ့ ကရင်နှစ်သစ်ကူးနေ့၊ ကရင်တွေအတွက် နေ့ထူးနေ့မြတ်တရက် ဖြစ်တာပေါ့။ ဒါပေမဲ့ တကယ် လူမျိုးတွေအတွက် လွတ်လွတ်လပ်လပ် နှစ်သစ်ကူးနေ့ကို ပျော်ပျော်ရွှင်ရွှင်နဲ့ အခွင့်အရေး မရဘူး။ သူတို့က ဒီနှစ်မှာ ရွာသူရွာသားတွေ နအဖ စစ်တပ်ရဲ့ တိုက်ခိုက်မှုကြောင့် အိုးအိမ်တွေ ပျက်စီးပြီး တိမ်းရှောင်နေတာ ဖြစ်တယ်။ ဒုက္ခသည်တွေလည်း ဖြစ်လာတယ်။ အခုဆို တော်တော် ကြောက်ကြောက်ရွံ့ရွံ့နဲ့ နေခဲ့ရတဲ့ ဘ၀တွေ ရောက်နေတယ်။ အထူးသဖြင့် ဒီနှစ်မှာလည်း လူဦးရေ အများကြီး ဒီလို ခံစားနေရတယ်။ နယ်စပ်တလျှောက်လုံးမှာ ကြည့်မယ်ဆိုရင်တော့ ပျော်ပျော်ရွှင်ရွှင်နဲ့ ဘာမှ အခွင့်အရေး မရခဲ့ပါဘူး။ ဒီနှစ်မှာ ပျော်ရွှင်ရမယ့်အစား သူတို့မှာ ဘ၀လုံခြုံမှု ရရှိဖို့အတွက် ကြိုးစားနေရတဲ့ အဖြစ်ပဲ ရှိတယ်။”
မြန်မာနိုင်ငံမှာ မှီတင်းနေထိုင်ကြတဲ့ တိုင်းရင်းသားတွေထဲမှာ ကရင်လူမျိုးတွေဟာလည်း လူမျိုးကြီးတမျိုးဖြစ်ပြီး တိုင်းသားလူမျိုး တမျိုးရဲ့ အင်္ဂါရပ်တွေ အားလုံး ရှိနေပါလျက်နဲ့ သူတို့ဟာ ရရှိသင့်တဲ့ အခွင့်အရေး မရဘဲ စစ်တပ်ရဲ့ လူ့အခွင့်အရေး ချိုးဖောက်မှု မျိုးစုံကို ခံစားနေကြရတယ်လို့ နော်စီဖိုးရာစိန်က ဆက်ပြောပါတယ်။
“ကျမတို့ ကရင်ဒေသဟာ မြန်မာနိုင်ငံမှာ လူမျိုးတမျိုး ဖြစ်နေတဲ့ အတွက်ကြောင့် ကျမတို့လည်း ဒီလူမျိုး ရရှိရမယ့် အခွင့်အရေးတွေလည်း ဘာမှမရဘဲနဲ့ လူထုတွေက အမျိုးမျိုး အဖိနှိပ်ခံရတယ်။ ရွာသူရွာသားတွေ ရှိနေတဲ့ တောရွာတွေမှာပဲ ဖြစ်ဖြစ်၊ ဒီမှာရှိနေတဲ့ ရွာသူရွာသားတွေရော အမြဲပဲ စစ်တပ်က မီးရှို့လိုက်၊ ရွာသူရွာသားတွေကို သတ်ဖြတ်လိုက်၊ အမျိုးသမီးတွေကို မုဒိမ်းကျင့်လိုက်၊ ဒါတွေကို ကျမတို့ ကရင်အမျိုးသားတွေက ခံစားနေရတာ ကြာလှပါပြီ။”
နှစ်သစ်ကူးကို ကြိုဆိုရင်း ဆုံးရှုံးနေတဲ့ ကရင်အမျိုးသားတွေရဲ့ အခွင့်အရေးတွေ ပြန်လည်ရရှိဖို့အတွက် အားလုံး စည်းစည်းလုံးလုံးနဲ့ တိုက်ပွဲဝင်ကြဖို့ နော်စီဖိုးရာစိန်က တိုက်တွန်းပါတယ်။
“ဒီနှစ် ကျမတို့ ကရင်အမျိုးသားတွေ နှစ်သစ်ကူး ရောက်ရှိတဲ့ အတွက်ကြောင့် အားလုံးကို ၀မ်းသာပြီး ကြိုဆိုလိုက်တယ်။ ကရင်အမျိုးသားတွေ အားလုံးအတွက် နေ့ထူးနေ့မြတ်တရက် ဖြစ်နေတဲ့ အတွက်ကြောင့် ကျမတို့ ရှေ့ဆက်ပြီး နှစ်သစ်မှာ အမျိုးသား ညီညွတ်ရေးအတွက် ပိုမိုပြီး ထိရောက်စွာ သွားနိုင်ဖို့အတွက် ကျမတို့ ပြောချင်တယ်။”
KNU ကရင်အမျိုးသား အစည်းအရုံးရဲ့ အတွင်းရေးမှူး နော်စီဖိုးရာစိန် ပြောပြခဲ့တာပါ။
KNU ဥက္ကဋ္ဌ စောတာမလာဘောရဲ့ နှစ်သစ်ကူး သ၀ဏ်လွှာထဲမှာတော့ ကရင်လူမျိုးတွေ ဖိနှိပ်ခံနေရတဲ့ ဘ၀က လွတ်မြောက်ဖို့အတွက် KNU အနေနဲ့ နှစ်ပေါင်းများစွာ တိုက်ပွဲဝင်လာခဲ့ပေမဲ့ အချင်းချင်း သွေးစည်းညီညွတ်မှု မရှိတဲ့အတွက် ရည်မှန်းချက် ပန်းတိုင်ကို မရောက်နိုင်ဘဲ ဖြစ်နေရတယ်လို့ ဖော်ပြထားပါတယ်။
ကရင်လူမျိုးတွေ လွတ်မြောက်ဖို့အတွက် ကရင်တိုင်းရင်းသား တဦးချင်းစီမှာ တာဝန်ရှိတာကြောင့် အားလုံး စည်းလုံးညီညွတ်စွာနဲ့ လက်တွဲ လုပ်ဆောင်ကြဖို့လည်း KNU ဥက္ကဋ္ဌ စောတာမလာဘောရဲ့ သ၀ဏ်လွှာထဲမှာ ဖော်ပြထားပါတယ်။
KNU အနေနဲ့ ဒီနှစ်သစ်ကူး ပွဲတော်တွေကို လုံခြုံမှုရှိတဲ့ နေရာအသီးသီးမှာ ဆင်နွှဲခဲ့တယ်လို့ ဆိုပါတယ်။
မြန်မာနိုင်ငံအတွင်းမှာ ရှိကြတဲ့ ကရင်တိုင်းရင်းသားတွေလည်း နှစ်သစ်ကူးပွဲတော်ကို ဆင်နွှဲခဲ့ကြပါတယ်။ နှစ်သစ်ကူးပွဲကို အတားအဆီး အနှောင့်အယှက်မရှိ ဆင်နွှဲနိုင်ခဲ့ကြတယ် ဆိုပေမဲ့ ကရင်ခေါင်းဆောင်ကြီး စောဘဦးကြီးရဲ့ ပုံနဲ့ တခြား ကရင်ခေါင်းဆောင်တချို့ရဲ့ ပုံတွေကို အာဏာပိုင်တွေဘက်က အသုံးပြုခွင့် မပေးခဲ့ဘူးလို့ ရန်ကုန်မြို့က ကရင်အသိုင်းအ၀ိုင်းက ပြောပါတယ်။
