Photo by www.kaungkin.blogspot.comဆောင်းတွင်းအိပ်မက်
(မင်းစိုးစံ)
“အခုတလော ဗုံးတွေတော်တော်ကွဲနေတယ်ဗျ။”
“ဘယ်နေရာတွေမှာ ကွဲတာလဲ? အေးဗျာ ကျုပ်က အလုပ်နဲ့အိမ် အိမ်နဲ့အလုပ်ဆိုတော့။”
“တော်လှန်ရေး နယ်မြေတွေမှာပေါ့ဗျ၊ အထူးသဖြင့် နယ်စပ်တွေမှာပေါ့။”
“ဟုတ်လား? ဘာကြောင့် ဒီလိုဖြစ်နေတာလဲမသိဘူး?”
“ဗမာစစ်အုပ်စု ရွေးကောက်ပွဲလုပ်မယ်မဟုတ်လား? သဘာဝဘေးအန္တရာယ်ဆိုးတွေလည်း မရှိဘူး လေဗျာ။”
“ဟာ… မဆိုင်တာက စ,ပြောပြန်ပြီ။ ဗုံးပေါက်တဲ့ကိစ္စနဲ့ ရွေးကောက်ပွဲကိစ္စ သဘာဝဘေးအန္တရာယ်တွေ ခင်ဗျားဟာက အဆက်အစပ်ကိုမရှိဘူး။”
“ရန်ကုန်မြို့လည်တွေမှာ ဗုံးပေါက်ရင် ကမ္ဘာကို ညာလို့မရဘူး၊ နယ်စပ်မှာပေါက်တော့ လိန်ရညာရတာ ပိုအဆင်ပြေတယ်လေ။”
“အိုးဟိုး….ခင်ဗျားဟာက မဟုတ်သေးပါဘူး၊ နယ်စပ်ဗုံးကွဲတာနဲ့ ကမ္ဘာကို လိန်တာနဲ့ ပိုလို့တောင်မ ဆိုင်သေး။”
“သေသေခြာခြာနားထောင်၊ ပြီးရင်စဉ်းစား၊ စဉ်းစားပြီးအသေအခြာပြန်တွေး၊ ပြီးမှ ယုံ။ ကျုပ်ပြောပြ မယ်၊ နာဂစ်မုန်တိုင်းဖြစ်နေတာတောင် လူထုဆန္ဒခံယူပွဲလုပ်နိုင်ခဲ့သေးတာပဲ အခုကျတော့ရွေးကောက် ပွဲ မလုပ်ဖြစ်ရင် အရှက်ရ,မှာစိုးနေတာဗျို့၊ အဲဒီတော့ ဗုံးတွေလိုက်ပြီးခွဲပြနေတာ။”
“ရှေ့ဆက်ပြီး ဗုံးပေါက်တာတွေများလာလိမ့်မယ်၊ ဒီထက်ပိုပြီးစိပ်လာလိမ့်မယ်၊ ဒီထက်အတွင်းပိုင်းကျ တဲ့ဒေသတွေအထိ ပြင်းအားကောင်းတဲ့ဗုံးတွေခွဲပြမယ် ပြီးတာနဲ့ ဗုံးရန်ကိုကြောက်လို့ ရွေးကောက်ပွဲကို ရွှေ့ဆိုင်းမယ်။ ပြည်သူ့လွတ်မြောက်ရေးအတွက် တော်လှန်နေကြတဲ့အဖွဲ့အစည်းတွေလည်း နာမည် ဖျက်ရာလည်းရောက် သူတို့လည်းဆက်အုပ်ချုပ်လို့ရ ခင်ဗျားက ကျုပ်ပြောတာကိုလက်မခံဘူး၊မဆလ ဘက် လိုက်ပြီး ပြောပြောနေတယ် မထူးပါဘူး၊ ကြာတယ် အခုကျုပ်လက်ထဲက ဗုံးကို စနက်တန်ဆွဲ ဖြုတ်လိုက်မယ်၊ ကဲကွာ…”
“ဟေ့လူ….. မလုပ်နဲ့….. မလုပ်နဲ့……. မလုပ်နဲ့”
“သားတို့အဖေ ဘာတွေထ,အော်နေတာလည်း ဒီမှာ အိမ်စာတွေလုပ်နေတာ လန့်လိုက်တာနော်။”
“ဘာမှမဟုတ်ပါဘူးကွာ လူနာတယောက်နဲ့စကားပြောခဲ့တာကို ပြန်ပြီးတော့အိပ်မက်မက်နေတာပါ တ လက်စ,တည်း ဟို သောက်ရေ တခွက်လောက်ခပ်ပေးပါကွယ်”
မင်းစိုးစံ
အဝေးရောက် ကရင်ဒုက္ခသည်တဦး
0 comments:
Post a Comment