ဖုန်း ကုတ် ပြောင်းပြီ

CDMA 800 MHz ဖုန်းများ 09 ကုတ်အဖြစ်

ပြောင်းပြီ

Net Guide Journal
Wednesday, 23 February 2011

မြန်မာ့ဆက်သွယ်ရေးမှ ချထားပေးခဲ့သည့် ငွေကျပ် ၅ သိန်းတန် CDMA 800 MHz လိုင်းဆွဲအားသုံး
ဖုန်းများကို ဖေဖော်ဝါရီ ၂၀ရက်နေ့မှစတင်ကာ Mobile Phone Codeအဖြစ် 09သို့ ပြောင်းလဲလိုက်ပြီ ဖြစ်ကြောင်း သိရသည်။
သို့အတွက် ယခင်ဧရိယာကုတ်အဖြစ် ၀၁ကိုသာ အသုံးပြုခဲ့သော CDMA 800 MHzသုံးဖုန်းများအားလုံး ၀၉ ကုတ်အဖြစ် ပြောင်းလဲသွားပြီဖြစ်ကြောင်း သိရသည်။

အဆိုပါ CDMA 800 MHz ဖုန်းများကို မြန်မာ့ဆက်သွယ်ရေးလုပ်ငန်းမှ ၀၁ ကုတ်မှ ၀၉ကုတ်အဖြစ် ဖေဖော်ဝါရီလ ၁၅ ရက်နေ့တွင် ပြောင်းလဲမည်ဟု သတင်း များထွက်ပေါ်ခဲ့သည်။ သို့သော် တကယ်ပြောင်းလဲ သည့်ရက်မှာ ဖေဖော်ဝါရီ ၂၀ ရက်မှသာ ၀၉အဖြစ် ပြောင်းလဲခဲ့ခြင်း ဖြစ်ကြောင်း CDMA 800 MHz ဖုန်း
များ ကိုင်ဆောင်လျက်ရှိသူများထံမှ စုံစမ်းသိရှိရသည်။

“သတင်းတွေထဲမှာတော့ ဖေဖော်ဝါရီ ၁၅ရက်နေ့ ပြောင်းမယ်ဆိုတဲ့ သတင်းတွေကြားပါတယ်။
၁၅ ရက်နေ့ရောက်တော့ တကယ်ပြောင်းလားလို့ စမ်းပြီးတောင်ခေါ်ကြည့်နေမိသေးတယ်။
နောက် မပြောင်းတော့မှ နောက်ပိုင်းတော့ ပြောင်းမှာပေါ့လေဆိုပြီး နေလိုက်တာ။ ဒီနေ့ ဖေဖော်ဝါရီ ၂၀ ရက် နေ့မှာ ရိုးရိုးကြိုးဖုန်းတွေကို ခေါ် မယ်ဆိုရင် 01 ကုတ်ခံပြီး မခေါ်ရင်မရတော့ဘူး။ နောက်မှ ၀၉ ပြောင်းသွား
လို့ 01 ရိုးရိုးဖုန်းတွေကို ခေါ်မရတော့မှန်းသိတာပါ ” ဟု လူ ငယ်တစ်ဦးက သူ့အဖြစ်အပျက်ကို ရှင်းပြခဲ့သည်။

ထိုကဲ့သို့ 09 ကုတ်အဖြစ် ပြောင်းလဲသွားပြီဖြစ်တာကြောင့် ယခင်နယ်မြေကျော်သုံးစွဲပါက ၀န်ဆောင်ခအဖြစ် ထပ်မံပေးဆောင်ရသော ငွေကျပ် ၁၀အား ထပ်မံပေးဆောင်စရာ မလိုတော့ဘဲ တစ်မိနစ်ကို ၅၀ကျပ်သာ ပေးဆောင်ရတော့မှာဖြစ်ကြောင်း သိရသည်။
“၀၉ ပြောင်းပြီဆိုတော့ အခု ရန်ကုန်ကဖုန်းပဲဖြစ်ဖြစ်၊ မန္တလေး က ဖုန်းပဲဖြစ်ဖြစ် နယ်မြေကျော်သွားရင်
အရင်လို တစ်မိနစ်ကို ၆၀ ပေးစရာမလိုတော့ပါဘူး။ CDMA 800 MHz ကွန်ရက်ရတဲ့ နေရာတိုင်းမှာ
တစ်မိနစ်ပြောခအဖြစ် ၅၀ပဲ ပေးဆောင်ရတော့မှာပါ” ဟု မြန်မာ့ဆက်သွယ်ရေးမှ တာဝန်ရှိသူတစ်ဦးက ရှင်းပြခဲ့သည်။

ယခုကဲ့သို့ ၀၉ကုတ်အဖြစ် ပြောင်းလဲလိုက်ပြီ ဖြစ်သည့်အတွက် ရန်ကုန်နှင့် မန္တလေးရှိ 800 MHzဖုန်းများမှာ ယခင်ထက် ပိုမိုတွင်ကျယ်လာနိုင်သလို လူကြိုက်များသောဖုန်းအဖြစ် ထင်ရှားလာမည်ဖြစ်ကြောင်း သတင်းရ ရှိသည်။

MSK
Net Guide Journal