ကရင်ပြည်နယ် ဖားအံမြို့ အနီးနားက တောင်ကလေးဒေသမှာတော့ နှစ်သစ်ကူးပွဲကို အားလုံး အေးအေးချမ်းချမ်း ဆင်နွှဲနိုင်ခဲ့ပေမဲ့ အခါတိုင်းနှစ်တွေလို မဟုတ်ဘဲ အာဏာပိုင်တွေဘက်က ဒီနှစ်မှာ သ၀ဏ်လွှာ ပေးပို့တာမျိုး မလုပ်ခဲ့ဘူးလို့ ဒေသခံတဦးက ပြောပြပါတယ်။
Find this article at:
http://www.voanews.com/burmese/news/karen-new-year-112941429.html
ကရင်နှစ်သစ်ကူးနေ့ ပြည်တွင်းပြည်ပမှာ ကျင်းပ
ကရင်နှစ်သစ်ကူးနေ့ ပြည်တွင်းပြည်ပမှာ ကျင်းပ
2011-01-05ဇန်နဝါရီလ ၅ ရက်နေ့မှာ ကျရောက်တဲ့ ကရင် နှစ်သစ်ကူးနေ့ကို ပြည်တွင်းပြည်ပမှာ အသွင်အမျိုးမျိုးနဲ့ ကျင်းပရာမှာ ရန်ကုန်မြို့ ရွှေပြည်သာမြို့နယ်မှာ နိုင်ငံရေးအကျဉ်းသား လွတ်မြောက်ရေး ဆုတောင်းပွဲ တခုပါ ပြုလုပ်ခဲ့တယ်လို့ သတင်းရရှိပါတယ်။
ထိုင်း-မြန်မာနယ်စပ်က မယ်လဒုက္ခသည်စခန်းမှာ ကရင်နှစ်သစ်ကူးပွဲတော်ကို ဒီကနေ့ ကျင်းပခဲ့ပြီး စခန်းတွင်းက ဒုက္ခသည်တွေ၊ ပြင်ပဧည့်သည်တွေ အပါအဝင် လူ ၄ သောင်းကျော်တက် ရောက်ခဲ့တယ်လို့ နှစ်သစ်ကူးပွဲ ဖြစ်မြောက်ရေးအဖွဲ့ ဥက္ကဋ္ဌ နော်ဒေးဒေးဖိုးက RFA ကို ပြောပါတယ်။
“အခုလုပ်တဲ့ပွဲကတော့ ခါတိုင်းပွဲထက် ပိုပြီးတော့ ခမ်းနားတာပေါ့နော်။ ပိုပြီး ကြီးကျယ်တယ်၊ ၄ သောင်း၊ ၅ သောင်း ဝန်းကျင်လောက် ရှိမှာပေါ့။ အကုန်အကျလည်း ပိုပြီးတော့ များတယ်၊ ပိုပြီးတော့ အောင်မြင်တယ်လို့ ပြောရမှာပေါ့။ ဘာဖြစ်လို့လဲဆိုတော့ ကျွန်မတို့ ဒီပွဲလုပ်တဲ့ သုံးညအတွင်းမှာပေါ့နော်၊ ဘာမှ ပြဿနာ အခက်အခဲ လူငယ်တွေနဲ့ ပတ်သက်တဲ့ ခိုက်ရန်ဖြစ်ပွားမှုတွေလည်း မရှိဘူး၊ အေးအေးချမ်းချမ်းနဲ့ နောက်ပေါ့နော်၊ ထိုင်း MY က ပလာကိုယ်တိုင်က လာပြီးတော့ အားပေးတယ်၊ ပြီးတော့ ဒီ လုံခြုံရေးဖက်မှာလည်း MY ပေါ့နော်၊ ပူးပေါင်းပြီးတော့ လုပ်ဆောင်ကြတယ်ပေါ့၊ လုံခြုံရေးပိုင်းမှာ။”
မယ်လှဒုက္ခသည်စခန်းတွင်းက ဘောလုံးကွင်းမှာ ဒီဇင်ဘာ ၂ ရက်နေ့ကနေ ၅ ရက်နေ့အထိ ကျင်းပခဲ့တဲ့ ကရင်နှစ်သစ်ကူး ပွဲတော်အတွင်း ကရင်ရိုးရာ ယဉ်ကျေးမှု ပြသတဲ့ အစီအစဉ်၊ ဟောပြောပွဲနဲ့ စတိတ်ရှိုး အစီအစဉ်တွေလည်း ပါဝင်တယ်လို့ သိရပါတယ်။
မယ်လဒုက္ခသည်စခန်းဟာ ထိုင်း-မြန်မာနယ်စပ်မှာ ရှိတဲ့ မြန်မာဒုက္ခသည်စခန်းတွေထဲမှာ အကြီးဆုံးဖြစ်ပြီး ဒုက္ခသည် ၅သောင်းနီးပါး နေထိုင်တယ်လို့ သိရပါတယ်။
ဒီကနေ့ ကျရောက်တဲ့ ကရင်နှစ်သစ်ကူးနေ့ကို KNU ထိန်းချုပ်ရာ ကရင်နယ်မြေတွေမှာ အခမ်းအနားတွေ ပြုလုပ်ခဲ့သလို၊ ဒီကေဘီအေ ခွဲထွက်အဖွဲ့ထိန်းချုပ်ရာနယ်မြေတချို့မှာလည်း ကျင်းပခဲ့ကြောင်း သတင်းရရှိ ပါတယ်။
ကရင်မျိုးသားတွေရဲ့ အခွင့်အရေးတွေ ရရှိရေးနဲ့ ကရင်အမျိုးသားတွေ လွတ်မြောက်ရေးအတွက် ကရင် အမျိုးသားထုအတွင်း စည်းလုံးညီညွတ်စွာ ဆောင်ရွက်ကြဖို့နဲ့ တိုင်းရင်းသားအဖွဲ့အစည်းတွေ အချင်းချင်း အကြားမှာလည်း စည်းလုံးညီညွတ်စွာ လုပ်ဆောင်ကြဖို့ ကရင်အမျိုးသားနေ့မှာ KNU ကရင်အမျိုးသား အစည်းအရုံးက တိုက်တွန်းလိုက်ပါတယ်။
တချိန်တည်းမှာလည်း ကရင်နှစ်ကူး မတိုင်မီ မနေ့ညက ဒီကေဘီအေ ဗိုလ်မှူးချုပ် စောလားပွယ် ဦးစီးတဲ့ ခွဲထွက်အဖွဲ့ ထိန်းချုပ်ရာ နယ်မြေဖြစ်တဲ့ ဖလူကြီး ဒေသဖက်မှာ စစ်အစိုးရနဲ့ တိုက်ပွဲဖြစ်ပွားခဲ့ပြီး လက်နက်ကြီးတွေနဲ့ အပြန်အလှန် ပစ်ခတ်ခဲ့တာတွေ ရှိတယ်လို့ သတင်းရရှိပါတယ်။
Copyright © 1998-2010 Radio Free Asia. All rights reserved.
