မင်ဏီဆိုးတားပြည်နယ် စိန့်ပေါမြို့ အမှတ် 1620 Boys & Girls Clubs ခန်းမ၌ ကရင့်ရိုးရာ ဝါ ခေါင်လခြည်ဖြူဖွဲ့ပွဲတော်အား လာမည့် သြဂုတ်လ ၁ရက်၊၂၀၀၉၊ စနေနေ့တွင် ရိုးရာမပျက်ဆင် ယင်ကျင်းပကြမည်ဖြစ်ကြောင်း သတင်းရရှိပါသည်။
ကရင့်ရိုးရာဒုံးအကများ၊ ကရင်တေးသီချင်းများအပြင် ဘောလုံးပွဲများကိုလည်းယှဉ်ပြိုင်ကျင်းပ, ကြမည်ဖြစ်သဖြင့် စုစုပေါင်းဘောလုံးအသင်း(၅)သင်းထက်မနည်း ပါဝင်ယှဉ်ပြိုင်ကစားကြမည်ဟု သတင်းရရှိပါသည်။
အဆိုပါဘောလုံးအသင်းများအနက် Wasconsin မှဘောလုံးအားကစားဝါသနာရှင်များလည်း လာရောက်ပါဝင်ယှဉ်ပြိုင်ကစားကြမည်ဖြစ်ကြောင်း သိရှိရပါသည်။
သတင်းပေးပို့သူ ဖူ့ယောင်ဟဲ့
ကရင့်ရိုးရာ ဝါခေါင်လခြည်ဖြူဖွဲ့ပွဲဘိတ်စာ ခြည်ဖြူမှာတမ်း
မိုးကြီးလေကြမ်း ကလူစယ်
ငွေလှိုင်းနဒီ ဆိုးနွဲ့ဟန်ထည်
ထစ်ခြုဉ်းကာလျှပ်လက် သွန်းဖြိုး
ညှာတာမဲ့ လဝါခေါင်မိုး။
လမြတ်ဝါခေါင် ရေဖေါင်ဖေါင်
ဒို့ရိုးရာပွဲ မျိုးဂုဏ်ဆောင်
ခြည်ဖြူနှောင်ဖွဲ့ ယုံကြည်ချက်
ကြားစကား နားမယောင်နဲ့။
သစ်,ဝါးခေါင်းက မျိုးကရင်
မှားတာမြင်ရင် အမှန်ပြင်လော့
နတ်ပန်းညိုလို ရောက်လေရာ
ရှင်သန်ခြင်း ဂုဏ်ကိုဆောင်ပါ။
ထမင်းဆုပ်ကို စံနမူ
မခွဲခြားနဲ့ သူ့လူကိုယ့်လူ
မိမျိုးဖနွယ် မခွဲခြား
တအူတုံဆင်း ညီနောင်ဘွါး။
ကိုးနဒီ ဒို့တိုင်းလှဘို့
ကိုးသွယ်နေခြည် လံတော်လွှင့်စို့
လက်ချင်းယှက်သစ္စာတိုင်တည်
ညီညွတ်မှုနဲ့ အောင်ပွဲဆင်မည်။
စအိုင်ခန့်
၈-၀၁-၂၀၀၉ ခြည်ဖြူဖွဲ့ မင်္ဂလာပွဲသို့
0 comments:
Post a Comment