တံခါးတချပ်ကို လှပ်ကြည့်စဉ် အပိုင်း(၄)
(မင်းစိုးစံ)
ကျုပ်ပတ်ဝန်းကျင်က
အရင်တုန်းက အချို့တွေခမျာ
ထားနေကြတဲ့သဘောထား……..
နိုင်ငံရေးအကြောင်းလား
နားညီးတယ်ဗျာ
လာလာမပြောနဲ့။
လူမှုရေးအကြောင်းလား
သွားပြောဝေးဝေး
အချိန်မပေးနိုင်ဘူး။
အမျိုးသားရေးအကြောင်းလား
သွားစမ်းပါဗျာ
ခေါင်းစားနေတယ်။
ယဉ်ကျေးမှုအကြောင်းလား
တောမှာသွားပြော
အရုဏ်ကြောနောက်တယ်။
ကျုပ်ပတ်ဝန်းကျင်က
အရင်တုန်းက အချို့ခမျာတွေ
အသက်မွေးဝမ်းကျောင်းနေကြပုံများ…….
လူကုန်ကူးတယ်။
မူးယဇ်ဆေးရောင်းတယ်။
နောက်ဆုံးအဆင့်
“ရှစ်လေးလုံးကျောင်းသား”အယောင်ဆောင်ပြီး
“ယူအင်န်”(UN) အောင်အောင်လုပ်ကြတယ်။
ငွေရဘို့ဆို
ပရိုဂျက်(Project)တင်မယ်
ထင်ချင်သလိုထင်
ပြောချင်သလိုပြော။
နိုင်ငံရေးလား ဟောပြမယ်
အမျိုးသားရေးလား ပြောပြမယ်
လူမှုရေးလား မျှောပြမယ်
ယဉ်ကျေးမှုလား ရောပြမယ်။
ခုကျတော့လည်း
ခေါင်းမော့ရင်ကော့ရင်းနဲ့
လက်နှစ်ဘက်ကိုနောက်ပြန်ပစ်
ရပ်ရှစ်ခွင်သည်တကြောကို
အနှစ်မရှိတဲ့တောလို့မြင်ပြီး
ကြက်ဆူပင်တွေဖြစ်ချင်တိုင်းဖြစ်နေပေါ့။
တကယ်ထဲနော်
ဘော်ချက်တဲ့ငကြောင်တွေ
လက်ကြောမတင်းခဲ့လေတော့
“အသင်း”မဖွဲ့ရ,ရင်
“အပင်း”အထည့်ခံလိုက်ရသလို
“ရင်းကိုက်”နေကြပြီထင်ပါ့။
မင်းစိုးစံ
အဝေးရောက် ကရင်ဒုက္ခသည်တဦး
0 comments:
Post a Comment