ရန်ကုန်တိုင်းဒေသကြီးရှိ အန္တရာယ်ရှိ အဆောက်အအုံများ
၂၀၁၀ပြည့်နှစ်အတွင်း ရန်ကုန်တိုင်းဒေသကြီးရှိ အဆောက်အအုံ ၇၀ နီးပါးကို အန္တရာယ်ရှိ အဆောက်အအုံများအဖြစ် သတ်မှတ်ခဲ့ကြောင်း သိရှိရသည်။
အန္တရာယ်ရှိအဖြစ် သတ်မှတ်ခဲ့သော အဆောက်အအုံများမှာ
မတ် လအတွင်းက ၂၅ လုံး၊
သြဂုတ်လ အတွင်းက ၁၅ လုံးနှင့် ဒီဇင်ဘာလ အတွင်း ၂၇ တို့ဖြစ်ကြောင်း
ရန်ကုန်မြို့တော် စည်ပင်သာယာရေး ကော်မတီ၏ ကြေညာချက်အရ သိရှိရသည်။
ယင်း အဆောက်အအုံများမှာ
ဗိုလ်တထောင်မြို့နယ်တွင် ကိုးလုံး၊
လသာမြို့နယ်တွင် ၁၃ လုံး၊
ပန်းဘဲ တန်းမြို့နယ်တွင် ၁၆ လုံး၊
ပုဇွန်တောင်မြို့နယ်တွင် လေးလုံး၊
လမ်းမတော်မြို့နယ်တွင် နှစ်လုံး၊
ကျောက် တံတားမြို့နယ်တွင်လေးလုံး၊
မင်္ဂလာတောင်ညွန့်မြို့နယ်တွင်ခုနစ်လုံး၊
တာမွေမြို့နယ်တွင် ကိုးလုံး၊
အလုံမြို့ နယ်တွင်တစ်လုံး၊
ဗဟန်းမြို့နယ်တွင်တစ်လုံး၊
ဒဂုံမြို့နယ်တွင်တစ်လုံး တို့ဖြစ်သည်ဟု သိရသည်။
အဆိုပါ အဆောက်အအုံများကို အန္တရာယ်ရှိ အဆောက်အအုံများ စစ်ဆေးရေး အဖွဲ့မှ အတည်ပြုခြင်းခဲ့ခြင်း ဖြစ်သည်ဟု သိရသည်။
မတ်လနှင့် သြဂုတ်လအတွင်းက သတ်မှတ်ခဲ့သည့် အဆောက်အအုံ ၄၀ နီးပါးကို ဖြိုဖျက်၍ အသစ်ပြန်လည် ဆောက်လုပ်နေသော်လည်းအချို့ အဆောက်အအုံများမှာမူ ဖြိုဖျက်ပြီးသော်လည်း ပြန်လည်ဆောက်လုပ် မှုမရှိသေးကြောင်း သိရသည်။
ရန်ကုန်တိုင်းဒေသကြီးအတွင်း အန္တရာယ်ရှိ အဆောက်အအုံအဖြစ် သတ်မှတ်မှု
၂၀၀၄-၀၅ ၁၁၄ လုံး
၂၀၀၅-၀၆ ၁၄၁ လုံး
၂၀၀၈-၀၉ ၈၂ လုံး
Source Article from http://www.news-eleven.com
Tuesday, January 4, 2011
ရေနံသဘာဝဓါတ်ငွေ့ ပိုက်လိုင်းအန္တရာယ် ကာကွယ်နိုင်ဖို့
ရေနံသဘာဝဓါတ်ငွေ့ ပိုက်လိုင်းအန္တရာယ် ကာကွယ်နိုင်ဖို့
By Khin Myo,
20 နိုဝင်ဘာ 2010
ရေနံနဲ့သဘာဝ ဓါတ်ငွေ့ ပေါကြွယ်တဲ့ မြန်မာနိုင်ငံမှာ နဂိုရှိပြီးသားနဲ့ နောင်ဖေါက်လုပ်ဖို့ပြင်နေတဲ့ ရေနံနဲ့ သဘာဝဓါတ်ငွေ့ပိုက်လိုင်းတွေ နဲ့ပတ်သက်တဲ့ အန္တရာယ်တွေကို ပိုက်လိုင်းဖြတ်သွားမယ့် ဒေသတွေက ဒေသခံတွေ သိရှိနားလည်ထားဖို့ အရေးကြီးပါတယ်။
၂၀၁၀ အောက်တိုဘာလတုန်းက မကွေးတိုင်း ပခုက္ကူမြို့နယ် ညောင်လှရွာနားမှာ ရေနံပိုက်လိုင်း မီးလောင်မှု ဖြစ်ပွါးခဲ့တဲ့အတွက် ရေနံလာခပ်ကြတဲ့ ရွာသားတွေ သေဆုံးခဲ့ကြရသလို ဒဏ်ရာရသူတွေလည်း အများအပြား ရှိခဲ့ပါတယ်။ ဒီပိုက်လို်င်းဟာ စလေ ဓါတ်မြေသြဇာထုတ်တဲ့ ကျွန်းချောင်းနဲ့ မြစ်ခြေကြားမှာရှိပြီး အနီးဆုံး ရေနံချက်စက်ရုံကတော့ ချောက်မှာ ရှိပါတယ်။ အရာတော်ရေနံမြေကတော့ မြောက်ဖက်မှာတည်ရှိပြီး ဒီဒေသမှာ ရှေးမြန်မာမင်းတွေလက်ထက် ကတဲက ရေနံထုတ်ယူခဲ့တာပါ။
