လူအုပ်ကွဲသွားခဲ့သူ ၃၉ ဦး ပြန်လည်ပေါင်းစည်းပေးခဲ့ရ

ရွှေတိဂုံစေတီတော်သို့ အဖိတ်နေ့နှင့် တန်ဆောင်တိုင် လပြည့်နေ့များတွင် ဘုရားဖူးဧည့်သည်ပေါင်း ၅၀၀၀၀၀ ကျော်လာ ရောက်ဖူးမြော်ခဲ့ပြီး အုပ်စုကလွူဲသွားခဲ့သူ ၃၉ ဦးကိုလည်း ပြန်လည်ပေါင်းစည်း၍ ကူညီပေးခဲ့ရကြောင်း ဂေါပကအဖွဲ့မှ ပြောကြားခဲ့သည်။

တန်ဆောင်တိုင်ပွဲတော် ကာလတွင် ရွှေတိဂုံစေတီတော်သို့ အများအပြားလာရောက်ခဲ့သဖြင့် အခြားဒေသမှ ဘုရားဖူးဧည့်သည်များမှာ လူအုပ်ုစကွဲသွားခြင်း၊ လမ်းပျောက်ခြင်းများ အများအပြားဖြစ်ပေါ်ခဲ့ပြီး ဒဏ်ရာ အနည်းငယ်ရရှိသူများကို ဆေးကုသပေးခဲ့ကြောင်း သိရှိရသည်။

"ဘုရားကို ပွဲတော်ကာလအတွင်း မှာ လာရောက် လည်ပတ်လေ့လာတဲ့ ပြည်တွင်းပြည်ပဧည့်သည်တွေ စုစုပေါင်း ၅၀၀၀၀၀ ကျော် လာရောက်ခဲ့ကြပါတယ်။ လူအရမ်းများတဲ့ အတွက် တခြားဒေသက လာရောက် လေ့လာတဲ့ ဘုရားဖူးအဖွဲ့တွေက အများဆုံးလူစုကွဲပြီး လမ်းပျောက်တာတွေ ဖြစ်ခဲ့တယ်။ ဒီပွဲတော်ကာလမှာ အဲဒီလိုဖြစ်ခဲ့တဲ့ ဦးရေ ၃၉ ဦးကို ပြန်လည်ပြီးတော့ တွေ့ရှိအောင် ဆောင်ရွက်ပေးခဲ့ပါတယ်။ အများအားဖြင့်တော့ ကလေးငယ် တွေပဲဖြစ်ပါတယ်။ ပြန်လည်ပေါင်းစည်းပေးဖို့ အချိန်အများဆုံးယူတဲ့ အချိန်ကလည်း ငါးနာရီလောက် ကြာမြင့်ခဲ့တယ်။ တချို့ဆိုရင်လည်း ဘယ်သူ ဘယ်ဝါရောက်နေတယ်။ ဘယ်ဒေသကဖြစ်တယ်၊ ဘယ်လို အရွယ်၊ ဘယ်လိုအ၀တ်အစား ၀တ်ထားတယ်ဆိုတာကို ရွှေတိဂုံဘုရား ပရိဝုဏ်တစ်ခုလုံးမှာ တပ်ဆင်ထားတဲ့ အသံချဲ့စက်တွေကနေ တစ်ဆင့်ပြောလိုက်တာနဲ့ အချိန်ခဏလေး အတွင်းမှာ ပေါင်းစည်းမိခဲ့ပါတယ်။ အရင်နှစ်တွေကလို လမ်းပျောက် သွားတဲ့သူတွေကို သူတို့နေထိုင်ရာ ဒေသအထိတော့ လိုက်ပို့ရတဲ့သူ တစ်ဦးမှမရှိပါဘူး"ဟု ရွှေတိဂုံစေတီတော် လုံခြုံမီးသတ်ဌာနမှဌာနမှူး ဦးထွန်းအောင်ငွေက ပြောကြားခဲ့ ပါသည်။

တန်ဆောင်တိုင် ပွဲတော်ကာလအတွင်း ဘုရားဖူးဧည့်သည်များ အဆင်ပြေရန်အတွက် သန့်စင်ခန်းပေါင်း အလုံး ၈၀ ကို ယာယီတည်ဆောက်ပေးခဲ့ပြီး တိုင်းရင်းဆေး ကုသဆောင်နှင့် အနောက်တိုင်း ဆေးကုသဆောင်ကို ၂၄ နာရီဖွင့် လှစ်ပေးခဲ့ကြောင်း သိရှိရသည်။

ထို့အတူ ဗုဒ္ဓ၀င်ပြခန်းကိုလည်း ပွဲတော်ကာလအတွင်း၌ ညပိုင်းများတွင်လည်း တိုးချဲ့ဖွင့်လှစ်ပေးခဲ့ကြောင်း သိရှိရသည်။