Missino Impossible IV ဇာတ်ကားအတွက် ရုပ်ရှင်မင်းသား တွမ်ခရုစ် ကမ္ဘာ့အမြင့်ဆုံး မိုးမျှော်အဆောက်အုံ ထိပ်ဖျားတွင် ကိုယ်တိုင် စတန့်လုပ်
Mission Impossible IV ဇာတ်ကားအတွက် ရုပ်ရှင်မင်းသား တွမ်ခရုစ်သည် ကမ္ဘာ့အမြင့်ဆုံး မိုးမျှော် အဆောက်အအုံ ဖြစ်သော ယူအေအီးနိုင်ငံ၊ ဒူဘိုင်းရှိ ဘာ့ဂ်ျခါလီဖာတာဝါထိပ်ဖျားသို့တက်ပြီး ကိုယ်တိုင်စတန့်လုပ် သရုပ်ဆောင်ခဲ့ကြောင်း သိရသည်။
၂၇၁၇ ပေမြင့်ပြီး အထပ် ၁၂၄ ထပ်ရှိ ဘာ့ဂ်ျခါလီဖာ အဆောက်အအုံထိပ်ဖျားတွင် ရှိသော မျှော်စင်ထိပ်ဖျားပေါ်တွင် တက်ပြီး သရုပ်ဆောင်မှုကို နိုဝင်ဘာလ ၁၉ ရက်နေ့က ဆောင်ရွက်ခဲ့ခြင်း ဖြစ်သည်။ ပြီးခဲ့သည့် အပတ်က သတင်းစာ ရှင်းလင်းပွဲတွင် ခရုစ်က ဘာ့ဂ်ျခါလီဖာ အဆောက်အအုံတွင် ရက်ပေါင်းများစွာ အချိန်ကုန်ဆုံးခဲ့ပြီး ဖြစ်ကြောင်း၊ အဆောက်အအုံထိပ်ဖျားတွင် သရုပ်ဆောင်မည် ဆိုခြင်းကိုမူ ပြောနိုင်ကြောင်း ပြောကြားခဲ့သည်။ ခရုစ်၏ ပြောခွင့်ရ အမျိုးသမီးက'' တွမ်က ဒီစတန့်အတွက် အချိန်ယူပြီး ပြင်ဆင်ခဲ့ရတာပါ။ သူကိုယ်တိုင် စတန့်လုပ်မယ် ဆိုရင် သူ့ရဲ့ဇာတ်ကောင်စရိုက်ကို ပရိသတ်က ပိုပြီး ယုံယုံကြည်ကြည် ရှိလိမ့်မယ်လို့ သူ ယူဆထားတယ်''ဟု ပြောကြားခဲ့သည်။ ခရုစ်သည် Mission Impossible ဇာတ်ကားတွင် ပါဝင်မည့် အဖွဲ့သား ၇၅ ဦးနှင့်အတူ ဒူဘိုင်းသို့ သွားရောက်ခဲ့ခြင်း ဖြစ်ပြီး ဗြိတိန် သရုပ်ဆောင် ဆိုင်မွန်ပက်ဂ်၊ ဂျရီမီးရန်နာ တို့လည်း ပါဝင်ခဲ့သည်။ ဇနီးဖြစ်သူ ကေတီဟုမ်းမှာမူ အမေရိကန်တွင် သမီးငယ် ဆူရီနှင့်အတူ ကျန်ရစ်ခဲ့ပြီး Jack and Jill ဇာတ်ကား ရိုက်ကူးနေသည်။
0 comments:
Post a Comment