အင်္ဂလိပ်အုပ်စိုးတဲ့ ကာလမှာ မြန်မာ့ရေနံမြေတွေကို ဘီအိုစီ လို့ခေါ်တဲ့ ဗြိတိသျှကုမ္ပဏီက ဦးဆောင်တူးဖေါ်ခဲ့ပြီး ၁၉၀၉ ခုနှစ်လောက်မှာ ရေနံတွင်းတွေကနေ ရေနံချက်စက်ရုံတွေဆီကို သယ်ပို့နေတဲ့ ပိုက်လိုင်း အရှည်ဟာ စုစုပေါင်း ၂၇၅မိုင် ရှိတယ်လို့ မှတ်တမ်းတင်ခဲ့ပါတယ်။
ဒေသခံတွေအနေနဲ့ ကိုယ်နေထိုင်ရာဒေသမှာ ရေနံပိုက်လိုင်း ဖေါက်လုပ်သွယ်တန်းထားရင် ဒီပိုက်လိုင်းနဲ့ ပတ်သက်ပြီး အကျိုးအပစ်တွေကို သေသေချာချာ သိထားဖို့လိုအပ်သလို ဒေသအာဏာပိုင်တွေ ဘက်ကလည်း စံနစ်တကျ စည်းကမ်းသတ်မှတ်ချက်တွေ ချမှတ်ထားဖို့ လိုအပ်ပါတယ်။
မြေအောက်မှာ ရေနံကို သဘာဝဓါတ်ငွေ့နဲ့ အမြဲတွဲတွေ့ရတတ်တာမို့ ရေနံကိုတူးဖေါ်ပြီးရင် ရေနံနဲ့ သဘာဝဓါတ်ငွေ့ ကိုသီးခြားခွဲထုတ်ပြီးမှ သွယ်တန်းထားတဲ့ပိုက်တွေနဲ့ တနေရာကနေ တနေရာကို တင်ပို့ရပါတယ်။ ဒီလိုတင်ပို့တဲ့ ပိုက်လိုင်းထဲမှာ ရေနံစိမ်းနဲ့ သဘာဝဓါတ်ငွေ့ရောနှောမှု များနေရင် မီးလောင်ရုံတင်သာမကပဲ ပေါက်ကွဲမှုတွေ ဖြစ်ပွါးနိုင်ပါတယ်။
ရေနံနဲ့သဘာဝဓါတ်ငွေ့တွေကို ထုတ်လုပ်တဲ့နေရာကနေ အသုံးပြုနိုင်အောင်ချက်လုပ်တဲ့ နေရာတွေဆီ ရောက်အောင် ပိုက်လိုင်းတွေနဲ့ ပို့ဆောင်ပေးရာမှာ မီးလောင်ပေါက်ကွဲမယ့် အန္တရာယ့် ကြီးမားတာမို့ ကျွမ်းကျင်သူတွေက စံနစ်တကျ တို်င်းထွာမှုတွေနဲ့စောင့်ကြည့်ဖို့ လိုအပ်ပါတယ်။ ဒါ့ပြင် နိုင်ငံရဲ့ အစိုးရပိုင်းကပါ စည်းမျဉ်းစည်းကမ်းသတ်မှတ်မှုတွေ ပြတ်ပြတ်သားသား ချမှတ်ဖို့ လိုအပ်သလို အချိန်နဲ့ အမျှ လိုက်နာစေဖို့ ဒေသဆိုင်ရာ ကြီးကြပ်မှုတွေ ချထားပေးဖို့ လိုတယ်လို့ အမေရိကန်မြောက်ဖျား အလာစကာ Alaska နဲ့ ကနေဒါ Canada ကရေနံမြေတွေမှာ တာဝန်ယူဆောင်ရွက်နေတဲ့ အင်ဂျင်နီယာ ဒေါက်တာစိန်မြင့် ကပြောပါတယ်။
ရေနံတင်ပို့တဲ့ ပိုက်လိုင်းတွေဟာ နှစ်ကြာလာတာနဲ့ အမျှ ရေနံချေးတွေကျပြီး ပိတ်လာတတ်တာမို့ အကုန်အကျများပေမယ့် လိုအပ်ရင် အသစ်လဲလှယ်ပေးဖို့ ပါလိုအပ်တယ်လို့ လဲပြောပါတယ်။ ရေနံ ပိုက်လိုင်းတွေအတွက် ကြန့်ခိုင်ရေးကို မပြတ်စစ်ဆေးပြီး ဆေးကျောဖို့ လည်းလိုအပ်ပါတယ်။
Find this article at:
http://www.voanews.com/burmese/news/science-technology/---109482289.html
အမှောင်လှိုင်းထဲက သူရဲကောင်းတို့ တိုင်းပြည်
အမှောင်လှိုင်းထဲက သူရဲကောင်းတို့ တိုင်းပြည်
Copyright © 1998-2010 Radio Free Asia. All rights reserved.
THANK YOU
GRANDFATHER TAR MIKE
Copyright © 1998-2010 Radio Free Asia. All rights reserved.
