ဒေါ်အောင်ဆန်းစုကြည် လွတ်ပြီ

(Photo: AFP)
၂၀၁၀ ခုနှစ် နိုဝင်ဘာလ ၁၃ ရက်နေ့ ညနေက ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်လာပြီးနောက် စောင့်မျှော်ကြိုဆိုနေသူများကို နေအိမ်ခြံတံခါးမှ နှုတ်ဆက်နေစဉ်။
ဒေါ်အောင်ဆန်းစုကြည် လွတ်ပြီ

2010-11-13

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ဒီကနေ့ ညနေ ၅ နာရီ ၁၅ မိနစ်က နေအိမ်အကျယ်ချုပ်ကနေ ပြန်လွတ်လာပါပြီ။ လွတ်ပြီးတဲ့နောက် ဒေါ်အောင်ဆန်းစုကြည်က ခြံရှေ့ထွက်ပြီး လူထုကြီးကို နှုတ်ဆက်စကား ပြောပါတယ်။ အဲဒီလို ပြည်သူလူထုကို နှုတ်ဆက်စကား ပြောဆိုရာမှာ မိမိတို့အားလုံး ရှေ့ဆက်ပြီး ညီညီညွတ်ညွတ်နဲ့ လက်တွဲ ဆောင်ရွက်ကြရမယ်လို့ ပြောဆိုခဲ့ပါတယ်။

လူထုက ပန်းစည်းတွေ ပေးလိုက်တဲ့အခါမှာ ပန်းတပွင့်ကို ခေါင်းမှာ ပန်လိုက်ပါတယ်လို့ ခြံရှေ့ မှာ သွားရောက်ကြိုဆိုနေတဲ့ ၈၈ မျိုးဆက် ကျောင်းသားတဦးက ပြောပါတယ်။

ဒေါ်အောင်ဆန်းစုကြည် ခြံရှေ့ စကားပြောနေချိန်မှာ NLD ခေါင်းဆောင်တွေနဲ့ လူငယ်တွေ ဝန်းရံ ထားကြသလို လူအုပ်ကြီးကလည်း ဝမ်းပန်းတသာနဲ့ အထူး ပျော်ရွှင်နေကြတယ်လို့ သိရပါတယ်။

မနက်ဖြန် နေ့လည် (၁၂) နာရီမှာ ရန်ကုန်တိုင်း ဗဟန်းမြို့နယ် ရွှေဂုံတိုင်က NLD ရုံးချုပ်ရှေ့မှာ ပရိသတ်ကို မိန့်ခွန်း ပြောမယ်လို့ သိရပါတယ်။ ဒီကနေ့ ညနေ လွတ်ပြီးချိန်မှာ ဘန်ကောက်မြို့မှာ ပြည်ဝင်ခွင့်ဗီဇာ စောင့်နေတဲ့ သားဖြစ်သူ ကိုထိန်လင်း ခေါ် ကင်မ်အဲရစ်နဲ့ စကားပြောလိုက်ရပါတယ်။ ဒါပေမယ့် သား ကိုထိန်လင်းကိုတော့ စစ်အစိုးရက ခုချိန်အထိ ပြည်ဝင်ခွင့်ဗီဇာ ထုတ်မပေးသေးဘူးလို့ သိရပါတယ်။

ဒေါ်အောင်ဆန်းစုကြည် လွတ်မြောက်လာမှာကို ကြိုဆိုမယ့် လူထောင်ပေါင်းများစွာဟာ မနေ့ကလည်း စောင့်မျှော်နေကြသလို၊ ဒီကနေ့မှာတော့ လူအင်အား ပိုများလာပြီး NLD ပါတီရုံးချုပ်ရှေ့မှာရော ဒေါ်အောင်ဆန်းစုကြည်ရဲ့ နေအိမ်အနီးမှာပါ စုရုံး စောင့်ဆိုင်းနေခဲ့ကြတာပါ။

ဒေါ်အောင်ဆန်းစုကြည် ပြန်လည် လွတ်မြောက်လာတဲ့အတွက် အရင်ဦးဆုံး ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး မစ္စစ် နာဗီပီလေးက ကြေညာချက်ထုတ်ပြီး ကြိုဆိုလိုက်ပါတယ်။

ဒေါ်အောင်ဆန်းစုကြည်ရဲ့ ပထမဦးဆုံး ပြောစကား
2010-11-13
ဒေါ်အောင်ဆန်းစုကြည်ဟာ ဒီကနေ့ နေအိမ်အကျယ်ချုပ်က လွတ်မြောက် လာလာချင်းပဲ ခြံဝမှာ စောင့်နေတဲ့ ပရိသတ် ထောင်ပေါင်းများစွာကို ကျေးဇူးတင်စကား ပြောကြားရင်း ညီညွတ်ရေးနဲ့ အားလုံး ပူးပေါင်းဆောင်ရွက်ရေး စကားတွေကို ပြောကြားခဲ့ပါတယ်။

၂၀၁၀ ခုနှစ် နိုဝင်ဘာလ ၁၃ ရက်နေ့ ညနေက ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်လာပြီးနောက် ကြိုဆိုနေသူများကို နေအိမ်ခြံတံခါးမှ လက်ဝှေ့ရမ်း နှုတ်ဆက်နေစဉ်။
(Photo: AFP)
အာအက်ဖ်အေက ဒေါ်အောင်ဆန်းစုကြည်ရဲ့ ပြောစကားတချို့ကို မူရင်းအတိုင်း ကောက်နှုတ် တင်ပြလိုက်ပါတယ်။

“အဲဒီတော့ အခု ဒီအချိန်မှာ ပြောချင်တာက အသံဆိုတာ ထွက်ရမယ့် အချိန်ရှိတယ်၊ မထွက်ရမယ့် အချိန်ရှိတယ်။ အခုအချိန်မှာ နည်းနည်းလေး မထွက်ဘဲ နေရင် ပြောတာကို ကြားရတာပေါ့။ ထွက်ရမယ့် အချိန်ကျမှ တိတ်တိတ်လေး မနေကြနဲ့နော်။

(လူထုအသံ- မနေပါဘူး၊ စိတ်ချပါ)

အဲဒီတော့ အခု ဒီလို လာပြီးတော့ အားပေးတဲ့အတွက် အများကြီး ကျေးဇူးတင်တယ်။ အနောက်က လူတွေ မကြားရလို့ရှိရင်လည်း နောက်ကျရင် အရှေ့က လူတွေက ပြန်ပြောအုံးမှာပေါ့ နော်။ အဲဒီလို တယောက်နဲ့ တယောက် မျှတတဲ့စိတ် ထားကြမှပေါ့။ အဲဒီတော့ အရှေ့ကလူတွေကလည်း အနောက်ကလူတွေကို ငဲ့ပြီးတော့ တိတ်တိတ်နေမယ်။ အမယ်လေး၊ စစချင်း တခါတည်းကို နိုင်ငံရေး သင်ခန်းစာ ပေးနေရတာပဲ”

(ရယ်မောသံ၊ လက်ခုပ်သံများ)




Copyright © 1998-2010 Radio Free Asia. All rights reserved.