THANK YOU
GRANDFATHER TAR MIKE
ထိုင်းနယ်စပ် မဲဆောက်မှာ DKBA တပ်သား လက်ပစ်ဗုံးကိုင်ဆန္ဒပြ
ထိုင်းနယ်စပ် မဲဆောက်မှာ DKBA တပ်သား လက်ပစ်ဗုံးကိုင်ဆန္ဒပြ2011-01-04
ဒီကနေ့ ဇန်နဝါရီ ၄ ရက် မနက် ၈ နာရီလောက်က ထိုင်းနိုင်ငံ မဲဆောက်မြို့မှာ ရှိတဲ့ UNHCR ကုလသမဂ္ဂ ဒုက္ခသည်များ ဆိုင်ရာ မဟာမင်းကြီး ရုံးခွဲ ရှေ့မှာ နယ်ခြားစောင့် တပ်ဖွဲ့ဝင်အဖြစ် ပြောင်းလဲခဲ့သူ DKBA ၉ သုံးလုံး တပ်ရင်းက စောထိန်လင်း ခေါ် စောသံမဏိဟာ လက်ပစ်ဗုံး နှစ်လုံး ကိုင်ဆောင်ပြီး ဆန္ဒပြခဲ့ကြောင်း သတင်းရရှိပါတယ်။
မြန်မာပြည် ပြဿနာကို ကုလသမဂ္ဂ ကူညီဖြေရှင်းပေးဖို့နဲ့ လက်ရှိ ဖြစ်ပျက်နေတဲ့ နိုင်ငံရေး အခြေအနေတွေကို လက်မခံနိုင်လို့ လုပ်တာဖြစ်တယ်လို့ အဲဒီ ဆန္ဒပြသူက ဆိုပါတယ်။
အငှားဆိုင်ကယ်သမားကို ဓားစာခံလုပ်ပြီး လက်ပစ်ဗုံးကိုင် ခြိမ်းခြောက်ဆန္ဒပြသူဟာ ဒီကေဘီအေ ၉ သုံးလုံး တပ်ရင်းက အသက် ၃၅ နှစ် ဝန်းကျင်ရှိသူ စောထိန်လင်း (ခေါ်) စောသံမဏိ ဖြစ်ပါတယ်။
ဒီအဖြစ်အပျက်ကို တွေ့မြင်လိုက်ရတဲ့ မျက်မြင်သက်သေတဦးက အခုလိုပြောပြပါတယ်။
“အဲ သူက အဲဒီမှာ ဆိုင်ကယ် တက္ကဆီသမား အဖိုးကြီးတယောက်ကို ဆိုင်ကယ် ငှားစီးလာတယ်။ ဆိုင်ကယ်ဦးထုပ်ကို ဆောင်းထားတယ်။ ဦးထုပ်က ကြိုးက မျက်လုံးတဖက်ကို ဖုံးနေတယ်။ သူ့လက်ထဲမှာကတော့ လက်ပစ်ဗုံးလို့ ယူဆရတဲ့အရာ နှစ်ခုကို သူဆုပ်ထားတယ်၊ အဖိုးကြီးကို ဖက်ပြီးတော့။ အဲဒီအချိန်မှာ UN ရုံးကနေပြီးတော့ ရဲစခန်းကို အကြောင်းကြားလိုက်ပုံ ရတယ်၊ အဲဒီမှာ ရဲတွေ ရောက်လာတယ်။ ရဲတွေ ရောက်လာပြီးတော့ သူ့အနားမှာပဲ ဝိုင်းပြီးတော့ သူ့ကို ဖျောင်းဖျကြတယ်။ တော်တော်နဲ့တော့ ဖျောင်းဖျလို့ မရဘူး၊ ၉ နာရီနဲ့ ၅ မိနစ်လောက်မှာ သူ လက်နက်ချလိုက်တယ်။”
တနာရီလောက် ကြာအောင် ထိုင်းရဲတွေနဲ့ ညှိနှိုင်းပြီးနောက် စောသံမဏိဟာ လက်နက်ချခဲ့ပါတယ်။ သူဆန္ဒပြရတဲ့ အကြောင်းရင်းတွေနဲ့ ပတ်သက်ပြီး စာရွက်တရွက်မှာ ရေးသားထားတယ်လို့ ဆို ပါတယ်။
ဒီအထဲမှာ ဒီကေဘီအေဟာ မြန်မာစစ်တပ် လက်အောက်ခံ နယ်ခြားစောင့်တပ် မဖြစ်စေဖုိ့နဲ့ ကရင်ကို ဒီမိုကရေစီနည်းအရ ကရင်ကပဲ အုပ်ချုပ်ဖို့၊ နိုဝင်ဘာ ၇ ရက် ရွေးကောက်ပွဲကို တိုင်းရင်းသားတွေ လက်မခံနိုင်လို့ စတဲ့ အချက်တွေ ရေးသားထားတယ်လို့ ဆိုပါတယ်။
ထိုင်းရဲတွေက တရားမဝင် နိုင်ငံအတွင်း ဝင်ရောက်မှု၊ တရားမဝင် စစ်လက်နက် ကိုင်ဆောင်မှုစတဲ့ ပြစ်ချက်တွေနဲ့ အရေးယူမယ်လို့ သိရပါတယ်။
ထိုင်းဥပဒေအရ တရားမဝင် စစ်လက်နက်ပစ္စည်း ပိုင်ဆိုင်မှုအရ အပြစ်ရှိကြောင်း ထင်ရှားရင် ထောင်ဒဏ် တသက်အထိ ပြစ်ဒဏ်ချမှတ်နိုင်ပါတယ်။
ဒီသတင်းနဲ့ ပတ်သက်လို့ အဖမ်းဆီးခံထားရတဲ့ ကိုစောသံမဏိနဲ့ မဲဆောက် မြို့တော်ဝန်တို့ကို မေးမြန်းပြီး RFA သတင်းထောက် ကိုမိုးကျော် သတင်းပေးပို့ထားပါတယ်။
Copyright © 1998-2010 Radio Free Asia. All rights reserved.
THANK YOU
GRANDFATHER TAR MIKE
မြန်မာ့အရေး ကုလဝင်ရန် ဗုံးကိုင်ဆန္ဒပြသူ အဖမ်းခံရ
မြန်မာ့အရေး ကုလဝင်ရန် ဗုံးကိုင်ဆန္ဒပြသူ စောသံမဏိ ခေါ် စောထိန်လင်းမြန်မာ့အရေး ကုလဝင်ရန် ဗုံးကိုင်ဆန္ဒပြသူ အဖမ်းခံရ
ကိုဝိုင်း
အင်္ဂါနေ့၊ ဇန်နဝါရီလ ၀၄ ရက် ၂၀၁၁ ခုနှစ် ၁၇ နာရီ ၅၁ မိနစ်
ချင်းမိုင် (မဇ္ဈိမ)
လက်ပစ်ဗုံးနှစ်လုံး ကိုင်ဆောင်ထားသူ ကရင်နယ်ခြားစောင့် တပ်ဖွဲ့ဝင်တဦးသည် မြန်မာ့ဒီမိုကရေစီရေးတွင် ကုလသမဂ္ဂ ကြားဝင်ပေးရန် ထိုင်းနိုင်ငံ တာ့ခရိုင် မဲဆောက်မြို့ရှိ ကုလရုံးရှေ့၌ ယနေ့မနက် ဆန္ဒပြရာ ဖမ်းဆီးခံရကြောင်း မြို့ခံများ အဆိုအရ သိရသည်။
၃၆ နှစ်အရွယ် ဆန္ဒပြသူ စောသံမဏိ ခေါ် စောထိန်လင်း (ဘားအံဇာတိ) သည် နယ်ခြားစောင့်တပ်အဖြစ် အသွင်ပြောင်းသွားသော ဗိုလ်မှူးကြီးစောချစ်သူ ဦးဆောင်သည့် ဒီကေဘီအေ အမှတ် ၉၉၉ တပ်မဟာ လက်အောက်ခံ တပ်မှူးမြတ်ခိုင်၏ တပ်ရင်း ၄ ၊ ဆက်သွယ်ရေးတပ်မှဟု ထွက်ဆိုကြောင်း မျက်မြင်သက်သေ မြို့ခံများအဆိုအရ သိရခြင်း ဖြစ်သည်။
“ဒီမနက်ပဲ မြဝတီကနေ ကူးလာတယ်။ မဲဆောက်ရောက်တော့ ဆိုင်ကယ်တက္ကစီ စီးပြီး ယူအန်ရုံးရှေ့ကို သွားတာ။ ဆိုင်ကယ်သမားကို ဓားစာခံလုပ်လိုက်တယ်။ လက်ပစ်ဗုံးနှစ်လုံးကို ပင်ဖြုတ်လိုက်ပြီး ဆန္ဒပြတာ။ သူ့လက်ကို သူ့ဘာသာ လက်ထိပ်ခတ်ထားပေမယ့် တဖက်ပဲ ခတ်လျက်ဖြစ်နေတာ” ဟု မြို့ခံတဦးက မဇ္ဈိမကို ပြောသည်။
အခြား မြို့ခံတဦးကလည်း “ယူအန်အရာရှိတွေကလည်း ဟိုးအဝေးက နေတယ်၊ အတွေ့မခံဘူးဗျ။ ထိုင်းရဲတွေကတော့ စနိုက်ဘာ Sniper တွေနဲ့ ဆွဲတော့မယ့် အနေအထား ဖြစ်နေတော့ မဲဆောက်မြို့ပိုင်က သွေးထွက်သံယို မဖြစ်ချင်လို့ သွားညှိကြည့်တယ်။ နောက်ဆုံး သူက အမိခံတယ်ပေါ့” ဟု ပြောသည်။
စစ်အစိုးရနှင့် ဒီကေဘီအေထံသို့ မအပ်နှံရေးနှင့် ထိုင်းတာဝန်ရှိသူများထံ အဖမ်းခံမည်ဖြစ်ပြီး သီးသန့်ထားပေးရန် သဘောတူခဲ့ပြီးနောက် ဆန္ဒပြသူကို မဲဆောက်ရဲစခန်း၌ ချုပ်နှောင်ထားကြောင်းနှင့် အသာတကြည် အဖမ်းခံသဖြင့် တရားမဝင် လက်နက်ကိုင်ဆောင်မှုဖြင့်သာ ရဲက တရားစွဲမည်ဖြစ်ကြောင်း သူက ဆိုသည်။
ထိုင်း-မြန်မာနယ်စပ် မဲဆောက်ရှိ ဒုက္ခသည်မဟာမင်းကြီးရုံး UNHCR ရှေ့၌ မြန်မာဒုက္ခသည်များက ယခင်က ငြိမ်းချမ်းစွာ ဆန္ဒပြခဲ့ဖူးသော်လည်း ယခုကဲ့သို့ လက်ပစ်ဗုံးဖြင့် ဆန္ဒပြမှုမှာမူ ပထမဆုံး ဖြစ်သည်။
ယနေ့ဆန္ဒပြသူက ဒီကေဘီအေကို နယ်ခြားစောင့်တပ်အသွင်ဖြင့် စစ်အစိုးရ၏ တိုက်ရိုက် အုပ်ချုပ်မှုအောက်တွင် မနေလိုဘဲ ကိုယ်ပိုင်အုပ်ချုပ်ရေး ရရှိရန်နှင့် တိုင်းရင်းသားများ၏ ရပိုင်ခွင့်များကို စစ်အစိုးရက ဖြေရှင်းပေးနိုင်မည် မဟုတ်သဖြင့် ကုလသမဂ္ဂက ကြားဝင် ဆောင်ရွက်ပေးရန် တောင်းဆိုခဲ့သည်။
ဓားစာခံ ဆိုင်ကယ်သမားနှင့် စောသံမဏိဒီကေဘီအေ ခေါ် တိုးတက်သော ကရင်ဗုဒ္ဓဘာသာ တပ်မတော်သည် မြိုင်ကြီးငူဆရာတော် ဦးသုဇန၏ ဦးဆောင်မှုဖြင့် ၁၉၉၄ ခုနှစ်တွင် ကရင်အမျိုးသားအစည်းအရုံး KNU မှ ခွဲထွက်ကာ စစ်အစိုးရနှင့် ပူးပေါင်းခဲ့ပြီးနောက် ယခုအခါ နယ်ခြားစောင့်တပ်အဖြစ် အသွင်ပြောင်းလိုက်ပြီဖြစ်သည်။
သို့သော် ဗိုလ်နှုတ်ခမ်းမွှေးဟု လူသိများသည့် ဗိုလ်မှူးကြီး စောလားပွယ် ဦးဆောင်သော ဒီကေဘီအေ တပ်မဟာ ၅ ကမူ လက်မခံဘဲ တိုက်ပွဲများ ဖြစ်နေသည်မှာ တလကျော်ပြီဖြစ်သည်။
ကော့ကရိတ်ခရိုင် ကျုံဒိုးမြို့နယ်၊ ကော့ကရိတ်မြို့နယ် ဝေါလေဒေသ ကနဲလေး၊ မြဝတီမြို့နယ် ဖလူးလေး၊ ဖလူးကြီး၊ ရသေ့တောင် စသည့် နေရာများရှိ တိုက်ပွဲများကြောင့် ထိုင်းနိုင်ငံ မဲဆောက်၊ ဖုတ်ဖရာ့၊ အုန်းဖန်နှင့် ထာ့ဆောင်ယန်း မြို့နယ်တို့တွင် ဒုက္ခသည်အသစ် ၈ဝဝဝ ကျော် ရောက်နေကြောင်း ဒုက္ခသည်များကို ကူညီနေသည့် အဖွဲ့များက ဆိုသည်။
“ထိုင်းရွာတွေထဲမှာပေါ့ အသိတွေအိမ်၊ တောင်ယာတဲတွေမှာ လိုက်နေကြတာပေါ့။ မဲဆောက် ဧရိယာမှာ ၁၇ဝဝ ကျော်တာပေါ့။ ခွင်လေးခုသတ်မှတ်ထားတယ်။ လွန်ခဲ့တဲ့ ၄ ရက်က စာရင်းအရ အားလုံးပေါင်း ၈၂ဝဝ ကျော်တယ်လေ” ဟု မဲဆောက်ခွင်မှ ဒုက္ခသည်များကို တာဝန်ခံ ကူညီနေသည့် ကိုနေဦးက ပြောသည်။
မြန်မာနိုင်ငံ၏ ပြည်တွင်းစစ်ကြောင့် ထိုင်းနိုင်ငံအတွင်းသို့ ဝင်ရောက်ခိုလှုံနေကြသည့် ကရင်လူမျိုးများ အပါအဝင် စခန်း ၉ ခု၌ ဒုက္ခသည် စုစုပေါင်း တသိန်းခန့်ရှိကြောင်း ဒုက္ခသည်များကို ကူညီနေသည့် Thailand Burma Border Consordium-TBBC အဖွဲ့က ပြီးခဲ့သည့်နှစ် နိုဝင်ဘာလတွင် ဖော်ပြခဲ့သည်။
ကိုဝိုင်း
ချင်းမိုင် (မဇ္ဈိမ)
THANK YOU
GRANDFATHER TAR MIKE
နယ်ခြားစောင့်တပ်သား လက်ပစ်ဗုံးနဲ့ မဲဆောက် UNHCR ရုံးရှေ့ ဆန္ဒပြ
DKBA တပ်သား စောသံမဏိ မဲဆောက် UNHCR ရုံးရှေ့တွင် ဆန္ဒပြနေစဉ်။ ဇန်န၀ါရီ ၄၊ ၂၀၁၁။
ထိုင်း၊ မြန်မာ နယ်စပ် မဲဆောက်မြို့မှာ မြ၀တီဘက်ကနေ ကူးလာတဲ့ မြန်မာစစ်အစိုးရရဲ့ နယ်ခြားစောင့် တပ်ဖွဲ့ဝင် တဦးဟာ လက်ပစ်ဗုံးတွေကို စနက်တံဖြုတ် ကိုင်ဆောင်ပြီး မြန်မာပြည် နိုင်ငံရေးကို ကုလသမဂ္ဂက ၀င်ရောက်ပြီး အသေအချာ ဖြေရှင်းပေးဖို့ တောင်းဆိုရင်း ဆန္ဒပြခဲ့ပါတယ်။ ဒါပေမဲ့ ထိုင်းအာဏာပိုင်တွေဘက်က အခြေအနေကို စနစ်တကျ ကိုင်တွယ်ဖြေရှင်းခဲ့ပြီး ဒီလို လက်နက်နဲ့ ဆန္ဒပြတာကြောင့် ထိုင်းဥပဒေအရ အရေးယူ ဆောင်ရွက်သွားမယ်လို့ ထိုင်းအာဏာပိုင်တွေဘက်က ပြောဆိုပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် မအေးအေးမာက တင်ပြပေးထားပါတယ်။
မြန်မာစစ်အစိုးရက တိုင်းရင်းသား လက်နက်ကိုင်တွေကို နယ်ခြားစောင့်တပ်အဖြစ် အတင်းအကျပ် အသွင်ပြောင်းခိုင်းတာကို လက်မခံနိုင်တဲ့ တိုင်းရင်းသားတွေဟာ လက်နက်ကိုင်ပြီး စစ်အစိုးရနဲ့ တိုက်ပွဲဖြစ်နေတာ ထိုင်း၊ မြန်မာ နယ်စပ် ကရင်ပြည်နယ်မှာ ၂ လနီးပါး ကြာပြီ ဖြစ်ပါတယ်။ မြန်မာစစ်အစိုးရနဲ့ အပစ်အခတ် ရပ်စဲရေး ရယူခဲ့တဲ့ DKBA တပ်ဖွဲ့က တချို့ကို နယ်ခြားစောင့်တပ်အဖြစ် အတင်းအကျပ် အသွင်ပြောင်းခိုင်းခဲ့ပေမဲ့ တချို့ကတော့ နယ်ခြားစောင့်တပ်ကို လက်မခံနိုင်ကြောင့် စစ်အစိုးရတပ်တွေနဲ့ ဆက်လက် တိုက်ပွဲတွေ ဖြစ်နေပါတယ်။
၎ ရက်နေ့ မနက်ပိုင်းမှာတော့ မြ၀တီဘက်ကနေလာတဲ့ အရင် DKBA ကိုးသုံးလုံးတပ်က တပ်ဖွဲ့ဝင်ဖြစ်ပြီး အခု နယ်ခြားစောင့်တပ် လုပ်နေရတဲ့ တပ်သား စောသံမဏိဟာ ထိုင်း အငှားဆိုင်ကယ်သမားကို ခေါ်လာပြီး မဲဆောက်က UNHCR ကုလသမဂ္ဂ မဟာမင်းကြီးရုံးရှေ့ ရောက်တဲ့ အချိန်မှာတော့ ဆိုင်ကယ်သမားလက်နဲ့ သူ့လက်ကို ပူးတွဲ လက်ထိပ်ခတ်ပြီး လက်ပစ်ဗုံးတွေကို စနက်တံ ဖြုတ်လိုက်ပါတယ်။ သူ့ကို ထိုင်းအာဏာပိုင်တွေက ရှင်းလင်းရေး လုပ်ဖို့အထိ ပြင်ဆင်ခဲ့ပေမဲ့ မဲဆောက်မြို့ပိုင် ရောက်ရှိလာပြီး ညှိနှိုင်းမှုတွေ လုပ်ခဲ့ရာမှာ သူ့တောင်းဆိုချက်တွေကို စောသံမဏိက အခုလို ပြောပြပါတယ်။
သူ့တောင်းဆိုချက်ထဲမှာ စစ်အစိုးရက နယ်ခြားစောင့် တပ်ဖွဲ့ဝင်တွေ အတင်းအကျပ် စုဆောင်းနေတာတွေကို လက်မခံနိုင်ကြောင်း၊ စစ်အစိုးရလုပ်တဲ့ ၂၀၁၀ ရွေးကောက်ပွဲ ရလဒ်ကို လက်မခံနိုင်ကြောင်း၊ ၂၀၁၀ ရွေးကောက်ပွဲဟာ ဒီမိုကရေစီနိုင်ငံ ဖြစ်ပေါ်လာနိုင်မှာ မဟုတ်ကြောင်းနဲ့ မြန်မာ့နိုင်ငံရေးကို ကုလသမဂ္ဂက သေချာ ဖြေရှင်းပေးဖို့ တောင်းဆိုသွားပါတယ်။
သူဟာ လက်ရှိ စစ်အစိုးရ ခိုင်းထားတဲ့ နယ်ခြားစောင့်တပ်က တပ်ဖွဲ့ဝင်တဦး ဖြစ်နေတာကြောင့် သူ့ဆန္ဒကို ထုတ်ဖော်သွားခြင်းသာ ဖြစ်ကြောင်း၊ ကုလသမဂ္ဂက မဖြေရှင်းပေးတဲ့ အပေါ်မှာ သူ့သဘောထားကို ပြောသွားခြင်းသာ ဖြစ်ကြောင်း လက်ရှိ မြန်မာစစ်အစိုးရနဲ့ တိုက်ပွဲဝင်နေတဲ့ DKBA တပ်မှူး ဗိုလ်စန်းအောင်က အခုလို ပြောပါတယ်။
“ကျနော်တို့က ဘယ်လိုမြင်လဲဆိုတော့ သူခံစားရတာတွေ ရင်ဖွင့်တယ်ပေါ့၊ ဒီစစ်ကလည်း ကာလ ကြာရှည်သွားမယ်၊ ဒါကြောင့် UN ရုံးရှေ့မှာ သူ့အနေနဲ့ ရင်ဖွင့်သွားတာ။ ဖြစ်နိုင်ရင် ကုလသမဂ္ဂ အဖွဲ့အစည်းကနေ ၀င်ရောက်ဖြေရှင်းလို့ရရင် အမြန်ဆုံး ဖြေရှင်းပေးဖို့၊ အဲဒီလို တောင်းဆို ဆန္ဒပြတာ၊ အဲဒီလိုပဲ ကျနော်မြင်တယ်။”
အခုဆိုရင် ကရင်ပြည်နယ်တွင်းမှာ တိုက်ပွဲတွေ ဆက်ဖြစ်မယ့် အလားအလာတွေ ရှိနေပြီး စစ်တပ်ဘက်က အင်အားတွေ တိုးလာနေကြောင်း ဖလူးကြီး၊ ဖလူးလေးနဲ့ မင်းလက်ပံ ရွာသားတွေကလည်း ပြောပါတယ်။
“မင်းလက်ပံ ရွာထဲကို စစ်ကား ၇ စီးလောက် ထပ်တက်လာတယ်။ ဘယ်တပ်လဲတော့ မသိဘူး။”
အခုဆိုရင် တိုက်ပွဲတွေ ပြီးဆုံးသွားမယ့် အခြေအနေ မဟုတ်ဘဲ အကျဉ်းသားတွေကိုပါ ပေါ်တာတွေအဖြစ် ခေါ်ဆောင်လာတာကို တွေ့ရကြောင်း DKBA ဘက်ကလည်း ပြောပါတယ်။
“တပ်တိုးတယ်၊ အရင်တပ်တွေ ဖြုတ်ပြီးတော့ တပ်ပြန်ချိန်းတယ်။ အခုက စတက်နေပြီ။ ပြီးတော့ တောင်ကလေး ထောင်သားတွေနဲ့ မော်လမြိုင် ထောင်သားတွေကို ၀န်ထမ်းအဖြစ်နဲ့ သုံးဖို့၊ အယောက်ပေါင်း ရာနဲ့ချီပြီး ပါလာတယ်။ လက်ရှိ ရောက်နေပြီ။”
တိုက်ပွဲတွေကြောင့် ပြည်သူတွေ နစ်နာနေရတယ်၊ အိုးအိမ်တွေ စွန့်ခွာခဲ့ရတယ်၊ အတင်းအကျပ် လုပ်အားပေး ခိုင်းစေခံရတယ်၊ တိုက်ပွဲတွေကို မလိုလားဘဲ စစ်တိုက်နေရတာဟာ မြန်မာပြည်မှာ နိုင်ငံရေး ပြဿနာတွေကို သေချာ မဖြေရှင်းနိုင်တာကြောင့်လို့ DKBA က ပြောပါတယ်။ ဒီအတွက် ကမ္ဘာ့ကုလသမဂ္ဂက မြန်မာ့အရေးကို အလေးထား ဖြေရှင်းပေးသင့်တယ်လို့လည်း တောင်းဆိုသွားပါတယ်။
“ကျနော်တို့က မတိုက်ချင်ဘူး။ ကရင်အမျိုးသား အချင်းချင်းလည်း မတိုက်ချင်သလို မြန်မာနိုင်ငံမှာရှိတဲ့ တိုင်းရင်းသား အချင်းချင်းလည်း လူမျိုးရေး အဓိကရုဏ်း မဖြစ်စေချင်ဘူး။ ဖြစ်နိုင်မယ်ဆိုရင် အခုလက်ရှိ ကုလသမဂ္ဂ အနေနဲ့သော်လည်းကောင်း၊ လုံခြုံရေးကောင်စီ အနေနဲ့သော်လည်းကောင်း ကျနော်တို့ မြန်မာပြည်မှာ ဖြစ်နေတဲ့ စစ်ပွဲအတွက် အမြန်ဆုံး ငြိမ်းသွားအောင် ၀င်ရောက် ဖြေရှင်းပေးဖို့၊ အဲဒီလို တောင်းဆိုချင်တာ။”
ထိုင်း၊ မြန်မာ နယ်စပ် မဲဆောက်မြို့က ကုလသမဂ္ဂ ဒုက္ခသည်များ မဟာမင်းကြီးရုံးရှေ့မှာ လက်ပစ်ဗုံးတွေ ကိုင်ပြီး ဆန္ဒပြသူ နယ်ခြားစောင့်တပ်သား စောသံမဏိရဲ့ တောင်းဆိုချက်တွေထဲက တခုကတော့ သူ့ကို မြန်မာပြည် ပြန်မပို့ဘဲ နိုင်ငံတကာခုံရုံးကို တင်ပြီး အရေးယူပါလို့ ဆိုပါတယ်။ ထိုင်းအာဏာပိုင်တွေကတော့ ပြဿနာကို အေးဆေးစွာ ဖြေရှင်းနိုင်ခဲ့ပြီး အထိအခိုက် မရှိတာကြောင့် သူ့ကို သက်ညှာစွာ အရေးယူ ဆောင်ရွက်ပေးဖို့ မဲဆောက်မြို့ပိုင်ကလည်း ပြောခဲ့ပါတယ်။
ကုလသမဂ္ဂ ၀န်ထမ်းတွေကတော့ ဒီဖြစ်ရပ်ကြောင့် အတော်ထိတ်လန့်မှု ဖြစ်ခဲ့ပြီး စောသံမဏိရဲ့ လုပ်ရပ်ကို အံ့သြမှုတွေ ဖြစ်နေကြရပါတယ်။ စောသံမဏိရဲ့ တောင်းဆိုချက်တွေဟာ လက်ရှိ မြန်မာ့နိုင်ငံရေး ပြဿနာနဲ့ လိုအပ်ချက်တွေ ဖြစ်တာကြောင့် ကုလသမဂ္ဂက အလေးထား ဆောင်ရွက်ပေးဖို့ သင့်ပြီလို့လည်း မြန်မာ့ဒီမိုကရေစီ အင်အားစုတွေက မှတ်ချက်ပေး ပြောဆိုနေကြပါတယ်။
Find this article at:
http://www.voanews.com/burmese/news/dkba-bomber-protest-maesod-unhcr-112869379.html
Source Audio from http://www.bbc.co.uk/burmese
THANK YOU
GRANDFATHER TAR MIKE
Subscribe to:
Posts (Atom)
